#روايه
#عشقت_منتقبه
الجزء الثاني
الحلقه السابعه عشر
$$$$$
نرجع مع رحمه ال أخدت عادل ووائل وعدي الكافيه ولما دخلت عرفوا أنها جايه هنا لهيثم وشافوه بالفعل مع واحده كبيره ف السن وشعرها بس مديه ضهرها لهم
هيثم شاف رحمه ال جايه عليه زي الاسد وواثقه من نفسها جدا ومعاها وائل وعادل ودول هم الشهود ع ال هيحصل وقربت من هيثم وقفت جنب منه وبصت ع السعودية ال معاه واتصدمت لما شافتها مش مصدقه دا معقول
رحمه:-مين انتي؟؟؟؟؟؟
الست :-مين انتي مين دي يا هيثم
رحمه:-مين دي .. انا خديجه يا مدام عنبر ورفعت النقاب لحظه واحده ونزلته تاني ماكنش ف حد موجود ف الكافيه وتقريبا محدش اخد بالو ول حتي الشركه معاها
عنبر:-ف حاله ذهوووووول انتي رحمه ال هي خديجه
رحمه:-اهااااا كويس انك عارفه أن انا رحمه سيدة الأعمال المنتقبه يامدام عنبر
عنبر:-عرفت انك هي
رحمه:-بصت ع هيثم دلوقت انا عرفت انت جبت منين الفديوهات والصور ال معاك من دي هستني ايه من وحده زي دي اذا كانت صورت سيدها ال بتشتغل عنده كدا فاضل ايه تاني منها
عنبر:-دا مش سيدي
رحمه:-مش دي ال انتي كنتي بتشتغلي عنده يبقي ازاي مش كنتي بتقولي أن دا هو سيدك وسيد القصر كله انا عايزة اعرف بقلمي
والزفت التاني عدنان عملتوا ليه كدا
هيثم بص ع عنبر :-مين عندنان
عنبر:-باصه ف الأرض
رحمه :-عدنان هي ماقالتلكش هو مين ال كنت اعرفه والقصر كله يعرفوا أن هي وعدنان كانوا مع بعض وال اكتشف دا عدي وطلب منه أنه يتجوزها ف الحلال غير كدا معرفش وانا متأكده مليون الميه انك وهو ورا مرض عدي بدليل أن قولت أن هسافر اسبانيا وأول ماوصلت هربتوا انتو الاتنين
هيثم:-الكلام دا صح
عنبر:-باصه ف الأرض ومش بتتكلم
هيثم :-ردي عليا
عنبر:-ايوة
رحمه:-عدنان ايوة اعرفوا انتو عملتوا ليه كدا
عنبر:-انا ليا حق عند عدي
رحمه:-أي حق
عنبر:-ف تركته ال انتي اخدتيها
رحمه:-من حقي انا مراته وال يموت مش بيورثوا اهله وعدي انا مش ورثته دا كتب كل شئ قبل مايموت يبقي فين حقك وانتي كنتي شغاله عنده
عنبر :-انا كنت مرات والده
كله اتصدم وأولهم هيثم ال الصدمات بتنزل عليه زي المطر
رحمه:-نعمممممممممممممممممممم مرات ابوه
عنبر:-ايوة انا كنت متجوزة ابوه وكنت عايشه عيشه آخر هنا مات ابوة وهو كان مسافر ولما عرف أن والدة مات رجع اخد كل شئ طلبته ف ورثي رفض قالي انتي مالكيش حق وانتي مصريه والمصريين مايورثوش فينا انا ماسكتش ثروة ابوة بمليارات لو أخدت ورثي هعيش مرتاحة آخر عمري خصوصا أن كل جوازتي ال قبلها مافيش حاجه من وراهم وفكرت لو رجعت مصر ابني مش هيستقبلني وبصت ع هيثم ال رمت ابنها زمان يستحيل ترجع له لما كبر قالي ممكن تمسكي القصر واديكي مرتب كبير كل شهر إنما ورث لا أصبحت من سيدة القصر لشغاله فيه ...
