باش تعرف الشخص اللي تحبه يحبك او لا لازم يكونوا في علاقتكم نص النقاط هادو علي الاقل :
- لازم ماتكونش مريت معاه بفترة خلاتك تقول " زعما يحبني ولا لا " .
- لازم يكون رقمه هو اللي تتصل بيه في أي مشكله او لما في حاجه مضايقاتك حتى لو تعرف انه مايقدرش يساعدك .
- لازم يكون هو اول شخص تكلمه لما تفرح لانك عارف انه حايفرح .
- لازم كل تفاصيلك الصغيرة او الكبيرة تحب تحكيهاله .
- لازم كل ماتسكر تلفونك تعرف ان لما تفتحه حاتلقاه متصل بيك .
- لازم في كل مره يجي موقف يضحكك او يضايقك او حتى تافهه تقول في بالك ان لما نكلمه حانحكيهوله .
- لازم يكون في بيناتكم كلمات مميزة رغم انهم عاديات و يقولوا فيهم الناس كلهم لكن عندكم ليها معنى كبير .
- لازم يكون في كلمات ممنوع تقولوهم او ايموشن ممنوع ديروه لبعض .
- لازم قبل مادير او يدير حاجة تسألوا او تشاوروا بعض .
- لازم يكون اقرب اشخاص ليك يعرفوا الشخص هذا .
- لازم يكون عندك اشخاص يغاروا عليك لانه قريب منك اكتر منهم و هو نفس الشي .
- لازم يكون حلال عليك تدخل في أي شي في حياته و تغيره و هو نفس الشي لكن بتفاهم و الثقة و بالعقل .
- لازم تكونوا تحترموا الحاجات لتعفلقكم حتى لو واحد فيكم يشوف فيها تافهه .
- لازم مايديرش حاجة يعرفها اضايقك مهما كان العذر او المبرر و انت نفس الشي .
- لازم يكون في بناتكم مواقف او كلام لما تتفكروهم تضحكوا .
- لازم تكونوا ماقعدتوش تلاتة ايام ماتتكلموش لانكم متعاركين .
- لازم تكون في كلمه مميزة ترطب الجو بيناتكم .
- لازم تكونوا انتو الملجئ لبعض تهربوا ليه من الدنيا و عوجها .
- لازم تكونوا مكتفيين ببعض مهما كان في نقص او عيوب .
- لازم تشوفوا في بعض حاجات حلوه كل الناس مش شايفتها الا انتو .
- لازم تكونوا قادرين على انكم تسامحوا بعض رغم انكم تخافوا من زعل واحد فيكم .
- لازم لما واحد فيكم يشكي من قلة الاهتمام يعرف ان حايفيق الشخص التاني مش حايزيد يخليه يتجكتر او مايعدلش اكتر .
هادو اهم الحاجات اللي لازم تكون موجودة فالعلاقة باش تتأكد من انها صحيحة و انها مبنية على اساس كويس و نتمنى ان تكونوا لقيتوا اغلبهم في علاقتكم باش تريحوا بالكم و قلبكم .
كل شخص يشاركنا هل عنده الشخص هذا او لا ☹
