حمقاء في الموساد
#ايزيس
في بيت ديفيد
وصل سيف وملك وديفيد
ديفيد .....انتظر هنا سأخذها غرفتها وبمجرد ما ديفيد مسك ايد ملك قامت بعدت أيدها بخوف وجريت علي سيف حضنته
ديفيد بص وعينيه كلها شك وبركان غضب جواه ..ازاي اكتر إنسانة بيحبها تخاف منه بالطريقة دي وليه تجري علي واحد اول مرة تشوفه ..لحظة مش يمكن دي مش اول مرة تشوفه ما يمكن تعرفه من زمان معقولة اللي انا بفكر فيه دا...خلينا نشوف آخرة جاك دا ايه كمان اللي ظهر فجأة صدفة ولا تخطيط .كل الافكار دي كانت تدور في راس ديفيد ف أقل من دقيقة ..وسيف بعد ملك عنه بسرعة وكان بيمثل أنه مندهش من تصرفها بس اتفاجئ من كلام ديفيد
ديفيد....خليك معانا يا دكتور لغاية ملك ما تهدأ وترجع لطبيعتها ..مش انت بتتكلم عربي
سيف كان ذكي ومارضيش يتكلم باللهجة المصرية قدامه عشان مايأكدش شكوكه سيف عارف أنه ديفيد ذكي وبدأ يشك ..فكلمه بالعربية الفصحى
سيف.....أجل سيدي أنا أتحدث بالعربية الفصحى
ديفيد....تمام واضح أنه ملك ارتاحتلك اوي عشان كده خليك معانا يومين لغاية ما تتحسن وبعدين تقدر تمشي ..ديفيد ماكانش هدفه أنه ملك تتحسن ..كان هدفه يحط جاك تحت الميكروسكوب ويعرف تفاصيل اكتر عنه وهل ملك تعرفه قبل كده ولا تصرفها دا من خوفها منه هو.
ديفيد...ملك تعالي معايا عايزك ...ملك بصت ل سيف وسيف شاورلها تروح معاه
ديفيد اخد ملك علي مكتبه وقعدت وهي مرعوبة منه
ديفيد فجأة خرج مسدسه وهي شهقت واتخضت وصوبه ناحية قلبه وقالها
ديفيد....ملك اقتليني
ملك.....مبرقة ومش بترد
ديفيد ....أنا أفضل انك تقتليني علي انك تكرهيني ..ممكن اتحمل اي حاجة الا انك تكرهيني ..صدقيني يا ملك كل اللي انتي شوفتيه دا كان قبل ما اعرفك ولا احبك ..أنا بقيت ضعيف جدا من لما حبيتك أو بمعني اصح بيقت بخاف بخاف تضيعي مني ..وبعدين خبط أيده ع المكتب وقال بصوت عالي ....انتي عملتي فيا ايه أنا حاسس اني مش هقدر اتنفس وانتي بعيدة عني أنا مخنوق من الحب دا مخنوووق بجد
ملك..عيطت من الرعب
وهو اتكلم بهيستريا ...ملك اوعي تكرهيني أنا كويس اوي أنا مش الوحش اللي انتي شوفتيه دا أنا اتغيرت يا ملك
ملك....مرعوبة وبتعيط....مصدقاك يا شريف
ديفيد...بنفس الهيستريا وكأنه مجنون....لا قولي مصدقاك يا ديفيد وبحبك
ملك...بتعيط ..مصدقاك يا ديفيد وبحبك
ديفيد ....شاطرة شاطرة يا ملك وباس راسها
سيف طبعا برا سامع كل حاجة وعايز يكسر الباب ويدخل يفرغ المسدس في راس المجنون دا ..
&&&&&&&&&&&&&
في بيت الرئيس
