انتقام ساحرتى الجميله 👿

part 10

جنى:البضاعه اللى فى المينا اتصدرت
محمود:نعم انتى بتقولى ايه.....محمد مضى الاستلام
جنى:لاء
محمود باستغراب وعصبيه خفيفه:قمال فزعتينى ليه
جنى:بس احنا محتاجين البضاعه
محمود بتوجس:عارف يا ماما بس لما منكونش استلامنا الضرر قليل وكمان احنا مدفعناش غير مقدم بس.....هيه اتصادرت ليه وكانت جايه من انهى مينا
جنى:لقو فيها خمسه طن مخدرات وكانت جايه من مينا روما
محمود بصدمه:خمسه ايه يخربيتك كل دول فى البضاعه دخلو ازاى دول ده هما كلهم 300 كرتونه
جنى:لاء فى المركب بس كانو متوزعين على البضايع اللى موجوده فى المركب بس كان فى كتير فى البضاعه بتعتنا
محمود:امممم طب تمام ابعتى نور من الشئون القانونية يشوف الموضوع وميدخلش من غير ميكلمنى فى الاول والاخر لسه مستلمناش  وكمان المخدرات كانت فى كل السفينه فاحنا عادى يعنى وممكن نضرب ضربه جامده بسبب الموضوع ده
جنى:ضربه ايه
محمود:احنا ممكن نكلم الشركه و نخليهم يقاللو مليون دو.......وانتى مالك روحى يله شوفى شغلك
جنى بتذمر وهيه ماشيه وحتقفل الباب:علطول كابتنى كده
محمود وهيه بتقفل الباب وبصوت عالى:سمعتك على فكره......مش عارف البت ديه لمضه ليه وحشريه قطعتيلى الخلف منك لله
....
قصر المنياوي
ساره كانت قعده وبتتكلم فى التليفون
ساره:سافر...سافر فين.......يعنى ايه متعرفش..........طب متحاول......خلاص اسكت طب وهو فى الشغل........مين ديه........متشوف فى الكاميرات........هو ليه كل حاجه مقفله كده حاول تتصرف.....لما توصل لحاجه كلمنى علطول ....بقولك ايه هيه البضاعه وصلت.......ايه....تمام لما نشوف حيعملو ايه.....سلام
ساره:ورونى حتعملو ايه بقا فى الهديه بتعتى
....
فى شركه Rona
نيكى كانت بتتكلم فى التليفون وسانداه بكتفها وبتقلب النسكافيه باديها الاتنين
نيكى:يابنتى معرفتش اكلمو حلو
جيسى:Tell me what happen( قوليلى ايه اللى حصل)
نيكى:قعدنا وطلبنا اكل وقعدنا نحكى على ايام الجامعه والشغل وبس
جيسى:shit ايه يابنتى ده....ده انتو friends يعنى لو اتكلمتى فى حجات شخصيه oredy مش حيقول حاجه
نيكى:انا كنت سعتها  so fraid ان انا  اغلط واتلغبطت فسكت بس هو برضو لسه جينتل ووسيم وشخصيتو فظيعه
جيسى:طب هو فى relationship
نيكى:بصى هو لو كان فى relationship كان مراد قلى عشان ابعد
جيسى:انا عايزه اقابل مراد بتاعك ده
نيكى: اشمعنا
جيسى:وليه لاء شكلو من نوعى المفضل
نيكى:لا لا لا بلاش مراد
جيسى: why not
نيكى:مراد oredy بيحب وحده بس مش عارفه هو سبها ولا لسه مرتبط بيها اصلا حكيتو هو هيه غريبه اووى متتصدقش
جيسى:okey forget it
نيكى:okey bye
نيكى قعدت على المكتب وبتفكر فى محمود  هو اول حب فى حياتها نفسها يحس بيها ويحبها ويقضو حياتهم كلهم مع بعض
ورا قزاز المكتب كانت وقفه روان كانت فرحانه أن نيكى مكلمتوش فى حاجه وفى نفس الوقت مضايقه منها انا بتقرب منو بس فى لحظه عزرتها عشان هو فعلا يتحب بس هيه حاسه انها معجبه ممكن يكون مجرد اعجاب وحيروح متعرفش أن سعات الاعجاب بيتحول لحب
....
مراد فى طيارتو الخاصه رايح المانيا
مراد قاعد سرحان مش عارف يفكر فى حاجه
جت المضيفه تسالو:استاذ مراد حضرتك تشرب حاجه
مراد:هاتيلى ويسكى
المضيفه انحنت انحناء بسيط وجبتلو ازازه ويسكى وكوبايه وهو قعد يشرب وقعد يفكر ويعيد حسابات كتيير
....
رحمه قعدت تدور على شغل بس ملقتش حاجه كانت قريبه من الكورنيش قالت تتمشى شويه وهيه بتتمشى افتكرت لما كانت صغيره كانت بتيجى مع باباها كل مكان بتروحو بتفتكرو
خلصت مشى على الكورنيش فكملت لف عشان تلاقى شغل وبعد كده افتكرت عن محمد صاحب المحل اللى كانت شغاله فى الاول فقررت أنها تروحله
....
فى محل صغير نسبيا
رحمه:ازيك يا عم محمد
عم محمد:رحمه ازيك يا بنتى......عاش من شافك ايه يا بنتى مختفيه ليه
رحمه:مفيش يا عم محمد انشغلت بكام حاجه كده بس
عم محمد:شكلك متقبلتيش فى الشغل الجديد
رحمه بسخريه: اه متقبلتيش اصلى مش مطابقه للمواصفات
عم محمد: انتى عارفه  ايه الحاجه اللى لو احنا  شفناها من نطبق كل المواصفات
رحمه:ايه
عم محمد: نفسنا.....حبنا لنفسنا ممكن يوريكى
حجات كتير انتى مكنتيش شايفاها ويخلى اللى حوليكى يعرفوكى......مشكلتك انك مش حابه نفسك معندكيش ثقه فى نفسك....مش لازم حب النفس يكون بلبس القصير والملزق لاء......حب النفس مش غرور......حب النفس عامل زى الاتفاق بينك وبينها.....حبك لنفسك حيفتحلك سكك انتى ذات نفسك حتستغربى منها....الله هو كان الطريق ده موجود......الدنيا سهله وبسيطه مش محتاجين نبص لمبارح كان عامل ازاى.....احنا لازم نبص لبكره حيبقى ايه
رحمه كان بتسمع كل ده وكانت مبتسمه من بساطه الراجل ده اللى بيخلى اى نار جواها مش موجوده اللى بيخليها تفكر صح
رحمه:انت اجمل حد انا شوفتو فى حياتى
عم محمد:يله قومى اقعدى مكانى يله وانا حخش اريح شويه
رحمه ابتسمت لطيبتو وبساطتو
عم محمد ربت على كتفها ودخل بيتو اللى جمب المحل على طول
رحمه قعدت فى المحل وشويه لقت تليفونها بيرن وكان رقم غريب
رحمه:الوو
......
ياترى مين كان بيكلم رحمه؟
مراد حيعمل ايه بعد ميرجع من السفريه؟
فوت وكمنت برايك♥️
عارفه انى بقالى كتير منزلتش بس لما الواحد يكون وراه طارق شوقى يبقى بياخد خوازيق تطلع من نافوخو😂🙂