كثـر نقان والعياط حرفيـا يدمر الواحد ره
"فِ بنيـة نعرفها كانت حياتها كلها عٰ نت طلعات عٰ لمات عٰ هدايا عٰ سفر مافيش حاجة فِ خاطرها اصلا وكله تنزل فيه وتشارك فيـه للي ناسها وصاحباتها وللي ضايفتهم عٰ نت
وفِ لمات يتكلمو عليها ووك فلانه قداش ماتصرف ما اكثر طلوعها ما اكثر دهويرها شفتي الهدايا للي يجوها شفتي لبسها وك قداش ما كل سنة تسافر حرفيا كلامهم عليها فِ كل لما
بس بعد فترة البنت حياتها بجديات نقلبت واختفت عٰ نت لا عاد تنزل ولا شي قعدت تعاني فِ مرضها لان ياروحي مرضت
وفِ بنيـة تانية ديما تطلع مع امها فِ كل طلعات هي وامها مع بعض وكل مايشوفوهم يشهقو فِ وجوهم ححي فلانه هده بنتك ححي بنتك طولك حيي والله نحسابها اختك
بعد عرس قريبتهم ومافيش حد ماعيطش عليهم ان معقولة فلانه بنتها طولها بنتها تقول اختها فلانه مايبانش عليها الكبر بعد العرس عٰ طول نصدمكم إن الام قعدت فترة مريضة وصلت للعناية وبعد فترة بنتها توفت
وفِ بنيـة كانت تنزل فِ كل تفاصيل حوشها وتنزل وتعاود وسفرها هي وراجلها وهدايا وطلوعهم بس بعد زواجهم ب 8 شهور بدت المشاكل ومعش طايقين بعععض نهائيا وصلو للي طلاق
وفِ راجل كان ربي ناعم عليه وعاطيه وبرضو كان ديما يصرف ومش شاد يديه عٰ حد شي عزايم وشي زرادي وشي سيارات ولبس بس برضو حياته نقلبت من كثر ماتسمعي كلمة
فلان من وين عنده ؟ شن يخدم ! شكله فلوسه مايكملوش
وفِ بنية كانت مخطوبة وكانت حياتها معٰ شخص للي تحبه كلها عٰ نت وتشارك فيهم رسائل مدة مكالمات هدايا مناسبات خاصة بيهم ، وفِ كل ميعاد يقعمزو يهدرزو عليهم
فلان جاب للي فلانه هدية شفتي شن خدالها شفتي شن باعتلها
حي كيف خداها ؟ مافهمتش كيف خلاته يحبها ! تعالو شوفي كيف مدليلها مالا لما توصل فيه شن يدير هدا
بس برضو بعد مدة فسخت وزوز معش تقبلو بعض وكترت مشاكلهم ع ابسط شي
فِ عائلة كانت كبيرة وكل خميس وجمعة الحوش مايفضاش بِ زحمة الاحفاد والخوت والخوات
وكانو يعيطو عليهم حوش فلان تقول عررس عندهم شن هدا ! مااكثر صغارهم ووك دوشتهم هلببا ،، قداشهم هلبا تعدي وتغلطي ، متفاهمين مع بعض ، ديما يتلاقو ، ديما بزحمتهم
فجاة العائله هده " للي تفارق مع التاني وللي مات ، " الحوش للي كان مايفضاش خميس وجمعة " قعد فاضي ومعش يجوه ويتلاقو زي قبل
وفِ هلببا قصص غيرهم ونعرفهم شخصيـا " صح مش كل شي ندفوه فِ راس العين " بس خلونا متفقين واثقين إن الحسد ونقان يهدمو الانسان
وقال عليه الصلاة والسلام: «العين تدخل الرجل القبر وتدخل الجمل القدر»
فِ من عيينهم بجديات حاره وفِ من مايذكرش الله وقت يشوف الحاجة وتعجبه
تلقيه يقعمز وفلانه وفلان لين فجاة الانسان التاني تصيرله حاجة وتتعكر وتلقي حياته وقفت
وفِ من تقعد تراقبك بكككل حسسسد بجديات وتبع اخبارك بكل حقد وسواد قلب وتتكلم عٰ حياتك لين حرفيا تصيرلك شي تقعدي تعاني فِيه طول عمرك
مش عيب الواحد يشارك احبابه وناسه بِ ضيافة بِ صور تقديم بِ صورة هدية بس بحدود المعقول
خلو خصوصيات للي حياتكم شي خاص بيكم
مش شرط تنزلي ككل شي وبتفصيـل
مش شرط تكتبي ان من فلانه ومن علان
مش شرط تصوري حوشك كله وتنزليه بتفصيل
مش شرط تتكلمي عٰ خدمتك ومعاشك وحياتك
هده حياتك شخصيـة خلي خصوصيات للي نفسك
فِ هلبا نشوف فيهم حياتهم بجديات تهبل وعايشين للي نفسهم صح يشاركو بِ طاسة قهوة بِ تقديمهم للي ضيافة ومنها يعني حتى الناس تتعلم من بعض طريقة تقديم وتنسيق والفكرة ككيف بس مخليين شي خاص بيهم
وبرضو فِ من الناس فضوليه هلببا يحبو يسالو بطريقة غلط بجديات زي مثلا " شن اسم خطيبك ! شن اسم راجلك ؟ راجلك ولا خطيبك من عائلة مني ؟ وين يسكنو ؟ قداش مواليده ؟ شن يخدم ،؟ به انتي شن تخدمي ؟ قداش راتبك ؟ وين تسكني ؟ بوك شن يخدم ! امك وين تشتغل ! خوك وين مكان خدمته ! خوك من عائلة مني واخد ؟ مني عندكم اليوم ؟
وين طالعه انتي وراجلك ؟ وين مسافرين ! بوك وين ؟
وهلبا اسئلة خصوصية راسك يوقف
شفتو لما الانسان الحاجات هده مايشاركش فيها عٰ نت معناها واضحة جدا إن مايبيش حد يعرفهم
يكفي إن يشارك فيكم بِ مكان تستفيدو منه بِ لبس ماعين
يكفي ان يشارك فيكم بِ طريقة تنسيق او تقديم
اما الباقي مش من شانكم نهائيا ولا شي يخصكم
مهمـا كنتِ انسانه تحبي تقصقصي بس الحاجات شخصية هده ابعدي عليها لان حرفيا
"شي مايخصكش "
