انتقام ساحرتى الجميله 👿

part8

رحمه صحيت من نومها مفزوعه علي صوت اذان الفجر قعدت على السرير بترجع شعرها لورا شالت الغطا و قامت وقفت قدام المرايه شافت نفسها استغربت قوي من البنت اللي شافتها في الحلم شكلها غريب اووى وكانت بتبصبها كانت البنت شايفاها ومحدش من اللى كان موجود شايفها مش عارفه هي دي مين وليه الحلم ده جالها في الوقت وكان فى واحد شبه باباها شويه واقف مش عارفه ده مين وبرضو مشفتوش بس اللى كان شاغل بالها البنت قامت اتوضيت وصلت دعت كثير لابوها وده عشان ربنا يكون معها لحد ما مترجع حق ابوها خلصت وطلعت البلكونه قعدت تتفرج على الشروق.... الشروق من اجمل المناظر اللى ممكن تشوفها اه هيه فى منطقه شعبيه وفى مبانى مش بتعرف تشوف الشمس وهيه بتطلع بس هيه بتحب تشوف النور ازاى ربنا بيطلعو بعد الضلمه....ضلمه بتنورو القمر وبعديها شمس الدنيا كلها....شمس يوم جديد بيطلع وبينسى كل اللى حصل امبارح

"بس هيه مبتنساش😣"
.....

مراد كان سهران فى الكباريه كالعاده بس المرادى مراد مهتمش بالبنات قعد يشرب ويشرب... يشرب كتييير
محمود:مالك فى ايه مش عوايدك تشرب كتير كده الا لما يكون فى حاجه
مراد بحزن:اول مره احس انى مش اخ كبير
محمود باستغراب وبصلو:اخ كبير.....فى ايه يا بنى فهمنى
مراد:انا مآثر مع غيث اوووى.......تعرف...تعرف انو درس ديكور
محمود بمرح:اه عارف ده كمان اتخرج السنادى بامتياز وكان أول الدوفعه الواد ده مش عارف بيجيب امتياز ديه منين لولا انى عارف انو مجتهد كنت قلت بيستغل منصب العيله يجدع
مراد كان فى حاله صدمه
مراد بغضب:يعنى انتا كنت عارف
محمود:اه منا سعدتو يخش ومحدش يعرف
مراد بزعيق:ومقلتليش ليه
محمود:مراد انتا مش شايف انتا بعد ممسكت شركات مامتك وانتا عامل ازاى انتا بقيت فعلا نمر وسعات أحسك غول مزهقتش...... مزهقتش من اللى انتا بتعملو مزهقتش من الشرب والبنات هااا..... متجيش تلوم حد يا مراد على حاجه فعلا انتا غلطان فيها..... انتا عارف لو قلتلى نبطل حبطل ولو قلتلى كمل حكمل...... مراد مع اننا قد بعض لكن انا بعتبرك اخويا الكبير..... مراد انتا عارف ان محدش اهتم بيا...وعارف المشاكل اللى كانت بتحصل بين بابا وماما وانا صغير وازاى قصرت عليا... انتا الوحيد اللى صحبى طول عمرى بكره الخمره والبنات والديسكوهات ديه بس دخلت وشربت عشانك....مراد انتا لازم تعقل شويه.....ده انا سايب شركتى يا اخى وبشتغل عندك عشان افضل جمبك ده انا نسيت شكل الشركه ههههههه
مراد:وهو اللى عرفتو خلى فيا عقل.........انا اكتر واحد مهزوز نفسيا بس بباين الاقوه عشان محدش ينهش فيا زى محصل لماما أو لامجد ويعالم فى مين تانى......انا مرضتش اقول لغيث حاجه عشان مينصدمش فى امو وأبوه زيي وخايف يبقا فيوم ضدى مش حقدر أقف فى وشو.....سعتها حيكون كل علتى اتخلت عنى.....خايف اكون لوحدى
محمود بمواساه:غيث اطيب خلق الله....انتا عارف انو بيحبك....حته هو ولا شبه باباك ولا شبه ساره مش واخد صفاتهم ولا حتى الشكل يا سبحان الله هههههه.......قوم بينا يله نروح الوقت اتاخر اووى يله
مراد ومحمود مشيو.... محمود ساق العربيه ومراد كان باصص على الشباب بيفكر فى كل كلمه قلها محمود وفجاه دماغو وقفت عند جمله معينه
.....

