تشرق شمس الصباح لتعلن ابتداء اليوم الجديد لكن بطلتنا قد ابتدأت يومها منذ صلاة الفجر فجلست تقرأ وردها اليومى من القرآن الكريم بعدما صلت الفجر..
كنزى: صدق الله العظيم.
قامت كنزى من موضعها وذهبت إلى الحمام الملحق بالغرفة الكبيرة التى تنام فيها لتأخذ حماما منعشا
فهم فى بداية الربيع...
خرجت كنزى من الحمام وذهبت لترتدى ملابس الرياضة الخاصة بها فهى معتادة على فعل ذلك يومياً
ارتدت ملابس مكونة من ترنج أسود رياضى وبه خطوط خضراء ورفعت شعرها لأعلى بطريقة عشوائية على شكل كحكة فتساقطت منها بعض الخصلات على وجهها لتعطيها مظهراً جذاباً....ووضعت سماعة الأذن خاصتها ونزلت إلى الأسفل..
(كنزى عمر:24عام تدرس طب تخصص أطفال..تحب الأطفال جداً..لها شخصية حنونة وحساسة لكن ليست مفرطة فى الحساسية ومرحة جداً ... مجتهدة فى دراستها وعملها.. تملك شركة تديرها منذ السادسة عشر من عمرها..تحب الرسم فهو هوايتها المفضلة...لها عيون بنية كالقهوة وتتحول إلى عسلية أحياناً ورمادية أحياناً أخرى..ولها شعر بندقى لكنها تستره عن عيون الناس بحجابها الجميل الذى يسمى خمار...)
نزلت كنزى على درج منزلها فهى تقطن فى فيلا واسعة
كالقصر..
كنزى بمرح: أتوووتة..ياتوووتة
تمادر (توتة): نعم ياكنزى هانم
كنزى:أنا مش قولت بلاش هانم دى؟ شايفانى عجزت؟
توتة:العين متعلاش عن الحاجب برضو يا كنزى هانم
كنزى بمرح: برضو هتقولى عين وحاجب افرضى واحد
معندوش حواجب..هتقولى عين ومش حواجب؟مثلا
توتة:هههههههه 😂 انتى الكل في الكل يا كوكو
كنزى:أيوة كدة... المهم هواّ انتى كنتى نايمة؟
توتة:معلش اصل أنا نمت ومحستش بنفسى ومعملتش إفطار أصل امبارح تعبت في الشغل..
كنزى:خلاص نامى انتى وأنا هعمل فطار ليا وليكى
توتة:ماشى يا كوكو... صحيح أنا كنت أقولك... يعنى...
كنزى: قولى متتكسفيش..
توتة: أنا عازماكى الأسبوع الجاى على خطوبتى
كنزى: لولولولولولى ألف ألف مبروك... ثم قالت بمرح:معلش هيا دى زغروطتى..بعد كدة هتعلم ازاى أزغرط علشان خاطرك يا جميل.
توتة:ههههههه....
كنزى:أنا طبعا هحضر..... وبعدين تعالى هنا ازاى متقوليش من بدرى لازم تروحى بيتكم النهاردة علشان تلحقى تجهزى مفهوم؟
توتة:بس اا.... فقاطعتها كنزى قائلة
:مبسش ولا حاجة جهزى نفسك عقبال ما أرجع من الكلية والشركة وأنا هأروحك بنفسى وبالمرة أعرف بيتكم علشان أبقى أحضر الخطوبة..
توتة:ماشى يا كوكو
كنزى: آى وبعدين معنتيش تيجى هنا عشان لازم تجهزى نفسك للفرح
توتة: بس مين هيشتغل فى البيت يا كوكو؟
كنزى:فى هنا نرمين غيرك
توتة:بس دى فى أجازة الوقتى وهيا مش هتقدر تتحمل الشغل ده كله لوحدها
كنزى: متشغليش بالك انتى يا توتة
توتة: هتوحشينى يا كوكو
كنزىوهى تحتضنها:وانتى هتوحشينى أكتر يا توتة...
