وعسى ان تسكن نار الانتقام ( عسل الانتقام )

٣١

#وعسى_ان_تسكن_نار_الأنتقام

#عسل_الأنتقام

بقلم مريم السعدي

#بارت٢٨

ﺭﻧﺪ - ﻧﺰﻟﺖ ﻭﻛﻠﺒﻲ ﻣﻠﻴﺎﻥ ﺍﻣﻞ ﻳﻤﻜﻦ ﻗﺮﺑﻪ ﻣﻦ ﺧﺎﻟﻮ ﺧﺎﻟﻮ ﻳﺸﺒﻬﻪ ﺑﻄﺮﻳﻘﻪ ﻛﻼﻣﻪ ﺣﺮﻛﻪ ﺭﻛﺒﺘﻪ ﻭﺣﺮﻛﺎﺗﻪ ﻣﻦ ﻳﺪﺧﻦ ﻭﻳﺮﻣﺶ ﻧﻔﺲ ﻧﻮﻉ ﺍﻟﺠﻜﺎﺭﻩ . ﻧﻔﺲ ﺍﻟﺸﻲ ﻣﻦ ﻳﻀﻮﺝ ﻭﻧﻔﺲ ﺍﻟﺸﻲ ﻣﻦ ﻳﺤﺎﻭﺏ ﻳﻘﺮﺑﻠﻲ ﺍﻟﻤﻮﺿﻮﻉ ﻭﻳﻔﻬﻤﻨﻲ ﺑﺼﻐﺮﻱ ﻳﻤﻜﻦ ﻣﻌﺮﻓﺘﻪ ﺑﺨﺎﻟﻮ ﺷﻔﻌﺘﻠﻪ ﻳﻤﻲ ﺍﻻ ﺳﻨﺪ ﻛﺎﻧﺖ ﻣﻮﺟﺮﻩ ﻧﺎﺭ
ﻭﺻﻠﻨﺎ ﻟﻠﺒﺎﺏ ﻭﻧﺰﻟﻨﺎ ﻭﺑﻴﺪﻱ ﺍﻻﺑﺮﻩ ﻣﺎﻝ ﺗﻘﻴﻮ ﻭﺍﻟﻔﻴﺘﺎﻣﻴﻨﺎﺕ . ﻭﻣﺴﻮﺍﻙ ﻧﺰﻟﺖ ﺍﻟﺠﻴﺎﺱ ﻭﻫﻮ ﻳﺮﺍﻗﺒﻨﻲ ﻭﻳﺘﻮﺳﻞ ﺑﻌﻴﻮﻧﻪ ﻭﻳﺮﺩﺩ
ﻣﺎﻭﺻﻴﺞ ﺑﻌﺪ
ﺩﻳﺮﻱ ﺑﺎﻟﺞ ﻋﻠﻴﻬﺎ
ﻭﺍﻭﻧﻲ ﺍﺟﺎﻭﺏ
ﺍﻱ ﺍﻱ ﻟﺘﺸﻴﻞ ﻫﻢ
ﻣﻤﻨﻮﻥ ﻭﻭﺑﺎﻋﻲ . ﺍﺧﺎﺑﺮﺝ ﻋﻮﺩ ﻫﺎ ؟
ﺍﻭﻙ
ﺳﺪﻳﺖ ﺍﻟﺒﺎﺏ ﻭﻃﺒﻴﺖ ﻃﻠﻌﺘﻨﺎ ﻣﺎﻣﺎ ﻟﻠﻄﺮﻣﻪ ﺗﺒﺠﻲ ﻭﺗﺤﻀﻦ ﺑﻴﻨﺎ ﻭﺗﺮﺩﺩ
ﺗﺎﺧﺮﺗﻮ ﻋﻠﻴﻪ . ﻣﺎﻣﺎ ﺳﻨﺪ ﺗﺒﺎﻭﻋﻠﻬﺎ ﻭﺗﻨﺼﻲ ﻭﺍﻧﻲ ﺍﺭﺩﺩ
ﻣﺎﻣﺎ ﺷﺒﻴﺞ ﻫﻴﺎﺗﻨﺎ ﻏﻴﺮ ﺟﻨﻨﺎ ﺑﻴﺖ ﺟﺪﻭ ﺗﻌﺎﻱ ﻟﺘﻨﻘﻬﺮﻳﻦ . ﻃﺒﺒﺘﻬﺎ
ﺟﻮﻩ ﻋﻴﻨﻬﺎ ﺍﺳﻮﺩ ﻭﺗﻌﺒﺎﻧﻪ ﻭﺍﻛﺜﺮ ﺷﻲ ﻣﺘﻌﺒﻬﺎ ﺍﺑﺘﻌﺎﺩﻫﺎ ﻋﻦ ﺧﺎﻟﻪ ﻓﻮﺯ
ﺍﻣﻲ ﺍﻋﺮﻓﻬﺎ ﺣﻨﻴﻨﻪ ﻭﺿﻌﻴﻔﻪ ﺭﻏﻢ ﻣﺎﻣﺮﺕ ﻋﻠﻴﻬﺎ ﺍﻫﻮﺍﻝ ﻭﺍﻧﻜﺴﺮﺕ ﻭﺭﺟﻌﺖ ﻭﻛﻔﺖ ﺑﺲ ﺍﻟﻠﻲ ﺗﺤﺒﻪ ﻭﺗﻌﻮﻓﻪ ﻳﺪﻣﺮ ﻧﻔﺴﻴﺘﻬﺎ . ﺑﻘﻴﺘﻬﺎ ﺑﺤﻀﻨﻲ ﻭﺍﻣﺴﺪ ﻋﻠﻴﻬﺎ
ﻣﺎﻣﺎ ﺣﺒﻴﺒﺘﻲ ﻣﻨﻌﻮﻓﺞ
ﻣﺎﺍﻛﺪﺭ ﺩﻭﻧﻜﻢ ﻭﺍﻟﻠﻪ
ﻭﺍﺣﻨﺎ ﻫﻢ ﺑﺎﻋﻴﻨﺎ ﻳﻤﺞ ﻭﻟﻮ ﻛﺎﻳﻠﺘﻠﻨﺎ ﻟﺘﺮﻭﺣﻮﻥ ﻣﻨﺮﻭﺡ ﻣﻴﺴﺘﺎﻫﻠﻮﻥ ﻋﻠﻤﻮﺩﻫﻢ ﻧﻌﻮﻓﺞ ﻭﺍﻧﺘﻲ ﺍﻟﻠﻲ ﻋﻔﺘﻲ ﺍﻟﺪﻧﻴﺎ ﻟﺨﺎﻃﺮﻧﺎ
ﻟﺰﻣﺖ ﻭﺟﻬﻪ ﻭﺍﺑﺎﻭﻉ ﺑﻌﻴﻨﻬﺎ ﺍﻟﺘﻌﺒﺎﻧﻪ ﻭﺍﺣﺠﻲ ﻫﺰﺕ ﺭﺍﺳﻬﺎ ﺑﺘﻔﺎﻫﻢ ﻭﻋﻴﻨﻬﺎ ﻋﻠﻰ ﺳﻨﺪ ﺍﻟﻠﻲ ﺗﺒﺎﻭﻋﻠﻬﺎ ﻣﺪﻣﻌﻪ
ﺭﻧﺪ - ﻣﺎﻣﺎ ﻭﺟﻬﺞ ﺗﻌﺒﺎﻥ
ﻻ ﺣﺒﻴﺒﺘﻲ ﻣﺎﺑﻴﻪ ﺷﻲ
ﺗﻌﺎﻱ ﺍﺧﺬﻱ ﻣﻘﻮﻳﺎﺗﺞ
ﻻ ﻣﺎﺭﻳﺪ
ﻣﺎﻣﺎ ﺑﺎﻋﻲ ﺍﺫﺍ ﻣﺘﺎﺧﺬﻳﻦ ﺍﻧﻲ ﻣﺎﺍﻛﻞ ﻭﻻﺍﺷﺮﺏ ﺯﻳﻦ
ﺑﻘﺖ ﺻﺎﻓﻨﻪ ﻋﻠﻴﻪ
ﻳﻠﻪ ﺗﻌﺎﻱ ﻃﻜﻴﺖ ﺍﻟﺤﺒﺎﻳﻪ ﻭﺟﺒﺘﻠﻬﺎ ﻣﻲ ﻗﺪﻣﺘﻪ ﻳﻤﻬﺎ ﻛﺎﻟﺖ
ﻣﻨﻴﻠﺞ ﻫﺎﻱ
ﺟﺎﻭﺑﺖ ﺳﻨﺪ
ﺭﺟﻠﺞ ﺍﺟﻪ ﺍﺧﺬﻧﺎ ﻭﻗﺮﺍﻟﻨﺎ ﺍﻟﻴﺘﻴﻤﻪ ﻭﻛﺎﻝ ﺧﻠﻮﻫﺎ ﺗﺎﻛﻞ ﻻﻥ ﺍﺑﻨﻲ ﺑﺒﻄﻨﻬﺎ
ﻛﺎﻟﺘﻬﺎ ﺳﻨﺪ ﺑﺒﺮﻭﺩ ﻭﻓﺎﺗﺖ ﻟﻠﻐﺮﻓﻪ
ﺩﻓﻌﺖ ﺍﻟﻜﻼﺹ ﻭﻛﻊ ﻭﺫﺑﺖ ﺍﻟﺤﺒﻮﺏ ﺑﺎﻟﺰﺑﻞ ﻧﺘﺮﺕ ﺑﻴﻪ
ﺷﺨﺬﺗﻲ ﻣﻨﻪ ﺑﻌﺪﺩﺩ
ﻣﺎﺍﺧﺬﺕ ﻣﺎﻣﺎ ﻫﺎﻱ ﺷﺒﻴﺞ
ﺻﻴﺤﺖ ﺑﻘﻬﺮ
ﻟﺞ ﻣﺎﻣﺎ ﻫﺬﺍ ﺷﻴﻄﺎﺍﺍﺍﺍﻥ ﻟﺘﻮﺻﻠﻴﻦ ﻳﻤﻬﻬﻪ ﺣﻀﻲ ﺍﻻﻏﺒﺮ ﻋﺮﻓﻨﻲ ﻋﻠﻠﻠﻴﻪ
ﻣﺎﻣﺎ ﺻﺪﻳﻖ ﺧﺎﻟﻮ
ﻭﻟﺞ ﺧﺎﻟﺞ ﻟﻮ ﻋﺎﻳﺶ ﻭﻳﺪﺭﻱ ﻳﺠﻲ ﻳﻮﻡ ﻭﻫﻴﺞ ﻳﺴﻮﻱ ﺑﻴﻪ ﻣﻴﻮﺻﻠﻠﻠﻞ ﻟﻠﺸﺮﻛﻪ ﻭﻳﺎﺧﺬﻧﻲ
ﻏﺎﺩﻩ - ﺍﺻﺮﺥ ﻭﺍﻟﻄﻢ ﻣﻠﺨﺖ ﺷﻌﺮﻱ ﻭﺗﺨﺮﺑﻄﺖ ﺣﺴﻴﺖ ﺑﻴﻬﺎ ﺗﺒﻠﻞ ﻭﺟﻬﻲ ﻫﻲ ﻭﺳﻨﺪ ﻭﺍﻣﻲ ﻛﻌﺪﻭﻧﻲ ﻋﺎﻟﻔﺮﺍﺵ ﻭﺩﺭﺕ ﻭﺟﻬﻲ ﻋﻨﻬﻢ
ﺍﻟﺼﺎﺭ ﻋﺪﻱ ﻛﻤﺖ ﺍﺧﺎﻑ ﺣﺘﻰ ﻋﻠﻰ ﺑﻨﺎﺗﻲ ﻣﻨﻪ . ﺍﻟﺼﺎﺭ ﺑﻴﻪ ﺍﺭﻳﺪ ﻳﻨﺘﻬﻲ ﺍﻟﻜﺎﺑﻮﺱ ﻭﺍﺧﻠﺺ ﻣﺎﺭﻳﺪ ﻳﺮﺗﺒﻂ ﺑﻌﺎﺋﻠﺘﻲ ﺍﺑﺪ
ﻟﻜﻦ ﻋﺒﺚ
ﺍﻛﻠﻲ ﻗﻞ
ﻛﻤﺖ ﺍﺟﻮﺭ ﻋﻠﻰ ﺭﻭﺣﻲ ﺑﺎﻟﺸﻐﻞ
ﻋﻠﻰ ﻏﻔﻠﻪ ﺍﻫﻮﺵ ﻋﺎﻟﺒﻴﺖ ﺍﻛﺮﺑﻪ ﺍﻋﺰﻟﻪ ﻭﻫﻮ . ﻧﻀﻴﻒ ﻭﺍﺭﻭﺡ ﻟﻠﺸﻐﻞ ﺍﺿﻞ ﺷﻔﺘﻴﻦ ﻫﻴﺞ ﺑﺲ ﺍﺭﻳﺪ ﺍﺗﻌﺐ ﺑﻠﻜﻦ ﺍﻟﻠﻪ ﻳﻨﺰﻝ ﻣﻦ ﻭﺣﺪﻩ ﺑﺪﻳﺖ ﺍﺣﺲ ﺑﻄﻨﻲ ﺗﻘﻮﻯ ﻭﺍﻟﻠﻲ ﻣﺎﺫﻳﻨﻲ ﺍﺗﺬﻛﺮ ﺷﻠﻮﻥ ﺻﺎﺭ ﻭﻛﻢ ﺍﻻﻟﻢ ﻭﺍﻟﻌﺬﺍﺏ ﺍﻟﺘﺤﻤﻠﺘﻪ ﻣﻦ ﺍﻗﺘﺮﺏ ﻭﺍﺗﺬﻛﺮ ﺍﻟﺴﺒﺐ ﻭﺍﺗﺨﻴﻠﻪ ﺍﺑﻦ ﺣﺮﺍﻡ ﻛﻠﺸﻲ ﺑﻴﻪ ﻳﺤﺘﺮﻙ ﺣﺮﻙ
ﻣﺪﺍﺍﻛﺪﺭ ﺍﺗﻘﺒﻠﻪ ﺍﺑﺪ
ﻣﺪﺍﺍﺗﺤﻤﻞ ﻫﺎﻻﻧﺴﺎﻥ ﺍﻟﻮﺣﺶ ﺣﻴﻜﻮﻥ ﺟﺰﺀ ﺑﺤﻴﺎﺍﺗﻲ ﻣﺎﺭﻳﺪﻩ ﻭﺧﻠﺺ
ﻛﺎﻡ ﻛﻞ ﻳﻮﻡ ﻳﺠﻲ ﻳﺘﻮﺳﻞ ﺑﺎﻟﺒﺎﺏ ﻭﻳﺨﺎﺑﺮ ﻭﺍﻧﻲ ﻣﺎﺭﺩ
ﺍﻣﻲ ﺗﻔﺘﺢ ﺍﻟﺒﺎﺏ ﻭﺍﺻﺮﺥ ﻳﻄﻠﻊ ﻣﺘﻮﺳﻞ ﺑﻴﻪ ﺍﻫﺪﺍ
ﺩﺯ ﺍﻫﻠﻪ ﻣﻄﻠﻌﺖ ﻻﻣﻪ ﺍﺻﻼ ﺑﻌﺪ
ﺩﺯ ﺩﻛﺘﻮﺭﻩ ﺍﺳﻴﺎ ﻫﻢ ﻣﻄﻠﻌﺖ ﺍﻟﻬﺎ
ﻭﺍﺧﺮ ﺷﻲ ﺳﻮﺍﻩ ﺑﻨﺎﺗﻲ ﻫﻨﺎ ﺗﺨﺒﻠﺖ ﻛﻠﺸﻲ ﻭﻻﻳﻮﺻﻞ ﻳﻤﻬﻢ
ﺍﺛﺮ ﻋﻠﻰ ﺭﻧﺪ ﻭﺧﻼﻫﺎ ﺗﺘﻮﺳﻞ ﺑﻴﻪ ﺍﺩﻳﺮ ﺑﺎﻟﻲ ﻋﺎﻟﻄﻔﻞ
ﻭﺳﻨﺪ ﻻﺯﺍﻟﺖ ﻣﺴﺘﻤﺮﻩ ﺑﺮﻓﻀﻬﺎ ﺍﻟﻲ ﺭﻏﻢ ﻧﻀﺮﺍﺕ ﺍﻻﺷﺘﻴﺎﻕ ﺍﻟﻠﻲ ﺗﺒﺎﻭﻋﻠﻲ ﺑﻴﻬﺎ
ﻳﻮﻣﻴﻪ ﺟﺎﻳﺐ ﻣﺴﻮﺍﻙ ﻭﺍﻧﻲ ﺍﺻﻴﺢ ﻭﺍﺷﻤﺮﻩ ﺑﺎﻟﺸﺎﺭﻉ ﺍﺧﺮ ﺷﻲ ﺭﻧﺪ ﻛﺎﻣﺖ ﺗﻀﻤﻪ ﺑﺎﻟﺒﺴﻜﻮﺕ ﻭﺗﺤﺎﻭﻝ ﺗﺠﺒﺮﻧﻲ ﺍﺷﺮﺏ ﻋﺼﻴﺮ
ﺣﺪﻣﺎ ﻓﻘﺪﺕ ﺑﻄﺒﺘﻪ ﺩﻳﺪﺧﻞ ﺍﻟﻐﺮﺍﺽ ﻟﻠﻄﺮﻣﻪ
ﻭﺻﻴﺤﺖ ﻭﻛﻤﺖ ﺍﺷﻤﺮ ﺑﺎﻟﻔﺎﻛﻬﻪ ﻋﻠﻴﻪ ﻭﺍﺿﺮﺏ ﺑﻴﻬﺎ ﻓﺮﻏﺖ ﺍﻟﺠﻴﺎﺳﻪ ﻭﺍﻣﻲ ﺗﻠﺰﻣﻨﻲ ﻭﺍﺩﻓﻌﻬﺎ ﺻﺮﺧﺖ
ﺍﻧﺘﻲ ﺍﺧﺮ ﻭﺣﺪﻩ ﻳﺤﻘﻠﻬﺎ ﺗﺘﺪﺩﺩﺩﺧﻞ ﻛﻠﻪ ﻣﻨﺞ ﺍﻟﺪﻳﺼﻴﺮ ﺑﻴﻪ ﻛﻠﻪ ﻣﻨﻨﻨﺞ . ﻣﻮﻭﻫﺴﻪ ﺻﺎﻳﺮﺗﻠﻲ ﺍﻣﻤﻢ
ﺑﺠﺖ ﻭﺳﻜﺘﺖ ﻭﻋﺎﻓﺘﻨﻲ ﻭﺍﻟﺘﻔﺘﺖ ﻋﻠﻴﻪ ﻣﺸﻴﺖ ﺳﺮﻳﻊ ﻟﺒﺎﺏ ﺍﻟﺒﻴﺖ
ﺍﺫﺍ ﻋﺪﻙ ﻧﺎﻣﻮﺱ ﻋﻮﻑ ﺑﻨﺎﺗﻲ ﻭﻋﻮﻓﻨﻲ ﺷﺘﺮﺭﺭﺭﻳﺪ ﻣﻨﻬﻢ
ﻟﺞ ﺑﺎﺑﺎ ﺷﺒﻴﺞ ﺍﻫﺪﺩﻱ ﺍﻫﺪﺩﻱ
ﻣﺎﺍﻫﺪﻱ ﻛﻤﺖ ﺍﺿﺮﺏ ﻋﻠﻰ ﺑﻄﻨﻲ ﺻﺮﺭﺥ
ﺑﺴﺲ ﻏﺎﺩﻩ ﻏﺎﺩﻩ ﻛﺎﺍﺍﻓﻴﻴﻴﻲ
ﺻﺮﺥ ﺑﻜﻞ ﻗﻮﺕ ﻟﺰﻡ ﺍﻳﺪﻱ ﺑﻘﻮﻩ ﻛﺎﻓﻲ ﺑﺰﻋﺘﻴﻨﻲ ﺻﺎﺭ ﺷﻬﺮﻳﻦ ﺍﺗﻮﺳﻞ
ﻛﺎﻓﻲ ﺑﺴﺴﺴﺲ ﻣﻤﻠﻴﺘﻲ ﻣﺘﻌﺒﺘﻲ ﺗﻮﺳﻠﺖ ﺑﺴﺖ ﺍﻻﻳﺎﺩﻱ ﺩﺯﻳﺖ ﺍﻟﺪﻧﻴﺎ ﻛﻠﻬﺎ ﺣﺮﺕ ﺷﺴﻮﻳﺖ ﻭﺍﻧﺘﻲ ﻣﻠﻨﺘﻲ ﻳﺒﻨﺖ ﺍﻟﻨﺎﺱ ﻛﺘﻠﺞ ﻏﻠﻠﻠﻄﺖ
ﻛﺎﻡ ﻳﻀﺮﺏ ﺑﺮﺍﺳﻪ ﺑﺮﺍﺣﻪ ﺍﻳﺪﻩ ﻭﺍﻻﻳﺪ ﺍﻟﻠﺦ ﻻﺯﻡ ﺑﻴﺪﻱ ﻣﻦ ﻣﺮﻓﻘﻲ ﺣﺘﻰ ﻣﺎﺍﺿﺮﺏ ﺑﺒﻄﻨﻲ
ﺻﺎﺡ ﻛﺘﻠﺞ ﻏﻠﻄﺖ . ﻭﺗﻮﺳﻠﺖ ﺗﺴﺎﻣﺤﻴﻨﻲ . ﺍﺩﺭﻱ ﺷﺴﻮﻳﻠﺞ ﺑﺲ ﻓﻬﻤﻴﻨﻲ ﺍﻧﻲ ﻛﻠﺐ ﺍﺑﻦ ﻛﻠﺐ ﻏﻠﻄﻄﻄﺖ ﻭﺍﺫﻳﺘﺞ ﻭﺩﺍﺍﻃﻠﺐ ﺍﻟﺴﻤﺎﺡ . ﻭﺍﻧﺘﻲ ﻣﺘﺮﺿﻴﻦ ﺯﻳﻦ ﺍﻟﻌﺪﺝ ﺭﻭﺣﻴﻴﻴﻲ ﺷﺴﻮﻳﻴﻴﻲ ﺷﻮﻭﻥ ﻓﻬﻤﻴﻨﻲ
ﻣﺎﺭﻳﺪ ﺍﺷﻮﻑ ﺟﻬﺮﺗﻚ
ﻣﻮ ﻻﺯﻡ ﻣﺎﺍﻭﺻﻞ ﻟﺒﺎﺑﺞ ﺑﺲ ﺩﻳﺮﻱ ﺑﺎﻟﺞ ﻋﻠﻴﻪ
ﻣﻌﻠﻴﻚ ﺍﻧﺖ
ﻟﺘﻜﻮﻟﻴﻦ ﻣﻌﻠﻠﻠﻴﻚ
ﺿﺮﺏ ﺍﻟﺤﺎﻳﻂ ﺑﻘﺒﻀﻪ ﺍﻳﺪﻩ ﺑﺎﻟﻨﺜﺮ ﺳﻨﺪ ﻋﺎﻃﺖ ﺧﺎﻳﻔﻪ . ﻭﺭﻧﺪ ﻓﻮﺗﺘﻬﺎ ﺟﻮﻩ ﻛﺎﻝ
ﻋﻠﻴﻪ ﺍﻟﻠﻲ ﻋﺎﻳﺶ ﺩﺍﺧﻠﺞ ﺍﺑﻨﻴﻴﻴﻴﻲ ﻭﺍﺭﻳﺪﻩ ﻛﺪ ﻣﺎﺭﺍﻳﺪ ﺣﻴﺎﺗﻲ ﻭﺍﻛﺜﺮ .