رحمه:-افهم من كلامك دا انك والدة هيثم؟؟؟؟
عنبر:-بصت ع هيثم ال حاطط ايدة ع دماغه ايوة
رحمه:-يعني انتي عملتي كل دا صورتوه وهو ف اوضته نومه عشان الفلوس وفضحتوا ميت عشان الفلوس ملعون ابوها الفلوس ال تعمل كدا وانت وبصت ع هيثم عرفت دلوقت انت عملت ليه كدا ال والدته كدا اتوقع أي شئ من غير ماتتكلم معايا بدل ماتفضحني لا مش هقول انك فضحتني انت فضحت ميت وكشفت سره كنت جيتني واتكلمت معايا وشفت رد فعلي ايه بجد انا مصدومه فيك خسارة والف خسارة عليك انك طلعت كدا
هيثم:-رحمه افهمي
رحمه:-خلص الكلام وانتي بصت ع عنبر بدل ماتعملي كل ال عملتيه دا كنتي جيتي ني وقولتلي أن لكي حق عند عدي وشفتيني ادي ول لا خليكي فاكره انتي وابنك ال عملتيه دا بكره هيرجع تاني لكم أن كما تدين تدان
فاكره لما صحيت من النوم ف القصر وشفتك انتي اول واحده قولتلك انا مين قولتلي خديجه فتحي فاكره لما كنت بشتغل ف القصر خدامه وانتي كنتي بتعملي ايه فيا فاكره لما كان عدي بيطلبني وكنت برفض اطاوعه ويرميني زي الكلاب وينادي ع عدنان دي مكانها حمامات القصر فاكره لما عدنان بيجرني زي الكلب المربوط ويرميني ف الحمامات وتقولي دا مكانك اغسلي فاكره انتي لما كنتي تجيلي وتقولي هاد سمو الملك كل شئ هون ملكه وانتي جاريته وملكه فاكره لما طلبت منك اني اتحجب وانتي رفضتي فاكرة لما كنت بتجنب عدي ف مقابلاته فاكره شكلك لما عدي عرف أن طلبت اتحجب وانتي رفضتي فاكره ملامحك لما عرفتي أن عدي بدأ يحبني فاكره شكلك انتي وعدنان لما عدي طلبني عنده وحاول عندي ف المغريات ال جابها لي وال قاله عليها عدنان اني هاجي بكدا وانا كالعادة رفضت وضربني فتحلي دماغي فاكره لما جاب الدكتور لفلي دماغي وخيطها ونومني ع السرير بتاعه وجيتي انتي والبنات تاخدوني ف اوضه ال شغالين وهو رفض قال دا هو مكانها انا ساعتها خفت هيعمل ايه فيا وانا دماغي مفتوحه فاكره لما عدي طلب مأذون يكتب عليا ورفضك القاطع انت وعدنان فاكره عدي لما أصر ع موقفه وعدنان جابله المحامي فاكره عدي لما كان بيديني العلاج وبينيمني ف حضنه زي الأطفال وبعدها يغطيني ع السرير ويخرج فاكره لما كنت بأن واتوجع وياخدني عدي ف حضنه ويهديني يقولي ماتخافيش انا معاكي انا عمري ماهشوف حد زي عدي وبصت ع هيثم
فاكره لما ربط نفسه بيا ومارديش يشوف شغله لحد ماخفيت فاكره عدي لما طلب سرير تاني يجيله ف الجناح وحطه ف المكتبه وكان هو ال بينام عليه
فاكره عدي لما مسك ايدي وسط القصر وقال إن هاد القصر ملكك والكلمه كلمتك انتي سيدة هاد القصر فاكره عدي ال من يوم ماعرفني مالمسش بنت بعدي لحد مامات فاكره عدي ال خاف عليا منكم واخدني الشركه معاه ولما رجع الشركه عرف باختلاسات عدنان وسامحه قال دا من أيام والدي فاكره انت والزفت ال معاكي لما كنتو بتحلوا له الحرام وكل يوم بيكون مع بنت شكل وكنتي بدي البنت حبوب منع الحمل لأنك عارفه ومتاكده لو وحده فيهم حملت من عدي عدي كان هي تجاوزها فاكره انت والزفت التاني لما ادتوه أدوية منشطه للخلايا السرطانية ف جسمه فاكره عدي بصوته الجهوري العالي لما مسك عدي وقرروا انتي وهو عنا وعرف أننا وصلت القصر ف صندوق فاكره عدي بصوته العالي ف القصر لما قالي حقك هيرجعك ولو فيها موتي
