#روايه
#عشقت_منتقبه
الجزء الثاني
الحلقة التاسعه
نرجع من جديد مع خديجه وهند ال عيونهم متعلقه ببعض اول مامدت هند ايدها تسلم ع خديجه
خديجه وقفت وراحت عليها وحضنتها حضن مافيش زيو وفضلت تعيط وهند كمان محدش عارف هم بيعيوطو ليه
هيثم عارف ورانيا كمان ووائل شك ف ال قالته هند له نسرين عندها إحساس بس عدي ال ميعرفش واستغرب من كدا
فضلوا حوالي عشر دقايق وبعدها هند :-ازيك
خديجه:-الحمد لله
بعد ما كل واحده فيهم مسحت عيونها من الدموع يمكن هند عندها إحساس أن هي بس خديجه مش عارفه هي بتعيط ليه
سلمت ع نسرين وحضنتها بس مش نفس حضن هند ال كله لاحظ كدا
ورانيا هتموووووووووووووووووت
عايزة الحفله تخلص قبل مايكتشفوا أن هي رحمه بس ع مين تقريبا كلهم عرفوا
هيثم:-قاعد منتظر عادل ع ناااااااااااااااااااااااااااااااااااار
بس عادل هيجي؟؟؟؟؟
فضلت هند مع خديجه
خديجه شويه تتكلم خليجي وشوية مصر
بس ال لاحظته هند ودا شئ واضح أنها ممكن تكون هي وفاقدة الذاكرة مارديتش تتكلم هند سكتت بس حبت تاخد معلومات من خديجه زي اسمها وبلدها ايه
خايفه تقول تطلع مش هي خصوصا مع هيثم
بس الكل ملاحظ أن هيثم مش بيشيل عيونه من ع خديجه
ويشيلها ازاي هو حد هيقدر يسيب روحه بعد مارجعت
هند عايزة تعمل حاجه بس هتعمل ايه
كل ال قدرت تعمله أنها عزمتها عندها ف الفيلا مع رفض لوائل بس هي أصرت ف حاجه ف دماغ هند هي ايه .........؟؟؟؟
الحفله كلها مافيش حاجه معاها غير سمو الأميرة خديجه والطله ال طلت بيها عليهم محدش عارف ان سمو الأميرة خديجه هي هي الفتاه المجهولة المنتقبه ال عشقها هيثم
رانيا قاعده مش عارف بعضها رن الفون
رانيا :-الووو... وبعدها وقفت وخرجت
لاحظها هيثم
خرجوا وراها من غير ماتعرف
رانيا:-انت اتجننت انت بتقول ايه ....... اوعي حد فيهم يجيب سيرتي ف الموضوع .... يووووووووه انت مش بتفهم ...... لا بقولك ايه انا ال هقول لهيثم لو مابعتدش عني وهخرج نفسي من الموضوع انت فاهم ... وتقفل السكه
هيثم سمع بس اختفي بسرعه
هيثم :-بقااااا كدا ماشي حسابك معايا بعد الحفله ويانا يانتي
تدخل رانيا الحفله ال وشها اتغير تماما بعد ما خديجة سلمت ع هند وكمان اتكلمت معاها
بس هند غبيه للدرجه كدا مش عارفاها
لا هند مش غبيه هند بتخطط لحاجه هتعملها بس انا لازم اخلص منها والليله
خرجت تاني اتكلمت ف الفون بس المرة دي محدش لاحظ أنها خرجت
#واخيرا انتهت الحفله وكل واحد ع بيته بس عادل مجاش
هيثم ودع عدي ومع عدي قلبه ال نفسه ياخدها يختفي بيها خالص عن كل الناس بس ازاي وامتي ؟؟؟؟
هند مع وائل ف البيت حكت له كل حاجه واحساسها
وائل :-وهتعملي ايه
هند:-عندي فكرة هعملها
وائل:-ال هي .
هند:-هقولك ؟؟؟؟
ايه هي الفكره ؟؟؟؟
عدي جاب أمن كتير معاه هو ورحمه وروح ع الفيلا بس اتكلم ف الفون وسأل ع ال قطعوا عليهم الطريق عرف أن واحد فيهم هرب وكان ليله البدي جارد مع عدي اسود ولحد دلوقت مش عايزين يتكلمو ولا يقولو تبع مين
..