ﻳﺤﺠﻲ ﻭﻋﻴﻮﻧﻪ ﺩﻡ ﻭﻭﺟﻬﻪ ﺍﺣﻤﺮ ﺻﻮﺗﻪ ﻳﺸﺨﻂ ﻣﻦ ﺍﻟﻌﺼﺒﻴﻪ ﻭﺍﻳﺪﻩ ﺗﺮﺟﻒ
ﻛﺎﻝ
ﻣﺎﺍﻭﺻﻞ ﺑﻌﺪ ﺑﺲ ﻟﺘﺎﺫﻱ ﺫﺍﻙ ﺍﻟﻮﻛﺖ ﺑﺎﻟﻘﺮﺍﻥ ﻣﺎﺭﺣﻤﺞ ﺑﺎﻟﻘﺮﺭﺭﺍﻥ ﺍﻟﻜﺮﻳﻢ
ﻭﻋﺎﻑ ﺍﻟﺒﻴﺖ ﻭﻃﻠﻊ
ﺑﻌﺼﺒﻴﻪ ﻛﻌﺪﺕ ﺍﻧﻬﺪ ﺣﻴﻠﻲ ﻭﺍﺭﺗﺠﻴﺖ ﻋﺎﻟﺤﺎﻳﻂ ﺳﻤﻌﺖ ﺻﻴﺎﺡ ﺳﻨﺪ ﻭﺭﻧﺪ ﻃﺒﻴﺖ ﺭﺍﺳﻦ
ﺭﻧﺪ - ﺍﻧﺘﻲ ﻭﺣﺪﻩ ﺣﻘﻴﺮﻩ ﻣﺘﻮﻗﻌﺘﺞ ﻫﻴﺞ
ﺍﻧﺘﻲ ﺍﻟﻠﻲ ﻣﺎﺩﻳﻪ ﻭﺣﺘﻤﻮﺗﻴﻦ ﻋﺎﻟﻔﻠﻮﺱ ﺷﻔﺘﻲ ﻋﺪﻩ ﻓﻠﻮﺱ ﻛﻴﻔﺘﻲ ﻛﺘﻴﻠﻬﺎ ﻟﻤﺎﻣﺎ ﺗﺰﻭﺟﻲ
ﺍﻧﻲ ﻣﻮﻋﻠﻤﻮﺩ ﺍﻟﻔﻠﻮﺱ ﻟﻮ ﻋﻠﻤﻮﺩﻫﺎ ﺟﺎﻥ ﺍﺧﺬﺕ ﺍﻟﺪﻳﻨﻄﻴﻨﻴﺎﻫﺎ ﻋﻤﻲ . ﻳﺎﻏﺒﻴﻪ . ﺍﻧﻲ ﺍﺭﻳﺪ ﺭﺍﺣﻪ ﺍﻣﻲ ﻭﺍﻧﺘﻘﺎﻣﻬﺎ ﻣﻦ ﺷﺨﺺ ﺍﺳﻤﻪ ﺍﺑﻮﺝ ﻋﺎﻓﺞ ﻭﺭﺍﺡ ﺗﺰﻭﺝ ﻭﺧﻠﻒ ﺟﻬﺎﻝ ﻛﺮﺳﻠﻬﻢ ﻛﻞ ﺣﻴﺎﺗﻪ ﻭﻧﺴﺎﺝ ﻭﻧﺴﺎﻧﻴﻲ ﻳﺎﻏﺒﻴﻪ ﺍﻟﻠﻲ ﺍﻣﺞ ﺩﺗﻤﺮ ﺑﻲ ﻣﻦ ﻭﺭﺍﺍﺍﺍﺝ . ﻭﻛﻦ ﻭﺭﺍ ﻋﻤﻠﻴﺎﺗﺞ ﻭﺍﻧﺘﻲ ﻫﺴﻪ ﺯﻋﻼﻧﻪ ﻋﻠﻴﻬﺎ ﻣﻊ ﺍﻻﺳﻒ ﻭﺍﻟﻠﻪ ﻭﺗﻜﻮﻟﻴﻦ ﺍﺣﺐ ﺍﻣﻲ ﻭﺍﻧﻲ ﺣﻨﻴﻨﻪ ﻋﻠﻴﻬﺎ ﻭﻳﻴﻴﻨﺞ ﻟﻌﺪ ﻫﺎﻱ ﺍﻣﺞ ﺳﻨﻴﻦ ﻃﺘﻨﻪ ﻛﻞ ﺣﻴﺎﺗﻬﺎ ﻭﻫﺴﻪ ﻛﺒﺮﻧﻪ ﺧﻠﻴﻬﺎ ﺗﻌﻴﻴﻴﺶ
ﻏﺎﺩﻩ - ﺳﻤﻌﺘﻬﻢ ﻭﻣﻴﺪﺭﻭﻥ ﺑﻴﻪ ﻭﺍﻛﻔﻪ . ﺳﻨﺪ ﺍﻟﻠﻲ ﺍﻧﺼﺪﻣﺖ ﻣﻦ ﻋﺮﻓﺖ ﻣﻦ ﻭﺭﺍﻫﺎ ﻭﺩﻣﻮﻋﻬﺎ ﺗﺠﺮﻱ ﻭﺭﻧﺪ ﺍﻟﺼﺎﻳﺮﻩ ﻧﺎﺭ ﻭﺍﻣﻲ ﺍﻟﻮﺍﻛﻔﻪ ﻋﻠﻰ ﺻﻔﺤﻪ ﺧﺎﻳﻔﻪ ﻣﻦ ﻋﺮﺍﻛﻨﺎ ﻻ ﻧﻄﺮﺩﻫﺎ ﻭﻧﺮﺟﻌﻬﺎ ﺑﻴﺖ ﺍﺧﻮﻫﺎ ﻗﺎﻃﻌﺖ ﻛﻼﻣﻬﻢ
ﺍﻧﺘﻮ ﻛﻞ ﺣﻴﺎﺗﻲ ﺍﻟﺘﻔﺘﻮ ﻋﻠﻴﻪ ﺳﻨﺪ ﺗﻘﺮﺑﺖ ﻣﻨﻲ ﻫﻤﺴﺖ
ﻣﺎﻣﺎ ﻛﻮﻥ ﻣﻴﺘﻪ ﻭﻻﺻﺎﺭ ﺍﻟﺼﺎﺭ ﺑﻴﺞ ﻣﻦ ﻭﺭﺍﻳﻪ ﻛﻮﻥ ﺍﻟﺪﻋﻤﻪ ﻣﻮﺗﺘﻨﻲ ﻭﻻ ﺍﺣﺪ ﻳﺴﺘﻐﻠﺞ ﺑﺴﺒﺒﻲ
ﺣﻀﻨﺘﻨﻲ ﻭﺗﺒﺠﻲ ﻭﺭﻧﺪ ﻋﺎﻓﺘﻨﺎ ﻭﻓﺎﺗﺖ ﺍﻟﻐﺮﻓﻪ ﻣﺴﺪﺕ ﻋﻠﻰ ﺷﻌﺮﻫﺎ ﻭﻫﻲ ﺗﺒﺠﻲ ﺑﺤﻀﻨﻲ
ﻛﺎﻓﻲ ﻣﺎﻣﺎ
ﻣﺎﻣﺎ ﺷﻮﻥ ﺷﻨﺴﻮﻱ ﻫﺬﺍ ﺷﻮﻥ ﻧﺨﻠﺺ ﻣﻨﻪ
ﻣﺎﻛﻮ ﺳﺒﻴﻞ ﻣﺎﻣﺎ ﻃﻔﻠﻪ ﺑﺒﻄﻨﻲ ﻭﻣﺪﻳﺮﺿﻰ ﻳﻤﻮﺕ ﻣﺠﻠﺐ ﺑﺎﻟﺤﻴﺎﻩ
ﻣﻴﺨﺎﻟﻒ ﻣﺎﻣﺎ . ﻟﺘﺎﺫﻳﻦ ﺭﻭﺣﺞ
ﺳﻨﺪ ﻣﺎﻣﺎ ﻟﺘﺤﻤﻠﻴﻦ ﻧﻔﺴﺞ ﺫﻧﺒﻲ ﺍﻧﻲ ﻫﻢ ﺳﻮﺀ ﺗﺼﺮﻑ ﻣﻨﻲ . ﻭﺣﻀﻲ ﺣﺒﻴﺒﺘﻲ ﺍﻧﺘﻲ ﻣﻌﻠﻴﺞ ﺍﻧﻲ ﻭﺍﺟﺒﻲ ﺍﻭﻓﺮﻟﻜﻢ ﺍﻟﺤﻴﺎﻩ
ﻭﺷﻨﻮ ﺫﻧﺒﺞ ﺗﺼﻴﺮﻳﻦ ﺍﻡ ﻭﺍﺏ ﻣﺎﻣﺎ
ﻫﺎﻱ ﺍﻟﻤﻜﺘﻮﺏ ﻋﻠﻴﻪ ﻭﺍﻧﺘﻮ ﺗﺴﺘﺎﻫﻠﻮﻥ
ﻣﺎﻣﺎ ﻳﻤﻜﻦ ﺭﻧﺪ ﺷﺎﻓﺖ ﺷﻲ ﺍﻧﻲ ﻣﺸﻔﺘﻪ ﻳﻤﻜﻦ ﻫﻮﻭﺧﻮﺵ ﺭﺟﺎﻝ ﺍﻧﻄﻲ ﻓﺮﺻﻪ
ﻣﺤﺪﺩﺩ . ﻳﺘﺪﺧﻞ ﻣﺤﺪ ﺣﺲ ﺑﺎﻟﺤﺴﻴﺖ ﺑﻲ ﻣﺎﺷﻲ ﻣﺤﺪ ﻳﺤﺎﻭﻝ ﻳﺘﺪﺧﻞ ﺍﺑﺪﺩﺩ ﻭﻳﺘﻮﺳﻂ ﺑﻴﻨﻨﺎ
ﺍﻭﻙ ﺑﺮﺍﺣﺘﺞ ﺑﺴﺘﻬﺎ ﻣﻦ ﺭﺍﺳﻬﺎ ﻭﻃﺒﻴﺖ ﻟﺮﻧﺪ ﺟﺎﻧﺖ ﺩﺗﻠﻌﺐ ﺑﺎﻟﻔﻮﻥ ﻛﻌﺪﺕ ﻳﻤﻬﺎ ﻧﺘﺮﺕ
ﻛﻮﻣﻲ ﻣﻦ ﻳﻤﻲ ﻣﻮ ﺍﻧﻲ ﺍﺣﺐ ﺍﻟﻔﻠﻮﺱ
ﺍﻧﻲ ﻫﻢ ﺍﺣﺒﻬﺎ
ﺑﺎﻭﻋﺘﻠﻲ ﺗﺒﺘﺴﻢ ﻭﻋﻴﻮﻧﻬﺎ ﻣﻠﻴﺎﻧﻪ ﻋﺘﺐ
ﺻﺎﻟﺤﺘﻲ ﺍﻣﺞ
ﺍﻣﻢ
ﻭﻳﻨﻬﺎ
ﺣﺘﺮﻭﺡ ﻟﻠﺸﻐﻞ ﻋﺪﻫﺎ ﺷﻔﺖ ﻣﺴﺎﺋﻲ
ﻫﻔﻔﻒ ﻣﻦ ﻋﻨﺎﺩﻫﺎ ﻫﺬﺍ ﺑﻌﺪ ﻟﺘﺤﺎﺟﻲ ﺍﺑﻮ ﺫﻳﻞ ﺍﻟﺤﺼﺎﻥ
ﻟﻴﺶ
ﺷﻨﻮ ﺗﺤﺎﺟﻴﻦ ﻭﻟﺪ ﻣﻮﻋﻴﺐ
ﺣﺠﻴﻨﺎ ﻋﺎﺩﻱ
ﻟﻴﺶ ﺗﻌﺮﻓﻴﻦ ﺷﻨﻮ ﺍﻟﺤﺠﻲ ﺍﻟﻤﻮﻋﺎﺩﻱ
ﺍﻱ ﺍﻟﺒﻨﺎﺕ ﺣﺎﺟﻴﻦ ﺑﺎﻟﻤﺪﺭﺳﻪ ﻛﺪﺍﻣﻲ
ﻫﻤﻤﻢ ﻭﺑﻌﺪﻳﻦ
ﺷﻨﻮ
ﺑﻌﺪﻳﻦ ﺷﺘﺴﻮﻳﻦ ﻣﻦ ﺗﻀﻠﻴﻦ ﺗﺤﺎﺟﻲ
ﺷﺴﻮﻱ
ﺗﺘﺰﻭﺟﻲ
ﻳﺎﻋﺰﻩ ﺻﺨﺎﻡ
ﺍﻱ ﻟﻌﺪ ﺷﻨﻮ ﺍﻟﻪ ﺩﺍﻋﻲ
ﻳﻌﻨﻲ ﻫﻮ ﻫﻴﺞ ﻋﺒﺎﻟﻪ ﺍﻧﻲ ﻣﺠﺮﺩ ﺩﺍﺳﻮﻟﻒ ﺗﺮﻩ
ﺍﻭﻙ ﺑﺮﺍﺣﺘﺞ ﺑﺲ ﻟﺘﺘﻌﻠﻤﻴﻦ
ﻻﻻ ﺻﺎﺭ ﻋﺸﺮ ﺍﻳﺎﻡ ﻣﻦ ﺣﺎﺟﻴﺘﻪ ﻭﺍﻟﻴﻮﻡ ﺑﺒﻴﺖ ﺟﺪﻭ
ﺍﺩﺭﻱ ﺩﻛﻮﻣﻲ ﺩﺍﻧﺎﻡ ﺍﻟﺒﺎﺭﺣﻪ ﻣﻨﻤﺖ ﺯﻳﻦ
ﺍﻭﻙ
ﻋﻔﺘﻬﺎ ﻭﻛﻤﺖ ﺍﻟﻢ ﺍﻟﻬﻮﺳﻪ ﺍﻟﺼﺎﺭﺕ ﺑﺎﻟﻄﺮﻣﻪ ﻧﻌﻤﻪ ﺍﻟﻠﻪ ﻛﻠﻬﺎ ﻣﻄﺸﺮﻩ ﺍﻟﻔﻮﺍﻛﻪ ﺍﻟﻐﺮﻳﺒﻪ ﺑﺎﻧﻮﺍﻋﻬﺎ ﻭﺍﻟﻮﺍﻧﻬﺎ ﺻﻔﻄﺘﻬﺎ ﺑﺎﻟﻤﺎﻋﻮﻥ ﻭﻏﺴﻠﺘﻬﻦ ﻭﺭﺟﻌﺖ ﻛﻠﺸﻲ ﺑﻤﻜﺎﻧﻪ ﻛﻤﻨﺎ ﻣﻨﺘﺪﺧﻞ ﺍﻧﻲ ﻭﺭﻧﺪ ﺭﻏﻢ ﺭﻧﺪ ﺗﻠﺢ ﻋﻠﻴﻬﺎ ﺗﺎﻛﻞ ﺗﺎﻛﻞ ﻭﺟﺒﻪ ﻭﺣﺪﻩ ﺑﺎﻟﻴﻮﻡ
ﻏﺎﺩﻩ - ﺭﺟﻌﺖ ﻟﻠﺪﻭﺍﻡ ﻋﺎﺩﻱ ﺳﺒﻮﻉ ﻣﺮ ﻭﺭﻩ ﺍﻟﻌﺮﻛﻪ ﺑﻄﻨﻲ ﺑﺪﺕ ﺗﻘﻮﻩ ﺍﻛﺜﺮ ﻭﺑﺪﺕ ﺷﻮﻱ ﺗﻨﺘﻔﺦ ﻭﻛﺖ ﺍﻟﺠﺎﻧﺖ ﻣﻀﺒﻮﻃﻪ ﻭﻱ ﺍﻟﻀﻬﺮ ﻃﺒﻴﺖ ﺍﻟﺼﺒﺢ ﻟﻠﺪﻭﺍﻡ ﻛﺎﻟﻌﺎﺩﻩ ﻣﺤﺪ ﻳﺪﺭﻱ ﺍﻛﻮﺷﻲ ﻃﺒﻴﺖ ﻟﻼﺩﺍﺭﻩ ﺍﺑﺼﻢ ﻭﺍﻧﺼﺪﻡ ﺑﻲ ﻛﺎﻋﺪ ﻭﺭﻩ ﺍﻟﻤﻴﺰ
ﻃﺒﻴﺖ ﺑﺜﻘﻪ ﻣﻤﻬﺘﻤﻪ ﻟﻮﺟﻮﺩﻩ ﺍﻧﺘﺒﻬﺖ ﻣﻐﻴﺮ ﺍﻻﺛﺎﺙ ﺩﻛﻴﺖ ﺍﻟﺒﺎﺏ ﺻﺎﺡ
ﺗﻔﻀﻞ ﻃﺒﻴﺖ ﻭﻫﻮ ﺭﺍﺳﻪ ﻋﺎﻻﻭﺭﺍﻕ ﻣﻨﺼﻲ ﻭﺻﻠﺖ ﻟﻠﻤﻴﺰ ﺩﺍﺍﺟﺮ ﺍﻟﻔﺎﻳﻞ ﺗﺤﺮﻛﺖ ﻋﻴﻨﻪ ﻧﺎﺣﻴﻪ ﺍﻳﺪﻱ ﻭﻧﺰﻟﺖ ﻧﻀﺮﻫﺎ ﻟﺒﻄﻨﻲ -- ﺍﺩﻭﺭ ﻋﺎﻟﺒﺼﻤﻪ ﻣﺎﻛﻮ ﺷﻔﺖ ﺍﻟﻜﻞ ﻣﻮﻗﻊ ﻃﺎﻧﻲ ﺍﻟﻘﻠﻢ ﻣﻦ ﺩﻭﻥ ﻣﻴﺒﺎﻭﻉ ﻟﻮﺟﻬﻲ ﺍﺧﺬﺗﻪ ﺍﺭﺗﺒﻜﺖ ﻭﻛﻊ ﻣﻦ ﺍﻳﺪﻱ ﻧﺼﻴﺖ ﻭﻧﺼﻪ ﻗﺒﻠﻲ ﺭﻓﻊ ﺭﺍﺳﻪ ﻫﻤﺲ
ﻟﺘﻨﺼﻴﻦ ﻟﺘﻨﺼﻴﻦ
ﺻﻌﺪﺕ ﺭﺍﺳﻲ ﻭﻛﻔﺖ ﻋﺪﻝ ﺟﺮﻳﺖ ﻧﻔﺲ ﺑﺘﻌﺐ ﺷﺮﺍﺡ ﻳﺨﻠﺼﻬﺎ ﻭﻗﻌﺖ ﻭﺫﺑﻴﺖ ﺍﻟﻘﻠﻢ ﻭﺑﻘﻴﺖ ﺑﺎﻟﺪﻭﺍﻡ ﺍﻧﺘﺒﻬﺖ ﺍﻟﻌﻤﻞ ﻗﻠﻴﻞ ﻣﻮﻣﺜﻞ ﻛﻞ ﻳﻮﻡ
ﺻﻨﻄﻪ ﻭﺍﻟﻌﻤﺎﻝ ﻳﺸﺘﻐﻠﻮﻥ ﺑﺲ ﺍﻧﻲ ﻛﻢ ﺷﻐﻠﻪ ﻋﻠﻴﻪ ﺧﻠﺼﺖ ﺩﻭﺍﻡ ﺷﻔﺖ ﺍﻻﻭﻝ ﻭﺑﺪﻩ ﺍﻟﺜﺎﻧﻲ ﺍﺟﻪ ﻋﻠﻴﻪ ﺍﺑﻮ ﻳﺰﻥ ﻛﺎﻝ
ﺳﺖ ﻏﺎﺩﻩ ﺗﻜﺪﺭﻳﻦ ﺗﺮﻭﺣﻴﻦ ﻣﻤﺤﺘﺎﺟﻴﻦ ﻟﻠﺸﻔﺖ ﺍﻟﺜﺎﻧﻲ ﻣﺎﻋﺪﻧﺎ ﺷﻐﻞ
ﺻﻔﻨﺖ ﺷﻜﻴﺖ ﺑﺎﻟﺴﺎﻟﻔﻪ ﻭﻛﻔﺖ ﺷﻠﺖ ﺟﻨﻄﺘﻲ ﺩﺍﺍﻃﻠﻊ ﺗﺼﺎﺩﻓﺖ ﻭﻱ ﺍﺳﺘﺎﺫ ﻋﻤﺮ ﺩﻳﻔﻮﺕ ﺍﺑﺘﺴﻢ ﻣﻦ ﺷﺎﻓﻨﻲ
ﺍﺳﺘﺎﺫ ﻣﻮﻣﺎﻛﻮ ﺩﻭﺍﻡ
ﻻﻟﻴﺶ ﻣﺎﻛﻮ ﻣﻌﻮﺩﻩ ﺣﻤﻮﻟﻪ ﺍﺟﻬﺰﻩ ﺟﺎﻳﻪ ﻣﻦ ﺍﻟﺒﺼﺮﻩ ﻭﻧﺼﻬﺎ ﻣﻤﻨﺼﺒﻪ ﻫﺎ ﻣﻮ ﺍﻟﻤﺪﻳﺮ ﻛﺎﻝ
ﺑﻌﺪ ﺍﺫﺍ ﻫﻮ ﻛﺎﻝ ﺗﻔﻀﻠﻲ ﺍﺧﺬﻱ ﺭﺍﺣﺘﺞ
ﻻ ﺍﺭﻳﺪ ﺍﺷﺘﻐﻞ ﺭﺟﻌﺖ ﻟﻤﻜﺎﻧﻲ ﻭﺑﻘﻴﺖ ﺍﺷﺘﻐﻞ ﻋﺎﻻﺟﻬﺰﻩ ﺍﻟﻮﺻﻠﺖ ﺳﺎﻋﻪ ﻭﻃﺐ ﻟﻠﻐﺮﻓﻪ ﻣﺒﺎﻭﻋﺘﻠﻪ ﺑﻘﻴﺖ ﻣﺴﺘﻤﺮﻩ ﻛﺎﻝ
