أنت قدري💗

الحلقه الاولى💗

رواية /انت قدري 💗
للكاتبه/safo__o03

••
حلقه الاولى
..
حور تتوجع: حرام عليك ي ايوب للي دير فيه حرام💔
ايوب سكران: اسكتي ي فاس## اسكتي اعطيني الذهب قتلك اني وينه😡
حور: معاش تقطف قدام بنتك😭
ايوب:بتعطيني الذهب ولا توا نكسرك انتي وبنتك ي فرخ##
حور بقلة حيله: حسبيا الله فيك حسبيا الله فيك ناضت طلعت  صندوق الذهب من تحت سرير ومدتله سنسله
ايوب يجي يكر شنطه كلها ويدف حور ويطلع😕
لين جت تبكي حدا امها وحور تعنقتها وقعدت تهدي فيها 💔

خلي نعرفكم ع ابطالنا🔥
حور  م 99 تزوجت بعد كملت تالته ثانوي من واحد حشاش سكار (ايوب واحد مايعرفش ربي ديما دايخ وزارط وشادها ضرب ف حور لليل نهار قعدت عنده زي الفرض لازم يضربها هوا خاش هوا طالع 😔..
عندهم بنت اسمها لين عمرها 3 سنين ايوب اهله متوفين .. اما عن عيلة حور عندها اخت وولد ..البنت حنين .. والولد اسمه الحارث اكبرهم مهوش متزوج ) والباقي تتو تعرفو عليهن ف بداية القصه ..

في مكان تاني ..

ميرال؛ ي عبدو خيرك هكي انت😔
عبدالله: اني قتلك متطلعيش للعرس وله بس انتي تعاندي😡
ميرال: باه حاضر ي حبي حاضر والله مش ح نمشي غير متتكنطاش😢
عبدالله: به صكري لان قلبتي مزاجي
ميرال بكسرة خاطر: حبي اسسف
مكملتش كلمتها ويصكر عليها بينها وبين نفسها خيره صكر عليا 💔 اكيده تم رصيده .. ناضت غسلت وجها وطلعت لبنات بتقلهم ان مش ماشيه للعرس..

(نعرفكم ع ميرال .. بنت وحده تقرا تالته ثانوي بوها اسمه عمر وامها فتحيه.. وعندها اتنين خوت ادم مسافر هادا متقرب من ميرال وجوه مليح واللي بعده محمد هادا م2000 جوه سمح بكل وديما يتعارك مع ميرال بس مايرضى فيها شي 😂❤️..
عندها عم وعمه  /
عمها الكبير جابر  مرته سعاد..
عنده بنتين وولدين ..
وحده متزوجه وعايشه برا ..
تانيه رانيا صاحبة ميرال راس
والولد عماد اكبر من رانيا موليد محمد
وتاني جهاد دكتور نساء كاين متزوج ومرته توفت وهيا تجيب ف ولده  عمره 5سنين اسمه يزن ومن بعد ماتت مرته معاش فكر ف زواج  ..
—-
عمتها ليلى جوها مليح مع بنات خوها وبناتها راجلها متوفي عايشه بحدا خوتها ف نفس الشارع عندها تلات ولاد وبنت  ...
الكبير سلمان متزوج وعايش ف مصر
اللي بعده ابراهيم هادا مش مزبوط🙂
والاخير عبدالله هادا حبيب ميرال متخرج من الاقتصاد ويخدم ف شركه .. والبنت فاطمه موليد2002 صاحبة ميرال ورانياا.. والتفاصيل تعرفوهم بعدين..

•••
ميرال: ي بنات مش ماشيا اني
رانيا: خير امك🙂
ميرال: عبدو قال لا😭
فاطمه: وانتي تسمعي ف كلامه خوي زي لكلبه
رانيا: انتي حماره ولا تستحمري شدخله ف عمك انتي وقت يجي يخطبك ولا يدير لقطه يتحكم بيك بس توا مليشي علاقه
ميرال: منقدرش ي بنات كان مسمعتش كلامه بهزبني
وفاطمه: تي لله العجب كلا خوي هادا
رانيا: خوك تافهه ومدايرلي فيها راجل بالله خلوني ساكته ونوضي درقي وجهك من حداي ي ميرال لان قريب انوض نعفجك طريحه😡
ميرال ناضت لجنان وخانقتها العبره
فاطمه: خيرك عليها البنت انتي🙂 حرام عليك
رانيا: نوضي حتى انتي لان نشبح فيك خوك اني راه شياطيني يتراقصن قدامي نوضي😡
فاطممه: مرضض 🙂
•••
ميرال مقعمزه ع درجيحه وتبكي 😢
عماد كيف خاش لحوشهم شاف ميرال تبكي استغرب 😕 مشي بحدا الدرجيحه
عماد:ميرال خيرك
ميرال نفجعت مسحت دموعها:شي شي بتخش ضبح عليها
عماد: ميرال لو صايرتلك حاجه وتبي مساعده تلقيني موجود
ميرال مبتش حتى تلتفتله خايفه من عبدالله يشوفها بعده ح يهزبها ويحمق اكثر (الصبر🙂) قتله شكرا وخشت داخل ..
عماد ب استغراب ويحكي بروحه زعمك نكلم محمد ولالا بالك شي خاص قعد يخترف بروحه لين طلع لشارع ونسي اصلا ليش خاش للحوش ركب سياره وقال زعمك تحب بعدين قال لالا مصح وجها شن تحب هدي بعدين فطن لروحه وقال اصلا اني شندخلني وولع سيارته ومشي خط واحد للولاد ..
••
جهاد: ي جهاد اليوم عندك توكه
ربيع: لالا عندي قوس 😂
جهاد: بايخه🙂
ربيع ميت ضحك : اي اي وانت بتروح ي بيوع🙂😂
جهاد: لالا احتمال نقعد معنديش خلوق نروح
ربيع: اول مره نشوف واحد ليبي زيك بجد تخدم بنيه واحد عنده راحه يفرط فيها هوا؟
جهاد؛ تحسابني زيك خاطري نعرف كيف اعطوك شهادة طب اني
ربيع؛ صقع عليك😎
جهاد: لالا قبلي 😒
ربيع: طلع دمك خفيف هههههه
جهاد: خلي نوض من حداك اني خيرلي 😒
••••
حور : ناضت للحمام تستفرغ وقريب روحها طلعت معاها ..
لين قعدت تبكي بعد قعدت تشوف ف امها هكي
حور طلعت من الحمام وتعنقت ف بنتها وقعدت تهدي فيها وخافت للي ف بالها يطلع صح لان ليها اكثر من يوم وضعها بلهون وطلعت منها دعوه ياربي يطلع شكي غلط💔 ( متحسابش ان ممكن الشي لي بصير يغير حياتها للافضل!🔥) ناضت غيرت دبشها ودارت حاجه هيا وبنتها ياكلوها..
•••
يتبع 🖤

هادي مجرد مقدمه اعطوني رايكم ونكمل او لا🔥

اسم الكاتبه/safo__o03🖤