خديجه :-عدي ف ايه طمني
عدي:-والله مو خابر أخبرك ازاي بس شكل موضوعك كبير الناس ال باعوكي مش هقول انهم سفروكي للخدمة لأنهم باعوكي وقبضوا التمن من الكلب عدنان الواضح انهم عرفوا انك هون ف مصر وبدهم يخلصوا منك لأنك قتلتي زميل لهم
خديجه:-ايه بعدم استيعاب انا قتلت لا لا انت بتهرج
عدي:-لا مابهرج هاد ال عرفته أمس ف مشوار ومارديت اقولك بس لا تخافي الموضوع ف شئ غلط
خديجه:-بعياط غلط ايه غلط ايه انا اقتل ايديه دول وبصت ع ايديها قتلت انا طاب ازاي
عدي:-قرب منها وحضنها لا تخافي واهدي اهدي احنا الي الآن لم نعرف ماضيكي اكيد ف شئ غلط وانا ماراح اتركك انتي الآن اصبحتي جزء من حياتي لا بل حياتي كلها وانا ماراح اسكت حتي اعتر ف هالناس دول واعرف كل شئ ....
$$
عند هيثم ف الفيلا
هيثم:-مش لاحظتي حاجه
رانيا:-زيي
هيثم:-خديجه
رانيا:-انتبهت للاسم مالها
هيثم:-حضنها لهند والعياط هم الاتنين
رانيا:-عادي يعني بتحصل
هيثم:-بتحصل ازاي امال ماحضنتكيش ليه انتي
رانيا:-بردو عادي يعني يمكن يعرفوا بعض
هيثم:-لا مايعرفوش تعرفي انا خديجه بحس معاها بأيه
رانيا:-سابت الفون من ايديها وبصت ع هيثم
هيثم:-بحس أنها رحمه ف كل حاجه ف كلامها ف مشيتها ف صوتها ف حضورها ف كل شئ
رانيا:-بضربات قلب سريعه انت بتقول ايه طبعا لا رحمه بتاعتك ماتت
هيثم:-مسك رانيا من دراعها أياكي اسمعك تغلطي فيها أو تتكلمي كلام مالوش لزوم عليها
رانيا:-بخوف انا مش قصدي بس ماتت ايه ال هيخلي واحده خليجيه وكمان أميره تكون زيها
هيثم :-ومين قالك أنها مش أميره دي برنسس وهتفضل طول عمرها كدا
رانيا:-لا ياراجل وانت بقااا ايه وايه كلامك دا كأني مش موجوده معاك ومش مكسوف من نفسك وانت متجوز وهي كمان متجوزة
هيثم:-انتي اتجننتي خلاص انا بقول بتشبه يام مخ تخين بس تعرفي انا حاسس أنها عايشه وهترجع قريب
رانيا:-يووووووه ماقولنا ماتت انت ايه
هيثم:-مين ال كنتي بتتكلمي معاه ف الفون ف الحفله
رانيا:-بارتباك ها مين وامتي
هيثم:-ف الجنينه سبتي القاعه وخرجتي
رانيا:-انت هتقلب الموضوع ليه خلينا ف خديجه بتاعتك دي أقصد رحمه
هيثم:-هه رحمه ول خديجه ماتفرقش
رانيا:-بخوف ظاهر عليها هتعمل ايه وهتخلص من هيثم ازاي
قربت منه هو بعد عنها
رانيا:-انت بعيد عني ليه اليومين دول
هيثم:-عادي ماليش نفس
رانيا:-بس انا مراتك
هيثم:-تصبحي ع خير ونام
......
