اجساد عاريه
الكاتبه زهراء السداوي
ها يروحي لملمي شعدج محنه وغني لليسمع
غناج مسافرين
ونطي للمايسوه مكفه شفاد
من اطيتي عين
ابلا وداع بليل طلعي
خاف منهم تستحين
هيه ليله وثاني ليله
وراح اوعدج تنسين
هاي وأدم تفكد الشابعها ذله
ابد ماتفكد حنين ❤️🥺
لطفآ تصويت تفاعل بين الفقرات
كعدت لصبح من غبشه كلبي يدك بقوه ه اريد اطلع
واخلص وانقذ روحي العزيزه استحيت اكعدت عمتي
واكوليها يلا اخذيني فوك ماهيه ماخذتني بيدها
بقيت كاعدع ع نار اريد بس تكعد طلعت ع كيف
امشي رحت لحمام غسلت ولاميت شعري ورجعت
اباوع لساعه ثمانيه حصير وبعدهن نايمات خفت
يكعد ويشوفني اروح كلت خل اكعدها ونطلع قبل
لايكعد .....
غفران بهمس - عمه عمه صار الصبح
ام مهدي - ها يمه شبيج كاعده من غبشه
غفران - صارت لساعه ثمانيه اسويلج ريوك
ام مهدي - لايمه ارتاحي اني اسوي
غفران - لا عمه صدك جذب هو شريدله جاي وبيضات
رحت بسرعه سوته واخذت لصنيه لغرفه وكعدت
تتريك ماتريكت ماشتهي لعسل خلصت وجان تكول
ام مهدي - ها يمه تريحن لاهلج لو غيرتي رائيج
غفران - لا عمه دخيلج شغيرة رائي هو اني اريد
اخلص منه والله تعبني وماعد عندي طاقه
ام مهدي بحزن - اخ تالي عمرك هجي تكسرني
حسافة لتعب والضيم صخمت وجهي بين لناس
شكول عليك غير الله يهديك
غفران - الله كريم عمه
ام مهدي - روحي بنيتي لمي ملابسج وذهبج خاف
يبيعه من يشوفه موجود
غفران - ماريد كولشي خاف يكعد اروح بطرك
دهداشتي
ام مهدي - لايمه ميصير زحمه من اهلج روحي لمي
غريضاتج وذهباتج
أنت تقرأ
اجساد عاريه
General Fictionثلاث خوات كل منهن قصه مختلفه شاء القدر أن تتغير حياتهن راسآ على عقب بسبب الضروف القاسيه يجبرنا على افعال اشياء ليس برغبه لهن بفعلها لكن الضروف اقوء بكثير هل للقدر رأي آخر الكاتبه زهراء السداوي أجساد عاريه & القصه حقيقيه