ﺍﻧﻲ ﻣﻮﺩﺯﻳﺘﻠﺞ ﺍﺑﻮ ﻳﺰﻥ
ﻭﻛﻔﺖ ﻭﻧﺼﻴﺖ ﺭﺍﺳﻲ
ﺷﻨﻮ ﻫﻮ ﻋﻨﺎﺩ
ﺍﻧﻲ ﺩﺍﺍﺷﺘﻐﻞ ﺍﺳﺘﻠﺬ
ﺟﺮ ﻧﻔﺲ ﺍﻓﺘﺮ ﻳﺎﻟﻐﺮﻓﻪ ﻛﺎﻝ
ﻣﺎﺭﻳﺪ ﻣﻤﺤﺘﺎﺝ
ﺍﻧﻲ ﺍﺭﻳﺪ ﺍﺷﺘﻐﻞ
ﻣﺤﺘﺎﺟﻪ ﻓﻠﻮﺱ ﺍﻧﻲ ﺍﺿﺎﻋﻔﻠﺞ ﺍﻟﺮﺍﺗﺐ
ﺳﻜﺘﺖ ﺍﻧﻲ ﺑﻤﻜﺎﻥ ﻋﻤﻞ ﻭﻫﻮ ﺻﺎﺣﺐ ﺍﻟﻌﻤﻞ ﻏﺼﺐ ﻋﻨﻲ ﺍﺣﺘﺮﻡ ﻣﻮ ﺑﺒﻴﺘﻲ ﻭﺍﻛﺪﺭ ﺍﺧﺬ ﺭﺍﺣﺘﻲ ﻛﺎﻥ ﻳﺤﺠﻲ ﺑﻜﻞ ﺍﺩﺏ ﻭﺗﻮﺳﻞ ﻛﺎﻝ
ﺍﻧﻲ ﺍﻟﺮﺍﺗﺐ ﻣﺎﻧﺰﻝ ﻣﻨﻪ ﻓﻠﺲ ﺑﺲ ﺭﺟﻌﻲ ﺍﺭﺗﺎﺣﻲ
ﻣﺎﺭﻳﺪﺩ
ﺯﻳﻦ ﺍﺑﺪﻝ ﻋﻤﻠﺞ ﺧﻠﻴﺞ ﻋﺎﻟﺴﻜﺮﺗﺎﺭﻳﻪ ﻧﻬﻰ ﺑﻄﻠﺖ ﺗﺰﻭﺟﺖ
ﺍﻧﻲ ﻣﺮﺗﺎﺣﻪ ﻫﻨﺎ
ﻏﺎﺩﻩ ﺗﺮﻩ ﺗﻌﺒﺒﺒﺖ
ﻭﺍﻧﻲ ﻫﻢ
ﺷﺘﺮﺩﻳﻦ ﺍﻧﺘﻲ ﻓﻬﻤﻴﻨﻲ
ﻋﻮﻓﻨﻲ
ﺍﺣﺠﻲ ﻭﻣﺎﺑﺎﻭﻋﻠﻪ ﻋﻴﻮﻧﻲ ﻋﺎﻟﻤﻴﺰ ﻭﻳﺤﺠﻲ ﻭﻳﺒﺎﻭﻉ ﺑﻐﻀﺐ ﻧﺘﺮ
ﺍﺧﺬﻱ ﻏﺮﺍﺿﺞ ﻭﻃﻠﻌﻲ ﺑﺎﺟﺮ ﺗﺪﺍﻭﻣﻴﻦ ﺑﺎﻟﺴﻜﺮﺗﺎﺭﻳﻪ ﻣﻴﻌﺠﺒﺞ ﺩﻭﺭﻳﻠﺞ ﻏﻴﺮ ﺷﻐﻞ ﺑﻌﺪ ﻣﺎﺍﻟﺢ ﻛﺎﻓﻲ ﻫﻨﺖ ﺭﻭﺣﻲ ﻫﻮﺍﻱ
ﺳﻜﺘﺖ ﻃﻠﻊ ﻭﺍﻧﻲ ﻫﻢ ﺍﺧﺬﺕ ﺟﻨﻄﺘﻲ ﻭﻃﻠﻌﺖ ﺭﻛﺾ ﻓﺘﺖ ﻣﻦ ﻳﻤﻪ ﺳﻤﻌﺘﻪ ﻳﺴﺘﻐﻔﺮ ﻭﻱ ﻛﻞ ﺧﻄﻮﻩ ﺍﺩﺭﻱ ﺑﻲ ﻳﺨﺎﻑ ﺑﺴﺮﻋﻪ ﻣﺸﻴﺘﻲ ﻭﺩﺍﺍﺳﺘﻤﺘﻊ ﺑﺎﺫﻳﺘﻪ
ﻃﻠﻌﺖ ﻭﻣﻘﺮﺭﻩ ﺍﺩﻭﺭ ﺷﻐﻞ ﺑﻐﻴﺮ ﻣﻜﺎﻥ ﻭﺑﺎﻟﻲ ﻳﻢ ﻓﻮﺯ ﺑﻌﺪ ﻣﻤﺮﺕ ﻭﻻﺍﺗﺼﻠﺖ ﻭﺍﻧﻲ ﺛﻜﻠﺖ ﺍﻟﻌﻴﺎﺭ ﺭﺟﻌﺖ ﻟﻠﺒﻴﺖ ﺭﺍﺳﻦ ﺧﺎﺑﺮﺗﻬﺎ ﺭﺩﺕ ﻭﻛﺎﻟﺖ
ﺍﻧﻲ ﺟﺎﻳﻴﺘﺞ ﻭﻟﻲ ﻋﺎﺯﻣﺘﺞ ﻋﻠﻰ ﺩﻭﻟﻤﻪ ﻭﺳﺪﺗﻪ ﺑﻮﺟﻬﻲ ﺟﺮﻳﺖ ﻧﻔﺲ ﺍﻟﺤﻤﺪ ﻟﻠﻪ . ﺭﺗﺒﺖ ﺍﻟﻤﻄﺒﺦ ﺳﻨﺪ ﻟﺤﺪ ﺍﻻﻥ ﻣﺴﺘﻐﺮﺑﻪ ﻭﺿﻌﻲ ﻛﻠﺴﺎ ﺗﺒﺎﻭﻉ ﻟﺒﻄﻨﻲ ﻭﺍﻧﻲ ﻛﻠﺴﺎ ﺍﻟﺰﻣﻬﺎ ﻻﻧﻬﺎ ﻗﻮﻳﻪ ﻧﻮﺑﺎﺕ ﺍﺭﻳﺪ ﺍﻣﺮﺩ ﺑﻴﻬﺎ ﻭﻳﻮﺟﻌﻨﻲ ﻛﻠﺒﻲ ﺩﺍﺳﻮﻱ ﺑﺎﻟﺰﻻﻃﻪ ﻭﺍﻓﻜﺮ ﻧﻬﺎﻳﻪ ﻫﺎﻟﺸﻲ ﻭﻳﻦ ﺣﻴﻮﺻﻠﻨﺎ ﺍﻧﻄﻲ ﺍﻟﻠﻲ ﺑﺒﻄﻨﻲ ﻭﺍﺧﻠﺺ ﻟﻮ ﻣﺮﺍﺡ ﺍﺗﺤﻤﻞ ﻻ ﺍﺻﻼ ﻋﺎﺩﻱ ﺍﻧﺪﻙ ﺍﻟﺠﺮﺱ ﺍﻟﺘﻔﺘﺖ ﻟﺴﻨﺪ
ﻓﺘﺤﻲ ﺍﻟﺒﺎﺏ ﻟﺨﺎﻟﺘﺞ ﻣﺎﻣﺎ
ﻛﻤﺰﺕ ﺳﻨﺪ ﺑﻔﺮﺡ ﻭﻃﺒﺖ ﻓﻮﺯ ﻭﺟﺮﺕ ﻋﻴﻨﻬﺎ
ﻛﺎﻟﺖ
ﺳﻨﺪ ﺻﻴﺤﻲ ﺭﻧﻮﺵ ﻭﺗﻌﺎﻟﻮ ﻭﻃﻠﻌﺖ ﻟﺴﺎﻧﻬﺎ ﻋﻠﻰ ﻋﻨﺎﺩ ﺍﻣﻜﻢ
ﺍﺑﺘﺴﻤﺖ ﻭﺣﻀﻨﺘﻬﺎ ﺑﻘﺖ ﺣﺎﺿﻨﺘﻨﻲ ﻭﺗﺮﺩﺩ
ﻃﺎﻳﺤﻪ ﺍﻟﺼﺒﻎ ﻫﻮﻭﺍﻧﻲ ﺍﻛﺪﺭ ﺑﺪﻭﻧﺞ ﺷﻮﻧﺞ
ﺯﻳﻨﻪ ﻣﻮﺯﻳﻨﻪ ﺟﺬﺏ
ﺗﺎﻟﻲ ﺷﻮﻥ
ﺧﻠﺼﻴﻨﻲ ﻣﻦ ﺣﻴﺎﺗﻪ ﻓﺪﻭﻩ ﺍﻧﻲ ﺫﻭﻟﻪ ﻛﻮﻩ
ﻣﻮ ﺣﺎﻭﻟﻨﺎ ﻭﻣﻠﻜﻴﻨﺎ
ﻣﺎﺩﺭﻱ ﺍﻫﻞ ﻗﺒﻞ ﺷﺠﺎﻧﻮ ﻳﺴﻮﻭﻥ ﺍﻟﻨﺎﺱ ﺷﻮﻥ ﺗﻄﺮﺡ ﺷﻮ ﻳﻮﻛﻌﻮﻥ ﻳﻄﺮﺣﻮﻥ ﺣﺮﺕ ﺷﺴﻮﻳﺖ ﻟﻄﻄﻄﺶ
ﻛﺎﻟﺖ
ﺣﺮﺍﻡ ﻧﻜﺘﻞ ﺭﻭﺡ
ﺍﻟﺤﺮﺍﻡ ﻳﻮﻛﻊ ﻋﻠﻴﻪ ﻋﻠﻰ ﺑﺨﺘﺞ ﺍﺭﻳﺪ ﺍﺧﻠﺺ ﻣﻨﻪ ﻛﻠﻤﺎ ﺍﺷﻮﻓﻪ ﺍﺗﺬﻛﺮ ﺧﻨﻜﺘﻲ ﺗﺎﻟﻲ ﻳﺠﻴﻨﻲ ﺟﺎﻫﻞ ﻣﻦ ﻫﺎﻻﻳﺎﻡ ﺍﻟﺴﻮﺩﻩ
ﻣﺎﺩﺭﻱ ﺷﻜﻮﻟﺞ ﺧﻞ ﻧﺘﻐﺪﻩ ﺍﻣﺞ ﻭﻳﻦ
ﺟﻮﻩ ﺧﻞ ﺍﺻﻴﺤﻬﻢ
ﺍﻛﻮﻟﺞ ﺭﻧﻮﺵ ﻣﺴﺘﻠﻤﺖ
ﺑﻌﺪ ﺑﻌﺪ ﺳﺒﻮﻋﻴﻦ
ﺍﻟﻠﻪ ﻳﺴﻬﻞ
ﺭﻧﺪ - ﻫﺎﻟﻔﺘﺮﻩ . ﻋﻤﻮ ﺣﻴﺪﺭ ﺻﺎﺭ ﻛﻞ ﻳﻮﻡ ﺑﻠﻴﻞ ﻳﺘﺼﻞ ﺑﻴﻪ ﻳﺴﺎﻟﻨﻲ
ﺍﻛﻠﺖ
ﺷﺮﺑﺖ ﻓﻴﺘﺎﻣﻴﻨﺎﺗﻬﺎ
ﻭﺍﻧﻲ ﺍﺟﺎﻭﺏ
ﻋﻤﻮ ﺗﺎﻛﻞ ﻋﺎﺩﻱ ﺑﺲ ﻣﺘﺸﺮﺏ ﻓﻴﺘﺎﻣﻴﻨﺎﺕ . ﺑﺲ ﺍﻧﻲ ﺩﺍﺳﻮﻱ ﻋﺼﻴﺮ ﺑﺮﺗﻘﺎﻝ . ﺍﻟﻬﺎ ﻳﻮﻣﻴﻪ
ﺯﻳﻦ ﻋﻔﻴﻪ ﻋﻤﻮ ﺑﺲ ﺩﻳﺮﺑﺎﻟﺞ ﺭﺍﻗﺒﻴﻬﺎ ﻓﺪﻭﻩ
ﻻﻻ ﻭﺍﻟﻠﻪ ﻣﺪﺗﺴﺮﻱ ﺷﻲ ﺍﻧﻲ ﻭﺳﻨﺪ ﻻﺯﻣﻴﻦ ﺍﻟﺒﻴﺖ .
ﻣﻮ ﻋﻠﻰ ﺷﻲ ﺧﺎﻑ ﺗﺒﻠﻊ ﺷﻲ ﺗﺴﻘﻂ ﻫﺎﻱ ﺍﻧﺘﺒﻬﻲ
ﺍﻭﻙ
ﻋﺎﺷﺖ ﺍﻳﺪﺝ ﺭﻧﻮﺵ ﻣﻘﺼﺮﺗﻲ
ﺍﻭﻙ
ﺍﻳﺎﻡ ﺗﻤﺮ ﺑﺎﻧﺘﻀﺎﺭ ﻧﺘﻴﺠﺘﻲ ﺧﻮﻑ ﻭﻳﻘﻴﻦ ﻣﺨﺒﻮﻃﻪ ﻋﻤﻲ ﺍﺻﻴﻞ ﺑﻴﻦ ﻳﻮﻡ ﻭﻳﻮﻡ ﻳﺘﺼﻞ ﻳﺘﻮﺳﻞ ﺑﻴﻪ ﺍﺭﻭﺡ ﺍﻧﻲ ﻭﺳﻨﺪ ﻳﻤﻬﻢ ﻭﺍﺭﻓﺾ ﻛﻤﺖ ﺍﺧﺎﻑ ﺍﺗﺮﻙ ﺍﻣﻲ ﻳﻮﻣﻴﻪ ﺍﺳﻤﻌﻬﺎ ﺗﺸﻴﻞ ﻭﺗﺬﺏ ﺑﺎﻟﻄﺎﺑﻮﺭﻳﻪ ﻣﺎﻝ ﺣﻤﺎﻡ ﻟﻮ ﺗﻄﻠﻊ ﺗﺼﻔﻂ ﺍﻟﻘﻨﺎﻧﻲ ﻣﺎﻝ ﻏﺎﺯ ﺑﻬﺎﻟﺤﺠﻪ ﻭﺍﻧﻲ ﻭﺳﻨﺪ ﻧﻠﺤﻚ ﻋﻠﻴﻬﺎ . ﺳﻨﺪ ﻣﻮ ﺧﻮﻓﺎ ﻋﺎﻟﻠﻲ ﺑﺒﻄﻨﻬﺎ ﻻ ﺑﺲ ﺗﺨﺎﻑ ﻟﺘﺘﺎﺫﻩ
ﺍﻧﻤﺎ ﺍﻧﻲ
ﺍﻋﺘﺒﺮﺗﻪ ﺻﻚ ﺍﻟﻨﺠﺎﻩ ﺍﻟﻠﻲ ﺑﺒﻄﻨﻬﺎ . ﻻﻣﻲ ﺧﺎﺻﺎﺍ ﻣﻮ ﺍﻟﻲ ﺍﻧﻲ ﺷﻬﺎﺩﺗﻲ . ﺻﻜﻜﻲ ﺗﻮﺻﻠﻨﻲ ﻟﻬﺪﻓﻲ ﻭﻃﻤﻮﺣﻲ ﻭﺛﺎﺭﻱ
ﺍﻧﻤﺎ ﺍﻣﻲ ﻣﺎﺭﻳﺪﻫﺎ ﺗﻨﺤﻨﻲ ﻭﺍﻟﻠﻲ ﺑﺒﻄﻨﻬﺎ ﺣﻴﺮﻓﻌﻬﺎ ﻣﻴﺤﻨﻴﻬﺎ
ﺍﻡ ﻋﻤﻮ ﺣﻴﺪﺭ ﺟﺘﻲ ﻣﺮﺗﻴﻦ ﺑﻌﺪ ﻭﻣﺎﻣﺎ ﺍﺳﺘﻘﺒﻠﺘﻬﺎ ﻣﺮﻩ ﻭﻣﺮﻩ ﻻ ﻛﺎﻟﺖ ﻧﺎﻳﻤﻪ
ﻭﺭﺟﻌﺖ ﻣﺎﻣﺎ ﺗﺪﻭﺭ ﻏﻴﺮ ﺷﻐﻞ ﻭﻟﻴﻞ ﻧﻬﺎﺭ ﺻﺎﻟﻮﻧﺎﺕ ﺳﻜﺮﺗﻴﺮﻩ ﺩﻛﺘﻮﺭ ﻭﻣﻠﻜﺖ ﻫﺎﻟﻤﺮﻩ
ﺟﺎﻧﺖ ﺗﺮﺟﻊ ﻣﺎﻳﺴﻪ ﻭﻋﺼﺒﻴﻪ
ﻏﺎﺩﻩ - ﺗﻠﻒ ﺗﻠﻒ ﺍﻟﺪﻧﻴﺎ ﻭﺗﺮﺟﻊ ﻟﻨﻘﻄﻪ ﺍﻟﻮﺻﻮﻝ ﺍﻟﻪ ﻓﺪ ﻣﺮﻩ ﺗﺸﺮﺑﻜﺖ ﻓﺪ ﻧﻮﺏ ﻣﺪﺍﺍﻟﻜﻪ ﺷﻐﻞ ﻭﻟﺤﺪ ﺍﻻﻥ ﻧﺴﺘﻤﺮ ﻳﺠﻴﺐ ﻣﺴﻮﺍﻙ ﻭﺍﻧﻲ ﻣﺎﺍﺧﻠﻲ ﻳﻔﻮﺗﻪ ﺍﺻﻼ ﻭﻣﺮﻩ ﻟﻜﻴﺖ ﺭﻧﺪ ﺑﻠﻴﻞ ﺗﺮﺗﺒﻪ ﺑﺎﻟﺜﻼﺟﻪ ﻭﺍﺧﺬﺗﻪ ﺑﻌﺼﺒﻴﻪ ﻭﺷﻤﺮﺗﻪ ﺑﺮﻩ
ﺻﺮﺧﺖ ﻣﺎﻣﺎ ﻛﺎﻓﻲ . ﻛﺎﻓﻲ ﺗﺎﻗﻠﻤﻲ ﺑﺲ
ﺟﺎﻭﺑﺘﻬﺎ ﻭﺟﺮﻳﺘﻬﺎ ﻣﻦ ﺷﻌﺮﻫﺎ
ﺍﻧﺘﻲ ﻣﺘﺪﺧﻠﻠﻠﻠﻴﻦ ﻫﺪﺍﺕ ﺧﺎﻳﻔﻪ ﻭﺗﺮﻛﺘﻨﻲ
ﺍﻋﺼﺎﺑﻲ ﺗﻌﺒﺖ ﻛﻠﻤﺎ ﺍﺣﺲ ﺭﻭﺣﻲ ﺻﺮﺕ ﺍﻗﻮﻯ ﺍﺭﺟﻊ ﺍﻧﻜﺴﺮ ﻭﺍﺭﺟﻊ ﺍﻟﻪ ﻧﻬﺎﻳﻪ ﺷﻬﺮ ﻭﺑﺪﺕ ﻓﻠﻮﺳﻲ ﺗﺨﻠﺺ ﻭﺍﻟﻤﺴﻮﺍﻙ ﺑﺎﻟﺒﻴﺖ ﻭﺷﻞ
ﺭﻧﺪ ﺣﺠﺖ ﺣﺠﺎﻳﻪ ﺧﻮﻓﺘﻨﻲ ﻛﺎﻟﺖ
ﻣﺎﻣﺎ؟
ﻫﺎ ﺣﺒﻴﺒﻲ
ﺍﻛﻮﻟﺞ ﺍﺣﻨﺎ ﻳﺼﻴﺮ ﻧﺮﻭﺡ ﻳﻢ ﻋﻤﺎﻣﻲ ﻧﻌﻴﺶ
ﻓﺰﻳﺖ ﺑﺎﻭﻋﺘﻠﻬﺎ
ﻟﻴﺶ ﻣﺎﻣﺎ ﻭﺍﺑﺎﻭﻉ ﻟﺴﻨﺪ ﺷﺒﻴﻜﻢ
ﻣﺎﻣﺎ ﺍﺍﻧﻲ ﺳﻨﻪ ﺍﻟﺘﺠﻲ ﺣﺪﺍﻭﻡ ﺟﺎﻣﻌﻪ ﻭﻭﻳﺮﺍﺩﻟﻲ ﻫﻮﺍﻱ ﺍﻣﻮﺭ ﻭﻭﺍﻧﺘﻲ ﻣﺘﺴﻴﻄﺮﻳﻦ ﺍﺣﻨﺎ ﺍﻛﻞ ﻛﻮﻩ ﻣﺪﺑﺮﻱ ﻭﺭﻩ ﻣﻄﻠﻌﺘﻲ ﻣﻦ ﺍﻟﺸﻐﻞ ﻭﻭﻫﻤﻪ ﻣﻦ ﻋﺮﻓﻮ ﺍﻧﺘﻲ ﺗﺰﻭﺟﺘﻲ . ﻛﺎﻟﻮ ﺗﻌﺎﻟﻮ ﻋﺪﻧﺎ
ﻭﻣﻨﻮ ﻛﺎﻟﻬﻢ
