ايزوتوبيا

part4الافراط في الثقه مجلبه للمخاطر

*الفصل الرابع"الإفراط في الثقة مجلة للمخاطر"*

وعندما كُنت اتحدث رأيتُ امامي إمراءةٍ من تلك الأشخاص  ولكن عندما رأيتها اصابتني قشعريره لأصيح بأعلي صوتي.
_ إنتِ مين!!

ردت بصيحة لم افهمها ولكنها كانت تشير باتجاهي واتجاهها فهي تعني شيئ ما وهي ايضًا كانت تشبهني بشكل كبير كنت اتسائل.

- ياترا دي نسختي التانيه في العالم الموازي!؟
وفي نفس الوقت وجدت شيئ بداخلي يقول.
=ايوة انا.
-انتي مين.!!
=انا نسختك التانيه واقفه قدامك، مفيش حل عشان اقدر اتواصل معاكي غير كدة بالتخاطر.
-طيب انا مش فاهمه حاجه ممكن تفهميني.
=هفهمك كل حاجه بس انتي لازم تثبتي للناس هنا انك كويسه.
-طب ازاي اعمل ايه.!؟
=اهل "جوزاليا" كلهم بيصيبهم اعياء شديد وقت اكتمال القمر تقدري تعالجيهم.
-اعالجهم كلهم ازاي انا معايا يومين بس والمفروض اخرج من هنا.
=لازم تعملي حاجه تخليهم يثقوا فيكي.
-طيب هما ايه بيحصلهم اي اعراض الاعياء ده.
=وجع شديد في العين ،صداع ،دوخه.
-والقمر مفروض هيكتمل إمتى عندكم.؟
=النهارده وعشان تقدري تتحركي في المدينه هنا لازم تعالجي ع الأقل واحد منهم.
-طيب بس انا مش معايا أي حاجه أعالجهم بيها يعني ممكن حتى اخرج اشوف الأعشاب اللى ممكن استخدمها.!
=انا هخرجك بس مش مفروض حد يعرف إنك خرجتي.
-طب إزاي ده؟
=تتحولي لشكلي واتحول لشكلك.
-بتهزري!! هنعملها إزاي دي.
=كده.

في لحظه وجدتها بمكاني وانا بمكانها وقبل أن أستفيق من صدمتي دخل شخص منهم لكنه ظل ينظر لي بنظرات تفحص كأنه يشك بأمري، ثم صرخ بوجهي صرخة قويه لأفقد الوعي مرة أخرى.