أوه أنيونغ 👋 *بصوت تاي* وحشتكم 👈👉 إنهرده الصراحه يوم مستنياه بقالي كتير و مُتحمسه ليه أوي ، تابعوا فانبيز جيهوب على تويتر إنهرده في حاجات كتير مجهزاها 🥺 المهم تعالوا نبدأ لأن حتكلم في حاجتين إنهرده ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
____________________
مبدئيآ إنهرده بنحتفل بمرور 10,000 يوم على ولادة هوسوك 😭😭😭 الحياة بقت أجمل من ساعة ما إتولد يعني الحياة بقت مليانه أمل و إشراق و تفاؤل بقالها 10,000 يوم متخيلين 😭😭 أصل الرقم حقيقي كبير بجد يعني ... 10,000 يوم مع الشخص الي لغاية دلوقتى أنا مش عارفه إيه سر إعجابي و حبي بكل تفصيلة فيه الي هو بجد أنا لسا لغاية دلوقتي بتفاجئ برقصة ، يعني مثلآ أنا خلاص شفت رقصة Butter و إتفاجئت برقصة و كل حاجه لكن أنا بجد كل يوم بنبهر بحاجة جديدة في الرقصة ، هو عمومآ الي لازم تبقوا عارفينه إن هوسوك كل مرة بيبتكر حاجه جديدة في الرقصة ، و دي من الحاجات الي بعشقها فيه إن كل آداء لازم يخليك تشوف حاجه جديدة في رقصة 🔥 المهم إني في اليوم 10,000 لهوسوك حابه أقول قد إيه وجوده مهم في حياتي و مأثر فيا جامد و حقيقي هو غير فيا حاجات كتير و شجعني على حاجات كتير و خلاني أكمل و ميأسش في حاجات كتير .. أنا بجد بحبه أوي 💚
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
___________________
تعالوا ندخل بقى في الموضوع الي أنا متحمساله أوووووي و متوتراله جدآ 😭😭😭😭 الحاجه دي حقيقي مُميزة جدآ بالنسبالي 🥺 إنهرده بيوافق السنوية الأولى لجيهوب مصر !!!!! 😭😭😭😭 متخيلين معايا؟ متخيلين إن من سنة أنا بدأت في حلم من أحلامي المتعلق بهوسوك !!! من أول ما بقيت ستان لهوسوك و لما عرفت إن مفيش فانبيز لهوسوك و أنا نفسي أوي إني أعملها و أكون المصدر الأول لهوسوك بالنسبة للآرمي و لما قالولي يلا نعمل فانبيز لهوسوك في مصر أنا مترددتش ثانيه ولا فكرت حتى و قلت أيووووه يلاااا و اتحمست جدااا و بدأنا في ساعتها ، وقتها أنا مكنتش حاطه في بالي إن نبقى أكبر فانبيز و الجو ده كل الي هامملي إن أخباره و إنجازاته توصل للآرمي المصري و يعرفوا هوسوك كويس و يساعدونا في تحقيقي إنجازات ليه في مصر و فعلآ بدأنا و بدأنا نتعلم حاجات و دخلنا إتحاد فانبيزز جيهوب العالمي و بقينا أول فانبيز مصرية في الإتحاد و تقريبآ بعد 3 أيام حققنا أول إنجاز لهوبي في مصر و هو وصول أغنية Ego المركز الأول في أيتيونز مصر 😭😭😭 الي هو أنا حقيقي سعيدة بده جدآ مشينا خطوة بخطوة مع بعض مع الفانبيزز المصرية لغاية ما حققنا المركز الأول لكل أغاني هوسوك الفردية !!!!! و شوية من الأغاني التعاونيه و حققنا all kill لكل اغاني الميكستايب في الآيتونز و الميكستايب نفسه حقق المركز الاول 😭و كنا اول دولة عربية تحقق ده !!!!! أنا الصراحة وقتها مكنتش قادرة أستوعب ده و كل لما أفتكر أفرح أوي الي هو كل ده إحنا الي حققناه و محدش قبلنا قدر يعمله 😭😭😭 بعد فترة قدرنا نعمل حساب للفانبيز على الإنستجرام و الفيسبوك عشان نوصل أخبار هوسوك في كل مكان 🥺 عدى عليا كنت خلاص حاخد القرار إني أسيب الفانبيز من كتر الضغط عليا و اني مبقتش بعمل حاجه في حياتي و ده كان موترني أوي بس رجعت و قلت أنا لو مهتمتش بيه مين حيهتم؟ و نظرآ إن بقيت الأدمنز مشغولين فساعتها أخبار هوسوك حتوقف و دي حاجه وانا مش عايزاها تحصل أبدآ و أهو إنهرده بنحتفل بمرور سنة كاملة على الفانبيز 😭😭
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في النهاية حابه من كل قلبي أشكر كل شخص كان معايا الفترة دي و مسبنيش و فضل معايا و خلاني اكمل في اكتر حاجه مهمه في حياتي حقيقي بحبكم 💚