ﺍﻧﻲ ﻛﺘﻠﻬﻢ ﻟﻌﺪ ﺗﺮﺩﻳﻦ ﺗﺠﻴﺒﻴﻦ ﻳﻠﻪ ﻳﻌﺮﻓﻮﻥ ﻻﺯﻡ ﻳﻌﺮﻓﻮﻥ ﺍﻟﺰﻭﺍﺝ ﺍﺷﻬﺎﺭ
ﺑﻠﻌﺖ ﺭﻳﻚ ﺧﺎﻳﻔﻪ . ﻫﻤﺴﺖ
ﻣﺎﻣﺎ ﺍﻧﻲ ﻣﺎﻗﺼﺮ ﻋﻠﻴﻜﻢ
ﻣﺎﻣﺎ ﺍﻧﻲ ﻛﺎﺭﻳﺪ ﺍﺿﻐﻂ ﻋﻠﻴﺞ ﺑﻄﻠﺒﺎﺗﻲ ﻭﺍﺣﺴﺴﺞ ﺑﺘﻘﺼﻴﺮ ﺑﺲ ﻛﻠﺸﻲ ﻏﺎﻟﻲ . ﻭﺍﻟﻠﻪ ﻭﺍﻧﺘﻲ ﻛﺎﻋﺪﻩ
ﻧﺘﺮﺕ ﺑﺼﻴﺎﺡ
ﺩﺍﻛﻮﻟﻠﻠﺞ ﺍﻧﻲ ﻣﺎﺍﻗﺼﺮ ﻋﻠﻴﻜﻢ ﺑﺎﺟﺮ ﺍﺭﺟﻊ ﺍﺩﺍﻭﻡ ﻭﻭﺷﺘﺮﻳﺪﻭﻥ ﺣﺎﺿﺮﻩ
ﺭﻧﺪ - ﻋﺎﻓﺘﻨﺎ ﻭﻛﺎﻣﺖ ﺑﺎﻭﻋﺖ ﻟﺴﻨﺪ ﺍﺑﺘﺴﻢ ﻧﺼﺖ ﺭﺍﺳﻬﺎ
ﻧﺠﺤﺖ ﺧﻄﺘﻲ ﻭﺧﻄﻪ . ﻋﻤﻮ ﺣﻴﺪﺭ ﻣﺎﻣﺎ ﺗﻌﺒﺖ ﻣﻦ ﺍﻟﺘﻔﺮﻓﺮ ﻭﺑﻌﺪ ﺍﻟﺼﺎﺭ ﺑﻴﻬﺎ ﺍﺧﺎﻑ ﻋﻠﻴﻬﺎ ﺗﺪﻭﺭ ﺑﻐﻴﺮ ﻣﻜﺎﻥ ﺷﻐﻞ
ﻏﺎﺩﻩ - ﻭﺭﺟﻌﺖ ﻟﻨﻘﻄﻪ ﺍﻟﺼﻔﺮ ﻭﺿﻌﻨﺎ ﻭﺍﻟﻨﺎﺱ ﺍﻟﻌﺎﻳﺸﻴﻦ ﻭﻳﺎﻫﻢ ﻣﻴﻨﺤﺰﺭﻭﻥ ﺍﻭﻝ ﻣﺎﻓﻮﺕ ﻻﻱ ﺷﺮﻛﻪ ﻳﺒﺎﻋﻮﻟﻲ ﻣﻦ ﻓﻮﻙ ﻟﻴﺠﻮﻩ . ﻭﻳﺒﺴﻤﺮﻭﻥ
ﺍﻟﻀﺎﻫﺮ ﺻﺎﺭﺕ ﻋﺎﺩﻳﻪ ﺷﺮﻛﺎﺕ ﺍﻻﻫﻠﻴﻪ ﺑﺎﻟﻔﺴﺎﺩ ﻭﺍﻧﻲ ﺻﺎﺭﺕ ﺑﻴﻪ ﺧﻮﻓﻪ . ﺭﺟﻌﺖ ﺑﺎﺭﺍﺩﺗﻲ ﻭﺧﻮﻓﻲ ﻻ ﺑﻨﺎﺗﻲ ﻳﺮﻭﺣﻮﻥ ﻣﻨﻲ ﺛﺎﻧﻲ ﻳﻮﻡ ﻣﻦ ﺍﻟﺼﺒﺢ ﺭﺟﻌﺖ ﻟﻠﺪﻭﺍﻡ ﻃﺒﻴﺖ ﻭﺭﺣﺖ ﻟﻠﻤﻌﺎﻭﻥ ﺍﺳﺘﻘﺒﻠﻨﻲ ﺑﻌﺪ ﻣﺎﻛﻠﺖ ﺍﻧﻪ ﻳﻤﻜﻦ ﺍﻧﻔﺼﻠﺖ ﻻﻥ ﻣﺮ ﻋﺸﺮﻳﻦ ﻳﻮﻡ ﻣﻤﺪﺍﻭﻣﻪ ﻛﺎﻝ ﺗﻔﻀﻠﻲ ﻟﻌﻤﻠﺞ ﻭﺭﺣﺖ ﻟﻜﻴﺖ ﺑﻨﻴﻪ ﺑﻤﻜﺎﻧﻲ ﺍﻧﺼﺪﻣﺖ ﻭﻭﻛﻔﻮ ﺍﻟﻤﻮﺿﻔﻴﻦ ﺍﻟﻘﺪﺍﻣﻲ ﺳﻠﻤﻮ ﻋﻠﻴﻪ ﻛﺎﻟﻮ
ﺣﻮﻟﻮﺝ ﻋﺎﻟﺴﻜﺮﺗﺎﺭﻳﻪ
ﻏﻤﻀﺖ ﻋﻴﻨﻲ ﻭﺭﺣﺘﻠﻪ ﺑﺮﺟﻠﻲ ﺷﻔﺖ ﺍﻟﻤﻴﺰ ﻓﺎﺭﻍ ﻣﺎﻝ ﺳﻜﺮﺗﻴﺮﻩ . ﺑﻘﻴﺖ ﺻﺎﻓﻨﻪ ﺷﻮﻥ ﺍﺧﻠﺺ ﻭﺍﻧﻲ ﺍﻟﻐﺮﻓﻪ ﻛﻠﻤﺎ ﺍﻃﺒﻠﻬﺎ ﺍﺗﺬﻛﺮ ﺍﻟﻠﻌﺒﺎﻥ ﻧﻔﺲ ﺍﻟﺴﻮﺍﻩ ﺑﻴﻬﺎ ﺍﺳﺘﻐﻞ ﻛﻞ ﺍﺣﻈﻪ ﺿﻌﻒ ﺍﻟﺠﻠﺐ ﻭﻳﺮﻳﺪﻧﻲ ﻫﺴﻪ ﺍﻧﺴﻰ ﻟﻚ ﺷﻨﺴﻰ ﻃﺒﻴﺖ ﺩﻛﻴﺖ ﺍﻟﺒﺎﺏ ﻛﺎﻝ ﺍﺩﺧﻞ
ﻃﺒﻴﺖ ﻭﺻﻠﺖ ﻳﻢ ﺍﻟﻤﻴﺰ ﻭﻫﻮ ﻛﺎﻟﻌﺎﺩﻩ ﻳﻜﺘﺐ ﻣﻨﺼﻲ ﻋﺎﻻﻭﺭﺍﻕ ﺣﻴﻞ ﻣﻠﺘﻬﻲ
ﻋﻠﻰ ﻏﻔﻠﻪ ﻫﺪﺍ ﻭﺭﻓﻊ ﺭﺍﺳﻪ ﺷﻮﻱ ﺷﻮﻱ ﺷﺎﻓﻨﻲ ﻓﻚ ﻋﻴﻨﻪ ﺑﻠﻊ ﺭﻳﻚ ﻭﺑﺎﻭﻉ ﻟﺒﻄﻨﻲ ﺑﻘﻴﺖ ﺍﺑﺎﻭﻋﻠﻪ . ﺑﻨﻔﺎﺫ ﺻﺒﺮ ﻭﻣﻠﻞ
ﻛﺎﻝ
ﺗﻔﻀﻠﻲ ﻭﺍﺷﺮ ﻋﺎﻟﻜﺮﺳﻲ
ﻛﻌﺪﺕ ﺳﺎﻛﺘﻪ ﻭﺍﻟﺘﻔﺘﺖ ﻋﺎﻟﻘﻨﻔﻪ ﺍﻟﻠﻲ ﺑﺪﻟﻬﺎ ﺷﺎﻟﻔﺎﻳﺪﻩ ﻭﻣﻜﺎﻧﻬﺎ ﺍﻟﻠﻲ ﻧﻘﺶ ﺑﻜﻠﺒﻲ ﺍﻛﺜﺮ ﻟﺤﻈﻪ ﺗﻠﻌﺐ ﺍﻟﺮﻭﺡ . ﺑﻴﻬﺎ ﻛﺎﻝ ﺑﻬﺪﻭﺀ
ﻣﺤﺘﺎﺟﻪ ﺷﻲ
ﺑﻘﻴﺖ ﺳﺎﻛﺘﻪ ﻭﺩﺍﻳﺮﻩ ﻭﺟﻬﻲ ﻋﻠﻰ ﻋﻜﺲ ﺻﻔﺤﺘﻪ
ﺟﺮﻳﺖ ﺍﻟﻔﺎﻳﻞ ﺑﺼﻤﺖ ﻭﺑﺎﻭﻋﺘﻠﻪ ﺑﺤﻘﺪ ﻛﺎﺭﻫﻪ ﻭﺍﻗﻊ ﺍﻧﻪ ﺩﺍﺍﻧﻔﺬ ﺍﻭﺍﻣﺮﻩ ﻧﺼﻪ ﺭﺍﺳﻪ ﻋﺎﻟﺒﺼﻤﻪ ﻭﺭﻓﻊ ﺭﺍﺳﻪ ﺑﺎﻭﻋﻠﻲ ﻫﺰ ﺭﺍﺳﻪ ﺳﺎﻛﺖ ﻣﺘﻔﻬﻢ ﺭﺟﻌﺘﻲ ﻟﻠﺸﻐﻞ
ﺷﻨﻮ ﻃﺒﻴﻌﻪ ﻋﻤﻠﻲ ﻛﻠﺘﻬﺎ ﺑﻼ ﻣﺒﺎﻻﻩ ﻭﺍﺗﻬﺎﻡ ﺍﻧﻪ ﺍﻧﺖ ﺍﻟﺪﺗﻤﺸﻴﻨﻲ
ﺑﻠﻊ ﺭﻳﻚ ﻭﻋﻴﻮﻧﻪ ﻋﺎﻟﻤﻴﺰ ﺫﺏ ﺍﻟﻘﻠﻢ ﻭﻭﻛﻒ ﺗﻮﺟﻊ ﻟﻠﺪﻳﻼﺏ ﺍﻟﻠﻲ ﺑﻐﺮﻓﺘﻪ ﻛﺎﻝ
ﺍﺣﻤﻢ ﺗﻔﻀﻠﻲ ﻫﻨﺎ
ﺗﻘﺮﺑﺖ ﻳﻢ ﺍﻟﺪﻳﻼﺏ ﺑﺒﻌﺪ ﺍﻣﺘﺎﺭ ﻛﺎﻝ
ﻫﺎﻱ ﺍﻟﻔﺎﻳﻼﺕ ﺗﻨﺰﻝ ﻋﺎﻟﺤﺎﺳﺒﻪ ﻣﺎﻟﺘﺞ
ﺍﻟﺤﺎﺳﺒﻪ ﻣﺎﻟﺘﺞ ﻣﺮﺗﺒﻄﻪ ﺍﺭﺗﺒﺎﻁ ﻣﺒﺎﺷﺮ ﺑﺤﺎﺳﺒﺘﻲ ﻫﻨﺎ
ﺍﻱ ﺷﻲ ﻳﻨﺤﻂ ﺑﺎﻟﺪﻳﻼﺏ ﻻﺯﻡ ﻗﺒﻠﻬﺎ ﻧﺎﺯﻝ ﺑﺎﻟﺤﺎﺳﺒﻪ ﺗﻌﺎﻱ ﺍﺷﻮﻓﺞ
ﻭﺭﺟﻊ ﺗﻮﺟﻪ ﻟﻠﻤﻴﺰ ﻣﺎﻟﺘﻪ ﻛﻌﺪ ﻭﺍﻧﻲ ﻭﻛﻔﺖ ﻭﺭﻩ ﺍﻟﻤﻴﺰ ﺑﺎﻟﺠﻬﻪ ﺍﻟﻤﻌﺎﻛﺴﻪ ﺍﻟﻪ ﺍﻭﺍﻟﻤﻘﺎﺑﻠﻪ ﻓﺮ ﺍﻟﺤﺎﺳﺒﻪ ﻭﺩﺧﻞ ﻋﻠﻰ ﻣﻠﻒ ﻛﺎﻝ
ﻫﺬﺍ ﻣﻮﺟﻮﺩ ﺑﺤﺎﺳﺒﺘﺞ ﻧﻔﺴﻪ ﻫﻨﺎ ﺗﻨﺰﻝ ﻛﻠﻬﻦ . ﻛﻠﺸﻲ ﺑﺎﺳﻤﻪ ﻭﺗﺎﺭﻳﺦ ﻭﺻﻮﻟﻪ ﻭﺗﺎﺭﻳﺦ ﻃﻠﻌﺘﻪ ﺍﻱ ﺟﻬﺎﺯ ﺍﺑﻴﻌﻪ ﻫﻨﺎﻣﻮﺟﻮﺩ ﺍﻱ ﺟﻬﺎﺯ ﺍﺳﺘﻮﺭﺩﻩ ﻫﻨﺎ ﻣﻮﺣﻮﺩ ﺍﻱ ﺟﻬﺎﺯ ﺍﺻﻠﺤﻪ ﺍﺗﻠﻔﻪ ﻫﻨﺎ ﻣﻮﺟﻮﺩ ﻣﻔﻬﻮﻡ
ﻫﺰﻳﺖ ﺭﺍﺳﻲ
ﻛﺎﻥ ﻳﺤﺠﻲ ﺑﻬﺪﻭﺀ ﻭﺗﻔﻬﻢ ﻭﻛﺎﻧﻨﻲ ﻣﺎﺍﻋﺮﻑ ﺩﺍﺧﻠﻪ ﺍﻻﺳﻮﺩ ﻫﺬﺍ ﺍﻟﻬﺪﻭﺀ ﻧﻔﺴﻪ ﺍﻟﺪﺧﻠﻨﻲ ﻣﺮﺍﻛﺰ ﺍﻟﺸﺮﻃﻪ ﻭﻧﻔﺴﻪ ﺍﻟﺴﺘﻐﻞ ﺑﻴﻪ ﻟﺤﻈﻪ ﺣﺎﺟﻪ ﻭﺿﻌﻒ ﻭﻧﻔﺴﻪ ﺍﻟﻠﻲ ﻧﻜﺮ ﻓﻠﻮﺱ ﺍﻟﺮﺟﻌﺘﻬﻦ ﺍﻧﻲ ﺍﻻﻋﺮﻓﻚ ﺍﻛﺜﺮ ﺣﺘﻰ ﻣﻦ ﺭﻭﺣﻚ ﺍﻧﺖ ﺍﻧﺴﺎﻥ ﻋﺎﺟﺰ ﺭﻭﺡ ﻣﻮ ﺑﺲ ﺟﺴﺪ ﻭﺍﻥ ﺻﺤﺖ ﺭﻭﺣﻚ ﻭﺟﺴﺪﻙ ﺗﺎﻟﻲ ﺍﻟﻮﻛﺖ ﻓﻮﻙ ﻗﻬﺮﻱ ﺻﺤﺖ ﺑﻴﻪ ﻭﻛﺎﻧﻤﺎ ﻛﻨﺖ ﻧﺎﻗﺼﺘﻚ ﺍﺑﺎﻭﻋﻠﻪ ﺑﺤﻘﺪ ﻭﻧﺴﻴﺖ ﺭﻭﺣﻲ ﺑﻘﻪ ﻣﻨﺼﻲ ﻋﺎﻟﺤﺎﺳﺒﻪ ﺭﻓﻊ ﺭﺍﺳﻪ ﺑﻬﺪﻭﺀ ﻭﺭﺟﻊ ﻧﺼﻪ
ﻛﺎﻝ
ﻭﻭ ﺍﻟﻜﻬﻮﻩ ﻣﺎﻟﺘﻲ ﻭﺧﻠﺺ
ﺑﻠﻌﺖ ﺭﻳﻚ . ﺍﺻﺒﺮ ﺭﻭﺣﻲ ﻛﻠﺖ ﺑﻬﺪﻭﺀ ﻛﺎﺫﺏ ﻋﺎﺻﻒ ﺑﺪﺍﺧﻠﻲ ﺑﻐﻀﺐ
ﺷﻮﻛﺖ ﻭﺷﻮﻥ ﺗﺤﺒﻬﺎ
ﻣﺮﻩ -- ﻭﻣﺮﺗﻴﻦ ﺍﻟﺼﺒﺢ ﻭﺭﻩ ﻧﺺ ﺳﺎﻋﻪ ﻣﻦ ﻭﻛﺖ ﺟﻴﺘﻲ ﻭﺏ١١ ﻭﻣﺎﺭﻳﺪ ﺍﺑﻮ ﻳﺰﻥ ﻳﺴﻮﻳﻬﺎ ﻣﻴﻌﺮﻑ ﺍﺫﺍ ﻣﺮﺍﺡ ﺍﺗﻌﺒﺞ ﻳﻌﻨﻲ
ﻻ ﻩ . ﻣﺤﺸﻮﻡ ﺭﻓﻌﺖ ﺗﻚ ﺣﺎﺟﺐ ﺭﻓﻊ ﺭﺍﺳﻪ ﺑﺎﻭﻋﻠﻲ ﻣﺮﺗﺒﻚ ﻭﺭﺟﻊ ﻧﺼﻪ ﻻﻭﺭﺍﻗﻪ ﻭﻋﻴﻮﻧﻪ ﻛﻠﺴﺎ ﺗﺼﻴﺮ ﻋﻠﻰ ﺑﻄﻨﻲ ﻛﺎﻝ ﺑﺼﻮﺕ ﻧﺎﺻﻲ
ﻟﻼﺯﻡ ﻧﻌﻘﺪ ﻣﺤﻜﻤﻪ ﺗﺮﻩ
ﻣﺎﺭﻳﺪ
ﺗﺤﺒﻴﻦ ﺍﺟﻴﺐ ﺍﻟﻤﺤﺎﻣﻲ ﻟﻠﺒﻴﺖ ﻣﺎﻧﻄﻮﻝ ﺳﺎﻟﻔﻪ ﻋﺸﺮ ﺩﻗﺎﻳﻖ
ﻣﺎﺭﻳﺪ ﺍﻋﻘﺪ ﻣﺤﻜﻤﻪ
ﺭﻓﻊ ﺭﺍﺳﻪ ﺧﺰﺭﻧﻲ ﻭﻣﻦ ﺗﺠﻴﺒﻴﻦ ﻳﺒﻘﻰ ﺑﻠﻪ ﻭﺛﻴﻴﻘﻪ ﻣﻴﻼﺩ
ﻭﻳﺠﻮﺯ ﻣﺎﺟﻴﺐ ﻛﻠﺘﻬﺎ ﺑﺒﺮﻭﺩ ﻭﻣﺪﻳﺖ ﺷﻔﺘﻲ ﺷﻤﺪﺭﻳﻚ ﺟﻮﺯ ﻳﻤﻮﺕ . ﺟﻨﺖ ﺍﺳﺘﻔﺰﻩ ﻭﺍﻟﻌﺐ ﺑﺎﻋﺼﺎﺑﻪ
ﻏﻤﺾ ﻭﻏﻄﻪ ﻭﺟﻬﻪ ﺑﺎﻳﺪﻩ ﻭﻓﺮﻙ ﻭﺟﻬﻪ ﻫﺰ ﺭﺍﺳﻪ ﻣﺎﺷﻲ ﺗﻔﻀﻠﻲ ﻟﻌﻤﻠﺞ
ﻣﺎﺷﻲ
ﻃﻠﻌﺖ ﻭﻛﻌﺪﺕ ﻋﺎﻟﻤﻴﺰ ﺍﻟﺒﺮﻩ ﻭﺑﻠﺸﺖ ﺑﻨﻘﻞ ﺍﻟﻔﺎﻳﻼﺕ ﻭﺍﻟﻤﻨﺪﻭﺑﻴﻦ ﻳﺮﺣﻮﻥ ﻭﻳﺠﻮﻥ ﺍﺷﻜﺎﻝ ﺍﺻﻨﺎﻑ ﺑﻨﺎﺕ ﻭﺷﺒﺎﺏ ﺭﺟﺎﻝ ﺍﻋﻤﺎﻝ ﻭﺍﻧﻲ ﺍﻓﻮﺗﻬﻢ ﻭﺍﻭﺻﻲ ﺍﺑﻮ ﻳﺰﻥ ﻋﺎﻟﻜﻬﻮﻩ ﺑﺲ ﻛﻬﻮﻩ ﺍﻻﻓﻨﺪﻱ ﺑﻴﺪﻱ ﺍﺳﻮﻳﻬﺎ ﻻﻥ ﻳﺤﺒﻬﺎ ﺛﺨﻴﻨﻪ ﻭﻣﺮﻩ ﻣﺮﻣﺮﺕ ﻋﻴﺸﺘﻪ
ﻣﺮﺕ ﻛﻢ ﻳﻮﻡ ﻭﻋﻠﺴﺎﺱ ﺍﻟﺒﺎﺟﺮ ﻧﺘﺎﻳﺞ ﺭﻧﺪ ﻭﺍﻋﺼﺎﺑﻲ ﺗﻌﺒﺎﻧﻪ .