رانيا ع الرغم من أنها فرحانة أن هي خلصت من سؤال هيثم ال أنها زعلت من تصرفه وأنه مش طايقها
هي فاكره كدا بس هيثم فوت بمزاجه اجابه السؤال لحد مايمسك دليل قووي عليها
عدت الليله ع الكل
بين الفرح والاستغراب والحزن ال فيه خديجه
$$$$$$
هند راحت لندا بس مالقتهاش لا هي ولا عادل
عادل وندا بيفتحو الباب ع وليد نفس الممرضه بس المرة دي مسكها عادل ومش سابها وجاب الأمن كله ولما شاف الدكتور الحقنه عرف أنها حقنه فيها سم بيموت بالبطئ ف كذا يوم عشان محدش يعرف
عادل:-مين له اليد أن وليد يموت الموضوع ف لغز
ندا:-الحمدلله انك لحقته
عادل :-سبحان الله لو ماكناش جينا ف ال وقت دا كان حصله ايه لا انا كدا مش مطمن عليه انا هيجيب أمن ورديات عليه لحد ماربنا يكرمه
ندا:-كنت هقولك كدا بس انت عارف اكتر مني
ف الوقت دا وليد بدأ يحرك ف عنيه عايز يفتحهم قرب منه عادل
عادل:-وليد انا عادل وندا هنا كمان شد حيلك يابطل وحشتنا والله احنا بنيجي نزورك كل يوم انا وندا
وليد :-بيحرك ف عنيه بس مش قادر يفتحهم من الاضاءه وكمان ليه فترة كبيره مافتحهمش بس سامع ومستوعب فضلوا معاه شويه ومشيو بس قبل مايمشي عادل كان جاب أمن بالفعل عند وليد كمان جوه الاوضه وهيباتو معاه والمستشفي مامنعتش
كدا عادل اطمن ع وليد فاضل انه يطمن عليه خالص أن ربنا يكرمه ويخف
رجعوا البيت ندا بس عادل طلع ع الشركه ندا لقيت هند ف البيت
سلمت عليه واتكلمو مع بعض شويه
ندا:-وقفت مخضوضه انتي بتقولي ايه
هند:-اقعدي بس والله زي مابقولك
ندا:-شبه مين وصوت مين رحمه
هند:-والله خلاني شكيت اكتر لما حضنتي اووي وعيطت وكمان افتكرت كلام ماما هي ومستنيه رحمه وكمان لما قالت إنها هتيجي بكرة ع امبارح ودا نفس الكلام ال حصل
ندا:-باستغراب مع استنكار لا لا احنا هنصدق وهم احنا هنضحك ع نفسنا
هند:-انتي معذوره عشان كدا بتقولي كلام زي دا لأنك ماشفتيهاش
ندا:-ولو شفتها انا عارفه أنها مش هي
هند:انتي بتقولي كدا وحياتك ل خليكي تشوفيها وبعد ماتشوفيها هشوف
ندا:-ازاي
هند:-هقولك ...
$$$$$
رانيا:-بتتكلم فون انا جايه اقفل
خرجت رانيا من الشركه وهي مش عارفه أن ف حد بيتابعها وصلت مكان كدا عشوائي وبعيد جدا ف حته زي القهوة كدا بعد دقايق كان هيثم وصل لنفس المكان وشاف وعرف واتاكد
رانيا:-نعم اديني جيت خير
محمد:-اهلا بالهانم
رانيا:-اخلص
محمد:-بالراحه ع نفسك ومتخافيش الحته امان ول انتي مش متعودة تيجي هنا
رانبا:-اخلص يا محمد انت عايز ايه
محمد:-انا عملت لعبه كدا ع ندا ورجعتها تاني لعصمتي بورق مضروووب
رانيا:-مش جديد عليك منتا مزور لنفسك بطاقه باسم .....
