#الطيبة
#الــحـلـقــة_7
🔥آلـڪاٺبة:- ﺰهــرة علـي آلـمـقـرحــي🔥
احلام:عصاااااااام
عصام:خير انشاءالله
احلام:طلبتلك صاحبت اختك (مسره) اكيد عرفتها!!
عصام:كيف ومن قالك اني موافق😨
احلام:والله هدا الأنسب لك و كنت بنخبرك العرس مستعجلين عليه را!
عصام:بعصبيه.... و انا مش موافق و هدا كلامي النهائي..... وطلع!!
احلام:خيره هدا!
_________________________________
نور:قاعده ادير قهوه لي خوها... و فجأه تلفونهاا رن... الو!
عصام:بصوت حزين... نور💔!
نور:بلعت ريقها بصعوبه... ءءء عصام!
عصام:اي عصام
نور طول سكرت الخط وهي مصدومه من مكالمته وفجأه يجي رساله منه..... !!
عصام: والله كان مارديتي عليا مش ح يصير خير يا نور.... وبعدهااا رن مره تانيه
نور:كنك ترن... انا خلاص معش نبي مكالمتك يا عصام... سيبني في حالي
عصام:ببرود... نور اسمعي كلامي من الاول لي عند الاخير
نور:تفضل احكي!!
عصام:بحزن... نور انا نبي ننخطب بس والله اني قلتلهم اني نبي نخطبك.. و نور قطعت كلامه
نور: ومن قالك اني نبيك؟
عصام:نور انا والله مزلت قاعد نحبك
نور:يا عصام كل شي بيناتنا انتهى وخلاص معش ترن عليا فاهم او لا..... خلاص ياعصام مش قتلي انك تكلم في بنات واجدين صح خلاص سيبني.... وبدت تبكي... لما ادكرت مكالمته انه قاللها كان يخون فاها بكل وقاحة💔
عصام:مكانش يبي يصير هكي بس حاول انه يراضيها.... نور ارجوكي سامحيني انا اسف... والله اسف يانور
نور... سكرت الخط وتمت تبكي💔
و بعد شوي لين خشت...... بسم الله خيرك تبكي
نور:مسحت دموعهاا.... لا شي مكنتش نبكي في شي خش في عيوني و دمعت بس💔
لين:اهااا يا حنه ديري بالك المره الجايه
نور:لين
لين:نعم
نور:عادي اديري القهوه وتشيليها لي فرج
لين:بصدمه.... انا ليش ماتشيليها انتي؟
نور:والله اني تاعبه يالين هي الله يربحك
لين:تمام به... ياحنه امشي تريحي وانت نقعد الخدامه هناا
نور:المهم تعرفي اديري قهوة؟
لين:اي ساهله وليش مانعرف
نور:تشوفلها بنضرت شك..... متأكده!
لين:ابتسمت..... اي!
نور:تمام انا ماشيه لي داري...... ومشت!!
لين:ياربي عليش كدبت الكدبه هدي.... اي عشان هي تاعبه المسكينه... المهم.. توا بندير قهوه لي الهم الأحرف انشاءالله نصبله سم فيران بدال القهوه.. غار ذنوبي كثروا منبيش نزيد اخرا... بسم الله... توكلت على الله!....... وبدت ادير في القهوه وهي متوترة😅
.
.
.
.
نور:رقدت في السرير... ودموعها و موقفوش... وهي تقول ياريت ماتعرفت عليه... وبعدين قعمزت ومسحت دموعها...... ليش قاعده نبكي عليه هو كان حبيبي القديم وخلاص سيبما بعضنا... المهم انه ح ينخطب و اكيدا ح ينساني... بس ليش البكي.. لازم منبكيش عليه هو من اصلا💔!
❤روايات زهرة علي❤
لين:تفضل القهوة
فرج:ليش انتي جابه القهوه وينها نور
لين:نور... قالت تعبانه شويه... عسبه هكي انا درت القهوه
فرج:يشبح للقهوه... متأكده انك دايرتيه كويس؟
لين:كان متابيش ناخده اني و تمت
فرج:خداها.... خلاص مع انك تاعبه فيه ليش نكسر بخاطرك
لين:ابتسمت!
فرج:شرب القهوه.... و ملامح وجهه تغيرت و حط الفنجان في السفره...... توا هدا قهوه بالله عليك
لين:شن في؟
فرج:تي بدال ماتحطي السكر حلطه بداله ملح يا بنت الناس
لين:انصدمت.... ءءء ملح
فرج: تي اي ملح... ملح؟
لين:ءءء مكانش قصدي انا منعرفش نميز بين الملح و السكر لاني بي حياتي ماخشيت المطبخ را
فرج:تي يرا... به ليش اديريه ...دايره روحك تعرفي اصلا
لين:لوحت السفره...... اماله كان مش عاجبك خلاص انتهت القصه ليش ادير فاها طروح فهمني؟
فرج:انتي الواحد ميقدرش يتفاهم معاك و حق ربي.... و مشااا
لين:انا لما نحكي معاك مطنشنيش مره اخرا يا فرج!
____________________________
أنت تقرأ
#الطيبة
Romantikالقصة تحكي عن بنت قلبها نضيف وفي طيبه كبيره في قلبها بس في ناس مقدروش الطيبه هدي ويجي يوم يبيعوها لناس و حتعيش اسوأ عيشه في حياتها تفاعلوا يابنات
