جمانه : اي الحمد لله على كل حال والله حتى اني فاقدتهم مبالك انتي خوتك
Flashback
اني : "ولت بياا الذاكره يوم سمعناا الخبر انهم ماتو" 🥺 💔
مولعاا اغاني ونرقص وبعدين نسمع مرت عمي تعيط انوض نفتح البلكونه ونشوفهاا تجري جايه ل حوشناا تلعطلهاا نجري..
اني : خيرك من مات في منو قوللللللي😭 حي علياا بابا وين قصي قيس مهنااش قولي تكلمي في منوووو😭💔
مرت عمي : ءء ق ي س قيس ماءءت😭
اني : نزل علياا الخبر زي الصاعقه قعدت مصدومه حتى دموع معاد نزلو " شفت للجيهه التانيه لقيت ماما مغمي عليهااا وحلا تبكي واني مصدقتش بكلل قلت اكيد حلم شوي ونوض منه فاتو ساعاات واني متكلمتش ومندريش علي روحي بكل وبعد شوي وجت جمانه حضنتني وبدت تبكي واني ف الوقت هاذا كيف اوعيت علي روحي 💔
اني : ءءبابا و قصي وين معاه حتى هماا وين متقولليش حتى هماا مشو وخلوني 😭 شنو السبب دارو حادت ولا شنوو تكلمووو
"طلعت للشارع منشوف قصي و بابا نبيهم نادي ملقيتش حد
قعمزت لوطاا قعدت نبكي بصوت عالي ونادي فيهم مفيش واحد جي شويه ويجي ايهاب ولد خالي "هاذا ايهاب حب طفولتي لعند حد الان نحبه يعني من طرف واحد بس هو ميعرفش مواليد 95 يقرا طب اسنان اخر سنه مواصفاته مش ابيض ومش اسمر وسط عيونه كبار لونهم عسلي شعرا قصلي طويل وعريض جسمه رياضه يدرب ف صاله حديد المهمممم طرف❤️🤤😍"
ايهاب : نوضي حياه خشي دخل " نوضن ودخلني الدخل "
ايهاب : حرام عليك ادعيلهم ربي يرحمهم منو زيهم ماتو شهدااء
اني :" لما قالي ادعيلهم يعني مش قيس بس مات يعني بابا وقصي قمت عيوني فيه جت عيني ف عينه 💔
اني : ايهاب باللهي قولي كلهم ماتو قيس قصي وبابا منو قعدلي يحليلي صغيرين قاعدين 😭
ايهاب : لا عمي عمر مافيشي شي حياه انتي مؤمنه بقضاء ربي ولا حرام عليك تعدبي فيهم هكي راه تواا هماا ف مكان احسن مناا وشهداء 💔😥
اني : كيف شهداء كيف ماتوو همااا مش في الحرب معمرهمش فكرو يدخلو يقاتلو ضد الليبين خوتي يحبو ليبيااااا اااااااه ياربي.. مع منو نتعارك ولا منو يقولي مفيش واحد يجي جيهتك اني سندك وينهم نبيهم اني الاااااا يااارب نحلم 😭💔 خوتي الاتنين معاش بنشوفهم شنو نبي فيهاا الدنيا اخيه عليهاااا ديماا تاخد ف الكويسين والحنينين اااه
ايهااب : "حضني لأاول مره" خلاص اهدي بس هماا غرقو في البحر وحتى اني ع اساس منلحقهم مشي عطلت عندي محاضره خشي تواا توضي وصلي وادعيلهم ربي يرحمهم هيا حياة
اني :"تبعدت عليه " لا نبي نمشيلهم نشوفهم تواا اني قلني ولا نديلي واحد من خوالي باللهي حسو بياا نارراا والله نار مش قادره 💔🔥
ايهاب : كان عندي خاطر عندك خشي تواا وبعدين ناديك تمام
اني : تمام 🥺😔
ايهاب : هياا صبي" وصباني وخششني للجنان وقعد اينادي في سمر اختا" سمررر يا سممممر
سمر : نعم خيرك يا ايهاب وحياه وين كانت🥺
ايهااب : دخليهاا وردي بالك منهاا وكليهاا اي حاجه تو ايصيرلهاا هبوط تسمعي فياا سمر امانه عندك ااه تمام 👌
