الحلقة 12 ❤🕊
ريم تحكي :
كنت مش رح ناكل مي كي شفت داك منظر وزاد جابلنا سارفور باتيسري ونيسكافي ياجدكم طحت على داك باتيسري اجبد اجبد كليتو كامل حتى وسخت وجهي شفت جود يشوف فيا هزيتلو براسي ( وش كاين )
جود : وسختي وجهك كامل 😹
ريم : 😹 نسيت روحي مع مااكلة
قرب جود ليها ومسحلها وجها بالبابيي
ايا بقاو لبنات كامل يشوفو فيهم
ايا كملو كلاو وخرجو ركبو فالطونوبيل وتوجهو لليسي غير حبست طونوبيل تع جود لبنات وولاد كامل شافو فطونوبيل تخلعو 🙃 حتى انا تخلعت 😻😹 ايا بقاو يشوفو تاعمن طونوبيل حتى هبط جود وبقاو كامل يشوفو فيه داك زين وديك حطة اااخلا بيتك فارس احلام ايا شاف جيهة ريم شافها غايسة ومحبتش تهبط طبطبلها فالكارو من برا وهزلها راسو بمعنى تهبط
ايا شافتو ريم وهبطت ولبنات يشوفو ومخلوعين هاذي ريم ؟؟؟ ايه هي !!!
جود : ادخلي تقراي وعشيا كي تخرجي قوليلي نجي نديك
ريم : بصح معنديش تلفون تتمسخر كفاش نعيطلك
جود : خمي على روحك نتي غبية بزاف هاكي تلفون
ريم : اممم مغسي
جود : نيميرو تاعي راني مروجيستيه عشيا نشالله
ريم : نشالله
ايا ركب جود فطونوبيل تاعو وتوجه للشركة وريم دخلت لليسي ولبنات كاملين عينيهم عليها دخلت لكلاصتها حتى قعدت قدامها طفلة
يسرى : يييي مهبولة وشنو هاذ زيين كاامل
ريم : مهبووولتي توحشتك بزاااف 😻
يسرى : هههن مام انا توحشتك خريونة ايا عمريلي قرعة وشنو هاذ لحطة وشكون هاذ زل بقلاوة وعلاش مجيتيش تقراي هاذ ليامات
ريم : هههن اوك دك نحكيلك بالعقل برك
ايا حكات ريم كلش ليسرى ويسرى بقات مخلوعة 😑
يسرى : ياااي كيما مسلسلات تركية معندوش خوه زوجيني بيه 😹
ريم : ههه عندو بصح كبير ومتزوج
يسرى : زهري ونعرفو
ريم :😹😹
بقاو ڨصارين ويضحكو وأساتذة هبلوهم ولبنات يشوفو فيها وغايرين منها حتى كملو قرايتهم وخرجو .....
أنت تقرأ
قاتلة_القلوب
Short Story#منقولة #قاتلة_القلوب الحلقة 1 ريم : والله ماما وشبيكم هبلتو نتوما منتزوجش 😭 فاطمة : لازم تقبلي ابنتي ولا خووك رآه يقتلك ريم : مزالني صغيرة ياماما 16 سنة معشتش حياتي بنات كامل رآهم يقراو وعايشين حياتهم فاطمة : علابالي ابنتي مي مكتوب هذا ريم : لا...