وأخيرا فاكره لما رجعنا مصر وكل دا حصل وعرفت بمرض عدي وقولت هسافر تاني اسبانيا والخبر وصلكم وهربتوا قبل مانوصل
ال خلاكي تجيبي لابنك فديوهات عن واحد مت وتقولو ان ال معاه دي انا وانتي اكتر واحده هرفاني وهو كمان كان اكتر واحد عارفني بس انا ال ماكنتش اعرفه للاسف يعني انتو معاكم كل حاجه عنه وبتصوروا ماقدرتيش تجيبيلوا فديوهات بيني وبينه وهو كل مرة بيضربني عشان اطاوعه فديو ال بيغريني فيه ويقولي كل هاد الك عدنان قالي اغريها ماجبتيش ليه الفديوا ال لبسني فيه الحجاب بعد ماخفيت وابتسم ف وشي ومسك أيدي باسها واهو جوزي حتي لو فاقدة الذاكرة انا مراته قالي عمري ماهحب حد غيرك .... وأنا عمري ماشفت حد زيوا وبصت ع هيثم بقرف جيتي هنا شوهتي سمعه واحد ميت وكشفتي ستره وبدوري ع حق ال زيك انتي وابنك عايزين الحرق بالجاز انتو يستحيل تكونوا زينا انا مش هاممني نفسي زي ماهممني ال مات حسبي الله ونعم الوكيل فيكم
هيثم :-رحمه ممكن تسمعيني
رحمه:-اسمع ايه ول ايه انت مشيت وراها من غير ماترجع لحد بس عادي اذا كانت والدتك كدا انت هتطلع ايه
الكل ف حاله ذهوووووول من ال سمعوه من رحمه مش مصدقين أن دا كان بيحصل جوة القصر ول حتي عادل اخوها
عادل:-مش عارف ينطق يقول ايه غير أن هو وقف ف ضهر أخته
$$$$$$$$
ف الوقت دا كان اتصل وائل بالشرطة وبالفعل جت
واتصدم كل ال موجود من تصرف وائل بس وائل مش جديد عليه قبل كدا حبس مراته هند
شاور ع عنبر مسكوها بالفعل
اتخضدت عنبر :-ايه دا
رحمه:-انتي جايه تطالبي بحقك صح
عنبر:-ايوة
رحمه:-عدي ليه حق عندك انتي وعدنان بعد ماياخده تعالي اديكي حقك
عنبر:-بقااا كدا
رحمه:-دا هو كدا
راحوا اتنين جنب هيثم ماصدقش نفسه الظابط اتفضل معانا
بص لرحمه بس بصه محدش فهمها ول حتي هي لوم عتاب استسماح اسف حاجات كتير جدا فيها واخدهم بالفعل البوكس
$$$$$$
رحمه كل ال عملته أنها قعدت مكان هيثم كان لسه دافي ورحته فيه فضلت تعيط
قرب منها عادل وحط أيده عليها
عادل:-متخافيش انا معاكي
وائل :-تسمحلي يا عادل اقول كلمتين لرحمه بس ماتزعلش مني
عادل:-اتفضل يا متر انت أخونا الكبير
وائل :-بصراحه انا مش عارف اقول ايه انا بحيكي ع شجاعتك صراحتك وقوتك ال نادرا مابيكونوا ف واحده بالرغم من كل إلى مرتي بيه ف حياتك ال انك مابتنسيش فضل حد عليكي بعد ربنا خصوصا ف إظهار الحق انا باقرا واعترف وببصم بالعشرين اني لو قابلت من زمان أو ف ظروف احسن ماكنتش سبتك ف خلال شغلي ف المحاماه وبين رجال الأعمال ليا 15 سنه ماصدفتش شخصيه زيك ربنا هيكرمك آخر كرم
.......
