روايه حياه 💙

Part 1

ماما :نووووضي انتي ويهاااا ناس توا تتغذاا وانتن راقدات
اني :شفت الساعه ف التلفون القيتهاا 9😲 ":ي ماما الساعه تسعه راه😩
حلا ; 😴
ماما : حياااااه حلااااا نوضن ياهمي خيرني من دون النااس هكي بناتي 😥" فتحت الستار ولعت التلفزيون ع طيور الجنه وعلت الصوت 🤦‍♀️😂 " هكي تبي انتي وياهاا ميمشيش معاكن الدلع نووووووووضي😡
اني : نضت شوفي هاا" وحدفت ع حلا الوسااده" طرفااااااا نوووضي (طبعا لقبهاا ف العيله طرفاا عرفتوهاا اللي ف مسلسل دنياا  ديما صوتهااا عالي 😂)
اني مشيت للتوليت" حشا القرئ " الروتين اليومي نفرشي اسناني وندير غاسول للوجهي  ونتوضى ونصلي ومشيت ل ماما 🚶‍♀️
اني :صبااحوو يا نبع الحنان 💋
ماما : اما صبح وتوا قريب الظهر
اني : حراام يماما الساعه عشره ماجتش قاعده
ماما :😒😒
اني : ماما افرديهاا شوياا متمشيش معاك.. امالا بابا طالع بكري
ماما : اي ف واحد كلماا ع ارض ف بن عاشور للبيع بشوفهاا
اني : باهي هياا الفطور جيعانه للشييت💋
ماما : بري نادي حلا  تو انجيبه
اني : اوكى🚶‍♀️
منمشي منادي حلا تلقيت اني ويهاا
اني : خيرك عطلتي تعالي افطري
حلا : هادا هواا منرتب روحي وسرير ونجيكم 😁
اني : ااممم باه
حلا : صباح الفل والياسمين والورد ع احلى واغلى ام بعااالم 😘
ماما : وصباحك ي بنيتي
اني : اي تو هاادي بنيتك لكن اني من الشارع جايبيني مش الظهر ولا علي اني بس 🥺
ماما : لا غير انتي  الكبيره انتي المسؤوله بعدي🙄
اني : بعيد السؤ بعد عمر طويل ماما انبصر معاك اني🥺😝
امالا عبيده وين مشفتااش! ؟
ماما : مشي ل حوش عمك عبد الرحيم

Stooooooooooop انسيت معرفتكمش علياااا
اني حيااة موليد 200‪0 
نقرااا لغاات ( الفرنسيه و الانجليزيه والإسبانية) مواصفاتي بشرتي قمحيه وسط يعني عيوني ورموشي كباار فمي متوسط مش كبير و لا صغير  طولي 158‪m طبعا دريه ينادولي رغم انا متوسط طولي وعجبني خير من الطوااال وجسمي عااادي مش سمينه ومش ضعيفه وزني 48 k شعري طويل
ماما مروة مواليد 75 تخدم في الضمان  وحنونه هلبااااا
بابا عمر مواليد 71  عندا مكتب عقاراات يعني يبيع ويشري ف الاراضي والبيوت المهم نعتبر منشوفش فيه بكل كان ف اليل بس
وحلا اختي مواليد2004 ديماا صوتهاا عالي الجيران ديما شاهدين علينا 😂 موصفاتهه ملامح وجهاا نفسي تعتبر غير فمهاا اكبر مني بشوي واطول مني واضعف.. وهاذي ديماا مش عجبهاا شي وتعلق هلباا 🤦‍♀️ وتحب روحه وبس حتى تسألها تقولك اني وثم اني😲  .. بسلامتهاا مغروره😄
واخر العنقود عبيده قصدي عبد الحي مواليد 200‪9
  طبعاً  حتى هاذا منشوفوش فيه  هلباا ديماا يدور من المدرسه 
ل حوش عمامي بعد المغرب يجي يقراا بسس
وهاذي  هياا عيلتي
ونردووو للروايه

