🤍🥥𝑷𝒖𝒓𝒑𝒍𝒆 𝑹𝒐𝒐𝒎🥥🤍

" لا تتوقف الحياة عند فراق أحد "

" لا تتوقف الحياة عند فراق أحد "
عبالكم بلي كي نخسرو بعض الناس نربحو رواحنا ؟ إيه والله نربحو... نربحو صحتنا، راحة بالنا، راحة قلبنا وبزاف حوايج...
صحيح راح تكون حاجة بزااااف صعيبة في البداية لأنه علميًا من الصعب التعود على غياب أشخاص تعودنا على وجودهم في حياتنا ، راح يولي عندنا بزاف فراغ لأنو لي كانو معمرين البلاصة راحو، راح نتفكروهم في تفاصيل حياتنا الصغيرة ونشوفوهم في أشخاص غرباء يعترضونا في الطريق، راح نبكيو مرة على مرة لأنو الفراق صعيب وتجينا أوقات ضعف وين نخممو نطيشو كلشي ونبعثولهم رسالة ول نتصلو بيهم، ممكن يجينا إكتئاب ونوصلو لمرحلة وين نخممو في الإنتحار إذا كنا ضعاف إيمان لكن... بعد كل شي رح نفهمو بلي هيه تفارقت مع إنسان ومبعد؟ ياك هو لي خير يخسرني؟؟ هو لي ما شدش في يدي وقالي نفوتوها كيفكيف؟ هو لي تخلى عليا؟ هو لي رضى بالبعد... ياك ما متتش ؟ مازالني حي نتنفس وناكل !؟ ما ناضتش حرب عالمية رابعة؟ ول فنات الدنيا؟ كل حاجة مازالت في بلاصتها ... صح؟؟
يمالا علاه راني نخسر في روحي على جال إنسان اختار يخسرني؟
ما تخسروش أنفسكم على جال أي إنسان في ذي الدنيا، كونوا أنانيِّين ولو لمرة واحدة وخيروا راحتكم النفسية والجسدية