هلا يلله تعالو نكمل قصتنة
بعد ما طلعت من العيادة رحت للبيت حضرت ملابس الي ولفهد لان ورانة سفر لان بيت اهلة بديالى حضرت كلشي وطلعنة من بغداد
وصلنة لديالى تلكونة ناس هواي بلباب سلمو على فهد ورحبو بي بس ولااحد باوع بوجهي عبالك مموجودة دخلنة البيت اهل فهد
تلكتنة مرة و3بنات أوالرابعة وياها طفل بعمر ال3سنوات
اجت ترحب ابفهد وي البنات باستة وحضنتة وضلت تبجي تكلة ليش ما تجي نسيتني بغداد صارت ديرتك
المهم خلصو كللهم هاي مرتي كلهن ضاجن واجة الطفل الفهد يركض يكلة بابا فهد شالة حضنة وباسة وكلة هلا بابة
وأجت ام الطفل حضنت فهد وهية تباوعلي بنضرات كراهية وحقد
اني رجلي مضلن يعينني كلتلة نورت بيتك حبيبي وهية تتمويع بحجيهة
واني واكفة مصدومة لزمني من أيدي يريد يدخلني كتلة واني ابجي وأرجف لا مااريد افوت مااريد فهد ليش جذبت علي ليش ماكتلي
عشت هواي حزن بحياتي رغم كل الي سويتة بية حبيتك وكلت ابدي صفحة جديدة وياك حتة ارتاح
ليش تخذلني فهد ليش اني شنو ذنبي ويصير بية هيج واني ابجي واناشغ كلي
كلي مااريد اسمع كلمة فوتي جرني للبيت دخلني وكلي حجاية زايدة منج مااريد فهمتي تعبان واريد انامم وصعدني فوك للغرفة وجاب الغراض ودخل سبح
كعدت بلكاع واني ابجي واكول الربي ليش هيج ربي عكب ماكلت رح اعوض كل ألحزن الي شفتة بحياتي وعوض حنان ابوي الي ما شفت منة حنان بيوم ليش هيج شنو ذنبي ويصير بية هيج اني انسانة ولله انسانة هئ هئ
كمت بدلت ملابسي ولبسد دشداشة لون نيلي وشال اسود وحمرة خفيفة وخليت عطر اندك الباب ودخلت مرتة
اتقربت مني بنضرات حقيرا وكالت اخذة منج اخذة فهد الي وابو أبني يا طفلة وكالتلي انتي خدامة يلله نزلي حضري الاكل وطلعت تضحك
طلع فهد من الحمام ينشف شعرة ضل يباوعلي باوعتلة ودمعتي بعيني ورحت نزلت شفت ولد بعمر فهد بلمطبخ ومرت فهد واكفة يمة وتضحك
اجيت كلت اسلام عليكم كلي وعليكم السلام هية مردت ضل يباوعلي بنضرات كلش حقيرا واجة يتقرب مني وخرت من يمة كللهة هية هاي مرت فهد الجديدة كلتلة ي
رجع باوعلي وعضلي شفتة وكلي تتعودين علي اخذ تفاحة من سلة الفاكهة وطلع
اجتي كالتلي حضري المواعين الغدة مندي دجاج وراحت
حضرت المواعين وخليت الطرشي بلكوس وطلعت قواطي الببسي من الثلاجة اجن ياخذن ألائكل مرت فهد كرصت ابنهة وضل يبجي وكالت مااكدر اصب زيوني يبجي ببتسامة وراحت خوات فهد 3اجن ثنين كلش حقيرات جاي ياخذن الطرشي وبدنة علي
