بـكـل الـســبـل

«الجزء الثامن»

لكن عدتُ لا أشعر بشيء
فتحت عيني فوجدت خالتي تمسك بيدي وفارس يصرخ في الطبيب ولؤي جالس على الارض بجانب السرير مديراً ظهره منكس الرأس.
في البداية لم أسمع أي صوت لكن كل الاصوات ظهرت فجأة ، أصابت القشعريرة جسدي فانتفضت.

هب الجميع نحوي ماعدا شخص واحد كان يقف عند الباب إنها أمينة (والدة لؤي وعشيقة أبي)
استنتجت الآن لمَ تكرهني لهذا الحد و لمَ لم يتزوجها والدي حتى الآن ؛ لأنها متزوجة بالفعل وتنتظر أن يلقى زوجها حتفه حتى تستولي على المال من ثم تفعل ما يحلو لها ولعلها هي السبب في مرض زوجها فربما تدس له السم او شيء من هذا القبيل.

بعد يومين في الساعة الواحدة صباحاً الجميع نيام ماعداي ؛ فلم يعد النوم يزورني
ناديت:- لؤي...يا لؤي
فتح عينيه ببطء متثاقلاً ثم هب إليّ مسرعاً:-مالك؟ انتي كويسة ؟...في حاجة؟
–انت قابلت بابا صح؟ أنا عايزه اشوفه ،عايزه أعرفه وأساله عن حاجات كتير
–طب نامي دلوقتي والصبح نتكلم
–لأ،مش عايزه فارس يسمعنا أو يعرف حاجه
–بس احنا هنجيبه منين ؟!
–معرفش بس عايزه اشوفه. ووضعت يدي على قلبي خرجت مني أاااه لم تستطع كتمها
ضمني إلى صدره:- أد كده موجوعة؟
–مش عارفه كل اللي بيحصل معايا ده ليه؟ أقرب الناس ليا كسروني وبيتمنوا موتي....تعبت يا لؤي تعبت
وظللت أبكي حتى نمتُ بين ضلوعه 

في اليوم التالي
_الـــلـــه هدية! فيها ايه؟
_افتحيها
_ قطة هاااااااااااااي
لؤي:-يعني مقولتليش انها بتحب القطط !
فارس بثقة:-نقطة ليا
جنة بابتسامة بريئة:-استنوا أنا اللي هحسم
فارس:-من لقى أحبابه نسى صحابه...يبقى لؤي كسب قبل ما نبدأ خلاص
فضحكتْ:- عيب عليك ،دا انت أخويا بردو
فارس:-أمال مش حاسس ليه؟
لؤي:-دوري. وأشار إلى أسفل السرير:-بصي تحت كده
نظرت ورفعت رأسها ثم نظرت ثانية ورفعت رأسها:-لا لا....جيتار!
لؤي:-انزلي شوفيه
ظلت تنظر له طويلاً ، بدأت تتحسسه ،فتحته وبدأت تمرر يدها على أوتاره فخرجت نغمات غير متناسقة
رفع لؤي وفارس حاجبيهما ولكنها لم تراهم بل كانت غارقة في الأحلام ولم تنتبه لما تُحدثه من جلبة ولكنهما انهما تركاها حتى فرغت
فارس:-كده عرفنا مين الكسبان. جنة:-أنا......أنا اللي كسبت لأن عندي شخصين زيكو، عوضوني عن كل اللي اتحرمت منه....انا بحبكوا أوي

-----------------------------

بعد خروجي من المستشفى وحاولت البحث عن أبي و أن أعرف كل ما حدث بمساعدة جميلة التي عادت من سفرها لتستقر في مصر

جميلة:- طب انتِ ليه محكتيش للؤي على موضوع مامته ده؟
جنة:-انتي مجنونة يعني أقوله هنحضر فرح بابايا ومامتك قريب؟!
–امال هتعملي ايه؟
–أنا قرأت مذكراته بس دي كانت لحد تاريخ ما سافر الكويت بس.... مش عارفة ايه اللي حصل بعدها؟
–طب هي ليه متطلقتش واتجوزوا من زمان؟
–مش عارفة الموضوع معقد اوي...
شردت قليلاً ثم أكملت:-عـــارفــه! أنا شوفت بابا
–بجد! فين؟
–على كاميرا المراقبة بتاعة لؤي لما راح ليه البيت....مش عارفه بيعمل معايا كده ليه؟ عارفه! محسيتش بأي حب أو عطف من ناحيته ولا حسيت ان ده كان بابايا في يوم من الأيام
–استني كده. واستقامت مفكرةً:- هو لو أبوكِ ومامته اتجوزوا انتِ ولؤي ينفع تتجوزوا ؟
–ايوه عادي
–طب ما تسيبك في حالك بقى ،هي مالها؟
–مش أنا أبقى بنت اللي اتجوزت حبيبها ،لازم تكرهني...سيبك اشربي العصير وكبري
صمتت قليلا ثم قالت:-إحمدي ربنا يا جنة انتِ حالك احسن من ناس كتير
رددت باستهزاء:-بجد؟ طيب.
غضبتُ واشحت بنظري لبعيد ثم أخرجت سماعات الأذن وجلست أقلب في الهاتف أبحث عن شيء أسمعه