ချစ်ခြင်း၏ရနံ့ကို သယ်ဆောင်လာသော

Chapter 1.2

Mu Mu ရိုးရိုးသားသား ရှင်းပြလာတယ်။ " မင်းရဲ့ ကိုယ်ဟန်အမူအယာအနေအထားက ပြောင်မြောက်ပေမယ့် ခံစားချက်မပါဘူး။ ဒီထုတ်ကုန်ဖော်ပြချင်တဲ့အဓိကဆိုလိုရင်းက ဘာလို့ မင်းထင်လဲ? "

ဒါရိုက်တာက ကမန်းကတမ်းဖြေလေတယ်။ " ဒီရေမွှေးကို ကျား/မ မရွေး သုံးနိုင်တယ်။ သုံးပြီးတဲ့အခါမှာ အမျိုးသားတွေရော အမျိုးသမီးတွေကိုပါ ဆွဲဆောင်နိုင်လိမ့်မယ်။ ယောက်ျား/မိန်းမ သတ်မှတ်ချက်ကိုကျော်လွန်တဲ့ အလှတရားနဲ့ညှို့ငင်နိုင်စွမ်းကို သိရှိစေမယ်။ "

" အတိအကျပဲ ! မော်ဒယ်က ညှို့ငင်နိုင်စွမ်းရှိတဲ့ပုံစံကိုဖော်ပြရာမှာ အရမ်းကျွမ်းကျင်တယ်။ ဒါပေမယ့် အစကနေ အဆုံးအထိ၊ မျက်ဝန်းတွေက အေးစက်နေတယ်၊ ကိုယ် မင်းဆီက နွေးထွေးမှုကို မခံစားရဘူး "

Ling Mao Er ကတော့ မထီမဲ့မြင် ခွန်းတုံ့ပြန်သည်။ " ဒါက အဆင့်မြင့်ရေမွှေးလေ၊ ပြည့်တန်ဆာတွေသုံးတဲ့ ခပ်ပေါပေါအနံ့မှ မဟုတ်တာ၊ ခဗျားက ကျွန်တော့်ကို ကင်မရာကိုပြုံးပြပြီး ကြာပစ်ပြစေချင်နေတာလား? "

" ကိုယ်က မင်းကိုယ်မင်းရောင်းဖို့ပြောတာမဟုတ်ပါဘူး။ အတွင်းပိုင်းကလာတဲ့ညှို့ငင်နိုင်စွမ်းရှိတဲ့ပုံစံကို ဖော်ပြစေချင်ရုံလေးပါ။ "

လေထုက ပိုပိုပြီးတင်းမာလာတာကိုမြင်လိုက်ရတာကြောင့် ပြေလည်သွားစေဖို့ရာ ဒါရိုက်တာက ခပ်မြန်မြန်ရှေ့တစ်လှမ်းတိုးလိုက်တော့သည်။

" ဆရာMu ပြောတာ အဓိပ္ပာယ်ရှိတယ်...။ ညှို့ငင်နိုင်စွမ်းကို ကို ထုတ်ပြဖို့က တော်တော်ကိုမလွယ်ဘူး။ နည်းလွန်းရင် ဣန္ဒြေရှင်နဲ့တူနေပြီး၊ များလွန်းရင်လည်း ရိုင်းသွားလိမ့်မယ်။ ညှို့ငင်နိုင်စွမ်းကို အနုပညာမြောက်အောင်ဖော်ထုတ်နိုင်ဖို့က အရမ်းခက်တယ်။ Ling Mao Er ရဲ့ ဟန်ပန်က တော်တော်လေးသီးသန့်ဆန်ပေမယ့် အဲ့ဒါကို ဒီအနေအထားလောက်ထိန်းထားနိုင်ရင် အဆင်ပြေပြီ။ ဘာပဲဖြစ်ဖြစ် ကျွန်မတို့က ညစ်ညမ်းပုံတွေရိုက်မှာမှမဟုတ်ပဲ။ တော်ရုံတန်ရုံအေးတိအေးစက်ပုံစံလောက်က ကုန်ပစ္စည်းရဲ့ပုံရိပ်အတွက်လဲ အကျိုးရှိပါတယ်။ "