ــــ
ــــ
حب عبر الحدود
خشت لي الحوش مسمعتش حتا صوت قعدات اتنادي بابا ماما مرداش عليها حد خدت تاليفونها وهي بتخش لي صالة بتتصال بي امها فجأة ينفتح اضيء شافت اوراها القاتاه راجل غريب لابس قناع اقريب جتها الجلطة تلعط منها عطية وكيف جاية بتهرب قرب منها ومسكها من خصرها وقلالها كان تبي اتعيشي اسكتي احسنلك رفعت رأسها شافت كان اعيونه بس امخلطات بين الازرق والاخضر لونهم غريب شوية سمعو اصوات نازلة من ادروج قاللها اسكتي او شدها من يدها ورفعها لي دار وهي من صدمة امعاش عرفت حتا تتكلم افتح ادار وقاللها خليك اهني اوريدي بالك اطلعي صوت اوفنص فيها هي من الخلعة هزت رأسها اشبحلها وطلع وصكر الباب وهي رجليها امعاش شالوها قعمزات في الاوطاء.......
.
.
وما بعد الهدوء بطمئنان، وما الضجيج بمخيف، فمثلما قالو وما بعد الهدوء عاصفة، ومثلما قالنا مابعد الضجيج راحة 🍁🍁
.
.
.
خشت وهي تنفخ لوحت الشنطة علي طول ايدها وتنقرز شن هالنهار الاحرف المغبر وقعمزت لوحت وشاحها ونادت ماما طلعتلها امها من الكوجينة خيرك تصيحي شن في معاد ماشية لي المدرسة هادي ردت عليها امها علاش خيرك طلعتني الابلة الحمارة وشدني نائب المدير الدراه وعطاني محاضرة اطول من صور الصين العضيم وطلعني في الساحة في الشمس لتوا خشت اختها وهي تاكل في التفاح وقعمزت علي المندار ردت عليها احسن تستاهلي اكتر من هكي شبحتلها بنص عينها وقتلها صكري فمك احسن من انوض نفش غلي فيك ردت عليها وهي تضحك حي صرتي اسمر مني احسن حاجة دارها الاستاد اليوم
شبحتلها وحدفت عليها المخدة وناضت تكشخ عليها وهي مشت لي دار تجري وتضحك....
.
.
.
.
الذكريات الجميلة لا تشمل الاوقات السعيدة فقط،
وإنما تشمل كل الاوقات التي جمعتك بارواح لن
يعوض مكانها ولا مخلوق علي وجه الارض ✨✨
.
.
.
مقعمزة في الكافتيريا تراجع في شيتاتها شوي سمعت رنت تاليفونها شبحت لقت المتصل غلاي ابتسمت وردت هلا غلاي وضحكت نقرت حواجبها وردت عليها وين قعدات مش مشيتو لي المدرسة شهقت وهي ترد حيه نستيني في امتحاني بنراجع بيبدا الامتحان صكرت عليها ناضت تلم في شيتاتها وقفت عليها صحبتها وهي داهشة هي الامتحان بيبدا وانتي مقعمزة ردت عليها شن تشوفي فيا ندير ضحكت صحبتها ضحكه صفرة وهي ترد تي باهي وانتي ديما تقصفي فيا وخشو وهم يتسهوكو ويضحكو لي القاعة........
.
.
.
الصداقة، صفة مشتقة من الصدق، اي يعني الصديق
إما أن يكون صادق معك، إما لا يكون صديق لك 💯👍
.
.
.
.
.
.
.
.
#قريبا