محمد:-ايه ياهانم انتي هتسيحي ول ايه
رانيا:-اخلص وأقول عايز ايه
محمد:-عايز اخلص من عادل
رانيا:-وانا مالي متخلص منه
محمد:وحدي لا
رانيا:-معني ايه
محمد:-انتي معايا زي مساعدتك أنك تخلصي من رحمه تساعديني ف عادل
رانيا:-هههههه بضحكه عاليه جدا سمعها هيثم ف عربيته ودمه غلي .. مش لما تخلص من أخته الأول
محمد:-لا ما أخته مراتي بعد ماخلص من أخوها هروق لها
رانيا:-انا بقول انك عبيط
محمد:-بتقولي ايه
رانيا:-ال سمعته انا مش أقصد انا
محمد:-بارتباك اومال مين
رانيا:-خديجه
محمد:خديجه مين مافيش غير ندا انتي هتجننيني
رانيا:-مش بقول عبيط انت هتضيعنا رحمه مامتتش رحمه لسه عايشه وهي نفسها سمو الأميرة خديجه مرات سمو الملك عدي
محمد:-بصدمه ايه
رانيا:-ههههههه رجالتك خانوك فهموك انهم موتوها بس هم لا مش موتوها دول باعوها وقبضوا تمنها لانها جميله جمال شرقي
محمد :-مش مجمع ال قالته رانيا
بس رانيا قاصدة الكلام لمحمد عشان توقعهم ف بعض ويموتو بعض وتخرج هي منها دا اعتقادها بس عشم إبليس ف الجنه
محمد:-وانتي عرفتي ازاي
رانيا:-زي ماعرفت المهم شوف رجالتك وانا معاك حتي لو خلصنا من ال 3 انا معاك العيله دي مالهاش مكان وسطنا دول قاع المجتمع وهيفضلوا طول عمرهم كدا
محمد:-رجالت مين انا هغيرهم دول خطر دلوقت بس بعد مصفي حسابي معاهم
.....
هيثم ف العربيه ملاحظ الوضع العربيه ف مكان محدش شافها فيه خرج من العربيه وقرب منهم وصورهم كذا صورة دلوقت بقااااا معاه دليل $$$$
نرجع عند عدي جه معاد العزومه ال عزمتها هند لخديجه بكرة خلاص خديجه مش عايزة تروح
عدي:-لا لا هي عزمتك وانتي وافقتي ليش هاد الحين تقولي لا
خديجه:-تعبانه ومش هقدر
عدي:-انتي صاحبه الزوووء كله وانا بدي انك تروحي عشان تفكي شويه من كتر هاد التفكير
خديجه:-مش قادرة
عدي:-لا راح تقدري وانا معك
خديجه:-حاضر
عدي:-انتي تعرفي بالعنوان
خديجه:-لا معرفش
عدي:-بلا اشوف هيثم عليه
خديجه متعرفش أن هند ساكنة جنب منها ولا هند كمان تعرف انهم ف الفيلا بتاعت هيثم
...........
نروح عند ندا ال مش عارفه تفكر من يوم ماقالت لها هند
دخلت ع عادل ف المكتب
ندا:-عادل
عادل:-ساب اللاب من ايدة نعم تعالي
ندا:-هتعمل ايه مع الزفت
عادل:-هههه انتي خايفه
ندا:-بصراحه اه
عادل:-يبقي انا مش اخوكي لما تخافي وانا معاكي محمد خلاص أمره انتهي
ندا:-ازاي طمني
عادل:-من طول ما معاكي اخوكي عادل الصعيدي يبقي اطمني
ندا:-ربنا مايحرمني منك ابدأ يا اخويا
عادل:-ول منك يا قلب اخوكي
ندا:-سمعت الكلمه ودموع ف عيونها ياااااااااه الكلمه دي مش بتخرج غير لرحمه انا ليا زمان ماسمعتهاش
عادل:-حط ايديه ع كتف أخته ومسح دموعها انتو الاتنين قلبي من جوة راح نصه فاضل النص التاني عايش بيه
ندا:-ف موضوع عايزه اتكلم معاك ف
عادل:-اتفضلي كلي اذانا صاغيه
ندا:-حكت ال هند قالته
عادل:-أي ييييييييييييه ازاي دا باستغراب
ندا:-والله زي مابقولك خلت عندي فضول اني عايزة اشوفها صح زي ماقالت ول لا
عادل:-لا لا انتو اتجننتو
ندا:-انا قولت كدا بردو
يلا هسيبك وروح اشوف ماما
......
