حكاوي الست روما 🖤

حكاية "1"

"هو ده اللي بتقولي عنده شيزوفرينيا!"
- انتي لسه شوفتي حاجه
"الله يبشرك بالخير يا ريم يا بنت ام ريم
= الانسات اللي بيتكلموا ورا لو سمحتم اقفوا
*ايه الذوق ده يا جماعه! مش المفروض ان احنا طلاب وكدا والمفروض برضو انه يهزقنا؟ وقفنا فعلا انا وريم*

= شكلك جديده هنا؟
*قالها وهو بيبصلي*

"ايوه يا مستر ده اول يوم"
=ومن اولها قاعده ترغي
*ترغي! لا لا انا عايزه الشاب الذوق اللي كان موجود من شويه*

=مبترديش ليه؟ *قالها بعصبيه*
"يا مستر هو حضرتك مديني فرصه ارد"
=انتي ازاي تردي علي المستر بتاعك بالشكل ده
*بركاتك يا شيخه ريم كان ماله مستر بيومي فؤاد*

"يا مستر... "
*قاطعني وهو بيقول*
=بره يا انسه ولما تتعلمي تتكلمي باحترام مع الاكبر منك تبقي تحضري حصتي

"خرجت وانا مضايقه ريلي شخص مستفز لا ريلي تاني شخص مستفز، انا كده كده هسقط بتعب نفسي واروح دروس ليييه هاا حد يرد عليا؟ ايه الهبل ده انا بقيت بكلم نفسي لا بقيت ايه انا من يوم ما اتولدت وانا كده يووووه هروح اكل شندوتش هوهو من عند عمو حموءه اللي قدام السنتر"
*روّحت طبعا ومروحتش عند هوهو عشان نبع الحنان لو شمت خبر هتعلقني علي باب العماره*

" يااااااا ستتتت الكلللل انتتيييي يااااا ستتتت ياااا اللييي باباااا متجوزهااااا"
#ادعي عليكي ب ايه بس وانتي فيكي كل العبر
*باين ان امي بتحبني ولا ابين اكتر*
" يا ست الكل انتي لو مرات ابويا مش هتعملي كدا"
# ربي اني لا اسألك رد القضاء ولكني اسألك اللطف فيه
"ايه ده هي مشيت هو انا مليش اي لازمه ف البيت ده"
~اه
*لا دا اخويا يا جماعه عادي، ويت ويت هو ضربني علي قفايا ولا انا بيتهيألي*

"يا باااااااباااااااا اعااااااااا باااااااابااااااااااا ابعد ابنك عنااااااااي"
: اييييه يا شيخه انا لو مخلف بقره مش هتبقي حنجرتها بالشكل ده

*طبعا سبتهم وانا بدبدب في الأرض وكالعادة قعدوا يضحكوا عليا*
*________________________*
- انتي فعلا هتيجي تاني
"ايوه يا ريم ايه الغريب في كده واحده عندها امتحان كمان شهر وثانويه عامه ومستر زين شرحه كويس عايزاني اعمل ايه يعني"
- الغريب انك مبتسمحيش لحد انه يقلل منك يا ملك ومستر زين لا اول ولا اخر واحد شرحه كويس
"الوقت قصير يا ريم ومش هقضيه في البحث عن واحد غيره"
- بحث! انتي قلبتي لغه عربيه امتي؟
" تصدقي انا غلطانه اني بكلمك اصلا"
*مش عارفه ليه ريم مستغربه او عارفه بس مطنشه*

=ايه اتعلمتي تتكلمي مع الاكبر منك ازاي ولا لسه
*لأ هو قاصد يضايقني بقي، رديت عليه بكل هدوء*

" الحمدلله متعلمه كويس ومحترمه ان حضرتك اكبر مني بدليل اني مقلتش ادبي لحد الان وان كان علي المره اللي فاتت ف دي كانت اول حصه ليا وطبيعي كنت بسأل زميلتي علي النظام هنا"
=ومسألتنيش انا ليه؟
"حضرتك كنت بتشرح ومينفعش اقاطع الشرح علي سؤال بسيط ممكن زميلتي تجاوب عليه"
*تقريبا اضايق وده اللي بان علي وشه، قعدنا طول الحصه ساكتين انا وريم مش عايزه الموقف يتكرر تاني عشان ساعتها هفقد اخر ذرة صبر عندي، عدي اسبوعين مفيش اي احتكاك بيني وبين مستر زين بس عرفت عنه شوية معلومات كده زي مثلا عنده 24 سنه مش متجوز ووحيد مامته وباباه بيحضّر للدكتوراه مستر زين مش مُدرس رياضه اصلا هو مهندس وحب يدي دروس لطلاب الثانوي بجانب شغله في شركة والده بس الصراحة شرحه احلى من مُدرسين كتير كنت باخد عندهم، هو معندوش شيزوفرينيا زي ما ريم بتقول هو شخص ذوق وكل حاجه بس عصبي شويه لأ شويتين تلاته، المهم اسبوعين عدوا علي خير وكنت بذاكر بشكل كويس لان الامتحانات علي الابواب وحقيقي كنت متوتره جدا وده اللي لاحظه مستر زين، كنا خارجين انا وريم اخر ناس من الدرس ومستر زين وقفنا*