احببته فجرحني (مكتمله) ❤

البارت السادس

البارت السادس (المواجهه) من روايه (#احببته_فجرحني) ل (#فراوله_)
لا إله إلا الله 💜

نور بخضه ؛في اي؟ نغم في اي انتي بخير ؟

علاء : مين الاستاذ ؟

نور بصله بإستحقار: عملك الاسود

نغم من جوه : نوووووووور

نور ساب علاء و ضرب الباب بكتفه
الباب اتفتح و هو وقع علي نفسه من الضحك لأن نغم كانت واقفه علي السرير و ماسكه المخده و حضناها

نور بضحك : في اي يا هبله

نغم : في فار والله فار انا شفت فار ماشي يا نور بالله عليك

نور بضحك : طب تعالي انزلي

نغم بعيط : مشيه الاول

نور مشي الفار و جه علشان ينزل نغم من علي السرير نغم نطت و حضنته و نسيت اهلها

نغم : اجمل صحاب في الدنيا تسلم

نور بهمس : يعني  محضنتيش و احنا لوحدنا و جيه تحضنيني قدام العيله كلها

شريف بزعيق : نغم

نغم بتمثيل : اه رجلي اه رجلي بتوجعني  قعدني علي السرير يا نور

علاء مسك رجلها  : بتوجعك فين

نغم بعدت ايديه بطريقه لطيفه و مبصتش في عينيه : لا شكله كان جزع صغير

فاطمه : طب عامله اي دلوقتي؟

شريف: و قفله الباب عليكي لي؟

نغم : الحمدلله تمام . ماما اللي قالتلي اقفل الباب علشان وليد ميجيش ينام جنبي بليل علشان ينام مكانه  (و بصت لي نور) انت ريحتك عامله كده لي

نور شم نفسه و عرف ان وليد كان بيعيط علشان عملها عليه و هو نايم  فضحك : معرفش انا هطلع اخد شور و انزل اخدك نروح مشورنا

علاء : هو مين الاستاذ

نغم  اتجاهلت علاء: طب خلي المشاوير دي يوم تاني انا عايزه اقابل سلمي انهارده وحشاني اوي

علاء بزعيق  : هو مش انا بتكلم 

نور ببرود: مش قولتلك عملك الاسود

نغم حاولت ما تبصش لعلاء : نور زميلي في المستشفى و صديقي المقرب

نور بيبص لعلاء بإستفزاز : البيست زي ما بيقولوا كده  انا طالع  بقه علشان اخد شور و اجي اخدكٍ و تروحي تقابلي صحبتك و انا هروح اسلم علي ابن خالتي هو ساكن قريب من هنا كلمي سلمي بقه

طلع فوق لقى وليد بيبصله من تحت لتحت راح لعب في شعره

نور : مش كنت قولتلي احسن من شكلي تحت و انا ريحتي كده

وليد بص في الارض: مكنتش هتضربني ولا تزعق فيا زي بابا

نور : عمري ما هعمل كده و يلا هات ايدك و ده كده يا معلم سلام الرجاله تمام احنا  كده صحاب