البعد الاثرى

الفصل الثالث

( فريق الرعد )

( فى الاقصر تحديدا فى غرفه التدريب الخاصه للعمليات كان قائد الفريق يجتمع مع باقى فريقه للعمل ع المهمه المكلفين بها )

*********************************************
          
جاسر : و بكده يبقى عرفنا طرق الدخول و الخروج ازاى وعرفتوا امكان تواجد تجار السلاح دول فين

يزن : تمام كده يا جاسر بس بالنسبه للبنات المخطوفين دول ازاى هنخرجهم من المكان ده ازاى و فى نفس الوقت هنقبض  على  تجار السلاح دول

جاسر : طب ركزوا معايا فى الكلام اللى هقوله  انا و يزن مهمتنا اننا نقبض ع ضوى ( تاجر السلاح ) وقت التسليم و طبعا هيكون فى قوات من أكفأ الابطال معانا ، اما بقي موضوع انقاذ البنات دول يبقى على اياد و زين  و هيبقى فى قوات دعم ليكم  و طبعا عرفتوا هيبقى مين قائدها

زين ب اسف : انا مش متصور بعد المده دى اشوفه تانى

جاسر : سيف الكردى . بعد استشهاد سليم اخوه و هو اللى طلب انو يسيب البلد و يتفرغ للمهمات اللى بره

اياد بحزن : مش هقدر انسي منظر  سليم قدامى و هو غرقان فى دمه

جاسر بحزن : ربنا يرحمه

الشباب : امين

جاسر : فى حد عنده استفسار عن اى حاجه تانى

اياد بفضول : هى مش خطيبه سيف دى كانت معاها هناك ف ايطاليا

جاسر : اه كانت قاعده مع عيله مامتها ، ما انت عارف ان مامتها كانت ايطاليه

اياد: امال ايه اللى خلها ترجع مصر و لوحدها

يزن : لا و كمان من غير ما تعرف سيف

زين : انا حاسس انى فى حد هددها  انها تنزل

جاسر :  على العموم هنعرف لما ترجع باذن الله يلا يا ابطال توكلنا ع الله

اياد / يزن / زين بصوت واحد و قوى : تمام يا فندم

( فلاش باك )

جاسر : خير يا فندم مهمه ايه اللى حضرتك مكلفنا بيها المرة دى

اللواء رفعت : فى شحنه سلاح هتتسلم ع حدود الاسماعيليه بعد يومين و المطلوب يا بطل انكم تقبضوا عليهم متلبسين

يزن بابتسامه بسيطه: طب يا فندم دى مهمه بسيطه حضرتك قلقان ليه

نظر اللواء رفعت ل يزن وقال : مين قالك انى قلقان فى شغلنا ده يا سياده الرائد مفيش حاجه اسمها قلق انت شايل حياتك ع كف ايدك

نظر يزن للواء رفعت بخجل وقال : مفهوم يا فندم

نظر اللواء رفعت الى جاسر وقال : بس المهمه مش سلاح و بس يا ابطال