اين منزلى

البارت السابع عشر 💗❤

رواية ( اين منزلى )

بقلمى / Nada Hassan

(( البارت السابع عشر ))

عاد طرق الباب مرة اخرى

اسر : ادخلى

ندى وهى تدخل بدموع تركض الى اسر وتحتضنه وتبكى

اسر وهو يسمح على شعرها : بس بس ماتعيطش

ندى 🥺:هتوحشنى اوى يا اسر

اسر: وانتى كمان ياقلب اسر هتوحشينى اوعى بس بطلعى عياط انتى عارفة انى مش بحب اشوف دموعك

ندى وهى تمسح دموعها : اومال فى ايه سبتنى ساعة على الباب ليه

اسر وهو ينظر ل ادم ويقول بمرح : معلش بقا ياحبيبتى كان عندى ضيوف
نظرت ندى للذى ينظر له اسر وجدته ادم
نظرت له بغضب شديد وقالت

ندى بغضب : فى ايه نسيت كلمة تقولها جاى تكمل الشتيمة الى كنت بتقولها

اسر : ندى بس هو

ندى : انت بتدافع عنه مش ده الى شتمنى وقالى وقلدت نبرته ياجليلة الحيا

ادم : انا ماكنتش اقصد وانا اسف ياستى حقك على راسى

ندى : بيقولى يا ستى انا سته يا اسر شوف بيقول ايه

اسر : يعمربيتك يا اخى انت جيت تكحلها عميتها وبعدين ياندى سبتى انا اسف ومسكتى فى ستى هو مايقصدش يانودى صح يا ادم

ادم : ها اه اه صح

ندى : خﻻص تقبلت اسفك انا ماشية يا اسر وتعالى اقعد معايا شوية انا فى اوضتى بحضر حاجاتى

خرجت وتركتهم

بينما نظر ادم ل اسر

اسر : هى طيبة جدا وبتتعصب بسرعة وبتروق برده بسرعة
وحنينة جدا حاول تحتويها وماتصرخش عليا زى ماعملت من شوية وكمان هى حساسه جدا  انا هخليها امانة معاك انت بالذات عايزك تكون اخوها بجد عايزك تكون ضهرها وسندها وتحميها من اى حاجة ومن اى حد ولو هى غلطانة اوعك تقلل منها قدام حد وﻻ تطلعها غلطانة حتى لو هى غلطانة فهمها غلطها بس لما تبقوا لوحدكم وهى مش هتقرر الغلط تانى هتقولى مين قالك انها مش هتكرره هقولك انا كنت بعمل كده معاها وماكنتش بتكرر الغلط ده تانى
وكل ماتكون فى مشكلة خليك فى ضهرها وتدافع عنها وانا واثق انك قد الامانة ديه

ادم بإبتسامة : انت بتوصينى عليا انت ناسي انها اختى

اسر : ﻻء مش ناسي وﻻ حاجة بس بوعيك اسلوبك الدبش ده ماينفعش مع ندى وانا والله لو شميت بس خبر ولو عرفت انك زعلتها انا هوريك وشى التانى

ادم بإستغراب : انا والله مش عارف مين اكبر من مين يابنى انا اكبر منك ب4سنين احترمنى شوية
وابتسم بحزن:انتوا اخدين فكرة غلط عنى والله بس انا كنت بتعامل كده عشان انا ماكنتش اعرف ثم قال بمرح :والصراحة غيران منك انا ماعيشتش مع اختى يومين على بعض وانت عشت معاها عمرها كله