خرجت ندا من عند عادل ال أدماغه اتشلت من كتر التفكير
عادل:-طاب ازاي انا بقول عليهم اتجننو منا مجنون قبل منهم انا لحد دلوقت مش مقتنع أنها ماتت دا غير الاحلام ال بحلمها أنها بتستغيث بيا........ ممكن؟؟؟؟
دماغه يمين وشمال طاب ازاي التاني عايز يتأكد
وفجأة يجي هيثم
يدخل
هيثم:-ندا اخبارك عادل فين
ندا:-أخيرا افتكرتنا مالك اهدي عادل ف المكتب
جري هيثم ع المكتب يفتح الباب ال يفاجأ عادل قدامه
عادل:-هيثم مالك ف ايه بتنهج ليه
هيثم:-محمد
عادل:-مالو الزفت
هيثم:-هو ال وراه موت رحمه
عادل:-بصدمه عرفت ازاي
هيثم:-عرفت وخلاص المهم عايزك ف موضوع وياريت تساعدني ف
عادل:-رقبتي احنا قبل أي شئ أخوات
هيثم :-هو دا العشم
عادل:-انت عرفت
هيثم:-بخضه فاكر أن عادل هيتكلم ع خديجه بس طلع انه مايعرفش بس كمان مايعرفش أن هند خبرت الكل
...... عرفت ايه
عادل:-محمد عمل ورق مضروب ورجع ندا لعصمته
هيثم هنا ربط الخيوط ببعضها أن مقابله محمد لرانيا كان وراها حاجه
هيثم:-ازاي دا
عادل:-أجله قرب ع كل حاجه عملها مع أخواتي والله مهسيبه
هى قولي كنت عايزني ف ايه
هيثم:-سمو الملك عدي ومراته خديجه
عادل:-رن الكلام ف دماغه وانتبه لهيثم. . مالهم
هيثم:'سري دا معاك انت مش مع حد ول حد يعرف بيه
عادل:-اكيد ياصاحبي
هيثم:-موجودين ف الكومباوندا هنا ف الفيلا بتاعتي ال جنب منكم ومحدش يعرف
عادل:-ايه بتقول ايه .... عادل مش قادر يستوعب ال قاله هيثم فعلا هنا يعني بينه وبين الله شاكين فيها أنها أخته أمتار
هيثم:-مستهدفين يا عادل انا شفت كدا بعنيه عشان كدا جبتهم هنا ومحدش يعرف خصوصا رانيا مراتي
عادل:-ليه
هيثم:-بعدين اقولك المهم تخلي بالك منهم من بعيد من غير مايلاحظو لحد مايرجعو بلدهم انا استنيتك ف الحفله تيجي بس ماجتش
عادل:-لنفسه يارتني رحت .... معلش كنت تعبان شويه
.........
$$$$
جه معاد الحفله النهارد
جهزت كل حاجه هند وعملت الأكل ال كانت بتحبه رحمه
وكل شيء جاهز عدي كلم هيثم يسأل عن عنوان وائل
من سوء الحظ أن رانيا سمعت المكالمه بالصدفه وعرفت أن عدي ف فيلت هيثم
هيثم اتفق مع عدي انه هو هيجي يوديهم لوائل
هند عزمت نسرين ال قالت لوالدتها داليا والتانيه ع نار عايزة تشوف خديجه وطبعا هيثم بس طلبت منه مايجبش رانيا معاه ومايقولهاش طبعا جهزت كريم حبيب رحمه
واتصلت بندا وندا مترددة عايزة ومش عايزة مش عايزة توهم نفسها ف حلم ممكن يكون سراب بس قلبها عايز دا رابط الأخوة
الكل منتظر خديجه
وأخيرا وصلت ف صحبت عدي ال ماسك ايدها وظاهر عليها التعب وهيثم طبعا إلا هيموت عليها من كتر الغيرة بس هيعمل ايه عايز يكتشف كل الأركان الأول قبل مايعلن أنها رحمه
نسرين سلمت عليها وحضنتها كالعادة داليا مش مصدقه لو ف شبه هيكون زي كدا دي نسخه تبكال
نسرين:-دي ماما
