نجمه الاسد (جائت معذبتي )

اقتباس

صوت عالي و زعيق كتير بين شخصين و في طفل مستخبي في الاوضه خايف من صوتهم سامعهم و سامع المشاكل دي بس ده مش اول مره الراجل ده يجي هنا و يتخانق مع ماما و لا دي اخر مره

     حرام عليك بقا هو انت مش بتحس احنا مش فارقين معاك للدرجه دي
    : اعمل ايه يعني يا الهام مقدرش اقول لابويا اني متجوز لا و مخلف كمان
الهام : على الاقل اصرف على ابنك زيه زي اخواته التانيين انا ابني مش اقل من ابن اي حد  يا احمد
احمد : مين قال اني مش بعامل جواد زي اخواته

قاطعته الهام بسخريه

الهام : اه اخواته اللي عايشين في فيلا و ابني اللي عايش في شقة جده في حي شعبي و اخواته اللي في مدارس بشيئ و شويات و ابني الي اي مدرسه حكومه اخواته اللي بيسافروا يصيفوا و فسح اخر حاجه و ابني لو نفسه في لعبه و مقدرتش اشتريها عشان ابوه مش بيبعت فلوس صح

احمد : انتي عارفه انه ابويا بياخد باله الفلوس بتتصرف فين
الهام : و انا مبقتش قادره اتحمل اكتر من كده
احمد : يعني ايه يا الهام
الهام : يعني طلقني

ليفيق من ذكرياته على ذكرى اخرى قد مرت عليه عندما كان في الثانيه عشر من عمره

اتى والدها المجهول بالنسبه له كمان يقول لامه لانه لا يراه الا بعض مرات قليلا كل شهر فاحيانا كان يغيب ابيه عنه بالشهور و كانت امه من تذهب له لتجلس معه يومين في البدايه اعتقد انه والده يعمل بالخراج فكان ذلك مبرر لغيابه و لكن لصدمته عندما عرف ان والده متجوز من اخرى و بل و له اخوه

جواد بحسره : يا بختهم عندهم عايشين مع ابوهم و امهم مش زيي
حنان : مالك يا حبيبي قاعد كده ليه
جواد : مفيش يا تيته عادي مش لاقي حاجه اعملها
حنان : طب ما تقوم تذاكر شويه
جواد بضيق: يا تيته ونبي افتكري حاجه حلوه بعدين انا خلصت انهارده مدرسه
حنان :و بعدين معاك يا واد انت خد تعالى هنا عملت ايه في امتحان انهارده
جواد : بصي يا تيته انتي بس ادعي انه المدرس و هو بيصحح الورقه يعجبه خفة دمي فيضحك و ينجحني
حنان بضحك : يخرب عقلك يا جواد
الهام بعصبيه : قصدك ايه يا سي جواد هو انا بدفع مصاريف المدرسه و دروس دي عشان تقول ادعوا ما انت ولد فاشل صحيح انا مش فاهمه بجد
حنان : في ايه يا الهام براحه على الواد شويه
الهام : يعني انتي مش سامعه بيقول ايه يا ماما يروح يشوف اخواته شطار ازاي في المدرسه
جواد : اولا انا مش باخد دروس ولا حضرتك بتدفعي فلوس للمدرسه عشان بكل بساطه دي مدرسه حكوميه و مش بياخدوا غير ٥٠٠ جنيه في السنه كلها تيته اللي بتدفعها

هنا قد طفح كيل الهام لتقوم بصفعه على وجه

الهام بعصبيه : انت قليل الادب و مش متربي

ذهبت الهام الي داخل غرفتها صافعة الباب من خلفها بكل عصبيه

حنان : يا حبيبي يبني تعالى يا قلب جدتك معلش يا حبييي ماما اكيد تعبانه ولا مدايقه من حاجه و طلعته عليك
جواد بجمود: مش فارقه معايا يا تيته تلاقي جوزها قالها مش هيعرف يجي
حنان : لا كده هزعل منك ده ابوك يا حبيبي و بعدين اكيد معزور عنده شغل
جواد : او ابنه عايز يخرج
حنان : لا يا جواد

قاطعه جواد

جواد : تيته سمعته بيقولها انه ولاده عايزين يخرجوا معاه عشان كده مش هييجي ثم تابع بهمس حزين
مش هيحضر عيد ميلادي اللي عمره ما حضره ولا جبلي هديه مفيش غيرك انتي و دياب اللي بتفتكروني حتى ماما نسيتني

ليفيق من ذكرياته على رنين هاتفه

      : ايوه يا فندم الانسه خرجت من البيت و في طريقها الجامعه
جواد : تمام يا يوسف لو في اي جديد كلمني و خليك وراها لحد م تروح تاني
يوسف حاضر يا فندم

،،،،،،،،،،،،،،،،؛؛،،،،،،،،؛،،،،،،،،،،،،،،،،،،،،،،،،،،،،،،،،،،،،،،،،،،،،،،

في مكان اخر في حي من احياء القاهره الشعبي تحديدا في منزل الحج فوزي

تقف فتاه اقل م يقال عنها انها ملاك على الارض ب خمارها و ملابسها الفضفاضه التي لفتت انظار بعض الناس في الحاره

نور بصدمه : ايه طب انا كده هقعد فين يا عمو فوزي 
فوزي : والله يبنتي انا فكرته مش هيجي تاني
مجدي : لا معلش انا مش فاهم انت اجرت الاوضه يا عم فوزي ازاي و انا دافع الشهر ده و اللي جاي مقدم
فوزي : انا نسيت يا بني
نور و هي على وشك البكاء

نور : طب انا كده هعمل ايه ولا هروح فين

    

..........                  ،،،،،،،،،،،،.                   ..............