ﻭﺍﻛﻔﻪ ﺍﻃﺒﻊ ﻭﺻﺎﺭﻟﻲ ﺗﻘﺮﻳﺐ ﻧﺺ ﺳﺎﻋﻪ ﻋﻠﻰ ﻓﺪ ﻭﻛﻔﻪ ﻳﻢ ﺍﻟﻄﺎﺑﻌﻪ ﺷﻔﺘﻪ ﻃﻠﻊ ﻣﻦ ﻏﺮﻓﺘﻪ ﺑﺎﻭﻋﻠﻲ ﻭﺩﺍﺭ ﻭﺟﻬﻪ ﺑﺎﻭﻉ ﻋﺎﻟﻨﻮﺿﻔﻴﻦ ﻭﺍﺣﺪ ﻛﺎﻥ ﻛﺎﻳﻢ ﻣﻦ ﻣﻴﺰﻩ ﻭﺩﻳﺸﺘﻐﻞ ﻏﻴﺮ ﻣﻜﺎﻥ ﺍﺧﺬ ﺍﻟﻜﺮﺳﻲ ﻣﺎﻟﺘﻪ ﺷﺎﻟﻪ ﻭﺧﻼﻩ ﻭﺭﺍﻳﻪ ﻣﻴﺒﺎﻭﻉ ﺑﻌﻴﻨﻲ ﻭﺣﺠﺎﻫﺎ ﻣﺸﺎﻭﺭﻩ
ﻛﻌﺪﻱ ﻭﺍﺷﺘﻐﻠﻲ ﻭﻋﻴﻮﻧﻪ ﺍﻓﺘﺮﺕ ﻋﺎﻟﻤﻮﺿﻔﻴﻦ ﺧﺎﻑ ﺍﺣﺪ ﺍﻧﺘﺒﻪ
ﻛﻌﺪﺕ ﻓﻌﻼ ﺭﺟﻠﻴﻪ ﺗﻜﺴﺮﺕ ﻭﺻﻠﺖ ﻟﻠﺜﺎﻟﺚ ﺑﻌﺪ ﻣﻤﻜﻤﻠﺘﻪ ﺑﻄﻨﻲ ﺑﺪﺕ ﺗﺒﻴﻦ ﺑﺲ ﺿﻴﻖ ﺍﻟﺘﻨﻮﺭﻩ ﺧﺎﻓﻴﻬﺎ ﺩﺍﺍﺣﺲ ﺑﺘﻌﺐ ﻭﺍﻟﻢ ﺑﺎﻃﺮﺍﻓﻲ ﻭﻟﺤﺪ ﺍﻻﻥ ﺭﺍﻓﻀﻪ ﺍﻟﻤﻘﻮﻳﺎﺕ
ﻛﻤﻠﺖ ﻭﺭﺟﻌﺖ ﻟﻠﺴﻜﺮﺗﺎﺭﻳﻪ ﺗﻮﻧﻲ ﺍﺭﺗﺎﺡ ﻭﻫﻮ ﻓﺎﺕ ﻟﻐﺮﻓﺘﻪ ﻣﻦ ﻳﻔﻮﺕ ﻣﻦ ﻳﻤﻲ ﻳﻨﺼﻲ ﻣﻴﺮﻳﺪ ﻳﺤﺘﻚ ﺍﻭ ﻣﻴﺮﻳﺪ ﻳﻌﺼﺒﻨﻲ ﺣﺘﻰ ﻣﺎﻛﺎﻥ ﻳﻜﻠﻤﻨﻲ ﺟﺪﺍ ﻗﻠﻴﻞ ﻭﺑﻬﺪﻭﺀ ﺗﺎﻡ
ﺑﻘﻴﺖ ﺍﺷﺘﻐﻞ ﻣﻨﺼﻴﻪ ﻭﺳﻤﻌﺖ ﻣﺸﻴﻪ ﺑﻌﻜﺎﺯﻩ ﺧﺸﺐ ﺭﻓﻌﺖ ﺭﺍﺳﻪ ﻫﻴﺒﻪ ﺍﻟﺤﺠﻴﻪ ﻭﺍﻛﻔﻪ ﻭﺗﺒﺘﺴﻤﻠﻲ ﻛﺎﻟﺖ
ﻳﺴﻌﺪﻟﻲ ﻫﺎﻟﺼﺒﺎﺡ
ﻫﻠﻮ ﺣﺠﻴﻪ ﺷﻮﻧﺞ
ﺗﻘﺮﺑﺖ ﻣﻨﻲ ﺑﻮﺳﺘﻨﻲ ﺑﺮﺯﺍﻧﻪ ﻛﺎﻟﺖ
ﻫﻼ ﻟﺼﺮﺕ ﻣﻨﻴﺤﻪ ﻋﻜﺪﺕ ﺣﺎﺟﺒﻲ ﻫﻤﺴﺖ ﺍﻟﻠﻪ ﻳﺠﻌﻠﺞ ﻛﺎﻟﺖ
ﺍﻟﻴﻮﻡ ﺍﺟﻴﺖ ﻣﻦ ﺑﻴﺮﻭﺕ ﻭﺩﻏﺮﻱ ﺍﺟﻴﺖ ﻟﺸﻮﻓﻚ ﻭﺍﺷﻮﻑ ﺟﻮﺯﻙ
ﻏﺎﺑﺖ ﻣﻼﻣﺤﻲ ﻭﻫﻲ ﻫﻢ ﻏﺎﺑﺖ ﻣﻼﻣﺤﻬﺎ ﻛﺎﻝ
ﻟﺴﺎﺗﻚ ﻣﺎﻟﻨﺘﻲ ﺍﺩﻳﺸﻚ ﻋﻨﻮﺩﻳﻪ ﺍﻟﻠﻪ ﻳﺮﺣﻤﻚ ﻳﺎﻓﻬﺪ ﻧﻔﺴﻚ ﻧﻔﺴﻮ
ﻫﺰﻳﺖ ﺭﺍﺳﻲ ﻣﺒﺮﻃﻤﻪ ﻋﺮﻓﺘﻬﺎ ﺗﻌﺮﻓﻪ ﻛﺎﻟﺖ
ﻓﻨﺠﺎﻥ ﻗﻬﻮﻩ ﺣﻠﻮﻩ ﻣﻦ ﺍﺩﻳﻚ
ﺻﺎﺭ
ﺳﻮﻳﺘﻪ ﻛﺒﺎﻟﻪ ﺑﺎﻟﻤﻨﻮﺭ ﺍﻟﺼﻐﻴﺮ ﻣﺎﻝ ﺍﺑﻮ ﻳﺰﻥ ﻭﻫﻲ ﻛﺎﻋﺪﻩ ﺑﺎﻟﺴﻜﺮﺗﺎﺭﻳﻪ ﻣﺪﺧﻠﺖ ﻻﺑﻨﻬﺎ ﻃﻠﻌﺘﻪ ﺍﻟﻬﺎ ﻭﺍﻧﻔﺘﺤﺖ ﺍﻟﺒﺎﺏ ﻃﻠﻊ ﺍﺑﻨﻬﺎ ﺍﻧﺼﺪﻡ
ﻛﺎﻝ ﺑﻠﻬﻔﻪ
ﺣﻤﺪ ﺍﻟﻠﻪ ﻋﺴﻼﻣﺘﺞ ﻳﻤﺎﺍﻱ
ﺑﻘﻴﺖ ﻣﺴﺘﻐﺮﺑﻪ ﺣﻀﻨﻬﺎ ﻭﺑﺎﺱ ﺍﻳﺪﻫﺎ ﻳﺒﺎﻭﻉ ﺑﻌﻴﻨﻬﺎ ﻣﺒﺘﺴﻢ ﻭﻫﻲ ﻫﻢ ﺳﺎﻛﺘﻪ ﻭﺗﺒﺘﺴﻢ ﺭﺟﻊ ﺣﻀﻨﻬﺎ ﻗﻮﻱ ﺿﺤﻜﺖ ﻛﺎﻝ
ﺷﻮﻛﺖ ﺟﻴﺘﻲ
ﻣﻔﺎﺟﺎﻩ ﻣﺎﻫﻴﻚ
ﻳﻴﻤﻪ ﻣﻴﺖ ﻣﺮﻩ ﻛﺘﻠﺞ ﻣﻦ ﺗﺮﺩﻳﻦ ﺗﺠﻴﻦ ﻛﻮﻟﻴﻠﻲ ﺍﺑﻘﻴﻠﺞ ﺍﻟﺒﻴﺖ ﻣﻔﺘﻮﺡ
ﻭﺍﻧﻪ ﺍﺣﺐ ﺍﻓﺎﺟﺌﻚ ﺷﻮ ﺑﺪﻱ ﺍﻋﻤﻮﻝ
ﻫﻪ ﻧﻮﺭﺗﻴﻨﻲ ﺗﻌﺎﻱ ﻓﻮﺗﻲ
ﻻﺀ ﺧﻠﻴﻨﻲ ﻫﻮﻥ ﻟﻤﺘﻊ ﻧﻀﺮﻱ ﻣﻦ ﺣﻔﻴﺪﻱ ﺑﺒﻄﻦ ﺍﻣﻮ
ﻛﺎﻝ
ﻃﻴﺐ ﺍﻛﻌﺪ ﻳﻤﺞ ﻟﻌﺪ
ﻏﺎﺩﻩ - ﻟﻜﻴﺖ ﺭﻭﺣﻲ ﺍﺑﺘﺴﻢ ﺍﻟﻬﺎ ﻟﻜﻢ ﺍﻟﺤﻨﺎﻥ ﻭﺍﻟﻌﻼﻗﻪ ﺍﻟﺒﻴﻨﻬﻢ ﺑﺎﻭﻋﻠﻲ ﺍﺑﺘﺴﻢ ﻭﺑﺎﻭﻉ ﻻﻣﻪ ﻛﺎﻟﺖ ﻭﺷﺎﻟﺖ ﺍﻳﺪﻫﺎ ﺗﺎﺧﺬ ﺍﻟﻔﻨﺠﺎﻥ ﻣﻨﻲ
ﺗﻌﻲ ﻟﻬﻮﻥ
ﺗﻘﺮﺑﺖ ﺑﺜﻜﻞ ﻣﺪﺕ ﺍﻳﺪﻫﺎ ﺗﺒﺘﺴﻢ ﻟﺒﻄﻨﻲ ﻭﺗﻠﻤﺴﺘﻬﺎ ﻛﺎﻟﺖ ﻭﺩﻣﻌﺖ ﻋﻴﻨﻬﺎ
ﺑﺴﻢ ﺍﻟﻠﻪ ﻣﺎﺷﺎﺀ ﺍﻟﻠﻪ
ﻋﻠﻴﺎﻧﻪ ﺑﻄﻨﻚ ﻣﺎ
ﻫﺰﻳﺖ ﺭﺍﺳﻲ ﺑﺎﻟﻤﻮﺍﻓﻘﻪ ﺍﺑﻨﻬﺎ ﻛﺎﻥ ﺻﺎﻓﻦ ﻋﻠﻰ ﺍﻳﺪ ﺍﻣﻪ ﻣﻦ ﺗﻤﺸﻲ ﻋﻠﻰ ﺑﻄﻨﻲ ﻛﺎﻟﺖ
ﺍﻫﻲ ﻛﺎﻧﺖ ﻋﺪﻙ ﺑﻄﻦ ﻭﻻ --- ﺟﺎﻭﺏ ﻋﻨﻬﺎ
ﻻﻻ ﻣﺠﺎﻧﺖ ﻋﺪﻫﺎ . ﻛﺒﺮﺍﻧﻪ ﻫﺎﻟﻔﺘﺮﻩ
ﻛﺎﻟﻬﺎ ﻭﻧﺼﻪ ﻓﺮﻙ ﻭﺟﻬﻪ ﻭﻫﺰ ﺭﺟﻠﻪ ﺑﻌﺪ ﻋﻴﻨﻪ ﻋﻦ ﺍﻣﻪ ﻭﻋﻨﻲ ﺍﻱ ﺫﻛﺮﻯ ﺗﻮﺻﻠﻨﻲ ﻟﺬﻳﺞ ﺍﻻﻳﺎﻡ ﺟﺴﻤﻲ ﻛﻠﻪ ﻳﺮﻓﻀﻬﺎ ﻭﺍﺧﺘﺮﺭﺭﻉ . ﻣﻦ ﺗﻨﺬﻛﺮ ﻭﺭﺍﺳﻦ ﺍﺗﻜﺪﺭ ﺗﺮﺧﺼﺖ ﻣﻨﻬﻢ ﻭﺗﺮﻛﺘﻬﻢ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺟﻬﻲ ﺯﻳﻦ ﺣﺘﻰ ﺍﻟﻤﻜﻴﺎﺝ ﺍﻟﺨﻔﻴﻒ ﻭﺧﺮﺗﻪ ﺣﺴﻴﺖ ﺭﻭﺣﻲ ﺩﺍﺗﺨﺮﺑﻂ ﺍﻟﻤﻲ ﺍﻟﺒﺎﺭﺩ ﺻﺤﺎﻧﻲ
ﺭﺟﻌﺖ ﻃﻠﻌﺖ ﻣﻦ ﺍﻟﺤﻤﺎﻡ ﺷﻔﺘﻬﻢ ﻃﺎﺑﻴﻦ ﻟﻠﻐﺮﻓﻪ ﺍﺭﺗﺎﺣﻴﺖ ﺑﻘﻴﺖ ﺑﻤﻜﺎﻧﻲ ﺍﻛﻤﻞ ﻋﻤﻞ ﺷﻮﻱ ﻭﻃﺐ ﺍﺳﺘﺎﺫ ﻋﻤﺮ ﻭﺍﻟﻤﺤﺎﻣﻲ ﻭﺍﻧﻔﺘﺢ ﺟﻬﺎﺯ ﺍﻻﺭﺳﺎﻝ
ﺳﺖ ﻏﺎﺩﻩ ﻣﻤﻜﻦ ﺗﺘﻔﻀﻠﻴﻦ ﻟﻼﺩﺍﺭﻩ
ﺻﺎﺭ ﺍﺳﺘﺎﺫ
ﻛﻤﺖ ﻓﺘﺖ ﻟﻜﻴﺘﻬﻢ ﻣﻠﺘﻤﻴﻦ ﻋﻤﺮ ﺑﺎﻭﻋﻠﻲ ﺍﺑﺘﺴﻢ ﻭﻧﺼﻪ ﺭﺍﺳﻪ
ﺷﻨﻮ ﺍﻟﻔﻠﻢ ﺍﻧﺘﺒﻬﺖ ﺑﻴﺪﺣﻴﺪﺭ ﻫﻮﻳﺘﻲ ﺑﺲ ﺍﻧﻲ ﺿﺎﻳﻌﻪ ﺍﻟﻬﻮﻳﻪ ﻣﺎﻟﺘﻲ ﻭﻋﺮﻓﺖ ﻋﻘﺪ ﺍﻟﻤﺤﻜﻤﻪ ﺗﻠﺠﻢ ﺣﻠﻜﻲ ﻋﻤﺮ ﻛﺎﻋﺪ ﻭﺍﻟﻤﺤﺎﻣﻲ ﺷﺪﻳﺴﻮﻱ ﻫﺬﺍ
ﻛﺎﻝ
ﺍﻟﻤﺤﺎﻣﻲ
ﻃﻴﻨﻲ ﺍﻟﻬﻮﻳﻪ ﺍﺳﺘﺎﺫ . ﻭﺳﺠﻞ ﺍﺳﻤﻲ ﺑﻘﻴﺖ ﻭﺍﻛﻔﻪ ﺑﺎﻭﻋﻠﻲ ﺣﻴﺪﺭ ﻭﺟﺮ ﻧﻔﺲ ﻭﺑﺎﻭﻉ ﻻﻣﻪ ﻛﺎﻝ
ﺗﻔﻀﻠﻲ ﻳﻢ ﺍﻟﺤﺠﻴﻪ
ﺍﺷﺮﺗﻠﻲ ﺍﻟﺤﺠﻴﻪ ﻳﻤﻬﺎ ﻛﻌﺪﺕ ﺑﺲ ﻋﻠﻰ ﺍﻋﺼﺎﺑﻲ ﺳﺠﻠﻮ ﻛﻞ ﻣﻌﻠﻮﻣﺎﺗﻲ . ﻭﻋﺪﻟﻮ ﺳﺠﻞ ﺍﻟﻤﻌﻠﻮﻣﺎﺕ ﻣﺎﻝ ﻋﻘﺪ ﺳﻴﺪ ﻻﻥ ﺑﻴﻬﺎ ﺍﻏﻼﻁ ﺑﺎﺳﻢ ﺍﻟﻮﺍﻟﺪ
ﻛﻤﻠﻬﺎ ﻭﺍﻟﺘﻔﺖ ﻋﻠﻴﻪ
ﻛﺎﻝ
ﺳﺖ ﻏﺎﺩﻩ ﻭﻗﻌﻲ ﻫﻨﺎ
ﺑﺎﻭﻋﺘﻠﻪ ﻭﺑﺎﻭﻋﺖ ﻟﺤﻴﺪﺭ ﻧﺼﻪ ﺭﺍﺳﻪ ﻋﺎﻟﻤﻴﺰ ﻟﺰﻡ ﻣﺤﻮﺭ ﻋﻴﻮﻧﻪ ﺑﺎﺻﺎﺑﻌﻪ ﺍﺧﺬﺕ ﺍﻟﻘﻠﻢ ﻭﻗﻌﺖ ﺑﺘﺮﺩﺩ ﺍﺗﻘﺪﻡ ﻭﺍﻭﻛﻒ ﻭﺍﺭﺟﻊ ﺍﺗﻘﺮﺏ ﺗﺎﻟﻲ ﻭﻗﻌﺖ ﻭﻛﻌﺪﺕ ﻋﺪﻝ ﺍﺣﺲ ﺭﻭﺣﻲ ﻧﺎﺭ ﺻﺮﺕ ﺍﺳﺘﺎﺫ ﻋﻤﺮ ﺍﺑﺘﺴﻢ ﻭﻫﻠﻬﻞ ﺑﻬﺪﻭﺀ ﻳﺘﺸﺎﻗﻰ ﺑﺎﻭﻋﻠﻲ ﻳﻀﺤﻚ ﻛﺎﻝ
ﻭﺍﻟﻠﻪ ﻋﻤﻲ ﺍﺣﺴﻦ ﺍﺧﺘﻴﺎﺭ ﺍﺧﺘﻴﺎﺭﻙ ﺫﻫﺐ ﻏﺎﺩﻩ
ﻧﺼﻴﺖ ﺭﺍﺳﻲ
ﻋﻤﺮ ﻛﺎﻥ ﺍﻟﺸﺎﻫﺪ
ﻭﺍﻣﻪ ﺍﻟﺜﺎﻧﻴﻪ ﻭﺍﻟﻤﺤﺎﻣﻲ ﻭﻳﺎﻫﻢ
ﻧﻄﻘﻨﺎ ﺍﻟﻜﻠﻴﺸﻪ ﻛﺎﻟﻬﺎ ﺑﺴﺮﻋﻪ ﻭﺭﻩ ﺍﻟﻤﺤﺎﻣﻲ ﺍﻟﻤﺮﻓﻮﻉ ﺑﺪﺭﺟﻪ ﻗﺎﺿﻲ ﻳﻌﻨﻲ ﺩﺍﺭﺱ ﻗﻀﺎﻩ ﺑﺲ ﻳﺸﺘﻐﻞ ﻋﺪﻩ ﻭﺑﺎﻟﻤﺤﻜﻤﻪ
ﻭﺍﻟﺘﻔﺖ ﻋﻠﻴﻪ ﻛﺎﻝ ﺑﺎﻋﻲ ﺑﻮﺟﻬﻪ ﻭﻛﻮﻟﻲ ﻭﺭﺍﻳﻪ
ﺑﺎﻭﻋﺖ ﺑﻮﺟﻬﻪ ﻛﻠﺖ ﻛﻢ ﻛﻠﻤﻪ ﻭﺳﻜﺘﺖ ﻋﻴﻮﻧﻪ ﺟﺎﻧﺖ ﺣﺎﻳﺮﻩ ﻭﺧﺎﻳﻔﻪ ﻛﺪﺍﻡ ﺣﻘﺪ ﻧﻀﺮﺍﺗﻲ ﻭﻛﺮﻫﻲ ﻛﻤﻠﺘﻬﺎ ﻣﺠﺒﻮﺭﻩ ﻻﻥ ﻫﺎﻟﺸﻲ ﻻﺯﻡ ﻳﺼﻴﺮ ﻛﻠﻤﺎ ﺍﺭﺩ ﺍﻛﺴﺮ ﻭﺛﺎﻗﻲ ﻳﺮﺟﻊ ﻳﺮﺗﺒﻂ ﺍﻛﺜﺮ ﻛﻤﻠﺘﻬﺎ ﻭﻛﻌﺪﺕ ﺍﻧﻬﺪ ﺣﻴﻠﻲ ﻭﻫﻮ ﻫﻢ ﻛﻌﺪ ﺟﺮ ﺍﻟﻜﻨﻴﻨﺲ ﻣﺴﺢ ﻋﺮﻙ ﻛﺼﺘﻪ ﻭﺍﻣﻪ ﻛﺎﻣﺖ ﻭﺯﻋﺖ ﻣﻦ ﻋﻠﺒﻪ ﺍﻟﻤﺎﻛﻨﺘﻮﺵ ﺍﻟﻠﻲ ﻋﺎﻟﻤﻴﺰ ﻟﻠﻜﻞ ﺗﺒﺘﺴﻢ ﺑﻔﺮﺡ ﻭﺗﺒﺎﻭﻉ ﻻﺑﻨﻬﺎ ﺍﻟﺠﺎﻥ ﻣﻨﺼﻲ ﻭﻳﻔﺮﻙ ﺑﺘﻚ ﺍﻳﺪﻩ ﻛﻤﻞ ﺍﻟﻤﺤﺎﻣﻲ ﻭﺗﺼﺎﻓﺢ ﻭﻱ ﺍﻟﻤﺪﻳﺮ ﻭﻃﻠﻊ ﻭﻋﻤﺮ ﻫﻢ ﻃﻠﻊ ﻭﺍﻧﻲ ﻋﻠﻰ ﺍﻋﺼﺎﺑﻲ ﺭﺩﺕ ﺍﻣﻪ ﺗﻄﻠﻊ ﺩﺍﺍﺯﻓﻪ ﻻﻥ ﻛﻠﺶ ﻣﺤﺘﺮﻣﻪ ﻣﺮﺩﺕ ﺍﻗﻠﻞ ﻣﻦ ﻫﻴﺒﺘﻬﺎ ﺷﻮﻱ ﻭﺩﻙ ﺗﻠﻔﻮﻧﻪ ﻛﺎﻝ
ﺳﺎﻳﻘﺞ ﺍﺟﻪ ﻳﻤﺎﻱ ﻭﻭﻛﻒ ﺍﻧﻲ ﻫﻢ ﻭﻛﻔﺖ ﺍﺳﻠﻢ ﻋﻠﻴﻬﺎ ﺗﻘﺮﺑﺖ ﺑﻮﺳﺘﻨﻲ ﻭﺗﻠﻤﺴﺖ ﺑﻄﻨﻲ ﺷﺎﻟﺖ ﺍﻳﺪﻫﺎ ﺑﺎﺳﺖ ﺑﻄﻦ ﻛﻔﻬﺎ ﻭﻣﺸﺘﻬﺎ ﻋﻠﻰ ﺑﻄﻨﻲ ﺍﺑﺘﺴﻤﺖ ﻛﺎﻟﺖ