سمر : تمام هياا حياه تعالي معايا " وخدتني ودخلتني للدار وني مش حاسه بشي بكل " ءءا ماما وين سمر ماشفتهاش بكل شنو مدايره😥
سمر : تواا كيف فاقت والله مدايره حاله ربي يصبرهاا ويحفظلكم عبيده
اني : امين ياارب باهي حلا وين مشفتهااش
سمر : في دار خوتك مسكره علي روحه 😔
اني "نوضت اتجهت ل دار قصي وقيس انطق علي حلا بيش تفتح شي ماتسمعش فيااا" حلا وراسك وخيتي افتحي هيا الباب
مفيش رد منها خفت عليهاا اذكرت عندنا مفتاح احتياط مشيت للدار ماما وبابا فتحت الباب لقيت صورتنا كلناا 😭 خذيتهاا وقعدت نبكي نبكي انسيت حتى حلا اللي مسكره علي روحه لين جت جمانه : حياه حبيبتي وين المفتاح حلا مبتش تفتح راهي
اني" خديت المفتاح وقلت انشالله محوله المفتاح اللي عندهاا من الباب لانه ميفتحش كنهادا المهم فتحته ولقيتهاا راقده وحضنه صورتهم الاتنين رقدت بجنبهاا وخديت صوره منهاا وحضنتهاا ورقدت مندريش علي شي ل تاني يوم الفجر حتى ماما امس مشفتهااش نوضت توضيت وصليت ندعيلهم ومشيت منشوف ماما وين.. لقيتهاا تتدعي وتبكي 💔😥 مشيتلهاا وقعدت نبكي اني وياهاا لين جت خالتي ومرت عمي يهدو فينااا اطبعا ناضو كلهم وجت حلا حتى هيا مشفتش ماما امس وحضنتنا اني وماما وعودناا نبكوو من الاول😭🔥" واعره لما تفقدي حد غالي عليك واني فقدت خوتي الاتنين نفس الاحظ والله لحد اليوم مش متحمله ربي يرحمهم ويجعل مثواهم الجنه" بعد ساعه هكي جو الناس تعزي واني منبيش نطلع يعزوني المهم الساعه 12 جي بابا يبي يشوفناا احني وماما طلعنا ليه واول مرة انشوف بابا يبيكي هكي بقهر ع ولاده عزوته وسنده في كل شي فثانيه يقولولك ماتوو صعب والله صعب المهم هدينا شوياا بابا قال تعالو شوفوهم وودعوهم ومنبيش بكي تمام
مشينا اني وماما وحلا وبابا شفتهم مغطيينهم بالكفن مقدرتش نتحمل طلعت خليت ماما وحلا الداخل
عند ماما وحلا
ماما : وليداتي حبايبي يالغاليين وينكم مشيت قبل منفرح بيكم قيس مش الاسبوع الجاي قلتلي نخطبهالك موده وينك مشيت الحوش بيفضه قصي وليدي الحنون علي وخياتك وامك هكي تخليهم يبكو عليك اني والله منقدر علي فراقكم والله امتحان صعب عليااا هلبا وليداتي ضي عيوني كبيدتي ياارب انشوفك ف اقرب وقت منتحملش والله منتحمل نتلاقو في الجنه يالغااليين 😭💔🔥
حلا : قيس خوياا حبيبي هياا نوض اني السنه شهادة اعدادية كبرت راهي.. مش ديماا تقول صغيرونتي كبرت اي ومن بجيبلي هديه النجاح ولا عيد ميلادي من اللي بيديرلي مفاجاه هياا حراام عليكم من بكري واني نجده فيكم تنوضو.... قصي عرفاتك انت ديما ادير في مقالب وهاذي وحده من مقالبك نوض نستناا فيك هيااا ومن لما بينشبني ولد من يندم ع اليوم يلي فكر حتى التفكير فياا اني وحياه هياا خوتي يياااارب ااااءءه ياااربيي ي حليلي مش قادره وربي هياا ياحنونين رهو انتو تواا نزلتو دموعي راه انتم بسبكم نوضو وجعتوني هلباااا😭💔😔
