قاتلة_القلوب

08

الحلقة 8 ❤🕊
__'_ اصبحنا واصبح الملك لله ___"__
ناضت ريم وعينيها بسيف لافتحتهم قعدت تتكسل حتى فطنت شافت فبلاصتها ملقاتش جود
ريم : اوووه مزية مصرا والو حمدلله ياربي 🤲
ناضت دارت دوش وراحت تصلي حتى تفتح لباب شافها جود وهي مقابلة بالكون وشمس ضاربة فعينيها وهي تصلي قعد فوق بنك يستنا فيها حتى كملت
جود : البسي خلينا نروحو رآهم يستناو فينا
ريم : ناس تقول لله يقبل يالجاهل
جود : متزيديش هدرة معايا ر** فهمتي
ريم : اووف اوك
ايا دخلت ريم لبست غوب باج طويلة وعريضة وبابي بيضة ( قتلكم متعرفش تلبس 😒) وحكمت شعرها طوماطيشة ايا خرجت هي وجود ركبو فالطونوبيل وتوجهو للفيلة وهوما طول طريق ساكتين حتى وصلو ريم هبطت وقعدت حالة عينيها ⁦😻 فيلة تهبل ولي ڨارد قدام باب حكا معاهم جود ودخلو استقبلتهم نعيمة بزغاريت
نعيمة : ادخلي ادخلي مرحبا بكنتي يويويويويويويويوي.
لقاو صالون تع فيلة معمر ضياف باينة لان صبوحي تاعها
سيليا : مرت خويا امشي نطلعو نوجدوك دك يجو ضياف
ريم : اوك ⁦🙂
ايا طلعت ريم وسيليا للاشومبر تع جود
سيليا : هاذ لاشومبر تع جود وتاعك
ريم : ياااي تهووووبل بصح ستيل رجالي
سيليا : ههههه نورمال امبعد وتفاهمو وبدلوها
ريم : ههه اوك
سيليا : دك وقت شدي هاذ لقفطان البسيه خفي باه نسڨملك شعرك وندرلك مايكاب
ريم : هاذ كامل علاجال صبوحي
سيليا : ههه لازم بسك ناس تجي ولبنات لي يعشقو فخويا رح يجو ويهدرو فيك ولا نسيتي
ريم : هههه دوك مشوطات
سيليا : 😹 واه دك خفي البسي
ايا دخلت ريم للدوش لبست قفطان ڨغونا بالدوغي جاها يفتق مع لطاي تاعها وخرجت
سيليا : يييي جيتي تهبلي خصك شوي مايكاب ونستيكيلك شعرك
قعدت ريم مقابلة كوافوز وسيليا دارتلها دوغي فوق عينيها ومسكرة وايلاينر وبوردو فشواربها ⁦❤️⁩😻 .
ودارتلها شعرها على شكل وردة مرخية وخلاتلها لاماش من قدام 😻
سيليا : دك افتحي عينيك وشوفي
ريم : امممم يادرا كفاه جيت
فتحت عينيها حتى مامنتش بلي هاذي هيا 😐
ريم : هاذي انا.
سيليا : ايه جيتي بوبية مشاء الله .
ريم : ياااعمري وين كان مخبي هاذ زين 😹 كنت نشبه لجعفر وليت خير من نانسي
سيليا : امشي نهبطو يكونو يستناو فينا
ايا هبطو فالدروج
جود يحكي :
دخلت للاشومبر تع خويا بسك لاشومبر تاعي كانت فيها ريم وسيليا درت دوش ولبست شوميز بوردو وسروال كلاسيك نواغ وبابي بيضة وطلعت شعري ...