#مُـعذبـي

الحلقه 21

مُـعذبـي

الحلقه "21"

بقلم مروان فرج
.
.
.
السلام عليكم طبعا كنت بنخلي الروايه علي 20وكانت الحلقه 20هي الاخيره بس لما قريت تعليقاتكم ولقيتكم كلكم حابين تعرفو النهايه كلها نزلت منشور ولقيت هلبا تفاعل ع النهايه فقررت اني نكملها ليكم قرراءه ممتعه ❤️👇
.
.
وقعدنا في المستشفي لعند ماجت عمتي والدكتور عطانا خروج وروحنا لحوشنا وقعدت نربي ف صغاري في حوشي ومحمد كان يساعد فياا لانهم كانو زوز ومانلحقش عليهم الزوز وبالدات في اليل محمد نسي طعم النوم بكل لانهم ديما يعطيووو🔥😅

ومشوو الايام وبدوو صغارنا يكبرو وسافرنا لتركيا وقعدنا فيها 3شهور غيرنا جونا وكانو من احلي الايام ف حياتي 🔥💋
رجعنا من تركيا ولو صغارنا عمرهم 5شهور طبعا سمينا الولد علي اسم عمي علي بوه محمد والبنت انا سميتها مهي كانت ع اسم ماما بس محمد ماكانش يعلم بشي بكل قوتلا انا خاطري ف الاسم هدا هلباا وافق محمد عليه بدون لايسال ولا شي 🔥

مرو ايام وكنت نفكر انا هل رح يجي يوم ونشوف بابا الحقيقي مره تانيه ولالا وهل زعمك الشخص يلي شفته يومها ف المنتزه يكون هوا بابا بس ليش مش قادر يمشي وبابا كان طبيعي ويمشي مافي شي 😳
قعدت متوتره هلباا وكان الموضوع هدا كل مره يكبر ف راسي وعقلي وتفكيري

كنت نبي نخبر محمد بالقصه كلها بس كنت خايفه يطلعلي منها راس موضوع ويقولي ليش ماقوتليش من البدايه ونخاف يزعل مني او هكي قولت خليها توا قعدت نربي في البيبيات هما الزوز
وكان محمد يروح بكري عشان يتغدي ويلعب معاهم ويرجع تاني بعد العصر للشركه😅🔥

لعند مافي يوم كان محمد رح يسافر لتونس وكان سفرته رح يقعد لمده 3 ايام استغليت الفرصع وقوتلا نبي نمشي لحوش اهلي ليا فتره معاش ريتهم

محمد....هههههه قصدك بتتريحي مني عارفك انا اصلا
انا....هههههم مستحيل بس انتا مسافر ونا شن بيقعدني هنا نمشي واول ماتروح تعالي ع طول وروح بياا اصلا مانقدرش نقعد من غيرك💋
محمد...وحتني ياقلبي مهم توا خلينا نتغدوو بعدين العشيه نبي نطلعوو عشان نغيرونا جونا ف العشيه اليوم ماعنديش خدمه بعد العصر

انا ..بجد تحكي كم لياا من اول ماجبت معاش طلعنا بكل
محمد....ههههه مش هكي بس نخاف ع البيبيات يمرضوو والل يصيرولهم شي بس بما النا الجو كويس اليوم شن رايك نمشوو للبحر او لمكان حلو هكي

انا...وخطر ف بالي المنتزه قولت زعمك نشوف الشخص هداكا
انا ...محمد نبي المنتزه احلي
محمد...شافلي وقرن حوابجه ليش المنتزه وانتي من المره هديكا قاعده شاده فيه
انا...هكي نحس ف روحي نتريح ف المكان هدا هلبااا
محمد....مش عارفه بس عندي البحر احلي
انا....نبي المنتزه حبيبي💋🤤
محمد...ونا نبي نمشي للدار متاعنا احلي 💋🔥
انا...هههه نمشوو قبل للمنتزه بعدين نمشو لدارنا ف اليل شن رايك
محمد....ههههه كان هكي تمام توا بنتريح ساعه ونوضني قبل العصر بشوي عشان نوتو حاجات ونمشو
انا...تمام
خش محمد ورقد ونا قعدت نوتي ف الحاجات متاعات الطلعه وكل شي ولبست عليوه ومهي وحطيتهم ف كروسات متاعهم ورتبت كل شي