رحمه ماعلقتش ع كلام وائل خالص كل ال نطقته
رحمه:-متر ممكن تخليك مع هيثم
وائل وعادل:-بصوا الاتنين ع بعض بعد كل ال عمله وبتقولي كدا
رحمه:-ماتستغربوش هيثم التاني معذور صدق مالقي حاجه عايز يبرر موقفه مع رانيا انه اتجوزها وزعلي منه بسبب كدا ودي كانت فرصه عنده ومن كتر الزن عليه صدقها وانا كنت عارفه أن ف حاجه هو مخبيها بس ايه معرفش وادينا عرفنا أحيانا الواحد مخه بيعجز عن التفكير وهو عجز بالفعل التمس لاخيك عذر وان لم تجد له عذر قل لعل عنده عذر وانا لم أعرف حاول تخرجه عشان خاطري لو فعلا ليا مكانه عندك زي مابتقول
وائل كل ال عمله انه هز بدماغه لرحمه .حاضر وبالفعل قام ورا هيثم ع النيابه
$$$$$$$
عنبر وهيثم بتحاول تكلمه وهو رافض تمام ومش سامع منها حاجه وف الآخر زعق فيها ممكن تسكتي
سكتت بالفعل بس هو مع نفسه مش عارف هو عمل ليه كدا من أمتي وانا كدا .....دي رحمه مش حد تاني دي روحي ونفسي ال كنت بتنفسه دي نبض قلبي ال عايش بيه ازاي اتهمها بكدا وانا فعلا اكتر واحد عارفها ازاي انا حتي قالي وائل انهم ف التحقيقات قالت كل واحد راح ع اوضته دى معناه أنه مالمسهاش انا ازاي بس كله منكم رمتيني انا وصغير وجايه دلوقت تتكلم وانا زي الاهطل مشيتي وراكي وصدقت ازاي انا اعمل كدا مارحتش ليه لرحمه واتكلمت معاها الأول قبل أي حاجه قبل مافضح فعلا ميت واكشف سره حتي الفديوا دا حرام اني اسمعه ازاي ازاي ياتري يارحمه هتسامحيني ول .........انا جرحتها وجرح كبير انا اتهمتها ف ........... يارب ليه كدا كل محاول أقرب منها ببعد ليه رحمه ماتستاهلش مني كل دا انا كنت أعمي ومشيت ورا الضلال يارب يارب هون عليا يارب يارب
$$$$$$$$$$$$$
فضلت رحمه ع الكرسي تعيط قرب منها عادل بالكرسي ورفع وشها له ومسح دموعها بايده
عادل:-مش كفايه الدموع دي مش عايز اشوفها تاني انتي ال عملتيه دا اثبتيلي انك راجل وكمان ف رجاله كتير مش بتعمل كدا انا فخور اني عندي أخت زيك انتي اتحملتي كتير ف أيام المفروض تكون أجمل أيام عمرك بس مع كل ال حصل كنتي قوية وماتهزتيش ابدا ولا عمرك هتهتزي انتي اختي وانا اخوكي ويستحيل هخليكي تبعدني تاني عني انا سألتك كتير عن ال حصل معاكي ف القصر قولتلي هقولك وماقولتيش وانا ماضغطش عليكي إنما اول امبارح اشوف ال جابه هيثم وكمان النهارد ال قولتيه أظن من حقي اعرف الحكايه
رحمه:-مسحت دموعها من حقك وانا كنت بالفعل هقولك بس مافيش فرصه جت ..... ال افتكرته بعد ماتخطفت انت تعرفه إنما عند عدي ال فكراه أن كنت نايمه قمت وانا عندي صداع جامد جدا ودماغي مربوطة لما سألت انا مين ردت عنبر انت خديجه فتحي فضلت اشتغل ف القصر خدامه كنت بتجنب عدي من كتر ماسمعت عنه من البنات ال معايا وايه ال كان بيعمله معاهم ف جناحه وكنت خايفه وانا طبعا ماكنتش بحجاب كنت خايفه لو شافني هيعمل ايه خصوصا أن كل ال هناك بيقولي اني جميله والله أعلم هم شايفين ايه
عادل:-انتي مش شايفه نفسك
رحمه:-انا انسانه عاديه جدا
عادل:-لا انتي أجمل من الجمال نفسه كملي
رحمه:-هه والله انت رايق عنبر كانت بتثق فيا كانت بتختارني انا وبنتين تاني ننضف جناح عدي كل مايخرج كنا بنروح ننضفه قبل مايرجع نخلص انا كنت بنضف اه بس اكتر حاجه كنت بنضفها المكتبه كنت بسرق بالكتاب منها اقراه ورجعه تاني المرة ال جايه وانت عارف ان بحب القراءة
ف اليوم دا رحنا ننضف عدي رجع بدري ودخل ع جناحه وشاور للبنات انهم يخرجوا وخرجوا بالفعل بس نسيوا أن لسه ف المكتبه شدني كتاب فضلت اقرأ شويه فيه دخل المكتبه لقيني فيها ومد ومديه ضهري للبآب بصلي من فوق لتحت وبعدها انتي انا اتخضت اختبرني ف القهوة عجبته فضل يحاول معايا وانا اتكلم معاه أن دا حرام عدي انا غيرته عدي رجع لربنا ع أيدي عدي من اليوم دا مالمسش بنت لحد مات ول حتي انا ال مراته عدي لما كان مايلقاش مني فايدة يرميني ويقول مكانها الحمامات وانت سمعت ال قولته لعنبر عدي حبني بجد واتغير بالفعل عشاني واحترم اني فاقدة الذاكرة ممكن يكون لي زوج ومارديش يلمسني ولما عرفت انا مين عدي كان رافض الجواز أن اتممه بيقولي انتي لهيثم حبكم ظاهر
