امانكِ بين اضلعي

مشاهد

#امانكِ بين اضلعي
للكاتبة ضوء القمر
.......

.واكفه كدامه بكل قوتي عكس الإنكسار الي بداخلي ماادري اذا قراري صح او لا بس الي اعرفه انو الشي الي اكدر انطي لغيري واني محصلت عليه اسوي حتى لو كلفني نفسي ويمكن هالقرار افضل شي ممكن اسوي

...وفيت بوعدي يبن العم
.جان يحاول بكل ماعنده مايباوع بعيوني ماادري ليش يتهرب بس هالانسان عمري متوقعت هيج يكون

..وفيتي وأكثر

.ماخليته يكمل :واجه دورك تنفذ الي اريده

..بعدج على قرارج
..حجينه اهواي ومااظن بقى شي نحجي بي بعد افضل شي تشوف الحياة الي جنت راسمها
..جنت اتمنى متاخذين هيج قرار
..من أول هذا الشي كان مفترض يصير

.عفته وكمت يمكن لو باقيه ثانيه اضعف أي اضعف ماكو وحدة تسوي الي سويته بس كلبي تعب مجاي اكدر اتحمل بعد خلصت كل طاقتي عالاقل هالشي اني مقتنعه بي ولو الكل حجو ولاموني بس الي بداخله جروح محد يحس بي واني من صغري شلت هالجروح ....
.......

ماااصدك معقووولة الي تحجي لك اشلوووون قبلت

..لا تصييح كافي الي بيه ماقبلت بس شسوي ماعندي حل ثاني
..لك بابا انت نسيت لو اذكرك اشلون فهمني
..ميحتاج تذكرني بس الي نساني انساااه وخلاص

.....
.خيتي ام وثاب يمكن مراح يعجبج كلامي او تزعلين مني بس تعرفين مكانتج عندي وانتي احن وحدة عليه

..شنو هالحجي ولج انتي الغالية مو بس اختي لا روحي شمالج يوخيتي

..أحس هاي ايامي الأخيرة امي وابوي اهواي جاي اشوفوهم
..اسم الله عليج ان شاء الله عمرج طويل كولي يالله
..لا يوخيتي ربج اعلم بوقتنه الي اريده منج تخلين تراتيل بعيونج تراني مااثق باحد غيرج
..توصيني على الغالية ولج هاي بنتي مو بنتج

..ادري بيج وان شاء الله تكونين دوم ام الها الكلام الي راح احجي مو اشويه ويمكن يغير اهواي امور

..خير ام جلال خوفيتني..