وعسى ان تسكن نار الانتقام ( عسل الانتقام )

67

#وعسى_ان_تسكن_نار_الانتقام

#بقلم مريم السعدي

#بارت68

سليم- منو هاي!!!
وكفت اترقب عاكد الحاجب مدت راسها بخوف وحيره رزاان !!
جانت لابسه الجبته الها الزي الهندي قطعتين كان لونه جوزي مقدف. وتحفيراته راقيه ويبين فتحه الصدر والضهر بشكل كلش حلو ببصمه الطاووس وكلوشه من جوه حييل ولافه الشال تضم خصرها وبطنها مسويه شعرها ضفاير ليفوك هنديه بفرك ضافرته ربعه ضفيرتين ملتقيه من وره بوره صغيره بنزامه والباقي مفلول على ضهرها. ومكياج هاديء والتخم الكرستال النازك التابع للزي اني وره الباب وهي تباوع لانحاء الغرفه منتبهت لوجودي
جمد كل عصب بيه اخاف اتحرك وتروح تركض من تلمحني من دخلت للغرفه احساسي تخربط متجي اذا مواحساسها جرها مثل احساسي الوداني لمعهدها ايام وايام بلكن يوم واحد يتاخر علي واكدر احاجيها بس عبث كان يوكف قبل طلعتها وتصعد لسيارته وياخذها ويروح. صافن عليها وعلى حركه عينها من تنتقل للغرفه بعيون متلهفه وحايره بس راسها مططبته واني صاير ورايه وولمحت انعكاسي بمرايه الكنتور فزت دتطلع تركض لزمتها من ايدها فلتت ايدي وجلب الشال انفل وانجر

كان حرير راقي الشال يختلف عن خمله الساري بس اطرافه مقدفه وطويل انسدل براحه على خضرها وتزحلك وهي تركض كله صار بيدي واباوع بياض جسمها كدامي من تحت محزم الالقطعه الفوك لحد اطراف الخصر والبطن والقتلني لافه زنجيل عالخصر شي يشهك الانفاس
كطعت حبل الكلام قصص وروايات عراقية كرار صلاح
هي خايفه ختلت وره البرده من لاحضت روحها تعرت. ببعد امتار عني. برده الحولي جوه الدرج انسترت بيها راسن بجت بلعت ريكي اريد اتقرب وهي تزيد ببجيها وكفت عرفت قربي الها و وجودي اذاها لان عرفت بيش دتفمر جريت الشال تلمسته بيدي وقربته على وحعي شميته نفس العطر هدات شهكتها منصي اباوع للشال

بيدي شمرته لناحيتها متقربت درت وجهي شوي شفتها انسترت بي مثل العباه سوته وهو كلش جبير يغطيها كلها التفتت جانت دتطلع للهول وتروح من باب الهول لحديقه بيت جدي من الباب الفاصل توها دخلت الهول وصوت امي بين بعلو وهي ممنتبهه اذا لكفتها هنا مراح تزفها شعدج وحدج واني تدري بيه نايم هنا الطامه الكبرى لحكتها للهول دتفتح الباب خليت ايدي عالباب واشرت اشش بعصبيه. امي امي تحاول تبعد عينها خايفه والدموع موكفت وتفرك بديها تورطت
خزرتها بتحذير اشش امي بالمطبخ بس تطلعين تلكفج
نصت راسها ترتعش ابتعدت منها حتى النفس يرتعش تعبتني من يمي تعبت طبيت المطبخ
ها يوم
ها ماما نزلي الصينيه شفتها لبت خالك تعالي مراوي
عكدت حاجبي اباوع لامي شو السالفه علني طبت بت الخال التنوره قصيره والشعر والمكياج
هلاو
هله بيج باوعت لامي ها شعدج شو هنا
دجيب جيب الحنه حتى صينيه الحنه احنا دفعنا فلوسها اختك حتشوف ايام فككككر بفكررر وحتضل طول عمرك تصرف عليهم
يمممه نترت وهاي بالهول حتخبل اريدها تسكت ماريد تسمعها
دسسكتت ناس يستغلون جان استحت جايبه نسوان حمويها وحمواتها وكاعده كلشي مصرفو. لامهر لاحنه لازفه
لج يووم كافي
حتى غرفه مجابلها فككككر يضل طول عمره فككر.