اسكريبت 🌺
انتى هتقعدى تعيطى كده كتير ياخديجة صلى على النبى ياحبيبتى
نطقت بها عائشة صديقة خديجة
خديجة بدموع: انا مش عاوزة اتجوزه ياعائشة ده ميعرفش ربنا ده بنى أدم كان كل حياته فى الخارج فى امريكا يعنى ممكن يكون بيعمل كل حاجة تغضب ربنا
عائشة بزعل: ماتقوليش كده ياديجة احسنى الظن ان بعض الظن اثم
خديجة: انا اسفة يا عيوش بس انا مش قادرة اوافق انا عاوزة واحد يعرف ربنا واحد ملتحى وملتزم يكون حافظ القرأن واحد يصحينى اصلى القيام بالليل يساعدنى فى اننا نحفظ ورد يومى من القرأن يزعل منى لو كسلت اصلى فرض من الفروض يكافئنى بهدية اوشيكولاته لو حفظت وردى بدون غلطة ومش واحد ميعرفش فرائض الوضوء كام
عائشة: لو افترضنا انه فعلا مايعرفش انتى علميه خدى بإيده انتى هتاخدى ثواب على ده لإنك هتساعدى واحد على طريق ربنا
خديجة: طيب يا عيوش هوافق
عائشة بفرحة: طيب انا هروح ابلغ عمى انك موافقة
خرجت عائشة تبلغ بابا بموافقتى هى معاها حق لو هو ميعرفش ربنا انا هاخد بإيده وهدلوا على طريق الصواب
تانى يوم جوم اهله وهو كان معاهم انا اصلا لحد دلوقتي معرفش اسمه اوحتى بيشتغل ايه
عيوش اختارت ليا لبس كان عبارة عن دريس باللون الأسود وفيه حزام باللون الأبيض وجواه خرز اسود وكنت لابسه خمارى ونقابى باللون الاسود اصل انا منتقبة
بابا جالى الاوضة واخدنى علشان يشوفنى واشوفه وكانت دى رؤية شرعية
قعدت فى كرسى مقابل ليه وبابا كان قاعد بعيد شوية
كنت ببص فى الارض وانا مكسوفة انا مشوفتش وشه سمعته بيتكلم وبيقول
انا اسمى حمزة خالد يسرى عندى 28 سنة دكتور جراحة والدتى متوفية وعندى اخت اكبر منى بسنتين وهى متزوجة من ابن عمى وعايشة فى امريكا بعد تخرجى من الكلية جاتلى بعثة فى امريكا ونزلت هنا ادور على عروسة ليا انتى هتفضلى باصة للارض كتير طيب حتى شيلى النقاب ده دى حتى رؤية شرعية
انا سمعت كلامه اتوترت هو معاه حق ازاى مأخدتش بالى انى مشلتش النقاب نزلت النقاب وبصيت ليه كان حلو قوى بلحيته الخفيفة وعيونه العسلية استغربت ده شكله متدين وعارف ربنا
هو فهم من سرحانى فيه انى مستغربة قالى
انتى اكيد مستغربة انى ملتحى ومتدين مش كده
ايوه
انا قولت لوالدك انه ميقولكيش كنت عاوزة اشوف لو انا مش من مواصفاتك هتقدرى تاخدى بإيدى للجنة وتعرفينى طريق ربنا ولا هترفضى
ودلوقتى لقيت ايه
ضحكلى وقالى لقيت بنت فى غاية الجمال بعيونها البنية الفاتحة وجمالها الصافى المتخبى ورا نقابها عاوزة تسألينى اى سؤال
لأ مش هسأل
غريبة مع انى كنت متوقع انك مش هتسبينى غير لما تعرفى كل حاجة عنى
معاه حق انا كنت ناوية اسأله فى كل حاجة بس حاسة كأن لسانى اتربط مش قادرة اتكلم خالص سمعته بيقول
على العموم انا هقولك كل حاجة عنى
انا بعمل كل حاجة ربنا امرنا بيها وان شاء الله بإذن الله اكون ليكى زوج صالح ودلوقتى اسمحيلى امشى وصلى استخارة وبلغينى رأيك
هزيت راسى ليه وبعد مامشى دخلت اوضتى وانا مبسوطة حسيت بقبول وراحة معاه لما اتكلمت بس كمان لازم اصلى استخارة جاه بابا وسألنى عن رأيى قولتله هصلى استخارة وارد عليك
صليت استخارة ونمت صحيت الصبح وانا مرتاحة جدا بس قولت مش هقول رأيي غير بعد ماصلى تانى وتالت عدى اسبوع وبلغت بابا بموافقتى والنهاردة كتب كتابى حمزة رفض يعمل خطوبة وانا كمان وخلاها كتب كتاب على طول
بارك الله لكما وبارك عليكما وجمع بينكما فى خير
اول ما المأذون قالها خدنى فى حضنه ولف بيا وكان فرحان قوى وقالى
اخيرا بقيت ليا ومراتى انا انتظرتك تلات سنين اه متستغربيش بعد ماخلصت كليتى وجاتلى البعثة كنت رايح لواحد صاحبى شقته قصاد شقتكم علشان اسلم عليه قبلى ما اسافر وخبطت فيكى من غير ماقصد مكونتيش لسه انتقبتى هتصدقينى لو قلتلك انا حبيتك من وقتها وبقيت ادعى فى كل صلاة اصليها انك تكونى ليا سألت صاحبى عليكى قالى انك لسه فى اولى كلية قولتله انى هسافر ولو حد جاه يتقدملها يبلغنى على طول وفهمت منه ان والدك مانع حديتقدملك غير لما تخلصى كلية قولت الحق نفسى قبل ماتروحى منى انتى دعوة دعيتها لربنا وصدقة اتصدقت بيها لربنا وربنا وهبك ليا علشان تكونى اجمل حاجة وجنة ليا على الارض يا أجمل زوجة فى الدنيا
كمية الحب والحنان اللى فى صوته كفيلة تخلى دموعى تنزل حضنى بكل الحنان اللى عنده وقالى
دموعك دى لألئ ماتنزلش لا فى الفرح ولا فى الحزن علشان بتهين رجولتى.
فرحت جدا بكلامه
عشق الروح والفؤاد
ما أجمل زوج يرضى الله ويخافه
وقدوته محمد صلى الله عليه وسلّم
الذى استوصى بالنساء خيراً وقال رفقا بالقوارير
#وقعت فى عشق ملتحى
