اصعب شي ممكن تمر بيه في حياتك انك تتعشم في انسان وتبني حياتك واحلامك معاه وحتى التفاصيل التافها والصغيرة تكون معاه وكل شي بس في لاخير ينتهي بي كسرة خاطر كبيرة هلبا بلاصح موت بطيء ،توجع راه لما تعشم انسان وانت عارف من البداية شنو حتكون النهاية توجع لما شخص يبني احلامه وحياتا كلها على كلام قلته انت لغرض تفوت بيه وقت او تتقرب بيه اكتر لشخص يلي يحبك،قبل تفكر تعشم حد وتخليه يصدق حجات يتخيل فيهم في عقله ويحلم بيهم تفكر نفسك انت اولاً حط نفسك في مكان الشخص يلي عشمته وخليته وكسرتله خاطره شنة حتكون ردة فعلك ؟ مثلا قلبك قداش بيتحمل ؟ نفسيتك قداش بتدمر؟ حياتك قداش بتتغير؟ تفكيرك واسلوبك كيف حيكونو ؟ كيف تقدر ترقد لليل بدون مينزلو دموعك ؟ كيف وكيف وهلبا اسئلة اسئلهم لي نفسك قبل تفكر تعشم حد وتخليه يصدق حجات مصارتش ولا حتصير 💔💔.
أنت تقرأ
كتاباتي al06.99
Aksiتوجع وهلباا حاجات توجع ، بلاصح وجعع احساس مكسور ونبض تقيل وكسرة خاطر وهدووء خارجي وفوضا داخلية عندك، كلهم مش حاسين بيك ومتقدرش تتكلم وتفضفض واي حد يسئلك ويقولك علاش مضايق وانت حتجاوب بكل بروود شي، تعرف علاش؟ .....↓ تو نحكيلك وتعرفو ..