فى مخزن مهجور فى الصحرا
كان فى رجلين قعدين مولعين نار وبيشربو حشيش ومعها ازايز بيره و حوليهم كراتين مرصوصه وفيه كراتين متقطعة على الارض
مجهول1:طب وبعدين يعنى حنفضل هنا لحد امته
مجهول2:انا اعرف اهو مستنين الريس هو حيقول
مجهول1: بقلك ايه مطلعلنا عروسه كده نمسى بيها
مجهول2:انتا حمار يلاه يعنى احنا بنحرسهم ولا بنضربهم يعم اتلهى بقا
مجهول1:خلاص يا عم.....تفتكر ابو شومه والكبير حيعملو ايه فى بعض
مجهول2: مش عارف بس انا بفكر العب على الونجين يعنى المعلومات اللى الكبير عايزها اجبهالو واللى ابو شومه عايزها اجبهالو وكلو بتمنو بقا......ده مش بعيد يقتلو بعض والجو يفضلنا ونمسك احنا السوق
مجهول1:هههههههه هيه عليت معاك ولا ايه يعم ده لما بيجلنا تسليم بيبقا ناقص تعملها على نفسك هههههههه تقوم تقولى نمسك السوق هههههههه اتلهى يله .
مجهول2:خليك انتا بس فى السُكر ده وانا حخطط بدماغ صحيه
مجهول1:انتا بتتكلم بجد انتا عارف ايه اللى ممكن يحصل لو عملت كده انتا رقبتك تطير
مجهول2:يعم بس سبنى اتكتك كده ونشوف
.....

الشمس طلعت...طلعت ومعاها نهار جديد.... نهار جه بصعوبه تانى بعد ضلمه كتيره...ضلمه جه وقتها انها تروح ويجى بعديها النور🌄
رحمه ومراد مناموش كل واحد غرقان فى افكارو
رحمه غرقانه فى اللى جى..... لحد دلؤتى مش عارفه هيه صح ولا لاء....رحمه علطول لما بتكون مش عارفه تعمل حاجه بتلجا لربها...وربنا مش بيخذلها بيديها رؤيه....رؤيه بتنور بيها بصريتها..... بس المرادى الرؤيه غريبه........مش فاهمه مين اللى كانت دخله القاعه وفى ناس متعرفهومش.....بس اللى لفت نظرها البنت مين هيه هل هيه وحده حتسعدها مع مراد ولا لاء.....هل ليها علاقه بمراد....طب ليه هيه مش موجوده فى الرؤيه ديه ليه مكنش حد شايفها غير البنت الموضوع شغل دماغها
.....

مراد كان نايم على السرير قالع التيشيرت لسه بالكوتشى و بنطلون الجينز...مراد كان سرحان قعد يفتكر كل حاجه حصلتلو....افتكر مامتو ومعاناتها مع السرطان....كانت بتلعب معاه رغم أنها تعبانه....فكر يوم ماماتت وهو فى حضنها.....فاكر يوم العزا لما باباه جاب ساره البيت وقالو ديه تبقا مراتى يعنى فى مقام مامتك دلؤتى.....فاكر لما ساره قررت تغير كل ديكور الاوضه لما عرفت أن ماما كانت مختاره الديكور.....فاكر عياطى كل يوم عشان امى.....فاكر قعدتى باليوم ولا اكتر من غير اكل عشان مستنى حد يفتكرنى.....فاكر داده فتحيه الوحيده اللى اهتمت بيا.....فاكر غيث لما اتولد وانا كنت ناوى اكره واذيه.....لقيتو متعلق بيا بما انى اخوه الوحيد كان علطول معايا حتى لو انا مش عايز....حتى فى ذكره وفات امى القيه جيى وبيحضنى وبيطبطب عليا بعد مداده فتحيه مشيت من القصر بعد ما ساره طردتها كرهت كل الناس إلا غيث ومحمود عشان دول عيلتى الوحيده
قاطع حبل افكارو غيث وهو بيخبط الباب ودخل
غيث:مراد انا اسف انى اتعصبت عليك بس بجد كان غصب عنى انا عارف انك خايف لكون مع ماما بس انا بجد مليش غيرك.....مراد ارجوك اقبل اعتذارى
مراد بتنهيد وهو بيقوم من السرير ووقف قدام غيث وحط ايدو على كتفو:انا اللى عايزك تسامحنى على تقصيرى معاك ومبقتش مهتم بيك زى زمان....انتا مغلطش انتا كان معاك حق فى كل حاجه قلتها....وياسيدى انا حساعدك فى تعمل الشركه اللى انتا عايزها
غيث بفرحه:بجد
مراد:اه وبفكر ادخل شريك بأسهم
غيث بمزاح:لا يعم انا زى الفريك محبش شريك
مراد:تصدك انى غلطنلك يا حيوان انتا اطلع بره.....يله من هنا مش ناقص انا
غيث:خلاص يا عم متزقش كل مره تهزقنى كده مش تسبنى اطلع بكرمتى ابدا
غيث طلع الاوضه ومره وحده برق
........
يترى غيث شاف ايه؟
يترى مين هيه البنت اللى رحمه شافتها؟
مراد بيفكر فى ايه؟
فوت وكومنت برايكو ♥️