وقفنا المره اللي فاتت لما عزت رجع وشمل العيله اتلم تاني
☆☆☆☆☆☆☆☆☆☆☆☆☆☆☆☆في المساء حيث عائله جهاد متجمعين
فاطيمه :والله يا حج بقالنا زمن ماتجمعناش كده
محمد :ايه ده يا ماما يعني انا ماكنتش بجمعكو كل يوم
فاطيمه :ايوه انت كنت بتجمعنا كل يوم بس لمه ابوك ليها طعم تاني
جهاد :يا عيني علي الكلام الجميل ده
عزت :والله يا جماعه واحشني الكلام ده .......بس قولي يا محمد مش ناوي تخطب
محمد:بص يا حج هي في بنت انا وهي بنحب بعض من واحنا في الكليه
فاطيمه :من غير ماتحكيلي يا محمد
محمد :بصراحه انا كنت بحكي لجوجو حبيبتي
جهاد :مانا كنت بلمح قبل كده
فاطيمه : يبقي لما انتي كنتي بتقولي لمحمد حالات حلوه ولا وحشه ..........وانا اللي ماكنتش واخده بالي
محمد :اه يا ماما
عزت :طيب يا حبيبي شوف عايز تتقدملها امتي
محمد :خلاص يا بابا هكلمها واتفق معاها
عزت :علي بركه الله
جهاد :طيب تصبحو علي خير يا جماعه علشان عندي محاضره مهمه جدا بكره
محمد :وانا كمان هقوم انام علشان الشغل الصبح
فاطيمه وعزت :ماشي يا حبايبي ربنا يوفقكو
محمد وجهاد :يا رب
☆☆☆☆☆☆☆☆☆☆☆☆☆☆☆☆
علي الجهه الاخري حيث عائله خالد متجمعين
منه :بس ايه رأيك يا ابيه في المفاجئه دي
خالد:حلوه جدا يا حبيبتي ربنا يثبتك عليه
منه: يارب يا ابيه
نعيمه :بس ما وشك محمر كده وهاديه اوي النهارده
منه بكسوف ووشها احمر اكتر :بص يا جماعه هو وانا خارجه من الجامعه انا ونادين ورايحين علشان نشتري الطرحه والبندانا وقفني واحد قالي ان هو معجب بيا وعايز يتقدملي وكان عايز رقمك
خالد :وعطيته الرقم
منه بكسوف :اه يا ابيه وهو بيقول ان هو اسمه مصطفي وبيقول كمام ان هو شغال ظابط
نعيمه :ماشي يا حبيبتي اللي فيه الخير يقدمه ربنا
خالد : بصو انا كنت عايز اقولكو اني معزوم عند واحد كان شغال في شركه بابا الله يرحكمه وكان عازمني عنده يوم الجمعه
نعيمه :ماشي يا حبيبي
خالد :طيب انا هقوم انام علشان عندي شغل بكره
منه :وانا كمان هقوم
نعيمه :تصبحو علي خير يا حبايبي
منه وخالد :وانتي من اهل الخير
☆☆☆☆☆☆☆☆☆☆☆☆☆☆☆☆
مرت عده ايام وخالد عمال يفكر في جهاد ومش عارف هيقابلها ازاي وجه يوم الخميس
خالد :بقولك ايه يا ماما
نعمه :ايه يا حبيبي
خالد:ماتيجي معايا انتي ومنه اصل انا هتكسف اروح لوحدي
نعمه :طب سبني افكر واقولك
خالد :لا يا ماما
نعمه : ماشي يا حبيبي واهو لو عندهم بنوته حلوه تبقي هي عروستك
خالد:ههههههههه عروسه ايه يا ماما انا مش بفكر في الجواز
نعمه:ليه يا حبيبي انت بقي عندك اكتر من ٢٥سنه
خالد :بصي يا ماما انا في واحده في دماغي ادعيلي ان انا اشوفها تاني
نعمه :مين دي
خالد :لا دي حكايه طويله اوي يا ست الكل هبقي احكيهالك بكره
نعمه :ماشي يا خالد لما نيجي بكره
☆☆☆☆☆☆☆☆☆☆☆☆☆☆☆☆
عند جهاد في البيت
فاطيمه :يا حج اكد علي اللي جاي بكرا الا صحيح هو اسمه ايه
عزت :اه يا حجه اكد عليه وهو اسمه خالد
فاطيمه :طيب يا حج
عزت:امال فين جهاد ومحمد
فاطيمه :جهاد في اﻷوضه بتاعتها بتذاكر ومحمد نايم
عزت:طيب اما اروح اغلس عليها شويه من غلاسه الاب اللي هي مفتقداهم ههههههههه
فاطيمه:هههههههه روح يا حج
عزت راح اوضه جهاد
عزت فتح الباب بدون مقدمات وجهاد كانت مندمجه في المذاكره ومش حاسه بحد
عزت بيدغدها من ضهرها
جهاد :بس يا محمد بقي
عزت مش مبطل غلاسه
جهاد :والله يا محمد لو مبطلت هقوم اضربك انت اخويا الكبير صحيح بس لازم اضربك علشان تبطل غلاستك دي
عزت :طب لو انا هتضربيني 😂
جهاد :لا طبعا يا بابا وقامت من علي المكتب وحضنته
عزت :انا قولت اغلس عليكي
جهاد:احلي غلاسه يا بابا
عزت:طيب يلا كملي مذاكره علشان عايز نجاح بتفوق
جهاد :يا رب يا بابا علشان اخلص السنه دي ويبقي فاضل سنتين
عزت :ربنا يوفقك ........اما اروح اغلس شويه علي اخوكي
جهاد :😂😂😂😂😂روح يا بابا
عزت ساب جهاد وراح عند محمد علشان يغلس عليه
عزت فتح الباب من غير مايخبط عليه
محمدقام مفزوع من الفتحه بتاعه الباب لأن محمد بطبيعته نومه خفيف جدا
محمد بنعاس :ايه يا حيوانه انا مش قولت في ام باب بيتخبط عليه ولا ايه
عزت رش عليه ميه وهو مش قادر يكتم ضحكه علي منظر محمد
محمد :ومايه كمان لأكده كتير انتي زودتيها اوي اطلعي بره يا جزمه بدل ما اطلع عليكي كل اللي بشوفه في المستشفي
عزت :طب انا ايه هطلع عليا كل اللي بتشوفه في المستشفي
محمد فاق من النوم :لا يا بابا انت الخير والبركه
عزت :وبعدين نفسي افهم هو انت واختك بترخمو علي بعض ولا ايه
محمد:مش بالظبط كده تقدر تقول بنهزر بس هزار تقيل شويه وبعدين يا حج بنتك تقيله اوي مع ان ايدها صغيره بس بتلسع ولا الضوافر اللي مربياها دي لو هتخربش زومبي مش هتبقي بالحجم ده
عزت :ههههههههههه اختك الصغيره بقي
محمد:دي مش اختي الصغيره دي بنتي اللي لسه ماخلفتهاش
عزت :ربنا يخليكو لبعض
محمد:يا رب يا بابا
عزت :طيب اسيبك تستريح شويه متنساش ان غي عزومه بكرا
محمد :مش ناسي يا بابا
عزت طلع من اوضه محمد وهو فرحان جدا ان شمل عليتهم اتلم تاني
☆☆☆☆☆☆☆☆☆☆☆☆☆☆☆☆
كده الفصل الخامس خلص واتمني ان هو يعجبكو
بقلمي ✏ايات احمد
فوت ☆وكومنت
