رواية زمردة الزين 💙 ( الجزء الثاني ) 🌚🥀
بارت 22 💞
فى يوم صحى كريم الصبح على صوت تليفونه بيرن
كريم بصوت ناعس : الو
المتصل : ازيك يا استاذ كريم اسف لو صحيتك
كريم قام قعد : لا مفيش حاجة مين معايا
المتصل : انا فاعل خير وهقولك انا مين قريب بس لازم تسمعنى كويس المهم دلوقتى أن لو فى ظرف جه لحضرتك النهاردة على الشركة لو سمحت محدش يفتحه غيرك
كريم باستغراب : حاسس انى عارف صوتك وهستنى اللى قولت عليه حاضر
المتصل : أن شاء الله بكرة بالكتير هتكون عندك وبعدها انا هظهر لحضرتك بس لازم اعمل شوية ترتيبات الاول
كريم استغرب من لهجة الالغاز فى كلامه
وقفلوا وكريم بيفكر مين ممكن يكون لان الصوت مش غريب
وقام خد حمامه وادى فرضه ولبس وراح الشركة
وصل هو وجويرية فى نفس الوقت
كريم بابتسامة : صباح الخير
جويرية بجدية وتكشير : صباح النور يا استاذ كريم
دخلوا وكريم كان فرحان أنها هتركب معاه فى الاصانصير بس هى خيبت توقعاته ومستنتش الاصانصير اصلا وطلعت على السلم من غير ما تبص وراها
كريم جاى يدخل الاصانصير شاف ساعى البريد واقف مع امن الشركة ومش راضى يسلمه الظرف ومصمم أن كريم هو اللى يستلمه
راح كريم اخد الظرف وطلع مكتبه والفضول هيموته عايز يعرف مين ده او باعت اي
فى مكتب كريم .....
قعد على كرسيه وماسك الظرف ولسة هيفتحه الباب خبط وكانت جويرية
جويرية بعملية وجدية : معلش اسفة عطلت حضرتك ممكن اعرف الصفقة اليابانية المفروض يكون فيها بنود تانية ليه مش متضافة فى الورق
كريم مكانش مركز هى بتقول اي اد ما مركز فى اد اي وحشته ومخنوق من معاملتها ليه وجتله فكرة وابتسم بخبث
كريم بعملية مصطنعة : هاتى ورق الصفقة وتعالى اشرحيلى وجهة نظرك
جويرية اتوترت بس مبينتش : حاضر هروح اجيب الورق وجاية حالا عن اذنك
كريم راح قعد على ترابيزة الاجتماعات فى المكتب يستناها والظرف لسة فى أيده وفتحه ولقى جواه اسطوانة واحدة بس الظرف باين عليه ضخم
حط الأسطوانة فى الاب توب وسمع اللى فيها ثوانى واتصدم من اللى موجود
فى شركة زين ......
سليم ويزيد راحوا الشركة لزين وادم
دخلوا لزين الاول وخبطوا مع بعض
أنت تقرأ
زمردة الزين 💙
Romanceرواية رومانسية مرحة هنعرض قصة ابطالنا بطريقة كوميدية وفيها دراما من الاخر شاملة سيكا 😂