خديجه:-وشها مألوف شفتها فين بتسلم عليها ضربات كتير ف دماغها جت وصور لداليا ف كذا شكل منها الكويس والوحش من كتر ضربات الصور ف دماغها كانت هتقع وراه سندها هيثم وبص ف عيونها ال وحشاه وليه زمان جدا مش شافها ايوة العيون دي ملكي انا وبس
جه جري عليها عدي مسكها
عدي:-قلبي شو بكي
هند:-خير مالها
عدي:-نحن نعتذر هي تعبانه شويه
هند:-ارتاحي ارتاحي طيب
قعدة بالفعل وكلهم مع بعض
هند جابت كريم اول ماشافته خديجه قربت منه حضنته وباستها
خديجه:-وحشتني
كله استغرب من الكلمه المفروض انك اول مرة تشوفيه بتقولي لو وحشتني
هند:-تعرفي دا مين ؟؟؟؟
كمان كله استغرب من سؤال هند
عدي بدأ يشك ف حاجات التاني زكي وبيفهم
خديجه:-اكيد دا ابنك صح
هند:-اه ابني تعرفي اسمه
هيثم فهم أن هند حست أنها رحمه هي كمان ودي محاولات منها تعرف بيها
خديجه:-بتسترجع وراه بس مش فاكره
هند:-لما شافت أم كله مستغرب ههههه دا ابني كريم
خديجه:-كريم وبدأت صور تاني ف دماغها وكلام يجي اه من كريم بس مش دا طفل تاني أكبر منه اسمه بردو كريم
مسكت دماغها .... ااااااااه دماغي ااااااااه
كله استغرب بس هيثم متأكد ان رحمه فاقدة الذاكرة بس ياتري ايه ال حصل ليها
عدي:-كنت عامل حسابي هاد دواكي المسكن
أداها الدوا وهي اعتذرت من كدا وحبت تمشي بس محدش وافق لها
قامت هند اتصلت بندا
هند:-انتي يازفته فينك
ندا:-ف البيت
هند:-تعالي
ندا:-لا وبطلي جنان
هند:-بقولك تعالي حصلت حاجه غريبه اختك تعبانه وشكلها فاقدة الذاكرة بقولك تعالي
ندا:-بخضه ايه ياحببتي يا اختي ...... الله منتي من شويه مش مقتنعه . دي هي الأخوة
ندا دخلت ع عادل المكتب
ندا:-عادل انا رايحه عند هند
عادل:-لسه ف دماغكم بردو
ندا:-معلش خلينا نتأكد هند بتقول أنها تعبانه وشكلها فاقدة الذاكرة
عادل:-ماشاء الله عليكم بتتكلمو وبتحللو مع نفسكم روحي يا ندا بس ماتعشميش
خرجت ندا من عند عادل وسابته قلبه واجعه ع كلمه أنها تعبانه وفاقدة الذاكرة ممكن يكون صح ااااااااه ياقلب اخوكي طاب يارب اعمل ايه منا كمان عايز اتأكد يارب
خرج عادل راح ع والدته الحجه عليه يشوفها
ندا بالفعل لبست بس لسه ماخرجتش
عادل:-اخبارك ياست الكل
الحجه عليه :-الحمدلله يابني
عادل:-مالك بس
الحجه عليه :-بس تجيني اختك هي اتاخرت ليه كدا ماجتش معاك ول مع هيثم
عادل:-بدموع ف عيونه اختي مين
الحجه عليه :-رحمه شفت انا مستنياها هنا عايزة اشوفها قالتلي مش هتاخر
عادل:-انتي عايزة تشوفيها
الحجه عليه :-ايوة يابني
عادل :-.................
#نكمل بكرة ال هيحصل
محدش يقول صغيره عشان ال عندهم فيس لايت يقدرو يتابعوا معانا
#توقعاتكم
ايه ال هيحصل
هيثم هيعمل ايه مع رانيا
وعادل هيعمل ايه محمد
هيثم ليه قال لعادل أن عدي وخديجة هنا عايز ايه من كدا
مفاجاه وليد ال هيعملها لندا
#واخيرا والأهم ايه ال هيحصل مع ندا لما تشوف خديجه وعادل هيعمل ايه لوالدته الحجه عليه
قلب الأم مش مسلم أن بنتها مامتتش
بكره المواجهه الاخيره
كل دا واكتر هنعرفو الحلقات الجايه
#انتظرووووووووووووووووني
بقلمي
Wafaa Roshdy
