في مكان اول مره نروح فيه
في حرس و كتير واقفين بره
ده كان كلام ميار
حنين : هنعمل ايه يا ميار
ميار : مش عارفه والله يا ست حنين
فارس : لقتها
حنيني : ايه
فارس : ميار ولعي في المطبخ بعدين اصرخي
و هنا الحرس اللي علي البوابه خرجوا يشوفوا في ايه و احنا نهرب
حنين بهمس ابن ابوه
فارس : بتقولي ايه يا ماما
حنين : بقول يلا يا مستر علمني هنعمل ايه
فارس : استني بس يا مامي و هتشوفي اما الحرس كلهم يجروا علي المطبخ احنا هنخلع علي طول
حنين : هن ايه
فارس : هنخلع
حنين : هنخلع يا زباله يا بيئه
فارس : ماما مش واقته والله مش واقته
يلا دلوقتي اجري يا ماما
عند نجمه
اسد : ده صوت نجمه
طلعوا يجروا هو و ادم عشان يشوفوا بتصرخ ليه
نجمه : ااااههه حرامي انت مين يا زباله دخلت بيتي ازاي اتنطق و بتاكل كمان اكلي اه يا واطي حرامي الاكل اسمع عن حرامي الغسيل اول مره اشوف حرامي بيسرق الاكل
: اهدي يا بنت المجنونه قومي
دخل اسد و ادم بعد ما كسروا الباب لقيوا نجمه ناطه فوق واحد بتضرب فيه و عماله تصرخ
اسد بعدها عنه و ادم مسكه و رفع عليه السلاح
بصدمه : في ايه يا ولاد المجنونه ابعدي عني
نجمه و اسد بصدمه : ايه ده زين
في بيت العيله
كريم : عايزك في خدمه يا شاهي
شاهي : اتفضل يا عمو
كريم : انتي بتحبي اسد يا شاهي
شاهي : اكيد طبعا يا عمر بحبه و عمري ما حبيت غيره
كريم بصلها و فضل ساكت شويه
كريم : ابعدي نجمه عنه نجمه متنفعش لاسد
شاهي : اعمل ايه يعني
كريم : اهتمي بيه قربي منه تفرضي نفسك عليه مش فارقه معايا المهم انك تبعديها عنه
شاهي : انا ممكن اسالك سوال
كريم : ايه
شاهي : ليه
كريم باستغراب : هو ايه اللي ليه
شاهي : ليه عايزها ابعد عنه
كريم : عشان هي صغيره و مش قد مسوؤليه جواز انا مش عارف ازاي سيف يوافق علي المهزله دي و الاهم من ده كله مش هتنفع مع اسد مش هتتحمل
شاهي : ده كله عرفته من اول لقاء
كريم بعصبيه : انتي هتحققي معايا و لا ايه
شاهي : لا و علي ايه انا المهم عندي اسد و بس
خرجت شاهي من عند كريم
بس ملاحظتش اللي كان واقف
سليم : بتغلط غلطتي يا كريم و هتندم زي بالظبط و بكره تشوف
عند نجمه و اسد
زين قاعد و قدامه نجمه و اسد و ادم
نجمه :خلاص بقا يا زينوا والله فكرتك حرامي
زين : حرامي واقف في التلاجه ليه هيسرق الاكل مثلا و بعدين ايه سيب اكلي دي
نجمه بحزن : انا آسفه
اسد بعصبيه : ما خلاص يلا في ايه اخي زعلت حبيبتي علي الفاضي كنت مت يعني ما انت زي القرد اهو
ادم حط سلاحه علي راس زين
ادم : انت بتقول يا شبح
زين بخوف مصطنع : نجمتي انا اسف انا مش زعلان انا بهزر
نجمه : خلاص مش زعلانه
زين : مش زعلانه اهي يا باشا نزل سلاحك و حيات والادك
ادم : اهو نزلته هو الساعه كام صح
نجمه : عشره و نص ليه بتنام بدري يا بطه
اسد بهمس : ما تتلمي ايه بطه دي و زينوا دي احترمي ميتين ام جوزك اللي مرزوع جنبك في ايه
نجمه : ده اخويا
اسد : والله اقتله
زين : انت مكلبش فيها كده ليه
اسد ببرود : و انت مالك
زين : ابعد عن البت يلا في ايه
اسد : يلا بره
زين : نعم
اسد : هو ايه اللي نعم روح انت و هو علي الشقه التانيه عشان انا هنام مع نجمتي
زين : احترم اخوها ابو كده يا جدع
اسد ببرود : ايه هنام انا و اختك فيها ايه
زين بغيظ : يعني انا مراعي انها مراتك بس مش كده يعني
نجمه: ببرود : انا عايزه انام يلا كلكوا بره
زين : طب انا هروح بقا
ادم : انا تعبان و عايزه انام خدني معاك يا زينوا
زين بقرف : زينوا هو انت خطيبتي ولا ايه
أنت تقرأ
نجمه الاسد (جائت معذبتي )
Romanceيعني معلش بس انت مخليه يدخل ب حزام ناسف و واخد مني الارنب لا بقا انا عايزه الارنب بتاعي : بس يا بت : بت ايه انا عايزه الارنب يا اسد يا انا والله العظيم قاطعها : اسد اسد : هتعملي ايه يا نجمه نجمه : ارنب ايه يا راجل اللي اربيه يا جدع تحب اع...
