جَــاْنِــبِــيْ الـأيْــسَــرْ💕 SÖL YÄNÎM [كرونيك باللهجة الجزائرية]

الحلقة الاولى 💕

نزلو ثنيناتهم من السيارة.. كل واحدة فيهم نحات لينات دصولاي اللي لابستها... قدام باب الجامعة الكبير... تبسمو لبعضاهم

رغد:فالاخير كلش أستحق.. لحقنا ليوم لوين حابين هذى اول خطوة لحلمنا...

هزت براسها و ضحكت : و اخيرا...

شافت ليدها بالتخبية على رغد.. خاتم متع رجال. غمضت عينها و تشوك لحمها.. صوت صريخ و كاننو نفس اليوم تتذكر كلشي... كلشي قطع فرحتها هي و عشيرتها بالباك.....

خلوني نعرفكم على نفسي انا... ريتاج ولد عمر... البنت الصغيرة لبابا..تربيت بين زوج بنات اكبر منني و ولد... باختصار انا هي وسط العنقود الحامض..... ما بديتلكمش حكايتي منوين لآزم تبدا... و هكا مراحش تفهمو... راح تفهمو كلش من وقت ما بدات الحكاية----------💕
__________________ 7/11/2021

{يقال ان المرأ يغدر من اقرب احبائه..وان الحب لم يتبقى منه سوى اسمه وظله ...لم يبقى في زمننا الا الفتن والمكائد ...رفعت عيناي للسماء ..واتبعتها يداي لدعاء ...ربااه ...انا عبدتك المطيعة لاحول ولا قوة لي من دونك ...يسر امري وفك كربتي وانني اليك فوصت امري ...ربي ارزقني قلبا يحبني على حالي لا احوالي ..قلبا يشعر بي شعور الشرياان ابهر بالقلب نفسه....

وهاليوم حقق ربي امنيتي وادعائي ...وبدل القلب قلبين ...شرياان ابهر قلبي وجانبي الايسر لروحي...

لكن ساسرد عليكم قصة رزقي بهذا...وامتحان الله لروحي...}

هاذي القصيدة الفتها بنت مجهوله... مسمية روحها حياة... على مواقع التواصل... اوك هاذي اخر قصيدة الفتها.. حفضتها... وقفت قدام بابا الليسي .. الناس كامل تدخل مع صاحباتها الا انا طبعا.. اصلا اليومين ااماضيين ما جيتش. اول يومين تع الدخلة يكون. صامطين.. دخلت حوست على اسمي فلاليست 1 ادبي 3 القاعة 6.. ممم.. طلعت نجري نحوس.. قاعة 1..2.3..4..5..6 هايليك.. اول نا دخلت كأنو فيها بنات و زوج ذراري قاعدين مع اللخر يكونيكتيو.. بما اننو انا معندي لا تيليفون و عورة دايرة نواضر قعدت الطاولة الاولى.... ساكتة.. لاعبتها حشمانة..... خلوني نعرفكن بروحي... انا ريتاج ولد عمر... الوسطانية تع الدار اللي متشبه لحتى واحد بابا كان استاذ تاريخ فالمتوسطة و بعدها ارتقى لرتبة مدير. و ماما استادة تاريخ و جغرافيا..... اوو خاوتي من قبلي كامل خباشات... الا انا و خويا الاكبر منني امين.. خرجنا حمير... امين هو خويا.. و اقرب المقربين ليا. حشمت نقوللكن باللي دايراتو ختي احتراماً لشلاغمو. بغل قد البغل عاود الباك ثلاثة مرات و هاذ الرابعة... و بينا انا منغمسة في القصيدة تع الانسة حياة.. سمعت صوت انثوي... القى التحية رفدت راسي كانت طفلة سمينة و طويلة... شعرها طويل دايراتو ذيل حصان... و وااات. من غيري هي البنت الوحيدة اللي لابسة طابليه فالليسي.... و دايرة نواظر تبسمتاها واات مشافتنيش مخزرتش كامل فياا... اووف خراا.. قعدت فالطابلة الاولى قدامي..... فتحت كرطابها. باينة خباشة تخبط غير 17.. جبدت ورق و ستيلو و حطت راسها نكتب كيما رميت عينيا به نعرف وش تكتب مقدرتش نقرا كانت كالم و عندها خط شباب حنا هكا و توقف بيني و بين الخباشة.. يااس هكا سميتها الخباشة.. مهم و قفت بيناتنا طفلة.. دايرة حيجاب كيفي... جاية قصيرة... و بيضة..

ياسمين :هاااالو.. انا ياسمين.

