عشقت قاسي

الفصل الثامن

عندما استأذن آدم من ليان لانه تذكر أمر هام صعد الي غرفته للبحث عن ملف مهم كاد ان يعطيه لاياد للعمل ليدرسه جيداً ولكنه لم يجده بالغرفه فنزل الي غرفة المكتب وعندما هم أن يفتح الباب سمع حديث نور مع والده

نور/ وانا اسمي طلع في شركة عزيز الجندي وعرفت من يارا انه خصم كبير لشركة حضرتك.
وبصراحه انا مش عايزة اكون مع آدم في شركة واحدة انت عارف ليه ياعمو

منصور/ بس ياحبيبتي لما تكوني في شركتنا وقدام عنينا هكون مطمن عليكي. لكن مستحيل اخليكي تشتغلي عند الراجل ده. ده بتاع ستات وسمعته وحشه في السوق

نور/ وانا مستحيل اكون في مكان واحد انا وآدم مش كفايه البيت لأ وكمان الشركة

هنا اقتحم آدم المكتب وهو غاضب بشده من كلام نور وغاضب اكثر عندما عرف اسم الشركه التي سوف تتدرب بها

آدم/ والهانم عايزة تشتغل فين. عاجبها هو بتاع الستات آه ماهو هيفضل يعاكس فيها وهي بتحب المدح بجمالها ولا ايه ياست نور

نور/ انت إنسان همجي ومستفز وتفكيرك كله غلط
انت ازاي تتهمني كده شايف ياعمو ابنك بيقول ايه

آدم/  الإنسان الهمجي ده هيعرفك ازاي تعرفي تتكلمي معاه بأدب ومن هنا ورايح مافيش خروج غير وانتي معايا وتدريبك هيكون عندي في الشركة وتحت ايدي كمان

نور/ ده علي جثتي اني اتدرب تحت ايدك وانا هروح اي مكان لوحدي انت بتحلم صح لأ فوق من وهمك
انت مالكش حكم عليا

امسكها آدم من يدها بطريقه جعلتها تتألم وتكلم بنبرة تهديد بثت الرعب بها
_ بلاش تتحديني يانور لاعمل حاجات تندمي عليها طول حياتك وانا مش بهدد وانتي عارفه كويس
وخليكي فاكرة انك مراتي ومن حقي اعمل اي حاجه بالشرع والقانون ماشي ياحلوة

خافت نور من كلامه ولكنها عنيدة وتحب التحدي فأردفت
_ وانا مش بخاف وأعلي ما في خيلك اركبه

منصور/ الله الله ولا كأني موجود علشان تعملوا كل ده قدامي . جرا ايه يا آدم الكلام براحه ومالك كده داخل بزعبيبك علينا

آدم/ آسف يابابا بس كلامها دايقني وكمان انت عارف واحد زي عزيز الجندي ده ممكن يعمل ايه

منصور/ وانا ماكنتش هوافق ابدا علي كده كنت هكلم عمك انس وتدرب في شركته

آدم/ وليه يابابا واحنا شركتنا موجودة وكمان عالمية
انا مش موافق مراتي وانا حر فيها
ثم وجه كلامه لنور. من بكرة هترحي معايا الشركة وهتيجي معايا.

قال هذا ثم ذهب مسرعا وهو غاضب بشده ولم ينتظر رداً من أحد

نور/ شايف ياعمو ابنك هو ليه بيعمل كده

منصور/ ان جيتي للحق آدم عنده حق في كلامه انتي مراته وله كلمه عليكي انا مقدرش اتكلم في ده
ياريت تسمعي كلامه وتسايسه شويه وبطلي عند معاه