ذنبي ردت وطن

البارت السادس

ذنبي ردت وطن
الكاتبة ؛ فاطمة

"باچر تنجح الثورة .. ونرد لبيوتنا نغني
بأسمك ينكتب لوگي ، مناضل ينكتب عني.""

"الناصرية الحبوبي"

علي رجعت للبيت بعد مرور فترة اني مقيم بالحبوبي ماعفتة يتصلون عليه اخواني وابوية بس ماجاوب اعرفهم يردوني ارجع
رجعت سلمت لكيت بس مرت اخوي كاعدة
حجت زين وذكرت ورجعت وين ولك ليش تشلع گلوبنة ومخلصينها ضيم بضيم وشلعان كلب وياك
علي؛ مو مهم اني الي براسي اسوي عليش شالعين گلبكم انتُ

مرت الاخ؛ علي والله الوضع مو زين واحنة خايفين عليك وخابرت خالاتك يجن الك والله اله اخليهن يطيحن حضك وبعد ماتروح

اي من يجن يكابلني ويكعدن لو تكعدين انت وياي بذاك الوكت احقق الي تردونة اسكتوا عني لحد يحاجيني
اني مارجعلكم اله من تخلص الثورة لو
ملفوف بعلم
باوعتلة بنضرة غضب وحيرة
وسكتت الحجي وياه ضايع

علي؛ رحت للغرفتي صعدت لفيت راسي ونمت كلت العصر اكعد واروح ارجع للساحة اخذلهم مساعدات وارجع للحبوبي دخلت بسبات سبب التعب الي احس بية طول هالفترة

كعدت باوعت للساعة ب8 ونص باليل ڪل هالفترا نايم!!
رايح الوقت عليه واني ضال نايم

كعدت لكيت اخواني وابوي جوة باوعتلهم

جمال اخ علي حجة بعصبية ؛ اليوم منورنة علي وين هالفترة كلها واتصل عليك مجاوب انت تستهان بيه لو تضحك ع عقلي فهمني تريد تموت انت
ماتت امي وخسرتها تريدني اخسرك هم

علي؛ ببرود اريد اخذ حقي وحقك ماريد اموت اني شاب واريد اعيش حياتي بحرية باماني باستقرار من يرجع الوطن ارجعلكم

جمال؛ خوية اروحلك فدوة لاتشلع گلبي اني تعبان وامك جرحها لهسة ينزف ليش تزودها عليه وتخليني اهم بيك اكعد وشنو الي تريدة يجرالك

علي؛ اريد وطن اني هذا الاريدة

جمال ؛ ماڪو طلعه الباب راح اقفلة واذا طلعت اطيح حضك

علي؛ ببرود خوش

كان يعتقد ان مجرد ڪلام عابر ڪݪام جمال لكن
قفل الباب علية وماخلاه يطلع ابد وعلي بقة يدك ع باب ويصيح يريد يروح للحبوبي

بس محد يسمعلة ساكتين عنة ومخلينة
يحجي وحدة بقة علي لل12 باليل كاعد ويتصفح ع الفون ويحجي وي الثوار الي بساحة
اتصل ع مرة اخو كلهه افتحي الباب احتاج اطلع للحمام بعد ماروح للساحة باجر اروح الساعه هسة 1 ماروح اطمأنو

فتحلة اخو الباب طلع علي وهو يهز بيدة معاجبة وضعهم
حجة حسبالك اليوم كدرت تكضني وماطلعت اسكت والله اروح واطلع ومابقة بالبيت شعندي بية

علي يتيم الام ماعندة بس اخوان 2 وهو ثالث واخوانة مزوجين وابو مزوج ويجيهم كخطار يعني حياته عبارة عن فراغ التجأ للحبوبي الساحة التي وجد فيها حنان الام وحب الاب الساحة الي باقية شاعة رغم الالم والحزن والدم الي ترسها الساحة الي بيها احلامهم كلها بيها امنياتتهم بيها كلشي اتمنوا هما كشباب ورادة يتحقق لكن هما بالعراق الي قايدتة احزاب ونشرو الضلم والفساد بية

صارت الساعة وحدة ونص وصارت ضجة بمواقع التواصل تم حررق خيم ساحة الحبوبي
علي سمع هالخبر انجن خابر ع جماعتة راساً لبس ملابسة وطلع يركض للحبوبي الساعة 1ونص ليلاً

شاف هواية ناس تتراكض الاب والام والاخ والاخو وبنات وشباب كله فازعة للحبوبي مساعدة للشباب

ركضت واني دموعي ع عيوني وگلبي احسة ينزف دم ومتسارع دقاتة افكر بخيمتي واصدقائي وشباب وجماعتي كلهم صاروا كدام عيوني لكيت ولد عندة دراجة وكفته وصعدت ونطلقنة اني وياه للحبوبي
وصلت لكيت خيمنة كله محتركة وصايرة عبارة عن فحم صورة الشهيد محتركة
غراضنة محتركة علم العراق محترك
باوعت انهاريت من الموقف هذا بيتي الثاني لو محترك بيتي ولا الحبوبي رحت الجماعتي
لكيتهم كاعدين ودموعهم بعيونهم
خليت ايدي ع ظهرهم ابطال انتم كوموا تحترك خيمة نجيب خيم يحركون الخيم نبني بيوت هنا
وكفت بنص الحبوبي وشلت العلم العراقي وهما مخبوصين وكل الثوار متأذية ع خيمهم
صحتلهم بصوت عالي ابطااااال الناصرية
يحركون خيمة نجيب خيم لحد يضوج كلشي يتعوض واحنة مستمرين ومانخاف يموت واحد ينولدون الف غيرة احنة جيل واعي

صحت واني دموعي بعيني واباوع الجرحى والالام الي تجري بينة
((انا قافل ع القضية سمعت اصواتهم وياي هاي هاي هاي الناصرية ))

انا قافل ع القضية هاي هاي الناصرية

هي هي الناصرية حلوة وقوية والناصرية حلوة وقوية
بقوا يهتفون والمحافظات كله احتجت ويانة وع احتراق الخيم ...