عالم نرجسي (مكتمله)

النرجسيه 2

كانت تعد الطعام باحترافيه تليق بأي شيف فهي بعد كل شئ قد أخذت العديد من كورسات الطبخ قديما ولم تعرف انها قد تنفعها ذات يوم ..

أنهت جميع الاطباق المطلوبه ثم جاء الخدم كي يضعوا الطعام علي السفره وهي تنظر لهم بابتسامه

بينما في الخارج في غرفه مالك القصر كان يرتدي تيشرته وهو يتحدث مع صديقه

ايان/ من بكره شركه احمد نصار ميبقاش ليها وجود عايز أسهمها كلها تبقي في الأرض

ايهم بمزاح/ يا قاسي انت حرام عليك ليه كده

ايان ببرود / عشان يفكروا بعد كده يلعبوا مع ايان العمري

ايهم/ طيب خلاص بس يلا ناكل مش قادر

ايان/ انزل وانا هنزل وراك اهو

ايهم/ حمامه ثم نزل للاسفل سريعا وهو يري السفره تمتلئ بكثير من أصناف الطعام اللذيذه بدأ الاكل سريعا دون انتظار نزول ايان حتي بينما نزل ايان وهو يراه يلتهم الطعام كالاله فتحدث بضجر/ يا بني محدش علمك انك تستني الناس علي الاكل

ايهم/ لا محدش علمني انت حد علمك

ايان وهو يجلس/ اخرس يلا وكمل اكل

ايهم/ أنا هكمل اكل فعلا بس مش عشان انت قولت لا عشان الاكل طعمه رهيب آثار الكلام فضول ايان فبدأ الاكل هو الآخر أعجبه كثيرا له مذاق خاص ولكنه انكر أمام نفسه وامام إبان وهو يقول بلهجه تكبر واضحه/ مش اوي يعني اي حد يقدر يعمل الاكل دا

لم يرد ايهم فهو يعرف جيدا صديقه الطاووس المغرور لن يعترف بمهاره أحدهم بسهوله فنادي علي يونس الذي يقف أمامهم بهدوء والتزام

ايهم / يونس خد هنا اقولك

يونس بطاعه/ نعم يا فندم

ايهم/ يالهوي عليا وعلي امي هو احنا مش قولنا بلاها فندم وبيه الحركات اللي بتجيب حموضه دي هو قوله ايان بيه اي حاجه لكن عندي دوس فرامل اسمي ايهم هيما اي حاجه بس بلاش بيه الله يستر عيالك

يونس بطاعه/ حاضر

ايهم بملل/ الا قولي يا ايان انت جبت الروبوت دا منين مبيعرفش يقول غير حاضر ونعم فنظر له ايان ببرود شديد فلم يكمل مزاحه ثم وجه ليونس حديثه مره اخري / بقولك ممكن تناديلي الطباخ اللي عمل العظمه دي

يونس/ حاضر يا فندم ثم ذهب للداخل حتي ينادي علي بدر

ايهم/ هي الرجاله بقت غريبه كده ليه لم يمض كثيرا حتي ظهر بدر الذي تقدم بخطي ثابت ما أن وقعت عيناه علي ذلك الذي يجلس ببرود صاحب هاله جليديه تبث القشعريرة في جسد المرء رفع عيناه ببطئ حتي اصتدمت سودويتها بعيناه الجليدية الزرقاء بينما التفتت الي ايهم الذي كان ينظر لها بتشبيه حاولت اشاحه وجهها