الحلقة 2 💛 قلبي حا يخرج من بلاصتو شفت نتيجة مكاش منحة نجحت دخلت مجال طب بصح ما كاش منحة لتركية. 💔🥺 اول صدمة تعرضتلها روحت لماما قولتلها قاتلي بصح دوك تروحي للجامعة انا نعاونك تروحي لترك غير نتي كملي بجامعتك حتى اقتنعت طبعا ماما فخورة بيا طبيبة اسنان كنت حا نخرج ما ڨري لي يشوفني يقول بهلولة و عديمة مسؤلية كملت فقرايتي و كلش و بديت نخدم و نقرا فجامعة و اقتانعت بلي حلمي ما راحش بلعكس تاجل برك و كنت قافلة قلبي بسك عندي حلم اهم من كلشي قريت وخدمت عام كومبلي باش لميت دراهم نقدر نروح فيهم لتركية و هادا شي من مورا بابا. فات عام كامل . نسيت نقولكم خدمت ف بلاصة يبيعو فيها حوايج و زيد ماما باعت من دهبها علاجالي جا لوقت لي حانتحدا كلشي علا جال حلمي و قفت قدام بابا انا : بابا حنقولك حاجة مهمة بابا : قولي واش خصك انا : بنسافر لتركيا بابا : قوتلك نشاء الله نبقاو غير ف سيجي تاع تركيا تزوجي و روحي انا راني رايحة تاع صح لميت دراهم بابا واش راكي تقولي نتي هبلتي واش حبيتي ناس تقول علينا شوفي انا خليتك تقراي و ماقلت والو بصح باش تروحيلي تسكني وحدك ف بلاد ما نعرفوهاش غير مكله روحي من وجهي ما نيش موافق انا : عمري كامل وانا نسمع كلامك بصح خلاص انا مانيش ندير حاجة غالطة وليت كبيرة ونعرف صلاحي و نتحمل مسؤلية نفسي و انت مج..... بابا رفد يدو و خبطني كف بابا : ما عرفتش نربي انا دمعة هبطتلي نوضت روحت لبيتي غلقتها بلمفتاح و قاعدة نصلي و نبكي نصلي ونبكي و نسمع بابا يبهدل في ماما بسبابي خوتي صغار علييا واحد ما دخل خويا يفرق بين ماما و بابا وختي تبكي ختي عمرها 13 و خويا 16 و انا 19 طبعا انا كنت كنت حاجزة طيارا مور 3 ايام باش نحط بابا تحت لامر لواقع هادوك 3 يام ماخرجتش من بيتي و مانهدر معا حتى واحد غير ماما لي تدخل عليا انا قولتلها ما نروحش مي كونت مخططة لشي وحداخر فاتو 3 يام جا ليوم لي انا ستنيتو طيارة تاعي كانت على 6 فزمان شتا نوضت على 4 لبست وجدت روحي وخرجت مدار و انا نبكي ركبت طاكسي ساعة وانا فطريق وصلت لماطار دخلت درت واش يلزم جيت دا خلة لطيارة اول مرة نركب طيارا نمشي و نشوف حتا دخلت قاعدة نحوس على بلاصتي حتى نلاقاها قدام راجل شيباني كبير (نسيت نقولكم انا نعرف نهدر تركية بسك حياتي كامل معا مسلسلات تركية مترجمة و كنت نتعلم ونجحت و تعلمتها ) لمهم قعدت بلاصتي نرجف ملخوف قلعت طيارة بصح ما خفتش قاعدة نشوف فلغيوم ونصور كيما كنت نحلم دايما جات لموضيفة وليت نطلب فلماكلة ميتا بجوع 3 يام ماكليتش كي لخلق كليت ورقدت نودت على صوت (اربيطو احزمتكم ) ربطت حزامي وطيارة هبططت غير هبطت ميتا بلفرحة نسوطي كي لمهبولة حلمي تحقق راني ف ترك قريب بكيت هبطت ......... التعليقات داخل الرد نصيب واحد برا نبلوكيه 😚
شكوكو تفاعلو🥺🖖💔
