[Unicode]
Hallခန်းထဲကနေထွက်လာပြီးလူရှင်းတဲ့တစ်နေရာရောက်တော့ခုံတန်းမှာထိုင်ပြီးအလိုအလျောက်ဖက်ထားမိတဲ့လက်ကိုလွှတ်လိုက်တယ်။
''Sahi yaအဆင်ပြေရဲ့လား''
''ရပါတယ် ဘာမှမဖြစ်ပါဘူးကွာ''
Sahiကိုမုန့်သွားစားကြမယ်လို့ပြောထားတာကြောင့်ပြဇာတ်ပြီးတာနဲ့ပြေးလာခဲ့တာ။ဟိုရောက်တော့လူတွေကြားမှာရပ်နေတဲ့Sahiကိုတွေ့လိုက်တယ်။တစ်ကိုယ်လုံးလည်းရေတွေစိုနေတာကြောင့်အရမ်းစိတ်ပူပြီးပြေးသွားလိုက်မိတယ်။
လူအများကြီးဆူညံနေရင်Sahiစိတ်ရှုပ်တတ်တယ်လေ။
''မင်းဒီမှာခနနေအုံး ငါအင်္ကျီသွားယူလိုက်အုံးမယ်''
''ဟာ ရပါတယ်ကွာ ဘာမှမဖြစ်ပါဘူး ဒီလောက်ကတော့''
လက်ကလည်းဆံပင်ကရေတွေကိုခါပြီးပြောနေတဲ့Asahiသူမတ်တပ်ရပ်ပြီးကြည့်လိုက်တယ်။
''ဘာရတာလဲ ရေတွေစိုရွှဲနေတာကို ဖျားသွားရင်ဘယ်လိုလုပ်မလဲ ဒီမှာပဲထိုင်နေ ဘယ်မှမသွားနဲ့ ငါမကြာဘူးပြန်လာခဲ့မယ် ပြီးတော့မင်းပေါ်ကhoodieကိုလည်းမချွတ်ပစ်နဲ့နော် ကြားလား''
''အေးပါ''
AsahiကိုပြောပြီးLockerတွေဆီပြေးလာလိုက်တယ်။တော်သေးလို့ပေါ့အင်္ကျီအပိုတစ်ထည်ထားထားလို့။
''Jaehyuk...Yoon Jaehyuk''
လှည့်ကြည့်လိုက်တော့သူ့ဆီကိုအမောတကောနဲ့ပြေးလာကြတဲ့Junkyuနဲ့Jihoon။
''Asahiရော ဘယ်မှာလဲ အဆင်ပြေရဲ့လား''
''သူအဆင်ပြေပါတယ် အခုပန်းခြံနားကခုံတန်းမှာ ငါကအခုသူ့အတွက်အင်္ကျီလာယူတာ''
''အော် တော်သေးလို့ပေါ့ ဟိုကောင်လေးကလည်းနဲနဲရှုပ်ပြာသွားတာနေမယ်''
''အေးကွာ ငါကJaehyukအဝတ်တောင်မလဲဘဲ Asahiကိုဖက်ပြီးခေါ်သွားတာမြင်တော့လန့်သွားတာ''
''အေးပါ ဒါဆိုအင်္ကျီသွားပေးလိုက်အုံးမယ် မဟုတ်ရင်အအေးမိနေလိမ့်မယ်''