ريتاج:هااي انا ريتاج.. حطت ستيلوها و هبطت الكمامة و هدرت متبسمة... ااخ عندها فوسات : هاااي انا رغد....

قعدنا نڨصرو مع بعضانا... زوج سوايع.. دينا انا و رغد جدول التوقيت من ياسمين بما انوو هي جات اليومين الماضيين عكسي انا و رغد... زوج سوايع عربيه ما جاتش الاستاذة... ياسمن ساعة ثانيه خرجت وتخزر نص ساعة جات تجري..

ياسمين :ربكككم... لكلاصة اللي لهيه راه يقري فيهم وتحد الشييخ زززل رببك زللل..

رغد :من نيتك عشقتي فالشيخ من اول يوم

ياسمين : عمري راح يقرينا هو سقسيتو... كي تشوفيه عسي روحك تدوخي

رغد: عسي روحك نتي.. و غمزتها....
________
💕رغد تحكي💕

هااي انا رغد عمري 15 من مواليد 2006_10_07 ... قبايلية هاذا عامي الاول فالليسي.... اوك انا رغد بن عبد الرحمان.. البنت لوحيدة ليونس بن عبد الرحمان... بابايخاف عليت من نسمة الهواء و متشدد... ما يخلينيش نروح لليسي وحدي ولا حتى نولي للدار هو يديني و هو يجيبني... انا طفلة سمينة ربي عطاني ززين بصح نخس روحي ناقسة كي سمينة عمري لعشت قصة حب... ولا مشيت... ااه و اييه عندي ضرستي الامامية مكسورة.. ضربت واحد بدماغ.. َ من هاذ المنبر تعرفو انارانا وحدة هادية اما ننجم نتحول لوحدة مشكلجية وونضرب..... و باقي المعلومات حتعرفوهم مع الوقت.... تعرفت اليوم على زوج بنات... سجلت هاذا فدفتري... صونات الساعة شفت كامل الناس يخرجو ايا خرجت معاهم...امما رجعت... اَل ما وحعت للكلاصة قابلني راجل صغير فالعمر... طويل ملتحي.. داير بافات مع كورونا اكو تعرفو هزيت براسي تع مسلخير و عاودت قعدت... غمزتلي ياسمين تع وش رايك هبطت راسي خزرت فريتاج غمزتلي تع زللل ربكك.. قعدنا نتبعو معاه... خراا مقالش كامل اسمو... من بعد قاللنا بلي هو الاسموات ينساهم مي اذا شاف وجوهنا يخفظهم مع نهاية هدرتو خزر فيا وطلع حاجب... من عينه عرفت باللي كان يضحك ورا البافات.. بدون وعي نحيت البافات و هو قريب لوجهي خزز فيا و نحا البافات تاعو... بلعت ريقي حسيت نفس راحلي و و راني سوور وجهي ولا حمرر... هبطت عيني مننو و هو تكاتكا و بعد كمل يڨسر... ..اول ما صونات تنفست الصعداء و وقفنا كامل خارجين... انا مع ريتاج و ياسمين و انفال... انفال هي صحبة ياسمين.... خارجين و نحكو... تلاقيت بمرت عممي.. تحكي مع البروف... البروف تع الاونجلي نفسو.. حبستني سلمت عليها...

ربيعة: ررغد... نضن تعرفتي على شيخ تاعك فالاونجلي.... خير الدين وائل...

تبسمت بشوية : وي تعرفت عليه...

وائل :نتمنا نجوزو عام شباب... رغد...

رغد :انشالله.. تسمحولي لازم نروح... هربت من بيناتهم نمشي و نخمم ممم اسمو وائل... 😍.. خرجت مالباب تع الليسي لقيتهم يستناو.. خزرت ما لقيتش بابا.. اووو بيزاار... لا علينا.. مشينا طالعين و نڨسرو حتى نشوفو وائل جايز علينا...

ياسمين:ڨليع ڨلبييي.. شوفو شوفو... غدوا نحيب اسمو

رغد : وائل

ياسمين:هااا ؟

رغد :اسمو وائل... مهم انا مننا نكمل... ياسمين راه عندها فايس تاعي هي تعطيهلكم... غدوا انشالله... ♥️

_______________
نهاية الحلقة.. كرو صيفيه جديدة... باسم جــانــبــي الايــســر 💕SÖL YÄNÎM... انشالله تنال اعجابكم من كتابتي انا الاء اكرام و حياة حيوته

alaeikram
hayouta65

الاحداث مزال ما بانتش مليح.. مع الوقت رح يبدا عصر التشويق نتمنا منكم الدعم و ملتقانا في حلقة ثانية انشالله