ﺑﺮﺿﺎﻳﻲ ﺍﻫﺘﻤﻲ ﻓﻴﻪ ﻫﺎﺩ ﺟﻮﺍﺗﻚ ﺑﻀﻌﻪ ﻣﻨﻲ ﻛﻤﺎﻧﻪ
ﻫﺰﻳﺖ ﺭﺍﺳﻲ ﺑﺪﻭﻥ ﺻﻮﺕ ﻃﻠﻌﺖ ﻭﻛﻌﺪﺕ ﻋﺎﻟﻤﻴﺰ ﺍﻟﺒﺮﻩ ﻭﺍﺑﻨﻬﺎ ﻭﻳﺎﻫﺎ ﺭﺍﺡ ﺍﻋﺼﺎﺑﻲ ﺗﻌﺒﺖ ﺷﻮﻱ ﻭﺭﺟﻊ ﻃﺐ ﻃﺎﻳﺮ ﻟﻠﻐﺮﻓﻪ ﻳﺘﻬﺰﻡ ﻣﻨﻲ ﻣﻮﺧﻮﻓﺎ ﻣﻨﻲ ﻻ ﺧﻮﻓﺎ ﻻﺍﻋﺼﺐ ﻭﺍﺍﺫﻱ ﺍﺑﻨﻪ ﻭﺍﻧﻲ ﺍﻟﻴﻮﻡ ﺻﺎﻳﺮﻩ ﻧﺎﺭ
ﺩﻛﻴﺖ ﺍﻟﺒﺎﺏ ﻛﺎﻝ ﺍﺩﺧﻞ
ﻃﺒﻴﺖ ﻭﺳﺪﻳﺘﻬﺎ ﻭﻛﻔﺖ ﻛﺪﺍﻣﻪ ﺑﻘﻪ ﻣﻨﺼﻲ ﺩﻳﻠﻢ ﺑﺎﻻﻭﺭﺍﻕ ﻭﺍﻟﺼﻮﺭ
ﻧﺘﺮﺕ
ﺷﻨﻮ ﺍﻟﺴﻮﻳﺘﻪ ﺷﻨﻮ ﺗﺨﻠﻴﻨﻲ ﻛﺪﺍﻡ ﺍﻻﻣﺮ ﺍﻟﻮﺍﻗﻊ ﻭﺍﻟﻠﻪ ﻟﻮ ﻣﻮ . ﺍﺳﺘﺎﺫ ﻋﻤﺮ ﻋﺮﻑ ﺟﺎﻥ ﻟﻮ ﺍﻣﻮﺕ ﻣﺎﺍﻋﻘﺪ
ﻫﺰ ﺭﺍﺳﻪ ﻭﻫﻮ ﻣﻨﺼﻲ ﻋﺎﻻﻭﺭﺍﻕ ﻭﻳﻠﻤﻬﻢ ﻛﺎﻝ
ﻣﺎﺷﻲ ﺑﻌﺪ
ﺍﻧﺖ ﻟﻴﺶ ﻫﻴﺞ ﺗﺴﻮﻱ
ﺭﻓﻊ ﺭﺍﺳﻪ ﺑﺎﻭﻋﻠﻲ
ﻻﻥ ﻫﺬﺍ ﺍﻟﻼﺯﻡ ﻳﺼﻴﺮ
ﺍﻧﻲ ﻣﺎﺭﻳﺪﻙ ﺍﻓﻬﻢ
ﺍﻭﻙ ﻣﺎﺷﻲ ﻭﺍﻧﻲ ﻣﻄﻠﺒﺖ ﻣﻨﺞ ﺷﻴﻲ
ﻧﺘﺮﺕ ﻭﺩﻛﻴﺖ ﺭﺟﻠﻲ ﺑﺎﻟﻜﻊ ﻓﺰ ﻭﻛﻒ ﻭﺑﺎﻭﻉ ﻟﺒﻄﻨﻲ ﺧﺰﺭﻧﻲ ﻭﻋﻴﻮﻧﻪ ﺿﺎﻗﺖ ﻭﻣﻨﺨﺮ ﻧﻔﺴﻪ ﺍﻧﻔﺘﺢ ﻣﻦ ﻳﺘﻨﻔﺲ ﺿﺎﻏﻂ ﻋﻠﻰ ﺷﻔﺎﻓﻪ
ﻃﻄﻄﻜﺖ ﺭﻭﺣﻲ ﻓﻚ ﻋﻨﻲ ﻳﺎﺧﻪ ﻟﻮ ﺗﻤﻮﻭﻭﺕ ﻟﻮ ﺗﻀﻞ ﺳﻨﻴﻦ ﺑﻬﺎﻻﺳﻠﻮﺏ ﺍﻟﻤﺰﺭﻭﻕ ﻣﺎﻟﺘﻚ ﻭﻛﻠﻬﻢ ﻳﻨﻐﺸﻮﻥ ﺑﻴﻚ ﺍﻧﻲ ﻣﺎﻧﻐﺶ ﻋﺒﺎﻟﻚ ﺍﻧﺴﻯﻯﻯﻰ
ﺟﺮ ﻧﻔﺲ ﻛﺎﻝ
ﻋﻠﻰ ﻛﻴﻔﺞ ﺍﻫﺪﻱ
ﻣﺎﺭﻳﺪﺩﺩ ﺍﻫﺪﻯﻰ
ﻟﺘﻬﺪﻳﻦ ﺯﻳﻦ ﺍﻧﻲ ﻋﺎﻳﻔﻠﺞ ﺍﻟﻤﻜﺘﺐ ﻭﻃﺎﻟﻊ ﻃﻠﻊ ﻧﺺ ﺍﻟﻤﻜﺘﺐ ﻣﺎﻟﺘﻪ ﻭﺻﺤﺖ
ﺗﻌﺎﻝ ﻭﻳﻦ ﺭﺍﻳﺢ ﻭﻣﻨﻴﻠﻚ ﺍﻭﺭﺍﻗﻲ ﺍﻧﻲ ﻫﻮﻳﺎﺗﻲ ﺿﺎﻳﻌﻪ ﺍﻟﺘﻔﺖ ﺩﺍﺭ ﻭﺟﻬﻪ ﻣﻐﻤﺾ ﻋﻴﻨﻪ ﻭﺳﺎﺣﺐ ﺷﻔﺎﻓﻪ ﻟﺪﺍﺧﻞ ﻓﺘﺤﻪ ﻓﻤﻪ
ﺍﻭﺭﺍﻕ ﻓﻬﺪ ﻋﺪﻱ ﻭﻋﻦ ﻃﺮﻳﻘﻬﺎ ﻃﻠﻌﺘﻬﺎ ﻭﻋﺪﻱ ﻣﻌﺎﺭﻑ ﺑﻌﺪ ﺗﺮﺩﻳﻦ ﺗﻌﺮﻓﻴﻦ ﺷﻲ
ﻛﺎﻟﻬﺎ ﺑﻬﺪﻭ ﺀ ﻛﻠﻤﻪ ﻛﻠﻤﻪ
ﻫﺰﻳﺖ ﺭﺍﺳﻲ ﺑﻘﻪ ﻳﺒﺎﻭﻉ ﺑﻮﺟﻬﻲ ﻭﻛﻒ ﻛﺎﻝ ﺑﻬﺪﻭﺀ
ﻳﺒﻨﺖ ﺍﻟﻨﺎﺱ ﻣﺮﺍﻳﺪ ﻣﻨﺞ ﺷﻲ ﺑﺲ ﺗﺤﺎﻭﻟﻴﻦ ﺗﺤﺎﻭﻟﻴﻦ ﺗﺴﺎﻣﺤﻴﻨﻲ ﻻﺍﻧﻲ ﺍﻛﺪﺭ ﺍﺭﺟﻌﻠﺞ ﺍﻟﻮﻛﺖ ﻭﻻﺍﻣﺤﻲ ﺍﻟﺴﻮﻳﺘﻪ ﻭﻻﺍﻧﻲ ﺍﻟﺪﺍﻧﺴﻰ ﻭﺿﻤﻴﺮﻱ ﻣﺮﺗﺎﺡ
ﻟﻴﺶ ﺍﻧﺖ ﻫﻢ ﻋﺪﻙ ﺿﻤﻴﻴﻴﺮ . ﺑﺎﺑﺎ ﺍﻧﺖ ﻣﺼﺪﻙ ﺭﻭﺣﻜﻜﻚ ﺍﻧﺖ ﺷﻴﻄﺎﻥ ﻃﻠﻌﺘﻨﻲ ﻣﻦ ﻃﻮﺭﻱ ﻭﺗﺮﺑﻴﺘﻲ
ﻧﺼﻪ ﺭﺍﺳﻪ ﻭﺗﻘﺪﻡ ﻭﻛﻔﺖ ﻛﻒ ﺍﻳﺪﻱ ﺑﻌﻼﻣﻪ ﺗﻮﻗﻒ
ﻭﻛﻒ ﺗﺪﺭﻱ ﺷﺴﻮﻳﺖ ﺍﻧﺖ ﺗﺪﺭﻱ ﺑﻤﻞ ﻣﺮﻩ ﺟﻨﺖ ﺗﺠﺒﺮﻧﻲ ﺩﺍﺧﻠﻲ ﻳﺼﻴﺢ ﻓﻬﺪ ﺍﻟﺤﻜﻠﻲ ﺷﺮﻓﻴﻴﻲ ﺩﻳﺮﻭﺡ ﻭﺩﺗﺸﻮﻓﻨﻲ ﺍﺗﻌﺬﺏ ﻭﺍﻧﺖ ﻣﻮ ﻳﻤﻚ
ﻛﺎﻓﻲ ﺳﻜﺘﻲ
ﻛﺎﻟﻬﺎ ﻭﻋﺒﺲ ﻭﺟﻬﻪ ﻏﻤﺾ ﺩﺍﺭ ﻭﺟﻬﻪ ﻭﺭﺟﻊ ﺍﻟﺘﻔﺖ ﻧﺘﺮ
ﺍﻧﺖ ﻫﻢ ﺍﻟﺴﺒﺐ
ﺿﺤﻜﺞ ﻭﺳﻮﺍﻟﻔﺞ ﻭﻛﻠﻤﺎ ﻓﻮﺕ ﺗﺘﺒﺴﻤﻴﻠﻲ ﻃﻠﻌﺘﺞ ﺏ١١ ﺑﻠﻴﻞ ﺑﻤﻄﻌﻢ ﻛﻠﻪ ﺷﺒﺎﺏ ﻭﻱ ﺷﺎﺑﻪ . ﻭﺍﻟﻮﺻﻠﻜﻢ ﻭﺍﺣﺪ ﻣﻦ ﺷﺒﺎﺏ ﺍﻟﺠﺎﻧﻮ ﻛﺎﻋﺪﻳﻦ ﺑﺎﻟﻤﻄﻌﻢ ﺷﺘﺮﺩﻳﻦ ﺍﺗﺼﻮﺭ
ﻓﻜﻴﺖ ﻋﻴﻨﻲ ﺷﻨﻮ
ﺑﻠﻊ ﺭﻳﻚ ﻭﺗﻠﻔﺖ ﻣﺮﺗﺒﻚ ﺍﻧﺴﻲ ﺍﻧﺴﻲ ﻛﺎﻟﻬﺎ ﺩﻳﻄﻠﻊ
ﺻﺮﺧﺖ
ﺍﻭﻭﻭﻛﻔﻔﻒ ﺍﻧﺖ ﺷﺪﺗﺨﺮﺭﺑﻂ
ﻣﺪﺍﺧﺮﺑﻂ ﻫﺬﺫﺍ ﺍﻟﺼﺎﺭ ﺍﻧﻲ ﺑﻌﻴﻨﻲ ﺷﻔﺘﺞ ﻭﻛﻔﺘﻠﺞ ﺳﻴﺎﺭﺗﻴﻴﻴﻦ ﻭﺣﺪﻩ ﺍﺿﺮﺏ ﻣﻦ ﺍﻟﺜﺎﻧﻴﻴﻴﻴﻪ ﻭﺗﺤﺎﻳﻠﻮ ﻋﻠﻴﺞ ﺗﺨﺘﺎﺭﻳﻦ ﻭﻳﺎﻣﻦ ﺗﺼﻌﺪﻳﻦ ﺗﺤﺒﻴﻦ ﺍﻛﻮﻟﺞ ﺍﺭﻗﺎﻣﻬﺎﺍﺍ ﺑﻌﺪﺩﺩ ﺳﺎﻋﻪ ١١ ﻣﻦ ﺍﻟﻠﻴﻞ ﻭﺻﻌﺪﺗﻲ ﺑﺎﻟﺼﺪﺭ ﻭﻱ ﺷﺎﺏ ﺍﻧﺘﻲ ﻭﺑﻨﺘﺞ ﻭﺭﺣﺘﻮ ﺻﺢ ﻟﻮ ﺍﻧﻲ ﻏﻠﻠﻠﻄﺘﻦ
ﻓﻜﻴﺖ ﻋﻴﻨﻲ ﻛﻠﻬﺎ
ﺑﻘﻪ ﻳﺒﺎﻭﻉ ﺑﻮﺟﻬﻲ ﻋﻴﻮﻧﻪ ﻧﺎﺭ ﻛﺎﻝ
ﻣﺘﺤﺠﻴﻦ ﺍﻟﺸﺒﺎﺏ ﺫﻭﻟﻪ ﻋﻀﻮﻳﻪ ﺍﻟﻨﺎﺩﻱ ﻭﻳﺎﻳﻪ ﻭﺍﻋﺮﻓﻬﻢ ﺷﺠﺎﺑﺞ ﻋﻠﻴﻬﻢ ﻭﺷﻮﻥ ﺗﻘﺒﻠﻴﻦ ﻳﻮﺻﻠﻮﺝ
ﻫﻤﺴﺖ ﻭﻟﺪ ﺣﻤﺎﺗﻲ ﺫﻭﻟﻪ
ﻋﻜﺪ ﺣﺎﺟﺒﻪ
ﺷﻮﻥ ﻭﻟﺪ ﻣﻨﻮ
ﺣﻤﺎﺗﻲ ﺩﻣﻌﺖ ﻋﻴﻨﻲ ﻭﺍﻧﻲ ﺍﺩﺧﻞ ﺗﻔﻜﻴﺮﻩ ﺍﻟﻨﻜﺲ ﺷﺠﺎﻥ ﻣﺘﺼﻮﺭ ﺻﺪﻙ ﺷﺎﻓﻨﻲ ﻣﻮﺧﻮﺵ ﻣﻨﻬﺎﻱ ﻣﺪﺍﺭﻟﻲ ﺑﺎﻝ ﻛﺮﻫﺘﻪ ﺍﻛﺜﺮﺭﺭ ﻭﻛﺮﻫﺖ ﻧﻔﺴﻲ ﺍﻛﺜﺮ ﻻﻥ ﺧﻠﻴﺖ ﺍﺳﻢ ﻓﻬﺪ ﺑﻤﺤﻞ ﻣﺸﻜﻮﻙ ﺑﻲ
ﺍﺑﺎﻭﻋﻠﻪ ﺍﻓﺘﺮﺕ ﺍﻟﺪﻧﻴﺎ ﺑﻲ ﻛﺎﻝ
ﺳﻴﺮﻭﺍﻥ ﺷﻴﺨﺎﻥ ﺷﻴﺼﻴﺮﻟﺞ
ﺍﺑﻦ ﺣﻤﺎﺗﻲ ﻛﻠﺘﻬﺎ ﻭﺑﻠﻌﺖ ﺭﻳﻜﻲ ﻛﻮﻩ ﻛﻤﺖ ﺍﺗﻨﻔﺲ ﻛﺤﻴﺖ ﻭﻟﺰﻣﺖ ﺑﻄﻨﻲ ﻭﺟﻊ ﺭﻫﻴﺐ ﺻﺎﺭ ﺑﻴﻬﺎ ﺗﻘﺪﻡ ﺧﺎﻳﻒ ﺷﻠﺖ ﺍﻳﺪﻱ ﻭﻛﻔﺘﻪ ﻭﻏﻤﻀﺖ ﻟﺰﻣﺖ ﺍﻟﺤﺎﻳﻂ ﻭﺭﺍﻳﻪ ﻭﺑﺎﻭﻋﺘﻠﻪ
ﻧﺼﻪ ﺭﺍﺳﻪ ﻭﺍﻓﺘﺮ ﺑﺎﻟﻐﺮﻓﻪ ﻛﺎﻝ
ﺷﺘﺮﺩﻳﻦ ﺍﻓﻜﺮ
ﻛﺎﻓﻲ ﺍﺳﻜﺖ
ﻏﺎﺩﻩ ﻣﺮﺍﻳﺪ ﻣﻨﺞ ﺷﻲ ﻗﺴﻢ ﺑﺎﻟﻠﻪ
ﺍﻟﻠﻪ ﻳﻌﻠﻢ ﻳﺠﻮﺯ ﺷﺎﻙ ﺑﻴﻪ ﻣﻮ ﺍﻟﻚ ﺍﻟﻠﻲ ﺑﺒﻄﻨﻲ
ﻻﻣﺘﺎﻛﺪ ﺍﻟﻲ ﻟﺘﺨﺮﺑﻄﻴﻦ
ﺷﺨﺮﺑﻂ ﺍﻧﺖ ﺧﻠﻴﺖ ﺷﻲ ﻳﻨﺤﺠﻲ
ﻏﺎﺩﻩ ﻛﺎﻓﻲ ﺍﻟﺘﺤﻠﻴﻞ ﺳﻮﻳﺘﻪ ﺭﻗﻤﻲ ﻳﺒﻴﻦ ﻣﻮﻋﺪ ﺗﻠﻘﻴﺢ ﺍﻟﺒﻴﻀﻪ
ﻫﻬﻬﻬﻬﻪ ﺑﻄﻞ
ﻏﺎﺩﻩ ﻛﺎﻓﻲ ﺑﺴﺴﺴﺴﺲ
ﺭﻓﻊ ﺭﺍﺱ ﺑﻮﺟﻬﻲ ﻧﺘﺮ
ﺍﻧﺖ ﻭﺍﺣﺪ ﻧﻜﺲ
ﻫﺰ ﺭﺍﺳﻪ ﺑﻠﻊ ﺭﻳﻚ
ﻭﺍﺣﺪ ﺍﻧﺘﻬﺎﺯﻱ ﻓﺘﺤﺖ ﻛﻞ ﻋﻴﻨﻲ ﻭﺭﻓﻌﺖ ﺣﻮﺍﺟﺒﻲ
ﻏﻤﺾ ﻭﻧﺼﻪ ﺭﺍﺳﻪ
ﻛﺎﻝ
ﻛﻮﻟﻲ ﺍﻟﺘﺮﺩﻱ ﻭﺍﻧﻲ ﻣﻮﺍﻓﻖ ﻋﻠﻴﻪ
ﻏﺼﺐ ﻋﻨﻚ ﺗﻮﺍﻓﻖ ﻭﺍﻧﺖ ﻣﻨﻮ ﺗﺤﻜﻢ ﻭﺗﺠﺰﻡ ﺑﺪﻭﻥ ﻣﺘﺴﺎﻝ ﻭﺍﻧﺖ ﺷﻠﻚ ﻏﺮﺽ ﺑﻴﻪ ﺭﺍﺳﻦ ﺳﻮﻳﺘﻨﻲ ﻣﻮﺯﻳﻨﻪ ﻭﺭﺩﺕ ﺗﺠﺮﺏ ﺣﺠﻴﺘﻬﺎ ﻭﺻﺮﺧﺖ ﻣﺪﺍﺍﻛﺪﺭ ﺑﻌﺪ
ﺷﺸﺸﺸﺸﺸﺶ
ﺧﻠﻪ ﺍﻳﺪﻩ ﻋﻠﻰ ﺣﻠﻜﻲ ﺑﻬﺪﻭﺀ ﺧﺰﺭﺗﻪ ﻭﺩﻓﻌﺖ ﺍﻳﺪﻩ ﻃﻠﻌﺖ ﻣﻦ ﺍﻟﻐﺮﻓﻪ ﺑﻌﺼﺒﻴﻪ ﺭﺣﺖ ﻟﻤﻴﺰﻱ ﺍﺧﺬﺕ ﺍﻟﺠﻨﻄﻪ ﻭﻃﻠﻌﺖ ﺟﺎﻥ ﻭﻛﺖ ﺍﻧﺘﻬﺎﺀ ﺩﻭﺍﻡ ﻭﺍﻋﺼﺎﺑﻲ ﺗﺮﺟﻒ ﻭﺻﻠﺖ ﻟﻠﺒﻴﺖ ﺷﻔﺖ ﺭﻧﺪ ﺗﺨﺎﺑﺮ ﺳﺪﺗﻪ ﺗﺒﺘﺴﻢ ﺑﺎﻭﻋﺘﻠﻬﺎ ﻭﻳﺎﻣﻦ ﺗﺤﺠﻴﻦ
ﺍﺍﺍ ﻭﻱ ﻋﻤﻮ ﺍﺻﻴﻞ ﻳﻜﻮﻝ ﺑﺎﺟﺮ ﻧﺘﺎﻳﺠﻜﻢ ﺗﻌﺎﻱ ﻣﺎﻣﺎ ﺳﻮﻳﺘﻠﻨﺎ ﻋﺼﻴﺮ
ﺑﻘﻴﺖ ﺍﺑﺎﻭﻋﻠﻬﺎ ﺻﺒﺘﻠﻲ ﻋﺼﻴﺮ ﻟﻴﻤﻮﻥ ﺷﺮﺑﺘﻪ ﻓﺪ ﺟﺮﻩ ﺍﺭﺗﺎﺧﻴﺖ ﻻﻥ ﺗﺼﻤﻂ ﺑﺮﻩ ﻭﻓﺘﺖ ﺗﻤﺪﺩﺕ
ﺗﻐﺪﻳﻨﺎ ﻭﻧﻤﺖ ﻭﺍﺷﻮﻑ ﺭﻧﺪ ﺗﺮﻭﺡ ﻭﺗﺠﻲ ﻛﻠﺴﺎ ﻣﻔﺰﺯﺗﻨﻲ ﺗﻮﺗﺮﻫﺎ ﺑﻴﻴﻦ ﻋﻠﻴﻪ ﺍﻟﻘﻮﻳﻪ ﺍﻟﺒﺎﺭﺩﻩ ﺍﻟﻤﺘﺒﻴﻦ ﺷﻲ ﻻﺗﻀﺤﻚ ﻻﺗﺒﺠﻲ . ﺍﻟﺠﺎﻣﺪﻩ ﺑﻴﻴﻦ ﻋﻠﻴﻬﺎ ﺍﻟﺘﻮﺗﺮ ﻭﺍﻟﻌﺼﺒﻴﻪ ﻭﺍﻟﺘﻠﻔﻮﻥ ﺑﻴﺪﻫﺎ ﺷﻴﺠﻴﺐ ﺍﻟﺒﺎﺟﺮ ﻳﺮﺑﻲ
ﺑﻨﻴﺘﻲ ﻛﺒﺮﺕ ﻭﺣﺘﻮﺻﻞ ﻣﺒﺘﻐﺎﻫﺎ ﺭﺑﻲ ﻟﺘﺨﻴﺐ ﺍﻣﻠﻬﺎ
ﻛﻀﻪ ﺍﻟﻮﻛﺖ ﻟﻞ٩ ﺑﻠﻴﻞ ﺩﺍﻛﻮﻡ ﺍﺭﻭﺡ ﺍﺗﺴﻮﻙ ﻣﺪﺗﻌﻴﻨﻨﻲ ﺭﺟﻠﻲ
ﻳﻤﻪ ﻟﻴﺶ ﻣﺘﺴﻮﻛﺘﻲ ﻣﻌﻔﺘﻠﺞ ﻣﺴﻮﺍﻙ
ﻳﻤﻪ ﻣﻜﺪﺭﺕ ﻣﺎﻟﻲ ﺧﻠﻚ