اني : ماما منمشي منادي مانه نجيبهاا معايا
ماما : غير متعطليش وقت غدي توااا
اني : انشالله خت فت " مشيت ل حوش عمي عبد الرحيم طبعا  بجنبناا عمامي كلهم" منجيب جمانه  بنته هاذي نصي التاني وبنت عمي نفس مواليدي مواصفاتهاا بيضه عيونهاا البني الفاتح طويله جسمها حلو الصراحه ولساانهاا طويل تحب تناشب الطيور الطايرات وتاخذ حقهاا تالت ومتلت 💪
المهممم طقطقت الباب واني ندربك  طق طق طقطق 💃💃🤣  اني : عيييت عمي وينكم حيين ولا متووو... هياا الشمس كلتني..
عويله.. هل ف احد يسمعني 😩🗣️📢
محمد ( ولد عمي) باه باهيييييي جاي جاي😡🤬 " فتح الباب" شن الازعاج هاذا خيرك هكي مفروض انتي انادوك طرفاا مش حلا
اني : بل بل بل " مسكره وداني" ناديلي مانه ولا حول خليني نرقالهااا😒
محمد : قصدك انتي تستني فياا  بيش تخشي ع اساس يعني
اني : محمد تعرف تهنيلي روحك خير منخرب وجهك وانت من ربي مشالله عليك ونزيدهالك اني حوللللل خيرلك😬
محمد : باهي تفضلي ي بنيت عمي ياختي الغاليه تلقيهاا ف دارهاا فوق
اني : درتهاا من الاول 🙄
ركبت ل مانه درتلهاااا مداهمه " ماااااااانه
جمانه  : حدفت التلفوون وطاحت من السرير" رعش فرايسك انشالله😱 يا عنفيتك ياعنشكلك يا بقره ياتوره اختتتفووو يافرخه  😡😥
اني : وووههه😂😂👏 حي عليك كان تشوفي روحك ع المراياا
جمانه : توقعتك محمد يا مصيبه 😩
اني : اي تستاهلي تكلمي ف الحب امالا
جمانه : اي.. حيييي  عليااا سمعني العااار وووه وين تلفون ياهمي🤦‍♀️😱 " بجنب  السرير لقاتاا" ااءء لووو
احمد : 😂😂شفت وجهك التاني ياحبيبتي
جمانه"  توترت" وءان ت علاش مسكرتش😧
احمد : عادي شنو فيهااا ياعمري
جمانه : اوكي حبيبي بعدين انكلمك سلام
احمد : سلام
اني : خيرك هكي تشبحيلي 😂
جمانه :" هجمت علياا وركبت فوقي" ي حقيره ياتافه ه حشمتيني قداامه خزوووو😭
اني : " دفيتهاا" باهي باه  اسكتي بلا عاار نوضي هيا معايا بلا طروح فرخاات
جمانه : وين انشالله
اني : ل حوشناا تعرفي مضايقه للشيت ونبي نهدرز عليك
جمانه : خيراا هنايا
اني : لالا حوشنا احسن بابا مهنااش وحلا لاهياا في وجهه تعرفيهاا انتي اربعه وعشرين ساعه وهياا ملبزاته وعبيده هنايا مع محمود خوك وماما تو ترقد هياا حبي نوضي والله مضايقه وتعرفيني منتفاهمش معا محمد بكل الدره الكبد😩
جمانه : تمام خليني نبذل ونطلعووو
اني : تي اطلعي مافي حد علاش بتبذلي وبرا الشارع كلهم مقيلين صبي وقت غير هاذا قلت ل ماما خت فت
جمانه : توا وين الملايه  متع الصلاه
اني : اي حقاا امك وين مشفتهااش
جمانه : عند حنينه  مريضه مشت بتشوفهااا
اني : الف لاباس عليهاا انشالله
طلعت اني وجمانه وخشيت طول للداري وحلا مش فيها وماما توتي ف الغذي..
جمانه : اي احكيلي خيرك مضايقه من شنو 😕
اني : تعرفي قداااش مااستحشتهم فاقدتهم كل يوم نشوف فيهم رغم من انهم ليهم سنتين كانهم امس معايا 😥
جمانه : اي الحمد لله على كل حال والله حتى اني فاقدتهم ما بالك انتي............. 💔
اني :...............

يتبع: -{
                                               للكاتبه : توتو

هذا اول باارت اذا وجدت تفاعل كتير ابدا ب النشر منتظم 😂😂شنو رايكم بالفصحى
ومنقوللكم هيا قصتي بس مغيراا الاسماء