" ဘယ်ရောက်သွားတာလဲ? "
ဒီနေ့မှာတော့ ပန်းနတ်ဘုရားလေးဟာ နန်းတော်အတွင်း၌ ဂျောင်ကျိုဂျောင်ကြားထောင့်ချိုးလေးတွေပါ မကျန်အောင်အထိကို တစ်ခုတစ်ရာကိုသာ အသည်းအသန် ရှာဖွေနေခဲ့လေသည်။ နန်းတော်ကြီး၏အတွင်းတွင် ဘယ်လောက်ပဲရှာပါစေ ရှာမတွေ့ဘူးဖြစ်ခဲ့နေတာကြောင့် နန်းတော်၏ အပြင်ဘက်သို့ထွက်ကာဖြင့် Jiminထပ်မံပြီး ပျောက်ရှသွားခဲ့သော ထိုအရာလေးအား ရှာဖွေနေခဲ့မိ၏။
" အပြင်မှာလဲမရှိပါလား? ဘယ်ကိုထွက်ပြေးသွားတာလဲ!"
Jiminယခုရှာနေခဲ့သည့် အရာလေးဟာ ဥယျာဥ်တော်အတွင်းမှ သူကိုယ်တိုင် မင်းသား Jeonနှင့်တူပါသည် ဟုပြောခဲ့ဖူးသော ယုန်ဖြူလေးကိုသာ ဖြစ်လေသည်။
ဥယျာဥ်တော်ထဲမှာ Jiminအမြဲတစေ သေချာလိုက်လံရှာဖွေနေမှသာ တွေ့ခွင့်ရတဲ့ ထိုယုန်ဖြူလေးအား သူ့ရဲ့အနီးအနားမှာသာ ထားချင်ခဲ့မိသည့်အတွက် Jiminခေါ်လာခဲ့မိသော်လည်းပဲ ကိုယ်ပေါ်ကနေ ရုတ်တရက်ကြီး ခုန်ဆင်းသွားခဲ့ပြီး ရှာလို့လုံးဝမတွေ့ပေ။
" Jimin~~ ဘာဖြစ်လို့လဲ~~"
ထိုအချိန်မှာ နန်းတော်၏အပေါက်ဝအနားတွင် ဟိုလှုပ်ဒီလှုပ်ဖြင့် အလုပ်ရှူပ်နေခဲ့သော ပန်းနတ်ဘုရားလေးရဲ့အနားသို့ အမြဲတမ်းခွာမရအောင် လိုက်ကပ်နေတတ်သည့် မျက်လုံးဝိုင်းဝိုင်းလေးနှင့် တောက်တဲ့လေးဟာ ချက်ချင်း ရောက်ချလာခဲ့လေသည်။
ထိုတောက်တဲ့ကလေး၏ လည်ပင်းကဒဏ်ရာဟာ ပျောက်ကင်းလုနီးပါး ဖြစ်နေခဲ့ပြီဆိုပေမယ့်လည်း အနာကတော့ သေသေချာချာ မကျက်သေးပေ။ ဒါပေမယ့်လည်း ဘယ်သူတွေက ဘယ်လိုပဲအနားယူပါလို့ အခါတစ်ရာမက ပြောနေခဲ့ရင်တောင်မှ ' ပြောစကားနားထောင်ခြင်း ' ကြီးအား သူ့ရဲ့ဘုံရန်သူအဖြစ် သတ်မှတ်ထားခဲ့တဲ့ တောက်တဲ့လေးဟာတော့ တစ်ရက်မှငြိမ်ငြိမ်မနေခဲ့ပါ။
" ဥယျာဥ်ထဲက ယုန်လေးကို မွေးဖို့နန်းတော်ထဲခေါ်လာတာကို လက်ထဲကနေခုန်ဆင်းသွားလို့....အခုရှာလို့မတွေ့တော့ဘူး...."
" ဘယ်ရောက်သွားတာလဲမသိဘူး...လိုက်ရှာရလို့ မောတောင်မောလာပြီကိုဗျာ..."
YOU ARE READING
Love Affair(Jikook)
Fanfictionနတ်ဘုရားတွေရဲ့ ချစ်ခြင်းဟာ အောက်ချင်းငှက် တို့၏ သစ္စာနှင့်ဆင်တူသည်။ သူ့ရဲ့ဖြစ်တည်မှုရှိနေနိုင်မှ ကိုယ့်ရဲ့တည်ရှိမှုလည်း ရှိနေနိုင်သလိုမျိုးပေါ့။ သူသေရင် ကိုယ်သေ ဒါမှမဟုတ် သူပျောက်ကွယ်သွားရင် ကိုယ်လဲပျောက်ကွယ်ရမည်ဆိုသော အယူဝါဒဖြင့် အချစ်ကို ပုံဖော...