ﺧﻮﺵ . ﺑﺎﺟﺮ ﺍﺗﺴﻮﻙ -- ﺑﺎﺟﺮ ﺟﻤﻌﻪ ﻭﻻﻭﻝ ﻣﺮﻩ ﻃﺒﻴﺖ ﺍﻟﻐﺮﻓﻪ ﻟﻜﻴﺖ ﺭﻧﺪ ﺗﺒﺠﻲ ﻭﻣﻐﻄﻴﻪ ﺭﻭﺣﻬﺎ ﺑﺎﻟﺒﻄﺎﻧﻴﻪ
ﻫﺎﻣﺎﻣﺎ ﺷﺒﻴﺞ ﻟﺞ ﺭﻧﺪ ﻛﺸﻔﺘﻬﺎ ﺗﺮﺩ ﺗﻐﻄﻲ ﺭﻭﺣﻬﺎ ﺟﺮﻳﺘﻬﺎ ﻗﻮﻱ ﻣﻦ ﺍﻳﺪﻫﺎ ﻛﺎﻣﺖ ﺗﺸﻬﻚ
ﺷﺒﻴﺞ
ﻛﺎﻟﺖ
ﺧﺎﻳﻔﻪ ﻭﺑﺠﺖ ﺑﻘﻬﺮ ﺧﺎﻳﻔﻪ ﺍﻓﺸﻞ
ﻻﻣﺎﻣﺎ ﻟﺘﺴﻮﻳﻦ ﻩ ﺗﻌﺒﺘﻲ ﻭﻭﺍﺛﻘﻪ ﻣﻦ ﺍﺣﺎﺑﺘﺞ
ﺧﺎﻑ ﻳﺎﺧﺬﻭﻥ ﺩﻓﺘﺮﻱ ﺧﺎﻑ ﻳﻀﻠﻤﻮﻧﻲ ﺑﺎﻟﺘﺼﻠﻴﺢ
ﺗﻮﻛﻠﻲ ﻋﻠﻰ ﺍﻟﻠﻪ ﻣﺎﻣﺎ ﻟﺘﻔﻜﺮﻳﻦ ﻫﻴﺞ
ﺣﻤﻮﺕ ﺧﻮﻑ
ﻳﻤﻪ ﻣﻨﺎ ﻟﺒﺎﺟﺮ ﺍﻧﺘﻲ ﻣﻴﺘﻪ ﻛﻮﻣﻲ ﺻﻠﻴﻠﺞ ﺭﻛﻌﺘﻴﻦ ﺗﻬﺪﻳﺞ
ﻫﺎﻱ ﺣﻴﺎﺗﻲ ﻛﻠﻬﺎ ﻣﺎﺻﻠﻲ ﻫﺴﻪ ﺭﺍﺡ ﺍﺻﻠﻲبيج قصص عراقيه حقيقيه من واقعنا.روعه الطائي
ﺣﺒﻴﺒﺘﻲ ﺍﺣﺴﻦ ﻭﻛﺖ ﺗﻠﺘﺠﺎﻳﻦ ﺍﻟﻪ ﻟﺮﺑﺞ ﻭﻛﺖ ﺍﻟﺨﻮﻑ ﻭﺗﺒﺪﻳﻦ ﻭﻳﺎﻩ ﺧﻮﻓﺞ ﻳﺘﺤﻮﻝ ﺍﻣﺎﻥ
ﺭﻧﺪ - ﻣﺴﺤﺖ ﺩﻣﻮﻋﻲ ﻭﺗﻨﻬﺪﺕ ﺭﺩﺕ ﺍﻱ ﺍﺣﺪ ﺍﺍﻣﻦ ﻭﻳﺎﻩ ﺑﺤﻴﺎﺗﻲ ﻣﺤﺎﺳﻪ ﺑﺎﻻﻣﺎﻥ ﻏﻴﺮ ﻭﻱ ﺧﺎﻟﻮ ﻭﻫﺴﻪ ﺭﺍﺡ ﻳﻢ ﺍﻟﻠﻪ ﺧﻞ ﺍﻛﻮﻡ ﺍﺻﻠﻲ ﻭﻛﻔﺖ ﻣﺴﺘﺤﻴﻪ ﺍﺗﻮﺿﻪ ﺑﺎﺭﺷﺎﺩﺍﺕ ﺍﻣﻲ
ﻭﻭﻛﻔﺖ ﺍﺻﻠﻲ ﺟﻨﺖ ﺑﺲ ﺑﺮﻣﻀﺎﻥ ﺍﺻﻠﻠﻲ ﺑﻘﻴﺖ ﺍﺻﻠﻲ ﻭﻛﻠﻤﺎ ﺍﺳﺠﺪ ﺗﺨﻨﻜﻨﻲ ﺍﻟﻌﺒﺮﻩ ﺭﺑﻲ ﺧﺎﻳﻔﻪ ﺩﺧﻴﻠﻚ ﻟﺘﻜﺼﺮ ﺭﻛﺒﺘﻲ ﻛﺪﺍﻣﻬﻢ ﻫﺒﻪ ﺧﺎﺑﺮﺗﻨﻲ ﻭﺟﻮﺟﻮ ﻧﻔﺲ ﺍﻟﺤﺎﻟﻪ ﺑﺲ ﺍﻧﻲ ﺍﺯﻳﺪ ﻛﻤﻠﺖ ﻟﻞ١١ ﺑﻠﻴﻞ ﺍﻧﻲ ﺍﺻﻠﻲ ﻭﺭﺍﻫﺎ ﺗﻤﺪﺩﺕ ﻛﻠﻬﻢ ﺑﺎﻟﻬﻮﻝ ﻳﺘﻔﺮﺟﻮﻥ
ﻣﺎﻣﺎ ﻭﺻﻔﻨﺘﻬﺎ ﻋﺎﻟﺘﻠﻔﺰﻳﻮﻥ ﺑﺲ ﺑﺎﻟﻬﺎ ﺑﻐﻴﺮ ﻣﻜﺎﻥ
ﺳﻨﺪ ﻭﻧﻀﺮﺍﺗﻬﺎ ﺍﻟﻠﻲ ﻛﻠﺴﺎ ﺗﺼﻔﻦ ﺑﺒﻄﻦ ﻣﺎﻣﺎ
ﻭﺑﻴﺒﻲ ﺍﻟﻠﻲ ﺻﻔﻨﺘﻬﺎ ﻭﺑﺴﻤﺘﻬﺎ ﺑﻌﺎﻟﻢ ﺍﻟﺒﺮﺯﺥ ﺗﺴﺎﻓﺮ ﻭﺗﺮﺟﻊ . ﻓﺠﺎﻩ ﺳﻤﻌﺘﻬﺎ ﻛﺎﻟﺖ
ﻳﻤﻪ ﻏﺎﺩﻩ
ﻫﺎ ﻳﻮﻡ
ﻳﻤﻪ ﻫﻢ ﺷﺎﻳﻠﻪ ﺑﻜﻠﺒﺞ ﻋﻠﻴﻪ
ﻏﺎﺩﻩ - ﺍﻟﺘﻔﺘﺖ ﻋﻠﻴﻪ ﻓﺎﻛﻪ ﺣﻠﻜﻲ ﺩﻣﻌﺖ ﻭﺭﺟﻔﺖ ﺷﻔﺘﻬﺎ ﻛﺎﻟﺖ
ﻭﺍﻟﻠﻪ ﺭﺩﺗﺞ ﺗﺮﺣﻴﻠﻬﻢ ﻭﺗﺬﺑﻴﻬﻢ ﻋﻠﻴﻬﻢ ﺗﻜﻮﻟﻴﻠﻬﻢ ﺑﺰﺭﺗﻜﻢ ﻫﺎﻱ
ﺑﻠﻌﺖ ﺭﻳﻚ ﻭﻫﺰﻳﺖ ﺭﺍﺳﻲ
ﻏﻠﻄﺖ ﻣﻦ ﻗﺸﻤﺮﻭﻧﻲ ﺍﺑﻴﻊ ﺍﻟﺒﻴﺖ ﻛﻠﻲ ﻫﺎﻱ ﺗﺘﺰﻭﺝ ﻭﺗﺠﻴﺒﻠﺞ ﺭﺟﺎﻝ ﻣﻦ ﺍﻟﺸﺎﺭﻉ ﻭﺗﻜﻌﺪﻩ ﻋﺪﺝ ﻧﺸﻐﻠﻠﺞ ﻓﻠﻮﺳﺞ ﻭﻳﺠﻴﺞ ﻭﺍﺭﺩ ﻣﻨﻬﺎ ﻭﻋﻮﺩ ﻧﻨﻄﻴﻬﺎ ﺷﻬﺮﻳﻪ ﻭﺍﻧﻲ ﻭﺭﻩ ﺍﺧﻮﺝ ﻋﺪﻣﺖ ﻋﺎﻓﻴﺘﻲ ﻭﻛﺎﻣﻮ ﻳﻮﻣﻴﻪ ﻃﺒﻴﺐ ﺣﺪﻣﺎ ﺑﺰﻋﻮﺍ . ﺍﺫﻭﻧﻲ ﻭﻫﻤﻠﻮﻧﻲ ﻏﺮﻓﻪ ﻭﺣﺪﻱ ﺍﺧﺎﻑ ﺑﻠﻴﻞ
ﺟﺮﻳﺖ ﻧﻔﺲ
ﻳﻤﻪ ﻟﻮﻣﺨﻠﻴﺘﻨﻲ ﺍﺧﻠﻴﺞ ﺑﻌﻴﻮﻧﻲ ﻭﻣﻨﺤﺘﺎﺝ ﺍﺣﺪ ﺑﺲ ﺍﻧﺘﻲ ﻣﻦ ﺍﻭﻝ ﺷﻤﺮﺗﻴﻨﻲ ﻋﺪ ﻋﻴﺎﻟﻲ ﺍﻟﻤﺨﺎﻓﻮ ﺍﻟﻠﻪ ﺑﻴﻨﺎ
ﻳﻴﻤﻪ ﺳﺎﻣﺤﻴﻨﻲ ﻭﺧﻠﻲ ﺍﺧﻮﺝ ﻳﺴﺎﻣﺤﻨﻲ
ﺍﺑﺘﺴﻤﺖ ﻣﻦ ﺷﻔﺘﻬﺎ ﺑﺠﺖ ﺑﻘﻬﺮ ﺟﺮﻳﺖ ﺭﺍﺳﻬﺎ ﻭﺑﺴﺘﻪ ﻳﻤﻪ ﺍﻧﺘﻲ ﻣﻦ ﺍﻭﻝ ﺗﻔﻀﻠﻴﻦ ﻋﻠﻴﻪ ﺍﺧﻮﺗﺞ ﻫﻤﻪ ﺍﻟﺼﺢ ﻭﺍﺗﻲ ﻭﺍﺧﻮﻳﻪ ﺍﻟﻐﻠﻂ ﻻﻥ ﺍﺑﻮﻳﻪ ﺑﻴﺖ ﻣﺎﻋﺪﻩ ﻛﻞ ﺣﺠﺎﻳﻪ ﻭﻫﺬﺍ ﺑﻴﺘﻲ
ﻫﺰﺕ ﺭﺍﺳﻬﺎ ﻣﻮﺍﻓﻘﻪ ﻭﺗﺒﺠﻲ ﻭﺗﺮﺩﺩ
ﻭﻫﺴﻪ ﺍﻧﻲ ﻣﺪﻟﻠﻪ ﺑﺒﻴﺘﺞ
ﺑﻴﺖ ﺍﺑﻨﺞ ﻫﺬﺍ ﻳﻮﻡ
ﻣﺴﺤﺖ ﺩﻣﻮﻋﻬﺎ ﻭﻫﺪﻳﺘﻬﺎ ﺭﺩﺩﺕ ﻭﻣﻦ ﻃﺒﻴﺘﻴﻠﻲ ﻃﺒﺘﻠﻲ ﺍﻟﺒﺮﻛﻪ ﻭﺭﺟﻌﻠﻲ ﺍﻟﺒﻴﺖ ﺣﺒﻴﺒﺘﻲ ﻟﺘﻨﻘﻬﺮﻳﻦ ﺍﻟﺮﺍﺡ ﺭﺍﺡ ﺳﻜﺘﺖ ﻭﺟﺮﺕ ﺣﺴﺮﻩ ﻛﺎﻟﺖ
ﺍﺭﻳﺪ ﺍﺯﻭﺭﻩ ﻣﺎﺍﻧﺪﻝ ﻭﺣﺪﻱ ﺗﺎﺧﺬﻳﻨﻲ
ﺍﻱ ﺑﺲ ﻳﺼﻴﺮﻟﻲ ﻣﺠﺎﻝ ﻧﺮﻭﺡ
ﺳﻜﺘﻨﺎ ﻭﺍﻣﻲ ﺗﻤﺪﺩﺕ ﻏﻄﻴﺘﻬﺎ ﻭﺍﺑﺎﻭﻉ ﻋﻠﻴﻬﺎ ﺑﻘﺖ ﻋﻠﻴﺞ ﺍﻟﺪﻧﻴﺎ ﻣﻠﻬﺎ ﺗﻜﻔﺦ ﺑﻴﻪ ﺳﻨﺪ ﺑﺤﻀﻨﻲ ﺗﻤﺪﺩﺕ ﻋﺎﻟﻘﻨﻔﻪ ﻣﺴﺪﺕ ﻋﻠﻰ ﺭﺍﺳﻬﺎ ﻫﻤﺴﺖ ﻛﻮﻣﻲ ﻧﺎﻣﻲ ﻣﺎﻣﺎ
ﺍﺭﻳﺪ ﺍﺑﻘﻰ ﻳﻤﺞ
ﺍﻧﻲ ﺷﻮﻥ ﺍﻟﻴﻮﻡ ﺑﺪﻋﺎﺀ ﺍﻟﻜﺮﻭﺍﻥ ﺷﺒﻴﻜﻢ ﻛﻠﺒﺘﻮﻫﺎ ﺣﻨﻴﻪ
ﺭﻧﺪ - ﺩﻛﺖ ﺍﻟﻮﺣﺪﻩ ﻭﺻﻮﺕ ﺍﻟﺴﺎﻋﻪ ﺍﻋﻠﻦ ﻫﺎﻟﺸﻲ
ﺩﻙ ﻓﻮﻧﻲ ﻣﺴﻜﻮﻝ ﺷﻠﺘﻪ ﺷﻔﺖ ﻋﻤﻮ ﺣﻴﺪﺭ ﻓﺰﻳﺖ ﻛﻌﺪﺕ ﻋﺪﻝ ﺑﻌﺪﻣﺎ ﺟﻨﺖ ﺍﺗﻮﺳﻞ ﺑﺮﻭﺣﻲ ﺍﻧﺎﻡ ﺩﻛﻴﺘﻠﻪ ﺭﻓﻀﻨﻲ ﻭﺭﺟﻊ ﺩﻙ
ﺍﻟﻮ . ﻋﻤﻮ
ﻫﺎ ﺭﻧﻮﺵ ﻛﺎﻋﺪﻩ
ﺍﻱ ﺧﻮﻣﺎﻛﻮ ﺷﻲ
ﻣﺘﻜﺪﺭﻳﻦ ﺗﻨﺎﻣﻴﻦ ﻣﻮ
ﻫﺎ ﺍﻱ ﻭﺍﻟﻠﻪ ﺷﻮﻱ ﻗﻠﻘﻪ ﻋﻠﻤﻮﺩ ﺑﺎﺟﺮ
ﻋﻤﻮ ﻛﺎﻋﺪﻳﻦ ﻟﻮ ﻧﺎﻳﻤﻴﻦ
ﻛﺎﻋﺪﻳﻦ ﺑﻴﺒﻲ ﻭﺳﻨﺪ ﺩﻳﺘﻔﺮﺟﻮﻥ ﺑﺮﻩ
ﺍﻣﺞ ﻧﺎﻳﻤﻪ
ﻭﺍﻟﻠﻪ ﻣﺎﺩﺭﻱ ﺍﺷﻮﻓﻬﺎ ﺍﻟﻚ
ﻻﻻ ﻣﻴﺤﺘﺎﺝ ﺍﻧﻲ ﺩﺍﻙ ﻋﻠﻴﺞ
ﻫﺎ ﻋﻤﻮ ﻛﻮﻝ
ﺗﻔﺘﺤﻴﻠﻲ ﺍﻟﺒﺎﺏ ﺩﺍﺷﻮﻓﺞ ﺷﻲ
ﻓﺰﻳﺖ ﺷﻨﻮ ﻋﻤﻮ ﻃﻠﻌﺖ ﻣﻦ ﺍﻟﻐﺮﻓﻪ ﻟﻜﻴﺖ ﻣﺎﻣﺎ ﻛﺎﻋﺪﻩ ﻫﻲ ﻭﺳﻨﺪ ﺍﻟﺘﻠﻔﻮﻥ ﻋﻠﻰ ﺍﺫﻧﻲ ﻛﺎﻝ ﻫﺎﻱ ﻛﺎﻋﺪﻳﻦ
ﺍﻧﻲ ﻭﺻﻠﺖ ﻟﺒﺎﺑﻜﻢ
ﻫﺴﻪ ﻃﻠﻌﺘﻠﻚ ﻣﺎﻣﺎ ﻛﺎﻟﺖ ﻭﻳﻦ . ﻣﻨﻮ ﺍﺟﻪ
ﺍﺍﻋﻤﻮ ﺣﻴﺪﺭ
ﺷﻜﻮ ﺷﻴﺮﻳﺪ . ﺳﺎﻋﻪ ﻭﺣﺪﻩ
ﻣﺎﺩﺭﻱ ﻛﻠﻲ ﺍﺭﻳﺪﺝ
ﻏﺎﺩﻩ - ﻓﺰﻳﺖ ﻭﺳﻨﺪ ﻫﻢ ﻛﺎﻣﺖ
ﺭﻧﺪ - ﻭﺻﻠﺖ ﻟﻠﺒﺎﺏ ﻓﺘﺤﺘﻬﺎ ﺑﻬﺪﻭﺀ ﺷﻔﺘﻪ ﻭﺭﻩ ﺍﻟﺒﺎﺏ ﻣﺒﺘﺴﻢ ﺗﻠﻔﻮﻧﻪ ﺑﻴﺪﻩ ﻛﺎﻝ
ﻫﻼﻭ
ﻫﺎ ﻋﻤﻮ ﻫﻠﻮ ﺗﻔﻀﻞ ﻭﻛﻒ ﺑﺎﻟﺒﺎﺏ ﻳﺒﺘﺴﻢ ﺷﺎﻑ ﻣﺎﻣﺎ ﺑﺎﻟﺒﺎﺏ ﻣﺎﻝ ﻣﻄﺒﺦ ﺍﻟﺪﺍﺧﻠﻲ ﻋﺎﻛﺪﻩ ﺣﺎﺟﺒﻬﺎ ﺑﺎﻭﻋﻠﻲ ﺭﺍﺳﻦ
ﺷﻜﻮ ﻛﻌﺪﺗﻲ ﺍﻣﺞ
ﻫﻲ ﻛﻌﺪﺕ ﻭﺍﻟﻠﻪ ﺷﺒﻴﻚ ﻋﻤﻮ
ﺍﺑﺘﺴﻢ ﺑﺎﻭﻋﻠﻲ ﻭﺑﺎﻭﻋﻠﻬﺎ . ﻋﺪﻟﺖ ﺭﻭﺑﻬﺎ ﻭﺗﻘﺪﻣﺖ ﺗﺠﺎﻫﻨﺎ ﻭﺳﻨﺪ ﻭﺭﺍﻫﺎ
ﺭﻧﺪ - ﺷﺎﻝ ﻓﻮﻧﻪ ﻛﻠﺐ ﺑﻲ ﻳﺒﺘﺴﻢ ﻭﺍﻧﺪﺍﺭ ﻭﺭﺍﻩ ﻛﻌﺪ ﻋﻠﻰ ﺩﺟﻪ ﺍﻟﻤﺎﻃﻮﺭ ﻛﺎﻝ
ﺗﻌﺎﻱ ﻳﻤﻲ ﻛﻌﺪﺕ ﺑﺼﻔﻪ ﻣﺪﺍﻡ ﺩﻳﺒﺘﺴﻢ ﻛﺒﺮ ﺍﻟﺼﻮﺭﻩ ﻭﻃﺎﻧﻲ ﺍﻟﻔﻮﻥ ﻭﺣﺎﻭﻁ ﻛﺘﻔﻲ ﺑﺜﻜﻞ ﻭﻳﺒﺎﻭﻉ ﺑﻮﺟﻬﻲ ﺍﻧﻲ ﻋﻴﻦ ﻋﻠﻴﻪ ﻭﻋﻴﻦ ﺑﺎﻟﺘﻠﻔﻮﻥ
ﻭﺍﻧﺘﺒﻪ ﻋﻠﻰ ﺍﺳﻤﻲ
ﺭﻧﺪ ﻋﻘﻴﻞ
ﻣﻮﻫﻮﺑﻴﻦ ﺑﻐﺪﺍﺩ
٨٩ ﻭﺍﺭﺑﻊ ﺍﻋﺸﺎﺭﻏﻄﻴﺖ ﻭﺟﻬﻲ ﺑﻴﺪﻱ ﺑﺠﻴﺖ ﺑﻘﻬﺮ ﻭﻫﻮ ﻳﻀﺤﻚ
ﻛﺎﻝ
ﻣﺒﺮﻭﻙ ﻋﻤﻮ ﻣﺒﺮﻭﻙ ﺫﻳﺒﻪ ﻓﻬﺪ ﺍﻟﻴﻮﻡ ﺭﻓﻌﺘﻲ ﺭﺍﺳﻪ ﻭﺭﺍﺱ ﺍﻣﺞ
ﺯﺍﺩﺕ ﺷﻬﻜﺘﻲ ﺗﻘﺮﺑﺖ ﻣﺎﻣﺎ ﻣﻨﻲ ﻛﺎﻟﺖ ﻣﺸﺪﻭﻫﻪ
ﺷﻜﻮ
ﻭﻛﻔﺖ ﻭﺣﻀﻨﺘﻬﺎ ﺗﻤﺴﺪ ﻋﻠﻰ ﺭﺍﺳﻲ ﻭﻋﻤﻮ ﻛﺎﻟﻠﻬﺎ
ﻧﺘﻴﺠﺘﻬﺎ ﻃﻠﻌﺖ ﻣﻌﺪﻟﻬﺎ 89 ﻭﺍﺭﺑﻊ ﺍﻋﺸﺎﺭ ﻳﻌﻨﻲ ﻳﺪﺧﻠﻬﺎ ﻃﺐ ﺑﻐﺪﺍﺩ
ﻣﺎﻣﺎ ﺷﻬﻜﺖ ﻭﻗﻮﺕ ﺣﻀﻨﻬﺎ ﻭﺗﺮﺩﺩ
ﺳﻮﻳﺘﻴﻬﺎ ﺭﻧﺪ ﺳﻮﻳﺘﻴﻬﺎ ﺩﻛﺘﻮﺭﺭﻩ ﻳﺮﻭﺡ ﺍﻣﺞ
ﺭﻧﺪ - ﻛﻤﺖ ﺍﻛﻤﺰ . ﻣﺪﺍﺻﺪﻙ ﻭﻻ ﺷﻨﻮ ﻣﺪﺍﺻﺪﻙ ﻟﻠﻌﺪ ﻭﻳﻦ ﻳﺮﻭﺡ ﺍﻟﺘﻌﺐ ﻣﺴﺤﺖ ﺩﻣﻮﻋﻲ ﻭﻋﻤﻮ ﻳﻜﻮﻝ
ﺷﺘﺮﻳﺪﻳﻦ ﻫﺪﻳﻪ .
