حياء و عفاف❤

بتقول^^

بتقول ^^

" تزوجت رجل طيب جداً وحنون وبيحب الناس وبيفضلهم عليه وعنده إيثار فوق الوصف.. کنت لسه عروسة جديدة في شهر رمضان وكانت ظروفنا المادية صعبة شوية الحمد لله يادوب ممكن نجيب فطار او سحور بصعوبة وبنمشي يوم بيوم
وفي ليلة زوجي الطيب قال لي انا نازل اجيب سحور ومكنش فيه اكل في البيت
وكان يادوب معاه 10 جنيه وكنت انا ميتة من الجوع واتأخر عليا جدا
فجاة وجدت جارتي الطيبة بتخبط عليا وجايبة لي صينية سحور فيها ما لذ وطاب 😍
وبتقول لى انا قولت اتعرف عليكي ودي هدية بسيطة مننا .. أنا اتفاجأت طبعا مفاجأة عسل وفرحت أوي ❤️😅
انتظرت زوجي يرجع عشان احكي له وخبيت الصينية قبل م ييجي ولما رجع قولتله فين السحور الـ نزلت تجيبه ..؟!!
لقيته مكسوف جدا يا عيني وقال لي بصراحة قابلت واحد صاحبی ولقيته محتاج يجيب لأمه علاجه وسألني على 10 جنيه سلف واديتهمله 😓
ولقيت نفسي مش عارف هجيب لك سحور ازای ورجعت ...
قولتله بارك الله فيك أبشر بكل خير ... الحمد لله ربنا ضاعف لنا الـ 10 ج أضعاف أضعاف جارتنا جابت لنا صينية أكل عشان تتعرف عليا.. فرح زوجي وضحكنا ودمعنا من کرم رب العالمين انت بتتعامل مع رب کریم رحيم لن يتركك "

#تصدقوا_ولا_تخشوا_الفقر
#ذات_النقاب❤