#الطيبة
#الــحـلـقــة_8
🔥آلـڪاٺبة:- ﺰهــرة علـي آلـمـقـرحــي🔥
نور:يا عصام خلاص عمتك ح تزعل منك را انت لازم تنخطب
عصام:يا نور انتي تحبيني او لا؟
نور:تبكي... اي نحبك اي مزلت نحبك مع الي درته والي قلته ليا كله مزلت قاعده نحبك يا عصام💔!
عصام:معناته خلاص... مافش حد يقدر يفرقنا يانور... وسكر الخط
نور:يارب انشاءالله يصير خير💔!
_Kz.2005_
احلام:عصاااااااام عصااااااام
عصام:هاا؟
احلام:انت خطبتك حتصير بكره بأذن الله
عصام:بعياط.... بس انا رافض رفض تام يا عمتي
مبروكه:كان ليا معزه ولو حتا شويه في قلبك وافق وكان رفضت يا عصام انا ح نزعل منك نين مانموت ومستحيل نسامحك ياعصام فاهم عليا او لا!!
عصام:عمتي😨💔!
احلام...😏🔥!
مبروكه:اي ياعصام اي... صح انا نحبها لي نور بكل بس مش معناتها نخليك تتزوج مرات بوك... ياعصام فكر في عقلك شويه ع الاقل هذا مستحيل يصير و مستحيل نخليك تتزوجوا اله لما نكون انا ميته
عصام:بحزن.. وقعمز بحيل مهدود... عمتي ليش اديري فياا هكي انا نبيها لي البنت يا عمتي
مبروكه:تبكي.... انا الي عندي قلته ومعندش كلام تاني ياعصام وتوا خلاص تقدر اظير الي تبيه!
عصام:حس انهه مش حصير خير نهائيا💔!
احلام:في عقلها.... صار الي نبيه و اخيرا😏🔥!
.
.
.
.
.
لين:انا قتلك اني منخافش من التهديد😡
الشاب: به تمام حنشوفوا..... وسكر الخط
لين:مسكت راسها..... ياربي ياريتني ماسمعت كلام الحقيره مسره اكيدا كان وصل الكلام هدا لي خويا عصام بعدها ح يقتلني.... لالالا لازم نتصرف
فرج:مع من قاعده تحكي يا لين
لين:انخلعت.... فرج .. ءءء انت امته هنايا😨💔!
فرج:جاوبي ع سؤالي يا لين؟
لين:تبلع في ريقها بصعوبه.. ءءء مع صاحبتي!
فرج:يشوفلها بشك... بلاش كدب يا لين
لين:تشبح لي تلفونها وهي خايفه.... لا منكدبش
فرج:خدا التلفون منها.. و يشوف مع من كانت تحكي
لين:متوتره.. وخايفه... ءء فرج قتلك مانحكي مع حد.. عطيني التلفون
فرج:من صاحب الرقم هدا؟ (اصلا كان الرقم مش مسجل)!
لين:ءءء صاحبتي
فرج:صاحبتك ومش مسجله الرقم!
لين:ءء فرج بالله عليك سؤالك هلبا را عطيني التلفون وخلاص... تبي تاخده بس فرج معطاهاش
فرج... يرن ع الرقم....
الشاب:الو.. ياحلو شكلك خغتي من تهديدي و اخيرا.. قولي انك خفتي من زمان نبي نسمعه منك يالين... وهو يحكي في كل شي ومش حاس انه ع الخط مش لين
فرج... يسمع و منصدم💔!
لين:😨💔
فرج:بعصبيه.... من انت!
الشاب:😨😨😨
فرج:من انت😡💔
الشاب:سكر الخط وهو منصدم
لين:ءء فرج بالله عليك خليني نشرحلك الموضوع
فرج:بعصبيه.... شن تبي تشرحي قولي شنو تبي تشرحي الي سمعته يكفي و زياده يا ست لين يعني انتي توزعي في صورك بي بساطه مكنتش متوقعتك هكي اخس عليك.... وعطاها التلفون ومشااا!!
لين:بصوت عالي.... بس انا والله مش كيف مانت مفكر يافرج استنى اسمع كلامي قبل... فرررررج!!
.
.
.
.
.
.
أنت تقرأ
#الطيبة
Romanceالقصة تحكي عن بنت قلبها نضيف وفي طيبه كبيره في قلبها بس في ناس مقدروش الطيبه هدي ويجي يوم يبيعوها لناس و حتعيش اسوأ عيشه في حياتها تفاعلوا يابنات