ﻏﺎﺩﻩ - ﺑﺎﻭﻋﺘﻠﻪ ﻣﺘﻔﺎﺟﺎﻩ ﻣﺸﻜﻮﺭ ﻣﺘﻘﺼﺮ ﻫﺎﻫﻲ ﺍﻟﺪﻧﻴﺎ ﻟﻴﻞ ﺗﻴﺴﺮ ﺗﻮﺻﻞ ﺑﺴﻼﻣﻪ
ﺍﻋﺘﺬﺭ ﺟﺎﻱ ﻫﺎﻟﻮﻛﺖ ﺑﺲ ﻣﻜﺪﺭﺕ ﺍﺻﺒﺮ ﻟﻠﺼﺒﺢ ﻭﺍﻧﻲ ﺍﺗﺨﻴﻞ ﻓﻬﺪ ﻟﻮ ﻋﺎﻳﺶ ﺷﻴﺴﻮﻱ
ﻏﺎﺩﻩ - ﻧﺼﻴﺖ ﺭﺍﺳﻲ ﻭﺍﺗﺬﻛﺮ ﻣﻦ ﺟﺎﻥ ﻳﻜﻮﻝ ﻟﺞ ﻫﺎﻱ ﺗﻮﺻﻞ ﻭﺗﺎﺧﺬ ﺣﻘﺞ ﻫﺰﻳﺖ ﺭﺍﺳﻲ ﻣﺒﺘﺴﻤﻪ
ﺭﻧﺪ - ﺍﺭﻳﺪ ﺍﺭﻭﺣﻠﻪ ﺍﺭﻳﺪ ﺍﺯﻭﺭﻩ ﻣﺎﻣﺎ ﻓﺪﻭﻩ ﻭﺩﻳﻨﻲ ﺍﺭﻳﺪ ﺍﻛﻮﻟﻪ ﺣﻘﻘﺖ ﺣﻠﻤﻚ ﻭﺣﻠﻤﻲ
ﺣﻴﺪﺭ - ﺗﺮﺩﻭﻥ ﺍﻭﺩﻳﻜﻢ ﺑﺎﺟﺮ ﻣﺎﻋﺪﻱ ﻣﺎﻧﻊ ﺍﻟﺼﺒﺢ ﻧﻄﻠﻊ ﺍﻣﻲ ﻫﻢ ﺗﺮﻳﺪ ﺗﺰﻭﺭ ﺍﺑﻮﻳﻪ
ﺭﻧﺪ - ﻣﺎﻣﺎ ﺍﺭﻳﺪ ﺍﺭﻭﺡ
ﻏﺎﺩﻩ - ﺍﻧﻲ ﺍﺧﺬﺝ ﻣﺎﻣﺎ
ﻣﺎﻣﺎ ﺍﺭﻳﺪ ﻭﻱ ﻋﻤﻮ ﻓﺪﻭﻩ
ﻏﺎﺩﻩ - ﺿﻞ ﻳﺒﺎﻭﻋﻠﻲ ﻭﻳﺒﺎﻭﻋﻠﻬﺎ . ﻳﻨﺘﻀﺮ ﺭﺩ ﻣﻨﻲ ﺟﺎﻭﺑﺖ ﻣﺎﻳﺴﻪ
ﻣﺎﺷﻲ ﺍﺑﺘﺴﻢ ﻭﻧﺼﻪ ﻃﻠﻌﺖ ﺍﻣﻲ ﺗﻤﺸﻲ ﻣﻜﺘﻔﻪ ﺍﻳﺪﻫﺎ
ﺧﻮﻣﺎﻛﻮ ﺷﻲ ﻳﻤﻪ ﺷﺒﻴﻜﻢ ﺑﺎﻟﻄﺮﻣﻪ ﺗﻌﺎﻟﻮ ﻓﻮﺗﻮ
ﺣﻴﺪﺭ - ﺷﻮﻧﺞ ﻳﻤﻪ
ﻭﺗﻘﺮﺏ ﺑﺎﺳﻬﺎ ﻣﻦ ﺭﺍﺳﻬﺎ ﻋﺴﺎﺝ ﺑﺨﻴﺮ
ﺍﻟﺤﻤﺪ ﻟﻠﻪ ﺑﺎﻭﻋﺘﻠﻪ ﻭﺗﺒﺎﻭﻉ ﻋﻠﻴﻪ ﺍﺑﺘﺴﻢ ﻛﻠﻬﺎ ﻣﺘﺬﻣﺮﺗﻴﻨﻲ ﺧﺎﻟﻪ
ﻳﻤﻪ ﻣﺪﺭﻱ ﻭﻳﻦ ﺷﺎﻳﻔﺘﻚ
ﺗﺬﻛﺮﻱ ﺯﻳﻦ
ﺍﺑﺘﺴﻤﺖ ﻛﺎﻟﺖ ﻭﻻﺍﺫﻛﺮ
ﺧﺎﻟﻪ ﺍﻧﻲ ﻭﺣﺴﻴﻦ ﺍﻟﺰﻗﺞ ﺟﻨﺘﻲ ﺗﺼﻴﺤﻲ
ﻛﺎﻟﺖ ﺷﺎﻫﻜﻪ
ﻳﻤﻤﻪ ﺻﺤﺒﺎﻥ ﻓﻬﻮﻭﺩﻱ ﺳﻮﺩﻩ ﺑﻮﺟﻬﻲ ﺳﻨﻴﻦ ﺻﺎﺭ ﻣﻦ ﺍﺧﺮ ﻣﺮﻩ ﺷﻔﺘﻚ ﺑﺲ ﺣﺴﻴﻦ ﺷﻔﺘﻪ ﺑﺎﻟﻌﺰﻩ ﻳﺠﻴﺐ ﻭﻳﺤﻂ
ﺟﺮ ﻧﻔﺲ ﻭﺭﺩﺩ ﺍﻋﺮﻑ ﺣﺠﻴﻪ ﺍﻋﺮﻑ ﺭﺣﻤﻪ ﺍﻟﻠﻪ ﻋﺮﻭﺣﻪ ﺷﻮﻧﻬﺎ ﻋﺎﻓﻴﺘﺞ
ﻭﺍﻟﻠﻪ ﻳﻢ ﺍﻟﻠﻪ ﺷﺬﻛﺮﻙ ﺑﻴﻨﺎ
ﻏﺎﺩﻩ - ﻳﻤﻪ ﻫﺬﺍ ﻣﻌﺮﻓﺖ ﺷﻜﻮﻝ ﻋﻠﻴﻪ . ﺍﺣﺠﻲ ﻭﻣﺎﺑﺎﻭﻋﻠﻪ . ﻛﻠﺖ . ﻫﺬﺍ ﺍﻟﻌﻘﺪ . ﻋﻠﻴﻪ ﻣﺪﻳﺮﻱ ﻧﻔﺴﻪ
ﻳﺎﺍﺍ ﺳﺒﺤﺎﻥ ﺍﻟﻠﻪ ﺑﺎﻉ ﺍﻟﺼﺪﻑ ﺭﺑﺞ ﺑﻌﺪ
ﺣﻴﺪﺭ - ﻫﺴﻪ ﺑﺎﺟﺮ ﺍﻟﺼﺒﺢ ﺭﻧﻮﺵ ﻋﻤﻮ
ﺭﻧﺪ - ﺍﻱ ﻣﺎﻣﺎ ﺣﺒﺎﺑﻪ
ﺍﺧﺬ ﺍﻣﻲ ﻭﻳﺎﻳﻪ ﻭﻧﺎﺣﺮ ﺳﻴﺎﺭﻩ ﻣﺸﻜﻮﺭ ﻣﺘﻘﺼﺮ ﺑﺎﻭﻋﺘﻠﻪ ﻭﻧﺼﻴﺖ ﺍﺷﺮﺕ ﻟﺮﻧﺪ ﻓﻮﺗﻲ ﻟﻠﺒﻴﺖ
ﺍﺍﻧﻲ ﻃﺎﻟﻊ ﺑﺎ ﺟﺮ ﻃﺎﻟﻊ ﻃﺎﻟﻊ ﺧﻮ ﻭﻳﺎﻳﻪ ﺳﻴﺎﺭﻩ ﻣﻮﺣﻮﺩﻩ
ﺳﻜﺘﺖ ﺟﺮﻳﺖ ﻧﻔﺲ ﺿﻴﻖ ﻭﺛﺎﻗﻪ ﺣﻴﻞ ﻏﻤﻀﺖ ﺳﻨﺪ ﻣﺎﻟﺖ
ﺍﻧﻲ ﻫﻢ ﺍﺭﻳﺪ ﺍﺯﻭﺭ ﺧﺎﻟﻮ ﺑﺎﻭﻋﺘﻠﻪ ﻳﺒﺘﺴﻢ ﺑﻔﺮﺡ ﻭﻳﺒﺎﻭﻉ ﻟﻠﺒﻨﺎﺕ ﺑﺎﻭﻋﺘﻠﻪ ﺑﻌﺘﺐ ﺭﺍﺣﺖ ﺿﺤﻜﺘﻪ ﻭﻧﺼﻪ ﻛﺎﻝبيج قصص عراقيه حقيقيه من واقعنا.روعه الطائي
ﻳﻠﻪ ﺍﺧﺬﻭ ﺭﺍﺣﺘﻜﻢ ﺑﺎﺟﺮ ﺭﺩﻭﻟﻲ ﺧﺒﺮ ﻗﺒﻞ ﺍﻝ٨ ﺍﺳﻔﻴﻦ ﻋﺎﻻﺯﻋﺎﺝ ﺑﺲ ﺭﺩﺕ ﺍﺷﻮﻑ ﺍﻟﻔﺮﺣﻪ ﺑﻌﻴﻨﻬﺎ
ﺭﻧﺪ - ﺷﻜﺮﺍ ﻋﻤﻮ ﺍﺑﺘﺴﻢ ﺗﻘﺮﺏ ﺑﺎﺳﻨﻲ ﻣﻦ ﺭﺍﺳﻲ ﺑﺘﺮﺩﺩ ﻭﺑﺎﻭﻉ ﺑﻌﻴﻨﻲ ﻣﺒﺘﺴﻢ ﻫﻤﺲ ﻣﺒﺮﻭﻙ ﺩﻛﺘﻮﺭﻩ
ﻳﻠﻪ ﺍﺗﺮﺧﺺ
ﺭﻧﺪ - ﻭﻛﺎﻧﻤﺎ ﺧﺎﻟﻮ ﺭﺟﻊ ﻭﻓﺮﺣﺎﻥ ﻟﻔﺮﺣﻲ ﻭﻛﺎﻧﻪ ﺭﻭﺣﻪ ﺗﻠﺒﺴﺖ ﺭﻭﺡ ﻋﻤﻮ ﺣﻴﺪﺭ ﺟﺎﻳﻴﻨﻲ ﺑﺎﻟﻮﺣﺪﻩ ﺑﺎﻟﻠﻴﻞ ﻳﺸﻮﻑ ﻓﺮﺣﺘﻲ ﺑﻌﻴﻨﻲ ﺭﺍﺡ ﻭﺳﺪﺕ ﻣﺎﻣﺎ ﺍﻟﺒﺎﺏ ﻃﺒﺖ ﻧﺘﺮﺕ
ﻣﺎﺭﻭﺡ ﺑﺎﺟﺮ ﻭﺍﻟﻤﻮﻭﻭﺿﻮﻉ ﻳﻨﺴﺪ
ﻏﻤﻀﺖ ﻭﻃﺒﻴﺖ ﺗﻤﺪﺩﺕ ﺑﻐﺮﻓﺘﻲ ﺑﺮﺍﺣﻪ ﺩﻙ ﺗﻠﻔﻮﻧﻲ ﺭﻓﻌﺘﻪ ﺭﺍﺳﻦ ﺳﻴﺮﻭﺍﻥ
ﺭﺩﻳﺖ
ﺍﻟﻮ
ﻫﻠﻮ ﺭﻧﺪ ﻛﺎﻋﺪﻩ ﻟﻮ ﻧﺎﻳﻤﻪ
ﻻ ﻛﺎﻋﺪﻩ
ﺯﻳﻦ ﻟﻌﺪ ﺳﻤﻌﻲ ﺍﻧﻲ ﻭﺧﺎﻟﻮ ﻫﻨﺎ ﺭﺩﺕ ﺍﺑﺸﺮﺝ
ﺍﺩﺭﻱ ﺍﻋﺮﻑ ﻫﻬﻬﻬﻬﻬﻬﻪ ﺍﻋﺮﻑ ﺗﻮﻩ ﺭﺣﻞ ﻣﺎﻣﺎ ﺟﺎﺑﻬﺎ
ﻻﺍﺍ
ﻣﺒﺮﻭﻙ ﻋﻤﻮﻭﻭ
ﺷﻜﺮﺍ ﻋﻤﻮ ﺣﺒﻴﺒﻲ
ﻣﺒﺮﻭﻙ ﺩﻛﺘﻮﺭﻩ ﺣﺒﻴﺒﺘﻲ
ﻛﺎﻟﻬﺎ ﻭﺑﺠﻪ
ﺍﻱ ﻋﻤﻮ ﻟﻴﺶ ﺗﺒﺠﻲ
ﻓﺮﺣﺎﻥ ﺑﻴﺞ ﻋﻤﻮ
ﺷﻜﺮﺍ ﺍﻟﻚ ﺳﻴﺮﻭﺍﻥ ﻛﺎﻝ
ﺗﺠﻴﻦ ﺑﺎﺟﺮ
ﻻ ﻣﺎﺍﻛﺪﺭ ﺍﺭﻭﺡ ﻟﺨﺎﻟﻮ ﺑﺎﺟﺮ
ﻫﺎ ﺍﻭﻙ ﺷﺘﺮﻳﺪﻳﻦ ﻫﺪﻳﻪ
ﻫﻬﻪ ﻣﻨﻚ ﺍﺭﻳﺪ ﻃﻴﺎﺭﻩ
ﺍﻡ ﺍﻟﻒ ﻭﺭﺑﻊ ﻏﻴﺮ ﻫﻬﻬﻬﻬﻪ
ﻫﻬﻬﻪ ﻛﺘﻠﻪ ﺑﻜﻠﺒﻲ ﻃﻴﻬﺎ ﻻﻣﻚ ﻫﺎﻱ ﻫﻬﻬﻪ
ﻧﻬﻴﺖ ﺍﻻﺗﺼﺎﻝ ﺍﻟﺘﻔﺘﺖ ﻟﻜﻴﺖ ﻣﺎﻣﺎ ﻭﺭﺍﻳﻪ ﺗﺒﺘﺴﻢ ﺳﻮﻳﺘﻠﻬﺎ ﻣﻜﺎﻥ ﺍﺣﺲ ﺍﻟﻴﻮﻡ ﺍﺭﻳﺪ ﺍﺣﺼﻨﻬﺎ ﻭﺍﻧﺎﻡ ﻧﺎﻣﺖ ﻳﻤﻲ ﻭﻏﻤﺮﺕ ﺭﺍﺳﻲ ﺑﺮﺍﺣﻪ ﺑﺤﻀﻨﻬﺎ ﺑﺎﺳﺘﻨﻲ ﻣﻦ ﺭﺍﺳﻲ ﻭﻧﻤﺖ ---
ﻳﺘﺒﻊ
ﻧﻠﺘﻘﻲ ﻣﺴﺎﺀ ﺍﻟﺴﺒﺖ ﺍﺣﺒﺘﻲ
ﻣﺮﻳﻢ ﺍﻟﺴﻌﺪﻱ