«توتة أكبر من كنزى بسنتين..مساعدة لكنزى فى الفيلا (خادمة)»
كنزى بمرح:الوقت أخدنا ومتدربتش ولا عملت التمارين الصباحية بتاعتي..هروح أتدرب للدكتور فى المحاضرة بقى يلا
توتة:هههههههه 😂
كنزى:أنا هروح أجهز الفطار وانتى رتبى هدومك بسرعة عشان احنا هننزل النهاردة نجيب كل اللى ناقصِك
توتة:ربنا يحفظك يا كوكو
كنزى:أهم حاجه الدعوة دى..... يلا بقى
حضرت كنزى الافطار وارتدت ملابسها للذهاب إلى الكلية التى تكونت من.. فستان فضفاض باللون الازرق وخمار مفتوح (لف)باللون الأبيض ونزلت إلى الأسفل لتجد أن توتة قد استعدت للذهاب مع كنزى
أوصلت كنزى توتة إلى المول وأخبرتها أن تتصل عليها فور إنتهائها من الشراء.. وذهبت كنزى فى طريقها إلى الجامعة.... فى الطريق هناك أحد ما صدم سيارة كنزى بسيارته
نزل الرجل من سيارته بغضب وهو يقول بوقاحة:إيه؟حضرتك مبتعرفيش تسوقى؟
نزات كنزى من السيارة هى الأخرى وقالت بغضب: بدل ما تتأسف لأنك انت اللي خبطت فى عربيتى من ورا جاى تقل ذوقك وتزعقلى..وبعدين أنا بعرف أسوق أحسن منك.... ثم تركته وذهبت
كنزى وهى تحدث نفسها: ما هوا يوم باين من أوله أصلا..
ذهبت كنزى إلى الجامعة وهى تحدث نفسها
كنزى بمرح:أنا مش عارفة يعنى كورونا هينتشر فى الاسبوعين اللى هما ادوهم لينا أجازة ولا إيه؟
كلية طب فقرى ربنا ما يوعد حد بيها ههههه وقال إيه كل أب وأم فى مصر عاوزين عيالهم يطلعو دكاترة... احنا كدة كدة بديل للأطباء اللى ماتو بكورونا ولا يزال هنك الكثير ههههههه.... شهقت كنزى بقوة ثم قالت: ياختااااى نسيت الكمامة والكحول والجوانت طيب أعمل ايه؟..... أنا هروح أشحت م البت رؤى ويارب يكون معاها دخلت كنزى المدرج وهى تنظر للفتيات علها تجد صديقتها رؤى...
كنزى:البت دى راحت فين؟..دى لو مجتش هموتها... يارب ألاقيها أنا كدة هيجيلى كورونا..... شهقت كنزى بشدة ثم قالت بطريقة مضحكة : بسم الله الرحمن الرحيم.... اخرج يا شيطان اخرج يا شيطان التفتت خلفها لتجد رؤى تضحك خلفها بشدة .. فرؤى وجدتها تتحدث مع نفسها فوكزتها (ضربتها)بقوة فقالت كنزى هذا الكلام
كنزى بمرح وغضب: بت انتى قدها
رؤى: ههههههه أيوة بنات mbc3 قدها وقدود
كنزى بمرح:ههههههه طيب عقابك تجيبيلى كمامة وكحول وجوانت
رؤى: ومن امتا بتجيبيهم اصلا..دا انا بدأت اعمل حسابي فى اتنين من كل حاجة بسببك
كنزى بمرح وصوت قبيح: ومن امتااااا ما بينا خلاف انا وانتاااا..... ههههههه هوا حمزة نمرة ممكن ياخدنى اغنيها معاه او ممكن يطلبونى بالإسم فى ذا ڤويس كيدز بسبب صوتى.. ده تحفة مش كدا يا ريرى؟
رؤى:معاكي بيرسول أو ايزالو؟
كنزى:لأ ليه؟
رؤى:انتى مش شوفتى الحشرات كلها اتلمت علينا بسبب صوتك ده؟
كنزى:عااا المحاضره بدأت الله يخربيتك اومال لو مش فى الترم التاني بقى
رؤى:يلا ياختى عشان نلحق مكان فى الاول
كنزى: فى الاول ليه؟ ده من اجتهادِك أنا عاوزة فى الاخر
رؤى:ليه؟
كنزى: عشان فى الآخر أكبر فاحنا هنشوف رِجل الدكتور هههههههه😂
رؤى: هههههههه مش مصدقاكى قولى الحقيقة
كنزى بمرح: لا مفر ولا مهرب ماشى أنا عاوزة أرجع ورا علشان أنا مفطرتش بسبب توتة كل شوية تقولى خلصي المحاضره هتبدأ قمت جبت 4 سندويتشات معايا عشان ناكلهم واحنا فى المحاضرة
(رؤى محمد: صديقة كنزى المقربة تعرفتا على بعضهما فى الثانوية .. لديها بشرة خمرية وعيون سمراء وشعر أسمر مع كنزى بنفس الكلية لها أخت فى الثامنة عشر تسمى (ديما:فى كلية طب) هن الثلاثة يرتدين الخمار المفتوح (لف))
انتهى الفصل أتمنى يعجبكم ولا تنسو تعملو لايك وشير وسبسكرايب ههههههههه 😂 أقصد تصويت ومتابعة
واكتبو رأيكو فى التعليقات علشان أعرف هاكمل ولا لأ
أنا مش هكتب الفصل التانى إلا لما أعرف رأيكو فى الفصل الأول... أنا لسة مكتبتش عن البطل بس هوا هيكون فى الفصل التانى ولسة فى شخصيات جديدة
