بعد ما خرجت وسابتهم ركبت عربيتها ولكن قبل ما تمشى شافت ليث
ليث : رايحه فين
ملاك بتنهيده : عايزه اكون لوحدى
ليث : انت كويسه
ملاك بصتله وحابسه الدموع فى عينها : ايوه بس بجد عايز ابقى لوحدى
ليث : ماشى ماتتاخريش وخدى بالك من نفسك .. معاكى سلاحك؟؟
ملاك : اه مع ان مش محتجاه ماانت عارف
ليث بضحك : ماشى يا حيه اشوفك فى البيت
ملاك بابتسامه : اممم سلام .. ومشيت فخرجو الكل
ايهم : هى رايحه فين
ليث بصله بقرف ومشى وريان وماهى وهنا ونحور وراه وسايبين ايهم شارد
وصلت لمكان معزول امام البحر فخرجت من عربيتها ووقفت على الشط والمياه تلمس قدماها فغمضت عيونها وفجاه وقعت على ركبتها وبدات تصرخ وتعيط بهيستريه ( لسبب هنعرفه بعدين ) سيبتونى لييه لييييه انا محتجاكو كلنا محتاجينكو لييييه سيبتوونا اهئ اهئ انتو كنتو حياتنا كنتو امنا وابونا لسه لحد دلوقتى فاكره ازاى حبيتو بعض واعترفتو لبعض وفاكره كلمتكو ليا لما حكتلكم على اللى ايهم عمله وقولتو ان هو كان بيحافظ على مستقبلى ولما اخلص ارجعله بس اهئ اهئ وضربت ايدها ف حجر فانجرحت بس مش قادره اعيش من غيركو انا من ساعه موتكو وانا وحيده وبقيت قاسيه وبارده وليث وهنا وريان وماهى بيحاولو يتماسكو ويعوضونى عنكم بس والله هجيب لكم حقكم وده وعد من الحيه .. راحت جابت من عربيتها ازازه فيها خم*ه وقعدت تشربها لكى تنسى ولكن هى بالفعل نست ان هناك رب يراها ويغضب مما تفعله وبعد فتره ركبت عربيتها واتجهت للقصر
كان الكل جالس مستنى رجوع ملاك
ايهم : لا كده كتير هى اتاخرت ليه كده
ليث بسخريه : لا مهتم اووى
ايهم بعيون تحولت للاحمر : انت مااالك وبعدين دى غلطتك ازاى تسيبها كدا
ليث بحزن : انت ماتعرفش حاجه فاسكت
هنا : هى كانت بتعيط
ليث : عينها كنت محبوسه دموع عشان كدا سيبتها هى محتاجه تبقى لوحدها
سما بقلق : مالها بنتى
ريان لسه هيتكلم دخلت ملاك وعينها حمره وانفها وشفايفها حمره وايدها بتنزف
سما بخضه : بنتى وراحت تحضنها
ملاك بعدتها قبل ماتلمسها فاستغربو فقالت بدون وعى : انا مش بنتك لانى لو كنت بنتك كنتى حسيتى باللى هنا ( وشاورت على قلبها ) وعرفتى باللى عانيت بيه هم كانو اوبا وامى ومستقبلى واخواتى وكل حاجه فى دنيتى وضحكت بدموع وسخريه بس شكلى اى حد بحبه بيبعد عنى وبصت لايهم اللى بص فى الارض فورا فضحكت وطلعت على السلم بس من وقت موتهم و بقيت وحيده .. وطلعت اوضتها تاركه الكل باصص على اثرها بصدمه الا فريقها