عدي انا ماشفتش حد حب حد زي عدي ماحبني وفداني بروحه كل دا وهيثم بتعيط
عدي لما عرف نفسه أنه هيموت كل حاجه كتبها باسمي عدي كتبلي ف الظرف ال سابه وصيه أن لازم ارجع لهيثم وهيثم إديك شفت ال عمله عدي عمره ماتكلم ع هيثم كلام وحش الفتره ال اخدناها مع بعض ماكنش بيقول غير أن حبكم ظاهر مع اني مانطقتش قدامه ول قولت بحبه
دي جزاته يا عادل انه يتفضح كدا بعد ربنا ماتاب عليه حرام دا ول لا
أقسم بربي انا ماهممني نفسي لأن الدنيا دي فانيه زي ماهممني ال مات واندفن وكمان ال عايش ال زي مافضح ميت ربنا هيفضحه مهو كما تدين تدان .... وفضلت تعيط
عادل بس بس وحضن أخته كل دا ياقلب اخوكي بس بس اسكتي انتي قلبك ف كتير وكتير جدا بس خلاص من النهارد انا معاكي ومش هسيبك ابدا قومي يلا بينا من هنا
$$$$$$
قامت بالفعل مع اخوها وهي حاطه ايدها ع عنيها وهو حاضنها وماشي بيها ركبوا العربيه
كان اتصل بيهم وائل لازم يحضروا ف القسم عنبر مقدمه شكوي ف رحمه
بالفعل طلعوا ع القسم واتكلمت رحمه وقالت كل حاجه وعرفت أن هي اتهمتها أنها لعبت ع عدي واخدت كل أمواله بعد مامضته عليها قدمت رحمه كل الورق ال معاها ال يثبت عكس كدا وبعتت فاكس للمحامي انه هو المسؤول عن دا
لما واجهوا عنبر بكل شئ انهارات واعترفت ع كل ال كانت بتعمله هي وعدنان ف القصر والأدوية ال كانوا يدوها لعدي وبرأت هيثم من أي حاجه أنها هي ال زنت ع دماغه من ورا عدنان وبلغت عندنان وعن مكانه وحطو خطه للقبض عليه لأنه مش سهل
$$$$$$$$$$$$$
هيثم خرج من الحبس مع أنه ماتسجنش أمه برائته بسرعه وهو فعلا مالوش يد ف حاجه
شركته حالتها اتدهورت بقت ف الأرض وهو معتكف ف اوضته هزل وجسمه ضعيف
عدا يوم واتنين لا دا كتير
$$$$$$$
رحمه ف شركتها بترجع ورق دخلت السكرتارية أن مدير البنك برا ومحتاج يتكلم معاها ف موضوع مهم وافقت طبعا ودخل عندنا
رحمه :-استاذ حسن اهلا بيك
حسن :-اهلا بيكي يا مدام انا اسف أن جيت من غير معاد
رحمه :-ماتقولش كدا انت ف أي وقت تشرف طبعا خير يا أستاذنا
حسن :-حضرتك عارفه رصيدك كام ف البنك عندنا
رحمه:-ليه السؤال دا
حسن:-معلش جاوبي
رحمه:-ايوة عارفه حاجات بسيطه ماتتعداش مليون ليه بقااا السؤال
حسن:-يعني حضرتك عارفه امال حضرتك كاتبه شيك لأكثر من 100 مليون ليه انا ماردتش اخد أي إجراء ضددك لأنك شخصيه محترمة وتعاملك كويس جدا معانا
رحمه ف حاله ذهوووووول :-ايه انا كتبت شيك لا طبعا ازاي الكلام وتاريخه
حسن :-بتاريخ النهارد كمان
رحمه:-انا ماكتبتش أي شيكات النهارد يمكن مزور
حسن :-لا يا مدام دفتر شيكاتك ال احنا أدناه ليكي ف البنك انا صورته وادي صورته وامضتك عليه بصي
وادها صورة الشيك
رحمه :-اتصلت بعادل يجي ومعاه وائل وبالفعل جم
ورته لوائل
وائل:-الأصل فين
حسن :-مع صاحبه
وائل:-اسمه ايه
حسن :-اسمه عندك اهو محمود ناصر
عادل :-تاريخ
حسن:'النهارد
رحمه:-بص يا استاذ حسن انا طبعا شاكره جدا لحضرتك ال عملته دا بس ف حاجه تاني انا بطلبها منك وياريت تعملها معانا
عادل:-ناويه ع ايه
رحمه :-هنقبض ع محمد
وائل :-بخضه ايه محمد طليق ندا
رحمه:-أي نعم هو ف غيرو
وائل :-وايه ال فكرك بيه واشمعنا هو ال جه ع بالك ممكن عدنان
رحمه:-أولا عدنان مايعرفش حاجه عني ول اشتغل معايا قبل كدا وبعدين واضحه يا متر الشيك دا محدش يقدر يجيبه غير محمد لأنه كان ماسك المستشفي وممكن يكون شيك لادوية وهو اخده ولعب عليهم زي ماكان بيعمل
عادل:-تمام ودلوقت انتي بتفكري ف ايه
رحمه :-هقولكم ..........
