حمقاء في الموساد
#ايزيس
وبمجرد ديفيد ما خرج ملك فضلت تدور في كل حاجة في مكتبه
وفجأة حطت ايدها علي خزنة مكتبه واشتغل جهاز انذار في المكان كله
ديفيد في مكتب الرئيس
الرئيس .....ما هذا الصوت
ديفيد وهو بيجري.....اكيد ملك
دخل ديفيد الأوضة لقي ملك حاطة ايديها علي رأسها ومرعوبة
ديفيد...بشك....كنتي بتعملي ايه وعايزة منها ايه
ملك....كنت عايزة اشغلها مش دي شاشة عرض
ديفيد....ضحك.....شاشة ايه عرض بجد انتي مافيش منك اتنين يا ملك
ملك حطت وشها ف الأرض .ومثلت انها مكسوفة...أنا آسفة لاني بسببلك احراج
ديفيد.....خلاص ما حصلش حاجة
ملك.....ممكن ترواحني أنا مكسوفة اوي منك
ديفيد.....تعالي اروحك ..نفسي مرة تقعدي عاقلة
ملك مدت شفايفها لقدام زي حركة الاطفال المشهور ..وانا كمان نفسي والله بس مش عارفة
أخدها ديفيد رواحوا وبعدين رجع هو ع الشغل
ديفيد....هتبقي كويسة لوحدك ولا هتخافي
ملك....هحاول ما خافش
ديفيد سابها وخرج وهي قالت ..يالهوييي هتشل من اللي بيحصلي انا اترعبت
وفجأة يدخل عدنان
عدنان....ملك
ملك اتخضت ...يالهووويييي ...جرا ايه ياعم انت مش تكح كل مرة تخضني كده أنا قطعت الخلف خلاص من عمايلك فيا
عدنان....اخلصي وبطلي رغي كتير انا عرفت كلمة السر يلا ع فوق
طلعوا فوق
ملك ....هي ايه كلمة السر بسرعة قول
عدنان....Malak .(ملك)
ملك....نعم
عدنان...أنا مش بنادي عليكي ملك دي كلمة السر
ملك تنحت ..ها
عدنان....ايه هتحني يا قطة ولا ايه
ملك....احن دا ايه ...أنا عارفة أنه ديفيد بيحبني بس حب اناني حب امتلاك حرق عيلتي كلها عشان ابقي وحيدة وابقي ليه دا مش حب دي حاجة بتخنق جدا ...
عدنان. .....ومالك كده قلبتيها دراما ..اخلصي راقبي الشباك
ليطب علينا فجأة
ملك.....ماشي ماشي ما تزقش يا وحش هبص اهو
عدنان بدأ يفتح الخزنة ولقي اوراق كان شكلها مهم وبدأ يصورها وبعدين لقي مفتاح شكله غريب
عدنان...... ملك
ملك....ايه يا عدنينو
عدنان....بيقلدها عدنينو يا شيخة تبا لدلعك ما بحبش الدلع علي فكرة
ملك ...أنت ديما كده كاسر نفسي أنا غلطانة اني بدلعك جاتك داهية ف جمالك وانت زي القمر زي صاحبك
