انا ادهم هو نفس الشخص اللي بيكتبلك القصص دي هو نفس الشخص اللي حصل معاه كل حاجة وهحكيهالك من الأول
....................................
كنت ماشي لوحدي بليل الساعة ١١ زي اي يوم عادي ومفيش اي حاجة غريبة حصلت معايا لحد ما كنت مروح فعديت علي مكان مليان زبالة ومتحاوط بسور قصير وفيه باب في السور وكان مكسور وانا ماشي جمب المكان دا حسيت ان انا لمحت حاجة وبدأت اشاور عقلي اشوف فيه ايه ولا لأ؟بس في الأخر مشيت كأني نسيت حاجة وبصيت من الباب المكسور ولقيت زبالة عادية جداً بس ثانية واحدة كان فيه راجل واقف في ركن بعيد والضلمة مغطية عليه كان باصص علي الأرض بتركيز واول ما شوفته بصلي بصة غريبة مقدرش اقول عليها غير انها بشعة بالرغم من غرابة الموقف ورعبه بس فضولي كان هيقتلني فقررت اني ابص من فوق السور او احاول اشوف هو بيعمل ايه؟ وروحت عند السور عشان ابصي علي الراجل والاقي حد من ورايا بيقولي:(ازيك؟)
بصيت بسرعة ورايا ولقيت راجل تخين و وشه مشوه نوعاً ما ومشيته مش طبيعية ومن بصيته ليا لما قالي ازيك عرفت انه هو بس زي ما قولتلك الفضول مموتني فمشيت وراه وانا ماشي وراه سألت كذا حد عليه بس كلهم مكنوش شايفينه ووصفتلهم الراجل دا وقالولي علي اسمه وعنوانه كمان بس كلهم حذروني لأن البيت حصلت فيه حريقة وقالولي حاجات غريبة عن الراجل وانا بطبعي مكنتش مصدق اي حاجة من اللي بيقولوه.
مشيت وراه لحد شارع غريب واول مرة اشوقه كان مليان بفلل طويلة وعريضة وهو كان رايح لببت عادي ومشيت وراه و وقف قدام باب البيت عشان يفتحه وبعد ما فتحه سابه موارب مش عارف ليه بس هو عمل كدا وانا كنت في حيرة،قولت مفيش مشكلة هتحصل لو دخلت البيت يعني وشوفت اللي بيحصل وفعلاً زقيت الباب شوية ودخلت راسي جوة وشوفت بيت عادي بس كله محروق واتطمنت لما ملقتش حد جوة ودخلت ابص بس وسط الفضول دا كله لقيت ڤازة وقعت علي الأرض وبسبب خوفي من المكان اصلاً خرجت وانا بجري بس لما خرجت بصيت علي الشارع وملقيتش حد بس حسيت بحاجة جوايا بتقول ادخل تاني،ادخل،شوف ايه اللي جوا..دخلت تاني ولقيت البيت جديد ومفيش حاجة محروقة والراجل كان جمبي وقالي:(تعالا)
ومشي وكأنه مش شايفني وطلع الدور التاني وانا وراه واتأكدت ان فيه حاجة مش طبيعية في البيت والراجل كمان بس وسط حبل افكاري سمعت صوت صويت من جوا اوضة من الأوض دخلت بسرعة والراجل كان سابقني ولقيته ماسك سكينة وفيه واحدة قاعدة عالسرير وراجل تاني واقع عالأرض ومش قادر يمشي وبيزحف عشان يهرب والست بتتأسفله انه يسامحها وهو بيصبيلها بقرف واستنكار واستنجت اللي انت استنتجته هي كانت بتخونة.
الراجل مشي ناحية الست بالسكينة ورزعها في قلبها وهي بتصرخ من شدة الألم وهو يطلع السكينة ويضربها في رقبتها وهي خلاص بتطلع في الروح وبص بسرعة للراجل اللي كان معاها وهو بيزحف وجري عليه وضرب السكينة في ضهره اكتر من مرة والراجل بيضرخ وبيستنجد بأي حد عشان يساعده بس مفيش حد والراجل بعد جريمته الشنيعة نضف المكان من الدم ورمي الجثتين في التلاجة وقعد علي الأرض في حسرة وهو بيعيط لمدة نص ساعة وانا باصصله ومذهول ولاقيته رفع راسه وجاب جركن واظن انه اللي فيه بنزين وملي البيت كله بيه وطلع الولاعة من ايده وبصلي وعينيه مليانة دموع معانيها كتيرة ورمي الولاعة علي البنزين اللي حاطه وانا طلعت اجري بسرعة ولحقت نفسي فعلا وخرجت برة البيت ولقيته زي ما هو ومفيش حريقة حصلت بس اللي استنتجته تاني ان اللي شوفته دا كله كان في الماضي وبعد فترة عرفت اسمعت من واحد صاحبي ان الراجل دا كان مريض نفسي وبيشوف حاجات محدش بيشوفها غيره وان مكنش فيه غير جثة واحدة في التلاجة.
معني كدا اني شوفت اللي حصل من منظورة وممكن ميكونش فيه حاجة من اللي شوفتها حقيقية بس كلها تخيلات منه،
القصة خيالية مبينة علي احداث حقيقية
قولولي رأيكو فيها👍😵