$$$$$$$
تاني يوم ف البنك
المدير حسن :-اهلا اهلا يافندم
محمود ناصر:-ها اهلا بيك خير طلبني ليه
حسن:-كل خير معلش حصل سوء تفاهم امبارح وانا ماكنتش اعرف ان مدام رحمه حطت ف حسابها تاني بعد ال سحبته ووقفت الشركه بينها وبين هيثم باشا لما سألت الموظفين عرفت
محمود :-طاب كويس يعني هصرف الشيك
حسن :-اكيد ياباشا انت عايز يتحول لحساب تاني ول عايز كاش
حسن :-لا كاش لأن ف مشروع هعمله ومحتاج سيولة
حسن تمام
اديني ساعه نحضرلك فيها المبلغ وماتنساش أن مبلغ كبير انا هفضي كل ال ف البنك عشان يجمعوا
حسن :-خد راحتك انا مش مستعجل
$$$$$$$
بالفعل حضروا ال 100 مليون وجهزوهم ف كذا شنطة خاصه بالبنك وطلعوا العمال معاه لعربيته وحط الفلوس ومشي
......
ف مكان تاني
الووو عمليات العربيه اتحركت ف اتجاه. ...... لونها اسود بأرقام. ....
.......
اطلع وراها
.....طلعت عربيه شرطه وراها من غير ما تاخد بالها هي تمشي وتزوغ ع أساس أن ف حد متابعها وهو مافيش لأن عربيه الشرطه عربيه عادي لحد ماوصلت لمنطقة عشوائية فيها عشش ف كل حته وأخيرا وصلت لعشه كدا وقفت خرجوا مجموعه جاله شكلهم بلطجي اخدو الشنط ودخلوا وبيتكلموا وهو فرحانين وبيضحكوا وبيمسكوا ف الفلوس
......ضحكنا عليها رحمه سيد محمود يضحك عليها هههههه
(ياغبي انت ال اضحك عليك )
يرد التاني أي والله بس احسن من عنيها لسه لما تكتشف هتعمل ايه
يجي صوت من وراهم
..... هكون انا برا مصر ودا أقل حاج انا اخدتها منها
............
#اكشششششششششششششششششششششششششن
يدخلوا رجال الشرطه أثبت أثبت منك ليه ايدك فوق ايدك فوووووق
والله ووقعت يا محمد باشا
$$$$$
#نكمل بكرة ال هيحصل
#توقعاتكم
مافيش توقعات مش عايزاكم تتوقعوا شئ لأن نهايتها قربت
#ملحوووووووووووووووووووووووووووووووظه
انا بشكرك كل اتهمني امبارح أن بدلع عليكم واني بذلكم وان ماعملتش حساب للقراء
بس قبل أي شي انا نبهت قبل كدا وقولت أن الجمعه مافيش حلقه إجازة وطبيعي أن اخد إجازة عيد زيكم وقولت بردو أن بكتب حلقه بحلقه يوميا الحلقات مش جاهزة عندي عشان أنزلها اول ماتطلبوها كميه الكومنتات ال جت والرسائل بجد بجد من كل قلبي بشكركم ع كل شئ
#انتظرووووووووووووووووني
بقلمي
Wafaa Roshdy