وعندي لما طلعت واني نبكي بهستيريااا مقدرتش انشوفهم مغطيين بالابيض وقيس السبوع الجاي منمشو منخطبوله وحده يحبها قداش ليه حبيبته اسمهاا موده صعب وربي صعب خوتي سندي وعزوتي مشو في لاحظه وبعدين جاني بابا قالي تعالي سلمي عليهم بعدين بتندمي انك مشفتهمش خشيت هدرزت عليهم ودعيتلهم وسلمت عليهم وطلعت لانه الجنازه توااا وجو شباب العيله رفعو التوابيت الاتنين وتعلاا صوت البكي واني بعدها مندريش شنو صاار بكل ل بعد المغرب نضت وفاتووو ايام وشهور وسنوات نقول تو نتقبل بعدهم لكن نقدرتش كل يوم معي نغمض اعيون انشوف فيهم ل عند اليوم هاذا 🔥💔😔
( نحسابها ما تصير لكن # صارت... عزيز اندفن روحه علي # توارت
.. نحساب # مايعزوني .. ونحساب ما تنزل دموع # عيوني.... ولا كان في بالي الناس # ايجوني... يقولو افلان اليوم روحه # طارت.. نحساب # ماننضرها... ليلة رحيله ودفنته # نحضرها ... وما حسبت فجعت غيبته # نقدرهاا.. ونصبر علي دنياا معايا # دارت .. نحساب # ما انجربها... فقدت عزيز ودمعتي # نسكبها.... ونحساب نار الفقد ما # نقربهاا 💔)
Now
جمانه : حياه وينك وين شارده " ادير بيدها قدام وجهي"
اني :ءءا خيرك
جمانه : في شنو تفكري ليك ساعه 🙄
اني : تعرفي ولا لقطه انسيتهااا
جمانه : لقطه شنو يلي بتنسيهاا 😕
اني : من احدات الوفاة من بدايتاا ل نهايته مستحيل ننسه هداكا اليوم
جمانه : اي الحمد لله ربي يقوي عزمكم وخلي ايمانكم بربي كبير
اني : قدر الله وماشاء فعل الحمدلله
جت حلا : هياا لياا ساعه واني انادي عليكم تعالي انتي وياها ك بتغدو " شبحتلي" وخيرك انتي يانكد قالبه فيسك
اني : شي😒 هياا نوضي ي جمانه ك بتغدي
جمانه : حلا شنو مدايره عميمه الغذي
حلا : مكرونه بشاميل 🤤😍
جمانه واني : هيييي 🏃♀️🏃♀️
وقعمزناا نتغدوه اني وماما وحلا وجمانه
ماما : خالك امجد قال السبوع هاذا مروح انشالله
اني : الله تعرفي استحشتاا هلبااا😍 ليه سنتين ينسرف 😒
حلا : خلاص امالا بعدين نستفسرو منا امتى الموعد المروااح
اني : اوكي هياا جمانه تعالي نولو للدار
جمانه : هياا
اني "رقدت ع السرير ب العكس ورجليا فوق ع الحيط مدايرتهم😅" الله معناهاا منشوف ايهااب استحشتاااا هلبااا واجد بكل امتى بس يحس بيااا 😥
جمانه : باهي اعترفيله
اني : "سويت تقعميزتي" واللهي من جداك انتي
جمانه : لالا من حني 😁
اني : تبيني انقوله إيهاب اني نحبك ومن زمان يعني انت حب الطفوله just now ولا هكي تبيني انقوله
جمانه : باه به خليك هكي دلقوحه لين تخده وحده تانيه إذا كان لحد الان معنداش حبيبه يعني واحد بجمال هاذا ودكتور وفلوس معبي متبيش ميكلمش ياابرودك والله شنو تبيني انديرلك هي
اني : شي شي انسي
جمانه : هي اني بنروح المغرب يأذن ماما علي مرواحتهاا سلام
اني : اسمعي كان نقولك منو شفت لما روحت من الجامعه
جمانه : اي لما بنروح خطرلك وله😩 منو شفت ابهريني
اني : .............................
يتبع :-{
للكاتبه : شذى المجاهدي
أنت تقرأ
روايه حياه 💙
Short Storyروايه حقيقيه 100% تحكي علي بنت فقدت اعز اشخاص ع قلبها 🥺 (💔 الدنيا فانيه💔) وطبعاا اول روايه نكتبها انشالله حلوه بس
