#اغتصاب_منار

الحلقة 3

الحلقة الثالثة
تلاشت فرحة احمد بموت بوه الى كان بالنسبة ليه البو و الصاحب و كل شى و كبرت فرحة لين موش خاطر بوها مات و لكن خاطر احمد مفرحش باكثر حاجة تعب عليهاا اما منار فكانت تبكي على بوهاا تبكي بحرقة على راجل كان قدوتها في الدنيا راجل كان يحميها و ينصحهاا راجل بحبه ليهاا غرس فيهاا القيم الاسلامية و الاخلاق النبيلة تبكي على اول راجل حلت فيه عينيهااا اما خديجة متحملتش هول الصدمة الى جات و داخت بين ايدين ولدهااا متحمللتش الموقف كانت مجرد التفكير انه راجلها و حب حياتها من الصغرة يموت كان يقتلها عرق بعد عرق كان عشيرهاا و حبيبها و بو اولادها و صاينها في لحظة الحومة الكل تلمت و القران يتسممع من اول النهج و القبر تحفر و كل شى عم محمد كان عز الناس كان يوقف مع لكبير و الصغير كان في وقت الشدة تلقاه و وقت الفرحة اول واحد يفرح معاك كان راجل و فيه صفات الرجله الكل الله يرحم عم محمد بعد العصر كانت الدفينة هوما يخرجووو فيه وروح خديجة قاعدا تخرج معاه و منااار زادا كانت تبكي بالصوت تبكي يا بابا لشكون خليتني يا بابا راني تشويت يا بابا علاه يا غالي راني تكويت شكون بعدك تيحبني يا باااااااباااااا
منار كانت تبكي تبكي لين عيونها تنفخووو و حماروو العيون العسليات الكبار الى يذوب فيهم اي واحد كيما راجل كيما مرا صغغير و لا كبير حمارواا و تنفخووو كانت هايمة و تعيط على بوبها لين تحس بحاجة جبدتها من تالي بقوة لين دورتها تلقاهاا لينلين : كسرتلنا روسناا سكر فمك علينااا و انت تبكي عليه تقول بوك
منار (قاعدا تشوف فيهاا موش مستوعب الى تقول فيه ) فاش تخرف انت بابا كيما هووو بوك حن عليا كيما حن عليك حبني كيما حبك يقري فيا كيما يقري فيك شبيك تحكي هكا
لين: محمد موش بوك محمد بابا اني و احمد كهو انت موش بنته
انت بنت حرام لقاوك في الشارع انت بنت حرام لقاوك في الزبلة انت طفلة جايه في قالب غلطة انت بنت حراااام برا لوج على اصلك
منار معادش تشوف فيها مليح الرؤية معادش واضحة اخر حاجة سمعتهااا وقع الكف الى على خد لين من خديجة و طاحت في القاعه محاسه بشى
(خديجة تتكلم )
وقت شفت لين ماشية لمنار خفت لا تحكيلهاا الى سمعاته مني اني و محمد قبل ميموت حاولت نهز روحي بشوي و نحاول نوصل لكن وصلت وقت فات الفوت وصلت وقت لقيت لين تقولها برا لوج على اصلك توجعت لوجيعت بنتي نوارة الكون عندي توجعت وقت نشوف فيها بش طيح من قوة الصدمة من غير منشعر لقيت روحي نضرب في لين بكف منغير منحس و هذي كانت اول مرة نمد ايدي على واحد فيهم لكن وقت شوفت منار طايحة في القاعدة و معادش تتنفس مليح خاطر عندها الربووو خفت خفتت عليها خرجت نعيط على الجيران بش ننفذ بنتي جارنا هزنا في كرهبته و طارنا لسبيطار.........