حُـوُرِيــةْ آسِــر 👑❤️

البارت العاشر 💕

في المشفى

بعدما خرج آسر وادم من غرفه حور

حور: حبيبه متعرفيش انا همشي من المستشفى امتى

حبيبه : لي انتي لسه هتاخدي محاليل علشان الجروح الي ف جسمك وكمان مينفعش اصلا ترجعي عند خالتك هاتيجي عندي

حور: طيب بس معدتش عاوزه اطول ف المستشفى زهقت

طرق على الباب

حبيبه: اتفضل

دخل آسر وابتسامته الجذابه على وجهه
نظرت له حور وبدأت تذوب في ابتسامته فاقت

وقالت في نفسها : حور فوقي كدا مينفعش متعلقيش نفسك بحاجه متنفعش تبقا ليكي ولا هوا هيحبك اصلا

آسر: اي ي حور مالك

انتبهت له حور: ايه؟

حبيبه: اصلها زهقت من المستشفى وعاوزه تمشي

آسر : اوعدك لو اخدتي علاجك كله النهارده لغايه
بالليل واكلتي كويس همشيكي بكره الصبح

حور بفرحه: بجد هيييه والله هاخده كله

ضحك آسر على تلك الطفله البريئه التي بداخلها بالرغم من كل ما حدث معها مازالت بداخلها طفله وتجعله كل مدى يعشقها اكثر ولكن خائف ان ترفض ذلك

نظر آسر في ساعته: اهو يلا بقا وقت الغدا علشان العلاج

           "اومأت حور برأسها مستجيبه لكلامه"

آسر: طيب انا هبعت مع نورا العلاج والاكل علشان انا بثق ف شغلها وهي هتهتم بيكي ان شاء الله وانا هاروح علشان عندي شغل وهرجع اطمن عليكي

حور بإبتسامه: حاضر

خرج آسر متجهاً الى مكتبه

آسر: الو

نورا : ايوه ي دكتور

آسر : نورا جهزي ل حور الغدا و علاجها الجرعه كامله تاخدها بعده.. واتأكدي من تطهير كل الجروح ولو في مشكله كلميني

نورا بغيره من اهتمامه بها: تمام

آسر: تمام.. واغلق الخط

آسر  يعلم ما بها ولكن لم يجبرها هوا على حبه بالعكس كان يضع حدود للتعامل لكي لا تتعلق به ولكن هي مشكلتها مع قلبها الذي تعلق به
_______________________________________

مجدي : الو محدش لقا البت دي

محروس: لا ورجاله الشيخ قالبين الدنياا والشيخ هيبهدلنا ورجالته مش هيسيبونا